ⵉⴷⵔⵓ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵙ ⵏ ⵓⴽⵡⴰⵙ 10 ⵎⴰⵕⵚ 2022, ⵙ ⵜⴳⵏⵙⴰⵙⵜ ⵏ ⵎⴰⵙⵙⴰ ⵎⴰⵍⵉⴽⴰ ⴱⵏ ⵕⵕⴰⴹⵉ, ⴰⵏⴳⵎⴰⵎ ⵏ ⵓⵙⵇⵇⵉⵎ, ⴳ ⵜⵡⵓⵔⵉⵡⵉⵏ ⵏ ⵓⵎⵙⴰⵡⴰⵍ ⴰⵎⵢⴰⵖ ⴰⴽⴷ ⵜⵏⴽⴽⴰⴹⵜ ⵜⴰⵎⵥⵍⵉⵜ ⵙ ⵓⵣⵣⵏⵣ ⵏ ⵡⴰⵣⵣⴰⵏⵏ ⴷ ⵓⵙⵖⵍⵍⴰ ⵏⵏⵙⵏ ⴳ ⵓⵙⴰⵜⵉ ⵏ ⵜⵙⵓⵜⵍⵜ 49 ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵊⵓⵏⵉⴼ. ⵉⵙⵙⴼⴰⵡ ⵓⵙⵇⵇⵉⵎ, ⴳ ⵓⵎⵢⴰⵖ ⵏⵏⵙ ⴳ ⵜⵓⴳⴳⵓⴳⵜ ⴰⴽⴷ ⵜⵏⴽⴽⴰⴹⵜ ⵜⴰⵎⵥⵍⵉⵜ, ⵎⴰⵙ ⵉⴳⴰ ⵉⵎⵉⵙ ⴰⵏⴰⵎⵓⵔ ⵏ ⵓⵙⵎⴰⵎⵎⵉ ⵉⵥⵍⵉⵏ ⵙ ⵡⴰⵣⵣⴰⵏⵏ ⵓⵏⴳⵉⵙⵏ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏⵏⴰ ⵉⵃⴱⴰ ⵓⵙⵇⵇⵉⵎ ⵜⵙⵎⴽⵍ ⵙⴳ ⵓⵙⴳⴳⵯⴰⵙ 2019 ⵜⵓⴳⵜ ⵏ ⵜⵏⵓⵔⵣⵉⵏ ⴷ ⵜⵎⵙⴰⵔⵉⵏ ⵏⵏⴰ ⵉⵣⴷⵉⵏ ⵙ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ, ⵅⴼ ⵉⴳⴳⵉ ⵏ ⵓⵙⵏⵎⴰⵍⴰ ⵏ ⵜⵖⵉⵎⵉⵜⵉⵏ ⵜⵉⵎⵥⵍⴰⵢⵉⵏ ⵏ ⵡⴰⵣⵣⴰⵏⵏ ⵓⵏⴳⵉⵙⵏ ⵏ ⵜⵕⵥⵉ ⵏ ⵉⵣⵔⴼⴰⵏ ⵏⵏⵙⵏ ⵉⴷⵙⵍⴰⵏⵏ.

ⴳ ⵓⵎⵏⴰⴹ ⴰⴷ, ⵉⵙⵎⵍ ⵓⵙⵇⵇⵉⵎ ⴳ ⵜⴰⵏⴰⴹⵉⵏ ⵏⵏⵙ ⵜⵉⵙⴳⵯⵙⴰⵏⵉⵏ ⵙ ⵜⵎⵙⵍⴰⵢⵜ ⵏ ⵡⴰⵔ ⴰⵡⵇⵇⵔ ⵏ ⵜⵓⴷⵔⵜ ⵜⴰⵎⵥⵍⵉⵜ ⵏ ⵡⴰⵣⵣⴰⵏⵏ ⵏ ⵡⴰⵣⵣⴰⵏⵏ ⵓⵏⴳⵉⵙⵏ ⵏ ⵜⴽⵕⴹⵉ ⵙ ⵜⵥⵕⵉⴳⵜ ⵏ ⵜⵡⵍⴰⴼⵉⵏ ⵏⵏⵙⵏ ⴷ ⵉⴼⵉⴷⵢⵓⵜⵏ ⵏⵏⵙⵏ ⴳ ⵡⴰⵏⵙⴰⵜⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ ⵙ ⵢⴰⵜ ⵜⵡⵉⵍⴰ ⵉⵜⵜⴹⵉⵚⵏ ⵅⴼ ⵡⴰⴷⴷⴰⴷ ⵏⵏⵙ ⴰⵏⵢⵉⵎⴰⵏ ⵉⵙⴱⵉⴹⵕ ⵜⴰⵎⵀⵍⵜ ⵏ ⵓⵙⵉⴷⴼ ⵏⵏⵙⵏ ⴰⵏⴰⵎⵓⵏ. ⵉⵙⵖⵍⴼ ⵓⵙⵇⵇⵉⵎ, ⴹⴰⵕⴰⵜ ⴰⵙⴷⴷⵉⴷ ⵅⴼ ⵓⵙⵓⵖⵏ ⵏ ⵓⵡⵇⵇⵔ ⵏ ⵓⵎⵏⵣⴰⵢ ⵏ ⵜⵏⴰⴼⵓⵜ ⵜⴰⵎⵓⴼⴰⵢⵜ ⵏ ⵡⴰⵣⵣⴰⵏ, ⵙ :

• ⵉⵡⵉⵣ ⵅⴼ ⵓⵕⵥⵥⵓⵎ ⴰⵢⵎⴰⵏⵉ ⴷ ⴰⵏⴱⵔⵉⴷ ⵏ ⵜⵎⴳⴳⵉⵜⵉⵏ ⵏ ⵓⴹⴼⴼⵓⵕ ⴰⵏⵣⵔⴰⴼ ⴳ ⵡⴰⴷⴷⴰⴷⵏ ⵏ ⵓⴽⵓⵙ, ⴷ ⵜⵔⴳⵍⴰ ⵏ ⴽⵔⴰⵢⴳⴰⵜ ⵜⵎⵍⴷⴰ ⵏ ⵜⵔⵡⵍⴰ ⵙⴳⵉⵙ ⵏⵉⵖ ⴰⵙⵙⵓⵜⵍ ⴼⵍⵍⴰⵙ, ⵃⵎⴰ ⴰⴷ ⵜⵉⵍⵉ ⵜⵏⴼⵔⵓⵜ ⵏ ⵓⴼⵔⴰⴳ ⵏ ⵓⵏⴳⵉⵙⵏ ⵙ ⵜⵉⴷⵜ;
• ⵉⵡⵉⵣ ⵅⴼ ⵓⴼⵔⴰⴳ ⵏ ⵜⵓⴷⵔⵜ ⵜⴰⵎⵥⵍⵉⵜ ⵏ ⵓⵏⴳⵉⵙ ⴷ ⵜⵎⵓⵛⴰ ⵏⵏⵙ ⵜⵉⵏⵉⵎⴰⵏⵉⵏ, ⴰⴼⴰⴷ ⴰⴷ ⵉⵜⵜⵓⵙⵡⵀⵏ ⵓⵙⵉⴷⴼ ⵏⵏⵙ;
• ⴰⵙⴷⵓⵙ ⵏ ⵓⵎⵢⴰⵡⴰⵙ ⵉⵏⴳⵔ ⵉⵎⵙⵜⴰⵏⵏ ⵏ ⵓⵏⴳⵉⵙⵏ, ⵅⴼ ⵜⵏⴼⵔⵓⵜ ⵏ ⵓⵡⵜⵜⵓ ⴰⵏⴰⴼⵍⵍⴰⵏ ⵡⴰⵔⴰⵢ ⴷ ⵓⴼⵔⴰⴳ ⵉ ⵡⴰⵣⵣⴰⵏⵏ ⵓⵏⴳⵉⵙⵏ ⵏ ⵓⵣⵣⵏⵣ ⴷ ⵓⵙⵖⵍⵍⴰ ⴰⵡⵙⵢⴰⵏ.