ⵉⴷⴷⵖ ⵉⴳⴰ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵙⵓⵍ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷⴰ ⵉⵜⵜⴳⴳⴰ ⵜⵓⴳⴳⴰⵣ ⵏⵏⵙ *ⵜⵉⴳⵔⴰⵖⵍⴰⵏⵉⵏ* ⵅⴼ ⵓⴼⵔⴰⴳ ⵏ ⵓⵣⵔⴼ ⵏ ⵓⵏⵎⵓⵔⵉ ⴰⵎⵖⵔⵉⴱⵉ ⴱⵕⴰⵀⵉⵎ ⵙⵄⴷⵓⵏ ⴳ ⵜⵓⴷⵔⵜ ⴷ ⵓⴼⵔⴰⴳ ⵏⵏⵙ ⵙⴳ ⵉⵎⵉⵣⵉ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ . ⵎⴰⵢⴰ ⴷ ⴰⵙ ⵜⴱⵔⵔⵃ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴳ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙ ⵜⴰⵎⵜ ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵓⵙⵇⵇⵉⵎ, ⵉⵜⵜⵓⵙⵏⵎⴰⵍⴰⵏ ⴳ ⵕⵕⴱⴰⵟ .

ⵙⴳ ⵜⵙⴳⴰ ⵏⵏⵖ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵙⵙⵏⵜⵉ ⵉⴳⵉ ⵏ ⵜⵓⴳⴳⴰⵣ ⵜⵉⴳⵔⴰⵖⵍⴰⵏⵉⵏ ⴷ ⵓⵎⵢⴰⵡⴰⴹ ⴰⴽⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⴼⴰⴷ ⴰⴷ ⵉⵜⵜⵡⴰⴼⵔⴰⴳ ⴱⵕⴰⵀⵉⵎ ⵙⵄⴷⵓⵏ ⵙⴳ ⵉⵎⵉⵣⵉ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ, ⵏⵏⴰ ⵎⵉ ⵏⵜⵜⵏⵄⴰⵕ ⵜⵓⵙⵙⵔⴰ ⵏⵏⵙ ⵙⴳ ⵇⴰⵃ ⵉⵣⵣⵔⴰⴼⵏ, ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ" . "ⵉⴷⴷⵖ ⵉⵙⵓⵍ ⵉⵅⵡⴰ ⵓⴷⵖⴰⵔ ⵏ ⵓⵏⴼⵍⵓⵙ ⵏ ⵉⵙⵎⴰⵎⵎⵉⵜⵏ, ⵏⵏⴰ ⵉⵜⵜⴳⴳⴰⵏ ⵜⵉⵙⵎⵉⴳⴰⵍ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⴽⵕⴰⵏⵉⵢⴰ, ⵜⵔⵏⴰ ⵎⴰⵙⵙⴰ ⴱⵓⵄⵢⵢⴰⵛ, ⵎⴰⵙ ⵉⵎⵢⴰⵡⴰⴹ ⵓⵙⵇⵇⵉⵎ ⴰⴽⴷ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵕⵓⵙⵢⴰ ⴰⴼⴰⴷ ⴰⴷ ⵜⵙⴽⵔ ⴰⵢⵏⵏⴰ ⵎⵉ ⵜⵓⴼⴰ ⵅⴼ ⵓⴼⵔⴰⴳ ⵏ ⵓⵣⵔⴼ ⵏ ⵓⵏⵎⵓⵔⵉ ⴰⵎⵖⵔⵉⴱⵉ" .

ⵉⵙⵙⵓⵜⵔ ⵓⵙⵇⵇⵉⵎ ⵙ ⴳ ⵜⵎⵔⵙⵍⵜ ⵜⴰⵕⵓⵙⵉⵜ ⴰⴷ ⵏⵏ ⵜⴳ ⵜⵓⴳⴳⴰⵣ ⵏⵏⵙ ⵇⴰⵃ ⵃⵎⴰ ⴰⴷ ⵉⵜⵜⵓⵚⴰⵃⴰ ⵢⴰⵏ ⵓⵎⵚⵉⵕⵉⴹ ⵓⵖⴷⵉⵎ ⴳ ⵡⴰⵍⴰⵙ ⴷ ⵓⵎⵢⴰⵡⴰⴹ ⴰⴽⴷ ⵜⴼⵓⵍⵉⵏ ⵏⵜⴰⵢⵏⵉⵏ ⴰⴼⴰⴷ ⴰⴷ ⵏⵏ ⵜⴰⴳⴳⵯ ⵅⴼ ⵜⵎⵙⵓⵜⴰⵍ ⵏ ⵡⴰⵎⵎⴰⵥ ⵏⵏⵙ ⴷ ⵓⵡⵇⵇⵔ ⵏ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ . ⴳ ⵜⴳⵓⵔⵉ ⵏⵏⵙ, ⵜⵓⵍⵙ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⴰⵙⴷⴷⵉⴷ ⵅⴼ ⵓⵏⵣⴳⵓⵎ ⵏⵏⴰ ⵢⵓⵙⵉ ⵓⵙⵇⵇⵉⵎ ⵅⴼ ⵜⵎⵙⴰⵔⵜ ⴰⴷ ⴷ ⵓⵣⴷⴰⵢ ⵏⵏⵙ ⵉ ⵓⴹⴼⴼⵓⵕ ⵏⵏⵙ ⵉⵙⴷⴷⵉⴷⵏ ⴷ ⵉⴳⵉ ⵏ ⵜⵓⴳⴳⴰⵣ ⵜⵜⵡⴰⵣⵎⴰⵔⵏⵉⵏ, ⵙⴳ ⵡⴰⵏⵙⴰ ⵏⵏⵙ, ⵃⵎⴰ ⴰⴷ ⵉⵜⵜⵡⴰⴼⵔⴰⴳ ⵓⵣⵔⴼ ⵏ ⵓⵏⵎⵓⵔⵉ ⴰⵎⵖⵔⵉⴱⵉ ⵙⴳ ⵉⵎⵉⵣⵉ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ .