ⴹⴰⵕⴰⵜ ⴰⵙⴷⴷⵉ ⵏ ⵜⵙⵏⵜⴰⵢⵉⵏ ⴳ ⵓⵙⵡⵉⵔ ⴰⵏⴰⵎⵓⵔ, ⵙ ⵜⴰⵏⴰⴹⵉⵏ ⵏⵏⵙ ⴷ ⵜⵎⵙⵙⴽⵜⵉⵜⵉⵏ ⵏⵏⵙ ⴷ ⵓⵍⴰ ⵜⵉⵖⵓⵔⵉⵡⵉⵏ ⵏⵏⵙ ⵉⵜⵜⵡⴰⵍⴰⵙⵏ ⵉ ⵜⵏⴱⴰⴹⵜ ⵜⴰⵎⵖⵔⵉⴱⵉⵜ ⵅⴼ ⵓⵙⵜⴰⵢ ⵏ ⵜⵖⵜⴰⵙⵜ ⵏ ⵜⵎⵜⵜⴰ ⵉⵎⵓⵏⵏ ⵅⴼ ⵓⵙⴱⴷⴷⵉ ⵏ ⵓⵣⵣⴳⵉⵔ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ, ⵜⵙⵙⵓⴳⵔ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵎⴰⵍⴰⵙⵙ ⴰⴷ ⴽⵔⴰ ⵏ ⵜⵓⴳⴳⴰⵣ ⵅⴼ ⵓⵙⵔⵙ ⵏ ⵉⵥⵕⵉ ⵅⴼ ⵜⵉⵔⵎⵉⵜ ⵏ ⵍⵎⵖⵔⵉⴱ ⴷ ⵜⵣⵉⴳⵣⵜ ⵏ ⵉⵙⴱⴷⴰⴷⵏ ⴷ ⵉⴱⴹⵉⵢⵏ ⵙⵡⵓⵜⵜⵙⵏⵉⵏ ⴰⴼⵔⴰⴳ ⵏ ⵓⵣⵔⴼ ⴳ ⵜⵓⴷⵔⵜ, ⴷ ⵓⵍⴰ ⵜⴰⴷⵉⵏⴰⵎⵉⵜ ⵏ ⵡⴰⵎⵓⵏ ⵏⵏⵙ ⵓⵖⵔⵉⵎ ⵏ ⵓⵏⵄⴰⵕ ⵅⴼ ⵜⵓⵙⵙⵔⴰ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ ⴷ ⵓⵙⵔⵇⴱ ⵏ ⵓⵙⵜⴰⵢ ⵏ ⵍⵎⵖⵔⵉⴱ ⴰⵙⴳⴳⵯⴰⵙ ⴰⴷ ⵅⴼ ⵜⵖⵜⴰⵙⵜ ⵏ ⵜⵎⵜⵜⴰ ⵉⵎⵓⵏⵏ ⵙⵡⵓⵜⵜⵙⵏⵉⵏ ⴰⵙⴱⴷⴷⵉ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ. ⵓⵔ ⵏⵣⵎⵉⵔ ⴰⴷ ⵏⵙⵡⵉⵏⴳⵎ, ⵏⴽⴽⵯⵏⵉ ⵏⵏⵉ ⵉⴳⴰⵏ ⵉⵎⵙⵜⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵎⴰⵣⵣⴰⵍⵏ ⵏ ⵓⵣⵔⴼ ⴳ ⵜⵓⴷⵔⵜ, ⵜⵏⵏⴰ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, "ⴳ ⵜⵣⵔⴼⵜ ⵜⴰⵎⵢⴰⴳⴰⵏⵜ ⴱⵍⴰ ⵜⵓⵙⵙⵔⴰ ⵏ ⵜⵕⵥⵉ ⵜⴰⵙⴼⴼⴰⵏⵥⴰⵢⵜ ⵏ ⵓⵣⵔⴼ ⴳ ⵜⵓⴷⵔⵜ... ⵓⵔ ⴷ ⵅⵙ ⴳ ⵓⵏⴰⴳⵔⴰⵡ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵛ ⵙ ⵓⵎⵙⴰⵙⴰ ⴷ ⵜⵓⵎⴰⵢⵜ ⵏ ⵓⴷⵓⵙⵜⵓⵔ ⵉⵎⵙⴰⵙⴰⵏ ⴰⴽⴷ ⵜⵉⵔⴰⵜ ⵏ ⵜⵎⵜⵜⵉ, ⵜⵉⵔⴰⵜ ⵏ ⵓⴳⴳⴰⵔ ⵏ 40 ⵎⵍⵢⵓⵏ ⵏ ⵓⴳⴳⵉⴷ ⴷ ⵓⵡⴰⵏⴽ ⵉⵍⵍⴰⵏ ⴳ ⵢⴰⵜ ⵜⵊⵓⵎⵎⴰ ⵢⴰⵜⵜⵓⵢⵏ 712 ⵏ ⵉⴼⴹⵏ ⵏ ⵉⴷ ⴽⵉⵍⵓⵎⵉⵜⵔ ⵏ ⵓⵎⴽⴽⵓⵥ”.

ⵉⴷⴷⴰ ⴷ ⵎⴰⵢⴰ ⵏⵏ ⴳ ⵢⴰⵏ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⴳ ⵓⵙⵖⵉⵎ ⵏ ⵜⵎⵜⵜⴰ ⵉⵎⵓⵏⵏ, ⴷⵔⵓⵏ ⴳ ⵜⵡⵓⵔⵉⵡⵉⵏ ⵏⵏⵙ ⵉⴳⵏⵙⴰⵙ ⵉⴷⵉⴱⵍⵓⵎⴰⵙⵉⵢⵏ ⴷ ⵉⵎⵓⵣⴰⵢⵏ ⴷ ⵉⵎⴳⴳⴰⵢⵏ ⵉⵣⵔⴼⴰⵏⵏ ⵉⴳⵔⴰⵖⵍⴰⵏⵏ. ⵉⴷⵔⵓ ⵓⵙⵇⵇⵉⵎ ⴳ ⵓⵏⵎⵓⵇⵇⴰⵔ ⴰⴷ ⵏⵏⵉ ⵏⵏⴰⵍⵏ ⵉⵎⵙⵙⵡⵀⵏⵏ (Facilitators) ⵏⵏⵉ ⵉⵙⵙⵓⴳⵔⵏ ⵉⵎⵛⴰⵡⴰⵕⵏ ⵅⴼ ⵜⵖⵜⴰⵙⵜ ⵏ ⵜⵎⵜⵜⴰ ⵉⵎⵓⵏⵏ (ⵓⵙⵜⵕⴰⵍⵉⵢⴰ ⴷ ⴽⵓⵙⵜⴰⵕⵉⴽⴰ), ⴷ ⵓⵍⴰ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵜⴳⵏⵙⴰⵙⵜ ⵏ ⴼⵕⴰⵏⵙⴰ ⴳ ⵏⵢⵓⵢⵓⵕⴽ, ⵙ ⵓⵙⵏⵎⴰⵍⴰ ⵏ ⵜⵎⴰⴷⴷⴰⵙⵜ ⵏ ⵎⴰⵕⵕⴰ ⵏⵏⵖ ⵉ ⵜⵓⵙⵙⵔⴰ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ, ⴷ ⵙ ⵜⵖⵓⵔⵉ ⵏⵏⵙⵏ.ⵜⵙⵙⴽⵕⵥ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴽⵉⴳⴰⵏ, ⵙ ⵢⵉⵙⵎ ⵏ ⵓⵎⵓⵙⵙⵓ ⵏ ⵉⵎⵙⵜⴰⵏⵏ ⵅⴼ ⵜⵓⵙⵙⵔⴰ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ ⴳ ⵍⵎⵖⵔⵉⴱ, ⵅⴼ ⵓⵙⵓⵖⵏ ⵏ ⵓⵙⵜⴰⵢ ⵏ ⵍⵎⵖⵔⵉⴱ ⵉⵚⴰⵃⴰⵏ ⵉ ⵜⵖⵜⴰⵙⵜ ⵏ ⵜⵎⵜⵜⴰ ⵉⵎⵓⵏⵏ ⵅⴼ ⵓⵙⴱⴷⴷⵉ ⵏ ⵓⵣⵣⴳⵉⵔ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ, ⵜⵙⴷⴷⵉⴷ ⵅⴼ ⵓⵣⴷⴰⵢ ⵏ ⵓⵏⵄⴰⵕ ⵅⴼ ⵜⵕⵥⵉ ⵏ ⵡⴰⴷⴷⴰⴷ ⵏ ⵓⴱⵀⴹ ⴷ ⵓⵙⵏⴰⴳⴰⵔ ⵏ ⵓⵏⵣⵔⴰⴼ, ⴳ ⵓⵣⵎⵣ ⵏ ⵓⵎⴹⴰⴽⴰⵕ ⵏ ⵓⵙⴳⴳⴷ ⵏ ⵜⴳⵔⵉⵡⵜ ⵜⴰⵏⴱⴽⴰⴹⵜ ⴷ ⵜⴰⵜⵜⵓⵢⵜ ⵏ ⵓⴼⵔⴰⴳ ⵏ ⵓⵣⵔⴼ ⴳ ⵜⵓⴷⵔⵜ, ⵍⵓⵎⵎⵏ, ⵜⵏⵏⴰ ⵎⴰⵙⵙⴰ ⴱⵓⵄⵢⵢⴰⵛ, "ⵍⵍⵉⵖ ⴷ ⵜⵉⵍⴰⵍⵜ ⵜⴰⴷⵙⵍⴰⵏⵜ ⵏ ⵓⵡⴰⵏⴽ ⵉⴳⴰ ⵜⵜ ⴰⴼⵔⴰⴳ ⵏ ⵉⵏⵎⵓⵔⴰⵏ ⵏⵏⵙ ⵙⴳ ⴽⵔⴰⵢⴳⴰⵜ ⵜⴽⵕⴹⵉ ⴷ ⵜⵕⵥⵉ ⵏ ⵉⵣⵔⴼⴰⵏ, ⴰⵎⵣⵡⴰⵔⵓ ⴳⵉⵙⵏ ⴰⵣⵔⴼ ⴳ ⵜⵓⴷⵔⵜ, ⵎⴽⵏⵏⴰ ⴰⴽⴽⵯ ⴳⴰⵏⵜ ⵜⵎⵙⵓⵜⴰⵍ ⵡⴰⵍⴰ ⵜⵎⵏⵜⴰⵍ".

"ⵓⵔ ⵉⵣⵣⴳⵉⵔ ⵍⵎⵖⵔⵉⴱ ⵜⴰⵎⵔⵔⵓⵜ ⵏ ⵜⵎⵏⵖⵉⵡⵜ ⵙⴳ 1993, ⴰⵢⵎⵎⴰⵍⵏ ⵎⴰⵙ ⴷ ⵍⵎⵖⵔⵉⴱ ⴰⵔ ⵉⵙⵡⵓⵔⵉ ⵙ ⵜⵓⵎⴰⵢⵉⵏ ⵏ ⵜⵖⵜⴰⵙⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵓⵙⴱⴷⴷⵉ ⵏ ⵓⵣⵣⴳⵉⵔ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ ⵙⴳ 30 ⵏ ⵉⵙⴳⴳⵯⴰⵙⵏ ⴰⵢⴰ, ⴱⵍⴰ ⴰⵙⵜⴰⵢ ⵏⵏⴰ ⴰⵙ ⵉⵚⴰⵃⴰⵏ, ⴰⴽⴷ ⵜⴰⵙⵓⵍⴰⵏⵜ ⵏ ⵓⵙⵙⵓⴼⵖ ⵏ ⵜⵙⵏⴱⴹⴰⵢⵉⵏ ⵉ ⵉⴱⴹⵉⵢⵏ ⵙ ⵜⵎⵏⵖⵉⵡⵜ", ⴰⴷ ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵓⵔ ⵉⵎⵙⴰⵙⴰ ⵓⵙⵜⴰⵢ ⵉⵚⴰⵃⴰⵏ ⵉ ⵜⵖⵜⴰⵙⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵓⵙⴱⴷⴷⵉ ⵏ ⵓⵣⵣⴳⵉⵔ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ ⴰⴽⴷ ⵜⵓⵙⵙⵔⴰ ⵏ ⵜⵎⵏⵖⵉⵡⵜ, ⵎⴰⵛⴰ ⵉⴳⴰ ⵜⴰⵙⵓⵔⵉⴼⵜ ⵜⴰⴷⵙⵍⴰⵏⵜ ⵉⵟⵟⴰⴼⵏ ⵜⴰⵎⴰⵜⴰⵔⵜ ⵜⴰⵣⵔⴼⴰⵏⵜ ⵜⴰⵎⵇⵇⵔⴰⵏⵜ, ⵉⵎⵙⴰⵙⴰⵏ ⴳ ⵉⵏⵏⵉⵢ ⵏ ⵍⵎⵖⵔⵉⴱ ⴰⴽⴷ ⵓⵙⵓⵔⵙ ⵏⵏⵉ ⵙ ⵜⵍⵍⴰ ⵜⵡⵓⵔⵉ ⴰⵔ ⵖⵉⵍⴰ, ⵉⴷⴷⵖ ⵉⴳⴰ ⴰⵡⴰⵏⴽ ⵓⵔ ⵉⵣⵣⴳⵉⵔⵏ ⵜⴰⵎⵔⵔⵓⵜ ⵏ ⵜⵎⵏⵖⵉⵡⵜ.ⵓⵟⵟⵓⵏⵏ ⵉⴽⵙⵡⴰⵜⵏ: 144 ⵏ ⵓⵡⴰⵏⴽ ⵙⵙⵔⵏ ⵜⴰⵎⵔⵔⵓⵜ ⵏ ⵜⵎⵏⵖⵉⵡⵜ ⴳ ⵓⵙⵍⴳⵏ ⴷ ⵜⵎⵙⴽⵔⵜ; 90 ⵏ ⵓⵡⴰⵏⴽ ⵙⵖⵣⵏⵏ ⴰⴱⵕⵓⵜⵓⴽⵓⵍ ⴰⵎⵔⵏⵓ ⵡⵉⵙ ⵙⵉⵏ ⵉⴹⴼⵕⵏ ⵉ ⵓⵎⵉⵔⵓ ⴰⴳⵔⴰⵖⵍⴰⵏ ⵉⵥⵍⵉⵏ ⵙ ⵉⵣⵔⴼⴰⵏ ⵉⵙⵔⵜⴰⵏⵏ ⴷ ⵓⵖⵔⵉⵎⵏ ⵥⵍⵉⵏⵉⵏ ⵙ ⵜⵓⵙⵙⵔⴰ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ; 33 ⵏ ⵓⵡⴰⵏⴽ ⵙⴳ 57 ⵏ ⵓⵡⴰⵏⴽ ⴳ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⵎⵓⵏⵙⵍⵎ ⵙⵙⵔⵏ ⵜⴰⵎⵔⵔⵓⵜ ⵏ ⵜⵎⵏⵖⵉⵡⵜ ⵏⵉⵖ ⵓⵔ ⴷⴰ ⵣⵣⴳⵉⵔⵏ ⵜⴰⵎⵔⵔⵓⵜ ⵏ ⵜⵎⵏⵖⵉⵡⵜ; ⵓⵟⵟⵓⵏ ⵏ ⵡⵉⴷⴰ ⵜⵜⵡⴰⵏⴱⴰⴹⵏⵉⵏ ⴳ ⵜⴳⵉⵔⴰ ⵙ ⵜⵎⵔⵔⵓⵜ ⵏ ⵜⵎⵏⵖⵉⵡⵜ: 76 ⵏ ⵓⴳⴳⵉⴷ, ⵙⴳⵉⵙⵏ ⵢⴰⵜ ⵜⵎⵖⴰⵔⵜ (17 ⵙⴳⵉⵙⵏ ⴳ ⵜⵎⵙⴰⵔⵉⵏ ⵏ ⵓⵙⴷⵉⴷⴷⵉⵢ); ⵓⵟⵟⵓⵏ ⵏ ⵡⵉⴷⴰ ⵜⵜⵡⴰⵏⴱⴰⴹⵏⵉⵏ ⵙ ⵜⵎⵏⵖⵉⵡⵜ ⵉⵎⵙⴱⵖⵔⵏ ⵙⴳ ⵓⵙⵓⵔⴼ ⴰⴳⵍⴷⴰⵏ : 213 ⵙⴳ 2000 ⴰⵔ ⵖⵉⵍⴰⴷ.