"ⵜⵉⵣⵉ ⵏ ⵜⵓⵎⵔⵜ ⴷ ⵜⴷⵔⴼⵉ" ⵉ ⵓⵄⵔⵔⵉⵎ ⴰⵎⵖⵔⵉⴱⵉ ⴷ ⵜⵡⵊⴰ ⵏⵏⵙ ⴷ ⴰⵡⴷ ⵏⴽⴽⵯⵏⵉ ⵇⴰⵃ, ⵎⴽⴰⴷ ⴰⵙ ⵜⵅⴼⴰⵡⵍ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵉⴹⴳⴰⵎ ⴰⴽⵕⴰⵙ 21 ⵛⵓⵜⴰⵏⴱⵉⵔ 2022, ⴹⴰⵕⴰⵜ ⵎⴰⴷ ⵜⵙⴷⴷⵉⴷ ⵜⴰⴷⵓⵙⵉ ⵏ ⵓⵏⵖⵎⵉⵙ ⵏ ⵓⵕⵥⵥⵎ ⵉ ⴱⵕⴰⵀⵉⵎ ⵙⵄⴷⵓⵏ ⵉⵜⵜⵡⴰⵏⴱⴰⴹⵏ ⵙ ⵜⵎⵏⵖⵉⵡⵜ ⴷ ⵓⵊⵊⵏⵊⵎ ⵏ ⵜⵓⴷⵔⵜ ⵏⵏⵙ, ⵉⵏⴳⵔ 10 ⵏ ⵓⴳⴳⵉⴷⵏ (ⵙⴳ ⵍⵎⵖⵔⵉⴱ ⴷ ⵜⵥⵍⴰⵢⵉⵏ ⵉⵎⵓⵏⵏ ⴷ ⴱⵕⵉⵟⴰⵏⵉⵢⴰ ⴷ ⵙⵙⵡⵉⴷ ⴷ ⴽⵕⵡⴰⵜⵉⵢⴰ) ⵜⵍⴰⵖⵉ ⵜⵎⴰⵡⴰⵙⵜ ⵏ ⴱⵕⵕⴰ ⵜⴰⵙⴰⵄⵓⴷⵉⵜ ⴰⵡⴰⴹ ⵏⵏⵙⵏ ⵙ ⵕⵕⵢⴰⴹ ⴰⵙⵙⵏⴰⵟ.

ⴹⴰⵕⴰⵜ ⴰⴱⵔⵔⵃ ⵙ ⵓⵏⵖⵎⵉⵙ, ⵉⵎⵢⴰⵡⴰⴹ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⴽⴷ ⴱⴰⴱⴰⵙ ⵏ ⴱⵕⴰⵀⵉⵎ ⵙⵄⴷⵓⵏ ⴰⴼⴰⴷ ⴰⴷ ⵉⵙⵙⵉⵔⵖⵓⴷ ⵜⴰⵡⵊⴰ ⵏⵏⵙ ⵙ ⵓⵏⵖⵎⵉⵙ ⴰⴷ ⵏ ⵜⵓⵎⵔⵜ, ⵏⵏⴰ ⵉⴳⴰⵏ "ⵜⵉⵣⵉ ⵏ ⵓⵙⵡⵉⵏⴳⵎ ⴷ ⵓⵙⵜⴰⵢ ⵉ ⵜⵓⵙⵙⵔⴰ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ", ⵙ ⵓⵙⵎⴰⵇⵇⵍ ⴳ ⵓⵙⴷⵉⴷⴷⵉⵢ ⵏⵏⵙ ⵉⵙⴼⴼⵏⵥⴰⵢ ⴷ ⵓⵙⵔⵉⴷ ⵉ ⵓⵣⵔⴼ ⴳ ⵜⵓⴷⵔⵜ. ⵉ ⵓⵙⴽⵜⵉ, ⵉⴽⴽⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵙⵙⵏⵜⵉ ⵙ ⵓⵙⴷⵓⵙ ⵏ ⵜⵓⴳⴳⴰⵣ ⵏⵏⵙ ⵜⵉⴳⵔⴰⵖⵍⴰⵏⵉⵏ ⵉ ⵓⴼⵔⴰⴳ ⵏ ⵓⵣⵔⴼ ⵏ ⵓⵏⵎⵓⵔⵉ ⴰⵎⵖⵔⵉⴱⵉ ⴳ ⵜⵓⴷⵔⵜ.

ⴳ ⵓⵎⵏⴰⴹ ⴰⴷ, ⵉⴽⴽⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵙⴰⴼⴹ ⵜⴰⵎⵢⴰⵣⴰⵏⵜ ⵉ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵔⵓⵙⵉⵢⴰ ⴰⴼⴰⴷ ⴰⴷ ⵜⴷⵔⵓ ⴳ ⵓⴼⵔⴰⴳ ⵏ ⵓⵣⵔⴼ ⵏ ⵓⵏⵎⵓⵔⵉ ⴰⵎⵖⵔⵉⴱⵉ ⵙⴳ ⵉⵎⵉⵣⵉ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ, ⵏⵏⴰ ⵏⵜⵜⵏⵄⴰⵕ ⴰⴼⴰⴷ ⴰⴷ ⵜⴻⵜⵜⵓⵙⵙⵔ ⵙⴳ ⵇⴰⵃ ⵉⵣⵣⵔⴰⴼⵏ, ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ. ⵙ ⵎⴰⵏ ⴰⵢⴰ, ⵜⵙⵏⵎⴰⵍⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵢⴰⵏ ⵓⵏⵎⵓⵇⵇⴰⵔ ⴳ ⵜⵓⴳⴳⵓⴳⵜ ⴰⴽⴷ ⵜⴰⵜⴰⵏⵉⵢⴰ ⵎⵓⵙⴽⵍⴽⵓⴼⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵔⵓⵙⵉⵢⴰ, ⴰⵙⵙ ⵏ 18 ⵢⵓⵍⵢⵓⵣ 2022 ⴰⴼⴰⴷ ⴰⴷ ⵜⵙⴷⴷⵉⴷ ⵅⴼ ⵉⴳⵉ ⵏ ⵓⵢⵏⵏⴰ ⵎⵉ ⵜⵓⴼⴰ ⵏ ⵜⵓⴳⴳⴰⵣ ⵅⴼ ⵓⴼⵔⴰⴳ ⵏ ⴱⵕⴰⵀⵉⵎ ⵙⵄⴷⵓⵏ. ⵉⵔⵖⵓⴷ ⵉ ⴱⵕⴰⵀⵉⵎ ⵙⵄⴷⵓⵏ ⴷ ⵜⵡⵊⴰ ⵏⵏⵙ ⴷ ⵏⴽⴽⵯⵏⵉ ⵇⴰⵃ.