ⵉⴳⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵜⴰⵏⵎⴰⴳⵓⵜ ⴷ ⵜⵙⵉⵎⴰⵏⵜ, ⵍⴰ ⵏⵏ ⵜⴻⵜⵜⵡⴰⵍⴰ ⴰⵣⵣⵔⴰⵢ ⵏ ⵜⵎⵙⴰⵔⵉⵏ ⴰⴽⴽⵯ ⵥⵍⵉⵏⵉⵏ ⵙ ⵓⵎⵣⴰⵖ ⴷ ⵡⴰⵔⴰⵢ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵔⴼⵉⵏ, ⴷ ⵜⵏⴼⵔⵓⵜ ⵏ ⵓⵙⵎⵔⵙ ⵏⵏⵙⵏ ⵉⵙⵎⴷⵏ, ⴷ ⵜⵏⴽⵔⴰ ⵙⵔⵙⵏ ⴷ ⵓⴼⵔⴰⴳ ⵏ ⵓⴱⵓⵔⵣ ⴷ ⵉⵣⵔⴼⴰⵏ ⴷ ⵜⴷⵔⴼⵉⵏ ⵏ ⵜⵏⵎⵓⵔⵉⵢⵉⵏ ⴷ ⵉⵏⵎⵓⵔⴰⵏ, ⵓⴳⴳⵉⴷⵏ ⵓⵍⴰ ⵜⵉⴳⵔⵓⵎⵎⴰⵡⵉⵏ, ⵎⴰⵢⴰⵏⵏ ⴷⴷⵓ ⵏ ⵓⵎⴰⵍⵓ ⵏ ⵢⵉⵔⵉ ⵉⵙⵎⴷⵏ ⵏ ⵓⵣⵔⴰⴽ ⵏ ⵜⵙⴰⵖⵓⵍⵉⵏ ⵜⵉⵏⴰⵎⵓⵔⵉⵏ ⴷ ⵜⵖⵣⵓⵔⴰⵏⵉⵏ ⴳ ⵓⴱⴰⵔⴰⵣ ⴰⴷ. (ⴰⵎⴳⵔⴰⴷ 161 ⵙⴳ ⵓⴷⵓⵙⵜⵓⵔ).

ⵜⵜⵓⵙⵎⴷⵢⴰⵏⵜ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵎⴰⵢⴰ ⴷ:

  • ⴰⵎⴷⴰⵢ ⴷ ⵓⵎⴰⵜⵔ ⴷ ⵜⴹⴼⵕⵉ ⵏ ⵉⵙⵓⵔⵙⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵙⵡⵉⵔ ⴰⵏⵎⵏⴰⴹ ; 

  • ⵜⵉⵎⵙⴽⵔⵜ ⵏ ⵉⵔⵣⵣⵓⵜⵏ ⴷ ⵉⵙⴰⴳⴳⵯⵏ ⵉⵜⵜⵓⵙⵓⵖⵏ ⵉⵣⴷⵉⵏ ⴷ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵉⴳⵉ ⵏ ⵜⴰⵏⴰⴹⵉⵏ ⴳ ⵍⵍⴰⵏ ⵉⵎⵙⴳⵔⴰ ⵏ ⵎⴰⴷ ⵉⵙⴽⵔ, ⴰⵔ ⵉⵜⵜⵡⴰⵍⴰ ⴰⵙⵡⴰⵍⴰ ⵏ ⵜⴰⵏⴰⴹⵉⵏ ⴰⴷ ⴷ ⵜⵖⵍⴰⴼ ⵏⵏⵙⵏⵜ ⵉ ⵉⵏⴳⵎⴰⵎⵏ ⵍⵍⵉ ⴳⴰⵏⵉⵏ ⵉⵎⵏⵜⴰⵢⵏ, ⵉⵙⵙⴰⵎⵓ ⴳⵉⵙⵏⵜ ⵉⵙⵖⵍⴰⴼ ⵏⵏⵙ.

  • ⴰⵙⵔⵙ ⵏ ⵉⵥⵕⵉ ⵅⴼ ⵎⴰⵕⵕⴰ ⴰⴷⴷⴰⴷⵏ ⵏ ⵜⵕⵥⵉ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⴱⵔⵉⴷⵜ ⵜⴰⵡⵓⵔⵎⴰⵏⵜ ⵏⵖ ⵙ ⵜⵏⵓⵔⵣⵉⵜ ⵏ ⵡⵉⵍⵍⵉ ⴳⴰⵏⵉⵏ ⵉⵎⵏⵜⴰⵢⵏ, ⵏⵉⵖ ⵙ ⵜⵙⵏⵓⵔⴰⵢⵜ ⵏⵏⵙⵏ. ⵉⵖⵔ ⵜⵉⵏⵓⵔⵣⵉⵏ, ⵉⵙⵎⴽⵍ ⵜⵏⵜ, ⵉⴹⴼⵕ ⴰⵣⴰⵣⵓ ⵏⵏⵙⵏⵜ, ⵉⵙⵙⵉⵡⴹ ⵉ ⵡⵉⵍⵍⵉ ⴳⴰⵏⵉⵏ ⵉⵎⵏⵜⴰⵢⵏ ⵜⵓⵖⵓⵍⵜ ⵏⵏⵙⵏⵜ, 

  • ⴰⵔⵣⴰⴼ ⵙ ⵉⴷⵖⴰⵔⵏ ⵏ ⵡⴰⵎⵎⴰⵥ ⴷ ⵜⵎⵔⵙⴰⵍ ⵜⵉⵎⵖⵣⵓⵜⵉⵏ, ⴷ ⵓⵎⴰⵜⵔ ⵏ ⵡⴰⴷⴷⴰⴷⵏ ⵏ ⵉⵏⴰⵎⵓⵥⵏ ⴷ ⵓⵎⵓⴳⴳⵓ ⵏⵏⵙⵏ ⴷ ⵓⵍⴰ ⴰⵎⵎⴰⵙⵏ ⵏ ⵓⴼⵔⴰⴳ ⵏ ⵜⵎⵥⵉ ⴷ ⵡⴰⵍⴰⵙ ⵏ ⵓⵙⵉⴷⴼ, ⴷ ⵜⵎⵔⵙⴰⵍ ⵏ ⵉⵡⵉⵣ ⴰⵏⴰⵎⵓⵏ, ⴷ ⵜⵎⵔⵙⴰⵍ ⵜⵉⵙⴳⵏⴰⴼⵉⵏ ⵉⵥⵍⵉⵏ ⵙ ⵓⵙⵓⵊⵊⵉ ⵏ ⵜⵎⵓⴹⴰⵏ ⵜⵉⵎⵏⵍⵍⵉⵢⵉⵏ ⴷ ⵜⵓⴽⵍⵉⵙⵉⵏ, ⴷ ⵉⴷⵖⴰⵔⵏ ⵏ ⵜⵓⴳⴳⵓⵥⵜ ⵏ ⵉⴱⵕⵕⴰⵏⵉⵢⵏ ⵍⵍⴰⵏⵉⵏ ⴳ ⵓⵙⵓⵔⵙ ⴰⵔⵓⵍⴳⵉⵏ, 

  • ⴰⴷⴰⴼ ⵙ ⵓⵎⵙⵜⵖⵢⴰ ⴽⵓⴷⵏⵏⴰ ⵜⵣⴷⵉ ⵜⵖⴰⵡⵙⴰ ⴷ ⴽⵔⴰ ⵏ ⵡⴰⵏⴰⵡ ⵙⴳ ⵡⴰⵏⴰⵡⵏ ⵏ ⵓⵎⵔⵡⵉ ⵏⵏⴰ ⵉⵣⵎⵔⵏ ⴰⴷ ⵢⴰⵡⴹ ⵜⵉⵕⵥⵉ ⵜⵓⴼⵔⵉⴷⵜ ⵏⵉⵖ ⵜⴰⵎⴳⵔⵓⵜ ⵏ ⴽⵔⴰ ⵏ ⵓⵣⵔⴼ ⵙⴳ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵉⴳⵉ ⵏ ⵇⴰⵃ ⵉⵎⴰⵙⵙⵏ ⵏ ⵜⵏⴳⵔⵜ ⴷ ⵓⵙⵙⵎⵙⴰⵙⴰ ⵏⵏⴰ ⵉⵏⵏⴰ ⵓⵙⴰⵏ ⴷ, ⵙ ⵓⵣⴷⴰⵢ ⴷ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵍⵍⵉ ⴳⴰⵏⵉⵏ ⵜⵉⵎⵏⵜⴰⵢⵉⵏ.

ⵉⵎⴰⵙⵙⵏ ⵉⵜⵜⴰⵡⵙⵔⴰⵙⵏ ⵖ ⴷⴰⵔ ⵓⵙⵇⵇⵉⵎ ⴰⴼⴰⴷ ⴰⴷ ⵉⵜⵜⵓⵙⴷⵓⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ

ⵙ ⵓⵎⵙⴰⵙⴰ ⴷ ⵓⵙⵍⴳⵏ 76.15 ⴷ ⴳ ⵓⵙⴰⵜⵉ ⵏ ⵜⵙⵎⵉⴳⴰⵍ ⵏⵏⵙ ⵖ ⵢⵉⴳⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵜⵓⵙⵔⴰⵙⵏ ⵖ ⴷⴰⵔ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵎⴰⵙⵙⵏ ⵉⵏⴰⵎⵓⵔⵏ ⵉⵏⴹⴼⴰⵕⵏ : 

ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ

ⵉⵥⵍⵉ ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ ⵙ ⵓⵎⵙⴰⵙⴰ ⴰⴽⴷ ⵜⵎⵜⵜⴰ 3 ⵏ ⵓⵙⵍⴳⵏ 76-15 ⵙ ⵓⵙⵓⵔⵙ ⴷ ⵜⵉⵍⴰⵡⵜ ⵏ ⵓⵎⵓⴳⴳⵓ ⵏ ⵓⴳⴳⵉⴷⵏ ⵉⵜⵜⵓⴼⴰⵜⵉⵢⵏ ⵙⴳ ⵜⴷⵔⴼⵉ ⵏⵏⵙⵏ ⵙ:

  • ⵉⴳⵉ ⵏ ⵉⵔⵣⴰⴼⵏ ⵉⵍⵓⴳⴰⵏⵏ ⵉ ⵜⵓⴳⵜ ⵏ ⵉⴷⵖⴰⵔⵏ ⵏⵏⴰ ⴳ ⵍⵍⴰⵏ ⵓⴳⴳⵉⴷⵏ ⵜⵜⵓⵖⴱⵏⵉⵏ ⵏⵉⵖ ⵉⵣⵎⵔⵏ ⴰⴷ ⵜⵜⵓⴼⴰⵜⵉⵢⵏ ⵙⴳ ⵜⴷⵔⴼⵉ ⵏⵏⵙⵏ, ⴰⴼⴰⴷ ⴰⴷ ⵉⵜⵜⵓⵙⴷⵓⵙ ⵓⴼⵔⴰⴳ ⵏⵏⵙⵏ ⵙⴳ ⵓⵙⵔⴼⵓⴼⵏ ⴷ ⵡⴰⵏⴰⵡⵏ ⵢⴰⴹⵏⵉⵏ ⵏ ⵓⵎⵔⵔⵜ ⵏⵉⵖ ⵜⴰⵎⵔⵔⵓⵜ ⵏ ⵓⴷⵔⵡⵙ, ⵜⴰⵔⵜⵏⴼⴳⴰⵏⵜ ⵏⵉⵖ ⴰⵎⵔⵎⴷ.

  • ⴰⵙⴽⴰⵔ ⵏ ⴽⵓ ⴰⵙⵖⵍⴼ ⵏⵏⴰ ⵙ ⵉⵣⵎⵔ ⵓⵙⵡⵓⵔⵉ ⵙⵉⵔⵙ ⴰⴷ ⵉⵙⵖⵓⴷⵓ ⴰⵎⵓⴳⴳⵓ ⴷ ⵉⵙⵓⵔⵙⵏ ⵏ ⵓⴳⴳⵉⴷⵏ ⵉⵜⵜⵓⴼⴰⵜⵉⵢⵏ ⵙⴳ ⵜⴷⵔⴼⵉ ⵏⵏⵙⵏ ⴷ ⵓⴼⵔⴰⴳ ⵙⴳ ⵓⵙⵔⴼⵓⴼⵏ.

  • ⴰⵙⵎⵏⵉⴷ ⵏ ⴽⵓ ⵜⴰⵙⵓⵎⵔⵜ ⵏⵉⵖ ⵜⴰⵏⵏⴰⵢⵜ ⵅⴼ ⵡⴰⵣⵣⵔⴰⴼⵏ ⵏⵏⴰ ⵙ ⵜⵍⵍⴰ ⵜⵡⵓⵔⵉ ⵏⵉⵖ ⵅⴼ ⵉⵙⵏⴼⴰⵔⵏ ⴷ ⵜⵙⵓⵎⴰⵔ ⵏ ⵉⵙⵍⴳⵏⵏ ⵉⵣⴷⵉⵏ ⴷ ⵓⴼⵔⴰⴳ ⵙⴳ ⵓⵙⵔⴼⵓⴼⵏ.

ⵉⵎⵉⵙ ⴰⵏⴰⵎⵓⵔ ⵏ ⵓⵙⵎⴰⵎⵎⵉ ⵉⵥⵍⵉⵏ ⵙ ⵡⴰⵣⵣⴰⵏⵏ

ⵙ ⵓⵡⵇⵇⵔ ⵏ ⵜⵥⵍⴰⵢⵉⵏ ⵉⵜⵜⵡⴰⴼⴽⴰⵏ ⵉ ⵜⵏⴱⴰⴹⵉⵏ ⴳⴰⵏⵉⵏ ⵜⵉⵎⵏⵜⴰⵢⵉⵏ, ⴰⵔ ⵉⵜⵜⴳⴳⴰ ⵉⵎⵉⵙ ⴰⵏⴰⵎⵓⵔ ⵏ ⵓⵙⵎⴰⵎⵎⵉ ⵉⵥⵍⵉⵏ ⵙ ⵡⴰⵣⵣⴰⵏ ⵜⵉⵙⵎⵉⴳⴰⵍ ⵜⵉⵏⴹⴼⴰⵕⵉⵏ

  • ⵉⵎⵉⵥ ⵏ ⵜⵏⵓⵔⵣⵉⵏ ⵏⵏⵉ ⵙⵎⵏⵉⴷⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵓⵏⴳⵉⵙⵏ ⵏ ⵜⵕⵥⵉ, ⵏⵉⵖ ⵡⴰⵏⵏ ⵜⵏ ⵉⵜⵜⴳⵏⵙⴰⵙⵏ ⵏⵉⵖ ⵎⵉⴷⴷⵏ ⵢⴰⴹⵏⵉⵏ, ⵙ ⵓⵙⵔⵉⴷ ⴽⵓⴷⵏⵏⴰ ⵜⵍⵍⴰ ⵜⵕⵥⵉ ⵏ ⴽⵔⴰ ⵏ ⵓⵣⵔⴼ ⵙⴳ ⵉⵣⵔⴼⴰⵏ ⵏⵏⵙⵏ ;

  • ⵉⴳⵉ ⵏ ⵇⴰⵃ ⵉⵙⴰⴳⴳⵯⵏ ⵣⴷⵉⵏⵉⵏ ⵙ ⵜⵏⵓⵔⵣⵉⵏ ⵉⵜⵜⵢⴰⵎⴰⵥⵏ ⴷ ⵜⵖⵓⵔⵉ ⵏⵏⵙⵏ ⴷ ⵓⵙⵎⴽⵍ ⵏⵏⵙⵏⵜ ⴷ ⵜⵖⵜⴰⵙⵜ ⵏⵏⵙⵏⵜ ;

  • ⴰⵙⵏⵎⴰⵍⴰ ⵏ ⵜⵖⵉⵎⵉⵜⵉⵏ ⵏ ⵓⵙⵙⴼⵍⴷ ⴷ ⵜⵖⵓⵔⵉ ⵉ ⵜⴼⵓⵍⵉⵏ ⵏⵜⴰⵢⵏⵉⵏ ⵙ ⵉⵎⵔⵙⵉ ⵏ ⵜⵕⵥⵉ ⵏⵉⵖ ⵜⴰⵏⵓⵔⵣⵉⵜ ⴷ ⵉⵏⴰⴳⴰⵏ ⴷ ⵉⵎⵓⵣⴰⵢⵏ ⴷ ⴽⵔⴰⵢⴳⴰⵜ ⵓⴳⴳⵉⴷ ⵙ ⵉⵏⵏⴰ ⵉⵍⵍⴰ ⵓⴼⵓⴽⵊⵉ ⴳ ⵓⵙⵙⴼⵍⴷ ⵙⵉⵔⵙ.

ⵉⵎⵉⵙ ⴰⵏⴰⵎⵓⵔ ⵉⵥⵍⵉⵏ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ

ⵙ ⵓⵡⵇⵇⵔ ⵏ ⵜⵥⵍⴰⵢⵉⵏ ⵉⵜⵜⵡⴰⴼⴽⴰⵏ ⵉ ⵜⵏⴱⴰⴹⵉⵏ ⴳⴰⵏⵉⵏ ⵜⵉⵎⵏⵜⴰⵢⵉⵏ, ⴰⵔ ⵉⵜⵜⴳⴳⴰ ⵉⵎⵉⵙ ⴰⵏⴰⵎⵓⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵜⵉⵙⵎⵉⴳⴰⵍ ⵜⵉⵏⴹⴼⴰⵕⵉⵏ :

  • ⵉⵎⵉⵥ ⵏ ⵜⵏⵓⵔⵣⵉⵏ ⵏⵏⵉ ⵙⵎⵏⵉⴷⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵓⵏⴳⵉⵙⵏ ⵏ ⵜⵕⵥⵉ, ⵏⵉⵖ ⵡⴰⵏⵏ ⵜⵏ ⵉⵜⵜⴳⵏⵙⴰⵙⵏ ⵏⵉⵖ ⵎⵉⴷⴷⵏ ⵢⴰⴹⵏⵉⵏ, ⵙ ⵓⵙⵔⵉⴷ ⴽⵓⴷⵏⵏⴰ ⵜⵍⵍⴰ ⵜⵕⵥⵉ ⵏ ⴽⵔⴰ ⵏ ⵓⵣⵔⴼ ⵙⴳ ⵉⵣⵔⴼⴰⵏ ⵏⵏⵙⵏ ;

  • ⵉⴳⵉ ⵏ ⵇⴰⵃ ⵉⵙⴰⴳⴳⵯⵏ ⵣⴷⵉⵏⵉⵏ ⵙ ⵜⵏⵓⵔⵣⵉⵏ ⵉⵜⵜⵢⴰⵎⴰⵥⵏ ⴷ ⵜⵖⵓⵔⵉ ⵏⵏⵙⵏ ⴷ ⵓⵙⵎⴽⵍ ⵏⵏⵙⵏⵜ ⴷ ⵜⵖⵜⴰⵙⵜ ⵏⵏⵙⵏⵜ ;

  • ⴰⵙⵏⵎⴰⵍⴰ ⵏ ⵜⵖⵉⵎⵉⵜⵉⵏ ⵏ ⵓⵙⵙⴼⵍⴷ ⴷ ⵜⵖⵓⵔⵉ ⵉ ⵜⴼⵓⵍⵉⵏ ⵏⵜⴰⵢⵏⵉⵏ ⵙ ⵉⵎⵔⵙⵉ ⵏ ⵜⵕⵥⵉ ⵏⵉⵖ ⵜⴰⵏⵓⵔⵣⵉⵜ ⴷ ⵉⵏⴰⴳⴰⵏ ⴷ ⵉⵎⵓⵣⴰⵢⵏ ⴷ ⴽⵔⴰⵢⴳⴰⵜ ⵓⴳⴳⵉⴷ ⵙ ⵉⵏⵏⴰ ⵉⵍⵍⴰ ⵓⴼⵓⴽⵊⵉ ⴳ ⵓⵙⵙⴼⵍⴷ ⵙⵉⵔⵙ. ⵅⴼ ⵉⴳⴳⵉ ⵏ ⵎⴰⵢⴰ, ⵉⵣⵎⵔ ⵉⵎⵉⵙ ⴰⵏⴰⵎⵓⵔ ⵉⵥⵍⵉⵏ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⴰⴷ ⵉⵎⵏⴰⵍⴰ ⵙ ⵜⵡⵉⵍⴰ ⵜⴰⵡⵓⵔⵎⴰⵏⵜ ⴰⴷⴷⴰⴷⵏ ⵏ ⵜⵕⵥⵉ ⵏ ⵢⴰⵏ ⵓⵣⵔⴼ ⵙⴳ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵉⵎⵎⵓⵄⴹⵕ ⵏⵏⵉ ⵜⵉⴷ ⵉⵜⵜⴰⵡⴹⵏ, ⵙ ⵜⴼⴰⴷⴰ ⵏ ⵓⵙⵏⵖⵎⵙ ⵏ ⵓⴳⴳⵉⴷ ⵉⵏⵜⴰⵢⵏ ⴷ ⵡⴰⵔ ⵜⴰⴳⵯⵉⵜ ⵏⵏⵙ ⵉ ⵓⴽⵛⵛⵓⵎ ⵏ ⵉⵎⵉⵙ.

ⵜⴰⵏⴽⵔⴰ ⵙ ⵉⵣⵔⴼⴰⵏ ⵏ ⵓⴼⴳⴰⵏ

ⵉⵏⵏⵖⵍⴼ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⴰⵜⵉ ⵏ ⵜⵡⵓⵔⵉⵡⵉⵏ ⵏⵏⵙ ⵉⵣⴷⵉⵏ ⵙ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⵙ : 

  • ⵜⵉⵖⵔⵉ ⵏ ⵜⴼⵙⵏⴰ ⵏ ⵜⵓⵎⵙⵉⵙⵜ ⵏ ⵉⴹⵕⵉⵚⵏ ⵓⵣⵔⵉⴼⵏ ⴷ ⵉⵎⵙⵙⵓⴷⵙⵏ ⵏⵏⴰ ⵙ ⵜⵍⵍⴰ ⵜⵡⵓⵔⵉ ⴷ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵉⵣⴷⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⵏⵏⴰ ⵜⵖⵜⵙ ⵜⴳⵍⴷⵉⵜ, ⵏⵉⵖ ⵡⵉⵏⵏⴰ ⴳ ⵜⴰⵎⵓ, ⴷ ⴳ ⵓⵙⵉⴷⴷ ⵏ ⵜⴰⵏⵏⴰⵢⵉⵏ ⵜⵉⵎⴳⴳⵓⵔⴰ ⴷ ⵜⵙⵎⵉⴳⴰⵍ ⵏⵏⴰ ⵙⵙⵉⴼⴹⵏ ⵉⵏⴳⵎⴰⵎⵏ ⵏ ⵜⵎⵜⵜⴰ ⵉⵎⵓⵏⵏ, ⵙⵍⴰⵡⴰⵏ ⴰⴽⴽⵯ ⵙⴳⵉⵙⵏⵜ ⵉⵎⴰⵙⵙⵏ ⵏ ⵜⵎⵢⴰⵇⵇⴰⵏⵉⵏ, ⴷ ⵜⵙⵎⵉⴳⴰⵍ ⵏⵏⴰ ⵜⵙⵢⵢⵉⵀ ⵜⴳⵍⴷⵉⵜ ⵏ ⵍⵎⵖⵔⵉⴱ. 

  • ⴰⵙⵡⵓⵔⵉ ⵅⴼ ⵓⵙⵙⵔⵇⴱ ⵏ ⵓⴹⴼⴼⵓⵕ ⵏ ⵜⵖⵜⴰⵙⵜ ⵏ ⵜⴳⵍⴷⵉⵜ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵙⴳⴰⵡⴰⵏⵉⵏ ⵉⵣⴷⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⵏⵉⵖ ⵜⵉⵏⵏⴰ ⴳ ⵜⴰⵎⵓ. ⵎⴽⴷⴰ ⵉⵜⵜⴰⵡⵙ, ⵙ ⵜⵓⵜⵜⵔⴰ ⵏ ⵜⵏⴱⴰⴹⵜ, ⴳ ⵓⵙⵎⵓⵜⵜⴳ ⵏ ⵜⵏⴰⴹⵉⵏ ⵏⵏⴰ ⵉⵙⵙⵉⵡⵉⴹ ⵉ ⵉⵏⴳⵎⴰⵎⵏ ⵏ ⵜⵎⵢⴰⵇⵇⴰⵏⵉⵏ ⴷ ⵜⵎⵔⵙⴰⵍ ⵜⵉⴳⵔⴰⵖⵍⴰⵏⵉⵏ ⴷ ⵜⵙⴳⴰⵡⴰⵏⵉⵏ ⵢⴰⴹⵏⵉⵏ ⵜⵜⵡⴰⵥⵍⴰⵢⵏⵉⵏ ⵙ ⵓⵎⵙⴰⵙⴰ ⴰⴽⴷ ⵜⵎⵔⵉⵙⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵜⴳⵍⴷⵉⵜ ⴷ ⵉⵙⵖⵡⴰⵏ ⵏⵏⵙ. 

  • ⴰⵙⵡⵓⵔⵉ ⵅⴼ ⵓⵙⵙⵔⵇⴱ ⵏ ⵎⴰⵕⵕⴰ ⵜⵣⵓⵏⴰ ⵜⵓⵏⴱⵉⴹⵉⵏ ⴷ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵏⵏⴰ ⴳⴰⵏⵉⵏ ⵜⵉⵎⵏⵜⴰⵢⵉⵏ ⵅⴼ ⵓⵣⵣⴳⵉⵔ ⵏ ⵜⴰⵏⵏⴰⵢⵉⵏ ⵜⵉⵎⴳⴳⵓⵔⴰ, ⴷ ⵜⵙⵎⵉⴳⴰⵍ ⵏⵏⴰ ⵙⵙⵉⴼⴹⵏ ⵉⵏⴳⵎⴰⵎⵏ ⵉⵣⴷⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵙⵍⴰⵡⴰⵏ ⴰⴽⴽⵯ ⵙⴳⵉⵙⵏ ⵉⵏⴳⵎⴰⵎⵏ ⵏ ⵜⵎⵢⴰⵇⵇⴰⵏⵉⵏ ⵜⵜⵡⴰⴱⴷⴰⵔⵏⵉⵏ ⵢⴰⴷ. 

  • ⵢⵉⵡⵣ ⵓⵙⵇⵇⵉⵎ, ⴳ ⵓⵙⴰⵜⵉ ⵏ ⵜⵡⵓⵔⵉⵡⵉⵏ ⵏⵏⵙ, ⵅⴼ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⴰⴽⴷ ⵓⵏⴰⴳⵔⴰⵡ ⵏ ⵜⵎⵜⵜⴰ ⵉⵎⵓⵏⵏ ⴷ ⵉⵏⴳⵎⴰⵎⵏ ⵏⵏⴰ ⴰⵙ ⵉⵏⴹⴼⵕⵏ, ⴷ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⵢⴰⴹⵏⵉⵏ ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵜⵉⴱⵕⵕⴰⵏⵉⵏ ⵉⵥⵍⵉⵏ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴽⵔⴰ ⵙⵉⵔⵙⵏ, ⴰⵔ ⵉⵙⵡⵓⵔⵉ ⵅⴼ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵜⴳⵍⴷⵉⵜ ⴳ ⵢⵉⴳⵔ ⴰⴷ ⴳ ⵓⵙⴰⵜⵉ ⴰⴳⵔⴰⵖⵍⴰⵏ. 

  • ⴰⵔ ⵉⵜⵜⴳⴳⴰ ⵓⵙⵇⵇⵉⵎ ⵉⵏⵥⵉ ⴰⵙⵉⵎⴰⵏ ⴷ ⵓⵔⴰⵡⵙⴰⵏ ⵉ ⵉⵙⵜⴰⵢⵏ. ⵉⵜⵜⵓⵙⵎⴰⴳⵍ, ⴳ ⵓⵙⴰⵜⵉ ⵏ ⵉⴱⴹⵉⵢⵏ ⵏ ⵓⵙⵍⴳⵏ 30.11 ⵏⵏⴰ ⵉⵥⵍⵉⵏ ⵙ ⵜⴼⴰⴷⵉⵡⵉⵏ ⴷ ⵡⴰⵎⵎⴰⴽⵏ ⵏ ⵉⵏⵥⵉ ⴰⵙⵉⵎⴰⵏ ⴷ ⵓⵔⴰⵡⵙⴰⵏ ⵉ ⵡⴰⵙⵜⴰⵢⵏ, ⵙ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵎⵥⵍⵉⵜ ⵏ ⵜⵙⵖⵣⵏⵜ ⵏ ⵉⵎⵏⵥⴰ ⵏ ⵉⵙⵜⴰⵢⵏ ⴷ ⵜⵎⵉⵔⵉⵜ ⵏⵏⵙ. 

  • ⴰⵔ ⵉⵙⵙⵉⵡⵉⴹ ⵓⵙⵇⵇⵉⵎ ⵉ ⵓⵔⴰⵄⴰ ⵏ ⴱⴰⴱ ⵏ ⵡⴰⴷⴷⵓⵔ ⵏ ⵓⴳⵍⵍⵉⴷ ⵢⴰⵜ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵅⴼ ⵡⴰⴷⴷⴰⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⴳⵍⴷⵉⵜ, ⵎⴽⴷⴰ ⴰⵙ ⵉⵙⵙⵉⵡⵉⴹ ⵖ ⵓⵣⵎⵣ ⵏ ⵓⵏⵎⵔⵉ, ⵜⴰⵏⴰⴹⵉⵏ ⵜⵉⵎⵥⵍⴰⵢⵉⵏ ⴷ ⵜⵙⴳⵓⵎⴰⵏⵉⵏ ⵅⴼ ⵇⴰⵃ ⵎⴰⴷ ⵉⵜⵜⴰⵡⵙⵏ ⴳ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵎⵣⴰⵖ ⴼⵍⵍⴰⵙⵏ ⵙ ⵜⴱⵔⵉⴷⵜ ⴷ ⵢⵓⵙⴰⵏ.

ⴰⵔⴰⵢ ⵙⴳ ⵜⵕⵥⵉ ⵏ ⵉⵣⵔⴼⴰⵏ ⵏ ⵓⴼⴳⴰⵏ

ⵜⴻⵜⵜⵡⴰⵙⵙⵕⵚⵚⴰ ⵖ ⴷⴰⵔ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⴷⴷⵖ ⵉⵙⵎⵏⴰⵔ ⴱⴷⴷⴰ ⵙ ⵜⵏⵜⵜⴰⵎⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵙⴰⵖⵓⵍⵉⵏ ⵜⵉⴷⵙⵜⴰⵔⵉⵏ ⵏⵏⵉ ⴷⴰⵔ ⴰⵣⴷⴰⵢ ⵙ ⵓⵙⵏⵜⵍ, ⵜⵓⵍⵍⵣⴰ ⵙ ⵡⴰⵙⵙⴰⵔ ⵙ ⵓⵙⴷⵓⵙ ⵏ ⵓⴼⵔⴰⴽ ⴰⵎⵣⵡⴰⵔ ⴰⵣⵔⴼⴰⵏ ⴷ ⵓⵏⵏⵓⵕⵥⵎ ⵅⴼ ⵇⴰⵃ ⵉⵎⴳⴳⴰⵢⵏ ⵉ ⵓⵙⴷⵓⵙ ⵏ ⵓⵔⵎⴰⵙ ⵉⵛⵛⴰⵔⵏ ⴷ ⵓⵎⵙⵜⴳⴳⴰⵔ ⵏ ⵉⵏⴰⵡⴰⵢⵏ ⵏⵏⵉ ⴷⴰⵔ ⴰⵣⴷⴰⵢ ⴷ ⵜⵏⴽⵔⴰ ⵙ ⵜⵎⵙⴽⵔⵉⵏ ⵜⵉⵎⵓⴼⴰⵢⵉⵏ ⵙ ⵎⴰⴷ ⵉⵕⵥⵥⵎⵏ ⵉⵎⵏⵉⴷⵏ ⵉⵎⴰⵢⵏⵓⵜⵏ ⵏ ⵓⵏⴱⴰⴹ ⵉⵖⵓⴷⴰⵏ, ⵉⵖ ⴳⴰⵏ ⴰⵡⴷ ⵜⴰⵏⴼⵔⵓⵜ. ⵉⵙⵙⵏⵜⵉ ⵓⵙⵇⵇⵉⵎ ⵙⴳ ⵜⵣⵡⵉⵔⵉ ⵏ ⵜⵥⵍⴰⵢⵜ ⵏⵏⵙ ⵙⴳ ⵓⵙⴳⴳⵯⴰⵙ 2019, ⴰⵕⵥⵥⵓⵎ ⵏ ⵜⴷⵉⵏⴰⵎⵉⵜ ⵉⵜⵜⵓⵚⴽⴰⵏ ⵅⴼ ⵡⴰⵔⴰⵢ ⴷ ⵓⴼⵔⴰⴳ ⴷ ⵜⵏⴽⵔⴰ, ⴷ ⵢⵉⵡⵉⵣ ⵅⴼ ⴰⴷ ⵓⵙⵎⵓⵜⵜⴳ ⵏⵏⵙ ⵃⵎⴰ ⴰⴷ ⵜⵣⵎⵔ ⴰⴷ ⵜⵏⵎ ⴰⴽⴷ ⵜⵏⵥⴰⵕ ⴷ ⵓⴳⴳⴰⵏⵉⵏ, ⵉⴷⴷⵖ ⵖⵓⵔ ⴰⴼⵔⴰⴽ ⵉⵙⵎⴷⵏ ⵎⴰⵙ ⴷ ⴽⵔⴰⵢⴳⴰⵜ ⵜⴰⴷⵉⵏⴰⵎⵉⵜ, ⵎⵇⵇⴰⵔ ⵜⴼⴰⵡ ⵉⵙ ⵏⵉⵜ ⵜⵕⵡⴰ, ⵓⵔ ⵜⵣⵎⵔ ⴰⴷ ⵜⴰⵏⴼ ⵉ ⵓⵙⵖⵓⴷⵓ ⴷ ⵓⴼⵔⴰⴳ ⵎⴳⴰⵍ ⴽⵓ ⵎⴰ ⵔⴰⴷ ⵉⵜⵜⵙⴷⴷⵉⴷ ⵜⴰⵎⵢⴰⴳⴰⵏⵜ ⵏⵏⵙ. 

ⵉⴳ ⵓⵙⵔⵓⵙ ⵏ ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ ⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵢⴰⵜ ⵜⴷⴰⵙⵉⵍⵜ ⵜⴰⴷⵙⵍⴰⵏⵜ ⴳ ⵜⵓⴳⴳⴰⵣ ⵏ ⵓⵙⴷⵓⵙ ⵏ ⵜⵏⴼⵔⵓⵜⵉⵏ ⵏ ⵓⵔⵣⴰⴽ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵎⵀⵍ ⵏ ⵜⴽⴰⵕⴹⴰ ⵏ ⵓⴱⵔⵉⴷ ⵜⴰⵣⵔⴼⴰⵏⵜ ⵏⵏⵉ ⵉⵙⵙⵕⵚⴰ ⵓⴷⵓⵙⵜⵓⵔ ⵏ 2011, ⵉⴷⴷⵓ ⴷ ⵓⵙⵔⵓⵙ ⵏⵏⵙ ⵙ ⵓⵎⵙⴰⵙⴰ ⴰⴽⴷ ⵉⵥⵕⵉ, ⵉⴳⴰⵏ ⵜⴰⵢⴰⴼⵓⵜ ⵏ ⵉⵎⴹⴰⴽⴰⵕⵏ ⵉⵎⵏⴰⵡⴰⵢⵏ, ⵏⵔⴰ ⵙⴳⵉⵙ ⴰⴷ ⵏⵙⵙⵕⵚⴰ ⵜⵉⵔⵙⴰⵍ ⵉⴷⵓⵙⵏ ⵉ ⵢⵉⵎⵉⵙ ⵉⵕⵡⴰⵏ ⵉⵙⵉⵣⵡⵔⵏ ⵉⵜⵜⵡⴰⵥⵍⴰⵢⵏ ⵙ ⵉⴼⵙⵙⴰⵢⵏ ⵉⴽⵎⴰⵎⵏ ⴷ ⵜⵕⵡⵉ ⴷ ⵓⵎⵢⴰⵡⴰⵙ. ⵉⴼⴽⴰ ⵓⵙⵇⵇⵉⵎ ⵜⴰⵡⵉⵜ ⵉⵥⵍⵉⵏ ⵉ ⵓⵙⴷⴷⵉ ⵏ ⵓⵙⵔⵓⵙ ⵏ ⵓⵏⴰⴳⵔⴰⵡ ⵉⵙⵎⵓⵏⵏ ⵉⵏⴳⵔ ⵜⵉⴹⴰⴼ ⴷ ⵓⵏⵜⴰⵎ ⴷ ⵓⵙⴰⴳⴳⵯ ⴷ ⵓⵙⴰⴷⵎⵔ ⵙ ⵜⴰⵣⵣⴰⵣⵜ ⴷ ⵓⵣⵓⵣⵣⵔ ⵏ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵢⵉⵡⵉⵣ ⵅⴼ ⵓⵎⵢⴰⵖ ⴰⴽⴷ ⵉⵎⴰⵙⵙⵏ ⵏ ⵓⵏⴰⴳⵔⴰⵡ ⴰⴳⵔⴰⵖⵍⴰ, ⵖ ⵜⵍⵍⴰ ⴰⵡⴷ ⵜⵙⵇⵇⵉⵎⵜ ⵜⴰⵢⵢⴰⵡⵜ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ. 

ⵙ ⵓⵙⵔⵓⵙ ⵅⴼ ⵉⵙⴳⵓⴷⵉⵢⵏ ⵏⵏⵉ ⵉⵜⵜⵓⵣⵎⵎⴰⵎⵏ, ⵉⵙⵡⵓⵔⵉ ⵓⵙⵇⵇⵉⵎ ⵅⴼ ⵅⴼ ⵜⴰⵡⵏⴰ ⵅⴼ ⵜⵙⵏⵜⴰⵢⵉⵏ ⵉⵏⴼⵔⵓⵏ ⴰⵙⵎⴰⴷ ⵉⵏⴳⵔ ⵡⴰⵔⴰⵢ ⵙⴳ ⵜⵕⵥⵉⵢⵉⵏ ⴷ ⵓⵙⴷⵓⵙ ⵏ ⵜⵎⵙⴽⵔⵜ ⵜⴰⵎⵙⵜⴳⴳⴰⵔⵜ, ⵉⵖ ⵉⵣⴷⵉ ⵓⵙⴽⴽⵉⵏ ⵙ ⵉⵏⵎⵓⵔⴰⵏ ⵡⴰⵍⴰ ⵜⵉⵏⴱⴰⴹⵉⵏ, ⵙ ⵜⵔⵏⴰⵡⵜ ⵏ ⵓⵙⴷⵓⵙ ⵏ ⵜⵎⵓⵣⴰⵢⵜ ⴷ ⵓⵎⵢⴰⵡⴰⵙ ⴰⴽⴷ ⵇⴰⵃ ⵉⴷ ⴱⴰⴱ ⵏ ⵜⵏⵓⴼⴰ.