ⵊⵓⵏⵉⴼ, 12 ⵎⴰⵕⵚ 2025 – ⵉⵙⴱⵔⵔⴽ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵜⴰⵏⴰⴹⵜ ⵜⴰⵎⴳⴳⴰⵔⵓⵜ ⵏ ⵓⴳⵏⵙⴻⵙ ⵉⵥⵍⵉⵏ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵉⵎⵓⵏⵏ ⵉⵥⵍⵉⵏ ⵙ ⵜⴽⵕⴹⵉ ⵎⴳⴰⵍ ⵡⴰⵣⵣⴰⵏⵏ, ⵉⵙⵎⵏⵉⴷ ⴰⵎⵏⵓⵙ ⵏⵏⵙ ⵉⵖⴱⴰⵏ ⵙ ⵜⵎⵔⵏⵉⵡⵜ ⵜⴰⵎⵇⵇⵔⴰⵏⵜ ⵏ ⵜⵓⵎⴰⵏⵜ ⵏ ⵜⵙⴱⴱⴰⴱⵜ ⴳ ⵡⴰⵣⵣⴰⵏⵏ ⴳ ⵓⵙⵡⵉⵔ ⴰⵎⴰⴹⵍⴰⵏ.
ⴳ ⵢⴰⵜ ⵜⴳⵓⵔⵉ ⵜⴰⵎⵉⵡⴰⵏⵜ ⵉⵙⵙⵏⴽⴷ ⴳ ⵓⵎⵙⴰⵡⴰⵍ ⴰⵎⵢⴰⵖ ⴰⴽⴷ ⵓⴳⵏⵙⴻⵙ ⵉⵥⵍⵉⵏ, ⵉⵙⴷⴷⵉⴷ ⵓⵙⵇⵇⵉⵎ ⵎⴰⵙ ⴷⴰ ⵜⵜⵎⵏⴰⵍⴰⵏ ⵡⴰⵣⵣⴰⵏⵏ ⵓⵏⴳⵉⵙⵏ ⵏ ⵜⵙⴱⴱⴰⴱⵜ ⵢⴰⵏ ⵓⵥⵟⵟⴰ ⵢⵓⵙⵙⴰⵏ ⵏ ⵜⵕⵥⵉⵢⵉⵏ ⵉⵎⵢⴰⵙⵙⴰⵏ—ⴳ ⴰⵎⵓⵏ ⴰⵡⴷ ⵉⵣⵔⴼⴰⵏ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ ⴷ ⵡⵉⵢⵢⴰⴹ—ⵉⵜⵜⴳⴰⴷⴰⵢⵏ ⵙ ⵜⵡⵉⵍⴰ ⵜⴰⵎⵇⵇⵔⴰⵏⵜ ⵙ ⵜⵎⵏⵜⵉⵍⵜ ⵏ ⵉⵙⴰⴽⴰⵜⵏ ⵏ ⵜⵎⵣⵡⴰⴳⵜ, ⴷ ⵜⵏⵥⴰⵕ ⵏ ⵜⵉⵍⵉⵜ ⴳ ⵓⵙⴰⵢⵔⴰⵔ ⴰⵎⵓⵟⵟⵓⵏ, ⴷ ⵓⵙⵔⴷⵙ ⴳ ⵉⵎⵏⵖⴰⵏ ⵉⵎⴰⵍⴰⴼⵏ.
ⵢⴰⵍⵍⵖ ⵓⵙⵇⵇⵉⵎ, ⴳ ⵜⴳⵓⵔⵉ ⵏⵏⴰ ⵜⵙⵎⵏⵉⴷ ⵙ ⵢⵉⵙⵎ ⵏⵏⵙ, ⵎⴰⵙⵙⴰ ⵃⴰⵍⵉⵎⴰ ⵡⴰⵃⵛⵉ, ⴰⵙⴰⵜⵉ ⴳ ⵜⵎⵀⵍⴰ ⵏ ⵓⵎⵢⴰⵡⴰⵙ ⴷ ⵉⵎⵢⴰⵙⵙⴰⵜⵏ ⵏ ⴱⵕⵕⴰ, ⵙ ⵜⵣⵣⵉⴳⵣⵜ ⵏⵏⴰ ⵉⵍⴽⵎ ⵍⵎⵖⵔⵉⴱ ⴳ ⵎⴰⴷ ⵉⵥⵍⵉⵏ ⵙ ⵓⵙⴱⴷⴷⵉ ⵏ ⵜⵙⴱⴱⴰⴱⵜ ⴳ ⵓⴼⴳⴰⵏ, ⵖ ⵜⴰⵎⵓ ⴰⵡⴷ ⵜⵙⴱⴱⴰⴱⵜ ⴳ ⵡⴰⵣⵣⴰⵏⵏ, ⵙ ⵓⵙⵖⵣⵏ ⵏ ⵓⵙⵍⴳⵏ ⵉⵥⵍⵉⵏ ⵙ ⵓⵙⴱⴷⴷⵉ ⵏ ⵜⵙⴱⴱⴰⴱⵜ ⴳ ⵓⴼⴳⴰⵏ ⴷ ⵓⵙⵔⵙ ⵏ ⵜⵙⵇⵇⵉⵎⵜ ⵉ ⵓⵙⴱⴷⴷⵉ ⵏ ⵜⵙⴱⴱⴰⴱⵜ ⴳ ⵓⴼⴳⴰⵏ (ⵉⴳⴰ ⴳⵉⵙ ⵓⵙⵇⵇⵉⵎ ⴰⴳⵎⴰⵎ ), ⴷ ⵓⵙⵔⵙ ⵏ ⵢⴰⵏ ⵢⵉⵎⵉⵙ ⴰⵏⴰⵎⵓⵔ ⵏ ⵓⵙⵎⴰⵎⵎⵉ ⵉⵥⵍⵉⵏ ⵙ ⵡⴰⵣⵣⴰⵏⵏ ⵏⵏⴰ ⵜⵙⴷⵍ ⵜⵎⵔⵙⵍⵜ, ⴷ ⵓⵙⴷⵓⵙ ⵏ ⵜⵓⴳⴳⴰⵣ ⴰⴷ ⵙ ⵓⵖⴰⵡⴰⵙ ⵏ ⵜⵡⵓⵔⵉ ⵜⴰⵏⴰⵎⵓⵔⵜ ⵉⵥⵍⵉⵏ 2023-2030.
ⴳ ⵓⵙⴰⵜⵉ ⵏ ⵓⵥⵟⵟⴰ ⴰⴼⵔⵉⵇⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵙⵙⴽⵜⵉ ⵓⵙⵇⵇⵉⵎ ⵙ ⵓⵙⵏⴰⵢ ⵏ ⵢⴰⵜ ⵜⴳⵔⵓⵎⵎⴰ ⵏ ⵜⵡⵓⵔⵉ ⵏ ⵓⵙⴱⴷⴷⵉ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏⵏ ⴳ ⵉⴼⵔⵉⵇⵢⴰ, ⵙ ⵓⵏⵏⵓⵎⵙ ⵅⴼ ⵜⵙⴱⴱⴰⴱⵜ, ⵙ ⵓⵙⵓⵎⵔ ⵏⵏⵙ.
ⵉⵎⵛⵉ, ⵉⵙⵎⴰⵢⵏⵓ ⵓⵙⵇⵇⵉⵎ ⴰⵙⴷⴷⵉⴷ ⵅⴼ ⵜⴷⵔⴰⵡⵜ ⵏⵏⵙ ⴷ ⵜⵖⵓⵔⵉ ⵏⵏⵙ ⵙ ⵓⵙⴳⴷⵍ ⵏ ⵓⵙⵖⵍⵍⴰ ⴰⵡⵙⵢⴰⵏ ⵏ ⵡⴰⵣⵣⴰⵏⵏ, ⴳ ⵡⴰⵏⵜⵉⵔⵏⵉⵜ ⴷ ⴱⵕⵕⴰ ⵏⵏⵙ, ⴷ ⵓⵙⵎⴰⴷ ⵏ ⵉⵙⴱⴷⴰⴷⵏ ⵏⵏⴰ ⵉⵙⵙⵓⵔⵓⴼⵏ ⵙ ⵓⵙⵢⵉⵡⵍ ⵏ ⵡⴰⵣⵣⴰⵏⵏ. ⵎⴽⴷⴰ ⵉⵙⵙⵉⴷⴷ ⵅⴼ ⵓⵙⵖⵓⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴰⴼⴰⴷ ⴰⴷ ⵜⵜⵓⵙⴱⵉⴷⴷⵏⵜ ⵜⵕⵥⵉⵢⵉⵏ ⵉⵣⵔⵉⵏ ⵉⵡⵜⵜⴰ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏⵏ, ⴳ ⵜⴰⵎⵓ ⴰⵡⴷ ⵜⵙⴱⴱⴰⴱⵜ ⴳ ⵡⴰⵣⵣⴰⵏⵏ, ⵙ ⵍⴰⵡⴰⵏ ⴰⴽⴽⵯ ⵙⴳ ⵜⵔⵓⴱⴱⴰ ⵜⵉⵎⴰⵍⴰⴼⵉⵏ ⵜⴰⵔⵜⵉⵡⴰⵏⴽⵏ ⴳ ⵉⵣⵎⴰⵣ ⵏ ⵜⴰⵙⵙⴰⵙⵉⵏ ⵏⵖ ⵉⵎⵏⵖⴰⵏ ⵉⵎⴰⵍⴰⴼⵏ.
