ⴰⵖⵓⵔⵉ ⵉⵙⴷⵓⵙⵏ ⴰⵣⵔⴼ ⵏ ⵡⴰⵣⵣⴰⵏⵏ ⴳ ⵜⴷⵔⴰⵡⵜ
ⴳ ⵜⴳⵉⵔⴰ ⵏ ⵓⵎⵛⴰⵡⴰⵕ ⴰⵏⴰⵎⵓⵔ ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵜⴷⵔⴰⵡⵜ ⴷ ⵜⵎⴰⴷⴷⴰⵙⵜ ⵏ ⵢⵓⵏⵉⵙⵉⴼ ⵙⵉⵏ ⵡⵓⵙⵙⴰⵏ 13 ⴷ 14 ⵢⵓⵏⵢⵓ 2025 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⵙⵙⵓⴼⵖⵏ ⴷ ⵡⴰⵣⵣⴰⵏⵏ ⵉⴷⵔⵓⵏ "ⴰⵖⵓⵔⵉ ⵏ ⵡⴰⵣⵣⴰⵏⵏ", ⵏⵏⴰ ⵉⴳⴰⵏ ⵜⴰⵢⴰⴼⵓⵜ ⵏ ⵓⵙⴰⴽⴰ ⵉⵖⵣⵣⵉⴼⵏ ⵏ ⵉⵎⵛⴰⵡⴰⵕⵏ ⵉⵏⵎⵏⴰⴹⵏ ⵏⵏⴰ ⵢⵓⵎⴰⵏ ⵜⵉⵎⵏⴰⴹⵉⵏ ⵏ ⵜⴳⵍⴷⵉⵜ ⵙ 12, ⴳ ⵓⵣⵎⵣ ⵉⵍⵍⴰⵏ ⵏⴳⵔ ⴱⵕⴰⵢⵕ 2023 ⴷ ⴱⵕⴰⵢⵕ 2024. ⵉⴳⴰ ⵓⵎⵛⴰⵡⴰⵕ ⴰⴷ ⴰⵏⴰⵎⵓⵔ ⴰⵙⵓⵍⴼ ⵓⴼⵔⵉⴷ ⵉ ⵡⴰⵣⵣⴰⵏⵏ ⴰⴷ ⵡⵏⵏⵉⵏ ⵅⴼ ⵉⵎⵏⴰⴷⵏ ⵏⵏⵙⵏ, ⵎⴹⴰⴽⴰⵕⵏ ⵜⵉⵍⴰⵡⵜ ⵏⵏⵙⵏ ⴷ ⵉⵡⴰⵜⵜⵙⵏ ⵏⵏⵙⵏ, ⴳ ⵓⵙⴰⵢⵔⴰⵔ ⵉⵏⴼⵔⴰⵏ ⴷ ⵉⵏⵏⵓⵕⵥⵎⵏ, ⵉⵙⴷⵓⵙⵏ ⴰⵎⵏⵣⴰⵢ ⵏ ⵜⴷⵔⴰⵡⵜ ⵏⵏⵙⵏ ⵜⴰⵎⵢⴰⴳⴰⵏⵜ ⴳ ⵜⵎⵙⴰⵔⵉⵏ ⵏⵏⴰ ⵙⵔⵙⵏ ⵉⵥⵍⵉⵏ, ⵙ ⵓⵎⵙⴰⵙⴰ ⴷ ⵜⵎⵜⵜⴰ 12 ⵏ ⵜⵎⵢⴰⵇⵇⴰⵏⵜ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ.
"ⴰⵖⵓⵔⵉ ⵏ ⵡⴰⵣⵣⴰⵏⵏ", ⵉⵜⵜⵓⵙⵙⵓⴼⵖⵏ ⵙ ⵢⵉⵙⵎ ⵏ ⵡⴰⵣⵣⴰⵏⵏ ⵏ ⵍⵎⵖⵔⵉⴱ, ⵍⴰ ⵉⵎⵎⴰⵍ ⴰⴼⵔⴰⴽ ⵉⵖⴱⴰⵏ ⵙ ⵉⵣⵔⴼⴰⵏ ⵏ ⵜⵎⵥⵉ, ⵍⵍⵉⵖ ⵙⵙⵓⵜⵔⵏ ⵡⴰⵣⵣⴰⵏⵏ ⵉⴷⵔⵓ ⵜⴰⴳⵔⵓⵎⵎⴰ ⵏ ⵉⵣⵔⴼⴰⵏ ⵉⴷⵙⵍⴰⵏⵏ, ⴳ ⵢⵉⵅⴼ ⵏⵏⵙⵏ ⴰⵣⵔⴼ ⴳ ⵜⴷⵔⴰⵡⵜ ⴷ ⵓⵙⵙⵍⵎⴷ ⴷ ⵜⴷⵓⵙⵉ ⴷ ⵓⴼⵔⴰⴳ ⴷ ⵓⵡⵏⵏⵉ ⴷ ⵢⵉⵙⴽⵉⵍ ⴷ ⵡⵓⵔⴰⵔ. ⵎⴽⴷⴰ ⵖⵔⴰⵏ ⵙ ⵓⵙⵔⵙ ⵏ ⵉⵥⵟⵟⴰⵜⵏ ⵏ ⵜⵎⵥⵉ ⴳ ⵓⵙⵡⵉⵔ ⴰⵏⵎⵏⴰⴹ ⵃⵎⴰ ⴰⴷ ⵣⵎⵔⵏ ⴰⴷ ⵡⵏⵏⵉⵏ ⵎⵢⴰⵖⵏ ⴳ ⵓⴳⵏⵙⵓ ⵏ ⵓⵙⴰⵜⵉ ⴰⵎⵔⵙⴰⵍ.
ⵢⴰⵙⵉ ⵓⵖⵓⵔⵉ ⵜⴰⴱⵔⴰⵜ ⵜⴰⵎⴰⴷⵓⵙⵜ ⵉ ⴰⴽⴽⵯ ⵉⵎⵙⴽⴰⵔⵏ ⵉ ⵜⵏⴼⵔⵓⵜ ⵏ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ, ⵍⵍⵉⵖ ⵙⴷⴷⵉⴷⵏ ⵡⴰⵣⵣⴰⵏⵏ ⵎⴰⵙ ⵓⵔ ⴳⵉⵏ ⵉⵣⵔⴼⴰⵏ ⵏⵏⵙⵏ ⵜⵉⵙⴳⵍⵓⵜⵉⵏ, ⵎⴰⵛⴰ ⴷ ⵉⵣⵔⴼⴰⵏ ⵉⵏⴼⴳⴰⵏⵏ ⵉⵅⵚⵚⴰ ⴰⴷ ⵜⵜⵓⵡⵇⵇⴰⵔⵏ ⵜⵜⵓⵙⵎⵀⵍⵏ ⴳ ⵜⵙⵔⵜⴰⵢ ⴷ ⵉⵣⵣⵔⴰⴼⵏ ⴷ ⵜⵎⵙⴽⵔⵉⵏ ⵜⵉⴽⵓⵢⴰⵙⵙⵉⵏ.
ⵖⵔ ⵓⴳⴳⴰⵔ
