ⵉⴳⴰ ⵓⵣⵔⴼ ⴳ ⵡⴰⴷⴰⴼ ⵙ ⵓⵎⵍⴰⵏ ⵢⴰⵏ ⵓⵣⵔⴼ ⵙⴳ ⵉⵣⵔⴼⴰⵏ ⴷ ⵜⵍⴻⵍⵍⵉⵢⵉⵏ ⵜⵉⴷⵙⵍⴰⵏⵉⵏ ⵏⵏⴰ ⵉⵙⴹⵕⵚ ⵓⴷⵓⵙⵜⵓⵔ ⵎⵉ ⴷ ⵉⴼⴼⵖ ⵙ ⵓⵣⵣⴳⵉⵔ ⵏⵏⵙ ⴰⴹⴰⵀⵉⵕ ⴰⵎⴰⵖⵓⴷ ⵓⵟⵟⵓⵏ 1.11.91 ⴳ 29 ⵢⵓⵍⵢⵓⵣ 2011, ⵍⵓⵎⴰⵔ ⵉⵎⵉⵔ 27 ⵙⴳⵉⵙ ⴷ ⵓⵙⵍⴳⵏ ⵓⵟⵟⵓⵏ 13.31 ⵉⵣⴷⵉⵏ ⵙ ⵓⵣⵔⴼ ⴳ ⵡⴰⴷⴰⴼ ⵙ ⵓⵎⵍⴰⵏ.
ⵙ ⵓⵣⵣⴳⵉⵔ ⵏ ⵓⵎⵏⵏⵉ 12 ⵙⴳ ⵓⵙⵍⴳⵏ ⵓⵟⵟⵓⵏ 31.13, ⵏⵏⴰ ⵉⵙⴹⵕⵚⵏ ⴰⵙⵎⵍ ⵏ ⴽⵔⴰ ⵏ ⵓⴳⴳⵉⴷ ⵏⵉⵖ ⵓⴳⴳⵉⴷⵏ ⵉⵜⵜⵓⵙⵎⴰⴳⵍⵏ ⵙ ⵉⵎⵉⵥ ⵏ ⵜⵓⵜⵜⵔⵉⵡⵉⵏ ⵏ ⵡⴰⴷⴰⴼ ⵙ ⵓⵎⵍⴰⵏ ⴷ ⵓⵙⵎⴽⵍ ⵏⵏⵙⵏⵜ ⴳ ⵓⵙⵡⵉⵔ ⵏ ⵉⵏⴳⵎⴰⵎⵏ ⴷ ⵜⵎⵔⵙⴰⵍ ⵏⵏⴰ ⴳⴰⵏⵉⵏ ⵜⵉⵎⵏⵜⴰⵢⵉⵏ ⵙ ⵓⵣⵣⴳⵉⵔ ⵏ ⵓⵙⵍⴳⵏ ⴰⴷ, ⵜⵖⵜⵙ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵎⵍ ⵏ ⵎⴰⵙⵙⴰ ⴰⵎⵉⵏⴰ ⵚⵚⴰⵍⵃⵉ, ⵜⴰⵏⵎⵀⴰⵍⵜ ⵏ ⵓⵎⵢⴰⵡⴰⴹ ⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵏⴱⴷⴰⴷⵜ ⵏ ⵉⵎⵉⵥ ⵏ ⵜⵓⵜⵜⵔⵉⵡⵉⵏ ⵏ ⵡⴰⴷⴰⴼ ⵙ ⵓⵎⵍⴰⵏ ⵏⵏⴰ ⴷ ⵉⵜⵜⴰⵡⴹⵏ ⴰⵙⵇⵇⵉⵎ ⴷ ⵓⵙⵎⴽⵍ ⵏⵏⵙⵏⵜ.
ⵙ ⵓⵙⵏⴰⵢ ⵅⴼ ⵓⵎⵏⵏⵉ 13 ⵙⴳ ⵓⵙⵍⴳⵏ ⴰⴷ ⵏⵉⵜ, ⵢⵓⵙⵉⵢ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵎⴰⵕⵕⴰ ⵉⵙⵡⵓⴷⴷⵓⵜⵏ ⵉⵏⴱⵣⴰⵣⵏ ⵉ ⵓⵙⵎⵀⵍ ⵏ ⵜⵓⵎⴰⵢⵉⵏ ⵏ ⵓⵙⵍⴳⵏ ⴰⴷ ⴷ ⵓⵙⵡⵀⵏ ⵏ ⵜⵙⵎⵉⴳⴰⵍ ⵏ ⵓⴳⴳⵉⴷ ⵉⵜⵜⵓⵙⵎⴰⴳⵍⵏ ⴷ ⵓⵙⵔⵓⵙ ⵏ ⵉⵎⴰⵙⵙⵏ ⴷ ⵜⵎⴳⴳⵉⵜⵉⵏ ⵏ ⵓⵙⵡⵀⵏ ⵏⵏⴰ ⴳⴰⵏⵉⵏ ⵉⵏⴱⵣⴰⵣⵏ ⵉ ⵉⴳⵉ ⵏ ⵜⵙⵎⵉⴳⴰⵍ ⵏⵏⴰ ⵙ ⵜⴻⵜⵜⵓⵙⵎⴰⴳⴰⵍ.
ⵎⴽⴷⴰ ⵜⴻⵜⵜⵓⵙⵔⵓⵙ ⵢⴰⵜ ⵜⵙⵇⵇⵉⵎⵜ ⵜⴰⴳⵯⵏⵙⴰⵏⵜ ⵉ ⵓⵡⵜⵜⴰⵙ ⴰⴷ, ⵜⵏⵏⵖⵍⴼ ⵙ ⵓⵙⵏⴰⵍ ⵏ ⵓⴳⴳⵉⴷ ⵉⵜⵜⵓⵙⵎⴰⴳⵍⵏ ⵙ ⵉⵎⵉⵥ ⵏ ⵜⵓⵜⵜⵔⵉⵡⵉⵏ ⵏ ⵡⴰⴷⴰⴼ ⵙ ⵓⵎⵍⴰⵏ ⴷ ⵓⵎⵢⴰⵡⴰⵙ ⵏⵏⵙ ⴳ ⵢⵉⴳⵉ ⵏ ⵜⵙⵎⵉⴳⴰⵍ ⵏⵏⵙ ⴳ ⵜⴼⴰⴷⵉⵡⵉⵏ ⵜⵉⵎⵓⴼⴰⵢⵉⵏ.
ⴰⴼⴰⴷ ⴰⴷ ⵜⴻⵜⵜⵓⵙⵎⵏⵉⴷ ⵜⵓⵜⵜⵔⴰ ⵏ ⵡⴰⴷⴰⴼ ⵙ ⵓⵎⵍⴰⵏ, ⵏⵙⵙⵓⵜⵔ ⴰⴽⵜⵓⵔ ⵏ ⵓⵣⵓⵔⵜ ⵏ ⵜⵓⵜⵜⵔⴰ ⵏ ⵉⵣⴷⴰⵔ, ⵏⵏⴰ ⵜⵙⵎⵓⵜⵜⴳ ⵜⵙⵇⵇⵉⵎⵜ ⵏ ⵓⵣⵔⴼ ⴳ ⵡⴰⴷⴰⴼ ⵙ ⵓⵎⵍⴰⵏ, ⴷ ⵏⵏⴰ ⵉⵎⵎⴰⵍⵏ ⵜⵉⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵏ ⵡⴰⴷⴰⴼ ⵙ ⵓⵎⵍⴰⵏ, ⴷ ⵓⵙⵉⴼⴹ ⵏⵏⵙ ⵙ ⵓⵙⵔⵓⵙ ⵓⵙⵔⵉⴷ ⵏⵉⵖ ⵙ ⵜⵡⴰⵙⴰⵢⵜ ⵜⵓⵏⵣⵉⵍⵜ ⵏⵉⵖ ⵜⴰⵙⴰⵡⴰⵢⵜ ⵜⵉⵍⵉⴽⵟⵕⵓⵏⵉⵜ (accesinformations@cndh.org.ma).