ⴰⵙⵎⵏⵉⴷ
ⴷⴰ ⵙⴽⴰⵔⵏⵜ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⵎⵙⴰⵙⴰ ⴷ ⵜⵎⵜⵜⴰ 44 ⵙⴳ ⵓⵙⵍⴳⵏ 76.15 ⵉⵣⴷⵉⵏ ⵙ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵉⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴳ ⵓⵙⵡⵉⵔ ⵏ ⵓⵏⴱⴹ ⴰⴽⴰⵍⵏⵏ ⴽⵓ ⵜⵙⵇⵇⵉⵎⵜ ⵜⴰⵎⵥⵍⵉⵜ ⵏ ⵜⵙⵖⵣⵏⵜ ⵏ ⵉⵎⵏⵥⴰ ⵏ ⵡⴰⵙⵜⴰⵢⵏⵉⵎⵜ, ⴷⴷⴰⵡ ⵜⵏⴱⴰⴹⵜⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ.
ⵙ ⵎⴰⵏ ⴰⵢⴰ, ⴰⵔ ⵏⵏ ⵜⴻⵜⵜⵡⴰⵍⴰⵏ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵙ ⵓⵎⵙⴰⵙⴰ ⴷ ⵓⵙⵍⴳⵏ ⴷ ⵓⵏⴰⴳⵔⴰⵡ ⴰⴳⵯⵏⵙⴰⵏ, ⵎⴰⵢⴰ :
- ⵜⵉⴹⴰⴼ ⵏ ⵉⵙⵓⵔⵙⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴹⴼⵕⵉ ⵏⵏⵙ ⴳ ⵓⵙⵡⵉⵔ ⵏ ⵜⵎⵏⴰⴹⵜ ⴷ ⵓⵙⵏⵖⵎⵙ ⴰⴷⵖⵢⴰⵏ ⵉ ⵉⵏⴳⵎⴰⵎⵏ ⵏ ⵓⵙⵇⵇⵉⵎ ⴳ ⵓⵙⵡⵉⵔ ⴰⵏⴰⵎⵎⴰⵙ, ⴷ ⵓⵙⵎⵓⵜⵜⴳ ⵏ ⵜⴰⵏⴰⴹⵉⵏ ⵜⵉⵙⴳⵓⵎⴰⵏⵉⵏ ⵅⴼ ⵜⵎⵙⴰⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵡⵉⵔ ⵏ ⵜⵎⵏⴰⴹⵜ, ⴷⴷⴰⵡ ⵓⵜⵓⵢ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ;
- ⵉⵡⵉⵣ ⵅⴼ ⵓⵣⵣⴳⵉⵔ ⵏ ⵉⵖⴰⵡⴰⵙⵏ ⵏ ⵓⵙⵇⵇⵉⵎ ⴷ ⵉⵙⵏⵜⴰⵢ ⵏⵏⵙ ⴳ ⵓⵙⵡⵉⵔ ⵏ ⵜⵎⵏⴰⴹⵜ ⵙ ⵓⵎⵢⴰⵡⴰⵙ ⴰⴽⴷ ⵇⴰⵃ ⵉⵎⴳⴳⴰⵢⵏ ⵏⵜⴰⵢⵏⵉⵏ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴽⵔⴰ ⵙⵉⵔⵙⵏ ⴳ ⵓⵙⵡⵉⵔ ⵏ ⵜⵎⵏⴰⴹⵜ;
- ⴰⵍⵍⴰⵍ ⵏ ⵜⴰⵏⴰⴹⵉⵏ ⵉⵥⵍⵉⵏ ⵏⵉⵖ ⵜⵉⵣⵎⵣⴰⵏⵉⵏ ⵉ ⵜⵏⵙⵙⵉⵅⵜ ⵏ ⵓⵙⵇⵇⵉⵎ ⵅⴼ ⵉⵙⵡⵓⴷⴷⵓⵜⵏ ⵜⵜⵡⴰⵙⴰⵢⵏⵉⵏ ⵅⴼ ⵓⵙⵎⴽⵍ ⵏ ⵜⵏⵓⵔⵣⵉⵏ ⴰⵎⵓⵏⵉⵏ ⴳ ⵓⵙⴰⵜⵉ ⵏ ⵜⵥⵍⴰⵢⵜ ⵜⴰⴽⴰⵍⴰⵏⵜ ⵏⵉⵖ ⵜⴰⵙⴳⵓⵎⴰⵏⵜ ⵏ ⵜⵙⵇⵇⵉⵎⵜ;
ⴷⴰ ⵜⵜⵓⵙⵎⵎⴰⵏ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵙ ⵓⴹⴰⵀⵉⵔ ⴰⵎⴰⵖⵓⴷ ⵙ ⵜⵙⵓⵎⵔⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴹⴰⵕⴰⵜ ⴰⵎⵛⴰⵡⴰⵕ ⴰⴽⴷ ⵓⴳⵔⴰⵡ ⴰⵎⴰⵜⴰⵢ ⵏ ⵓⵙⵇⵇⵉⵎ, ⵙⴳ ⵡⵓⴷⵎⴰⵡⵏ ⵏⵏⵉ ⴷⴰⵔ ⵍⵍⴰⵏ ⵉⴼⵓⴽⵙⵏ ⴷ ⵜⴼⴰⴷⵉⵡⵉⵏ ⵉⵜⵜⵢⴰⵔⴰⵏ. ⵎⴽⴷⴰ ⴷⴰ ⵉⵜⵜⵙⵎⵎ ⵓⵙⵇⵇⵉⵎ ⵉⴳⵎⴰⵎⵏ ⵏ ⵜⵙⵇⵇⵉⵎⵉⵏ, ⵙ ⵜⵙⵓⵎⵔⵜ ⵏ ⵓⵏⵙⵙⵉⵅⴼ ⵏⵏⵙⵏⵜ, ⵙ ⵜⵓⵚⴽⴰ ⵅⴼ ⵜⵎⵏⴽⴰⴷ ⵏⵏⵉ ⴰⵙ ⵉⵙⵡⴰⵍⴰ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ.
ⵉⵜⵜⵓⵙⵏⴰⵢ ⵓⵙⵇⵇⵉⵎ ⵙⴳ 12 ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵢⵓⵎⴰⵏ ⴰⴽⴰⵍ ⴰⵏⴰⵎⵓⵔ :
