ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⴳⵎⵎⵉ ⵜⵓⵎⵍⵉⵍⵜ, ⴰⵙⵙ ⵏ ⵓⴽⵡⴰⵙ 22 ⵏⵓⵡⴰⵏⴱⵉⵔ, ⴳ ⵓⵙⵖⵉⵎ ⵏ ⵜⵙⵇⵇⵉⵎⵜ, ⵢⴰⵏ ⵓⵎⴰⴳⵔ ⵏ ⵓⵙⵡⵉⵏⴳⵎ ⵅⴼ ⵜⵖⴰⵔⴰⵙⵉⵏ  ⵏ ⵓⵙⵎⵀⵍ ⵏ ⵜⵙⵜⵔⴰⵜⵉⵊⵉⵜ ⵏ ⵓⴼⵔⴰⴳ ⵏ ⵡⴰⵣⵣⴰⵏⵏ ⴳ ⵓⵙⵓⵔⵙ ⵏ ⵓⵙⵓⴽ ⴳ ⵜⵎⴷⵉⵏⵜ ⵏ ⵜⴳⵎⵎⵉ ⵜⵓⵎⵍⵉⵍⵜ, ⵙ ⵜⵉⵍⵉⵜ ⵏ ⵉⵎⵙⴽⴰⵔⵏ ⵉⵎⵔⵙⴰⵍⵏ ⴷ ⵓⵖⵔⵉⵎⵏ.

ⴳ ⵜⵣⵡⵉⵔⵉ ⵏ ⵜⵙⴰⵡⵔⵜ ⴰⴷ, ⵏⵏⴰ ⵜⵕⵥⵎ ⵎⴰⵙⵙⴰ ⵙⴰⵄⵉⴷⵢⴰ ⵡⴰⵡⴰⵃ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⴳⵎⵎⵉ ⵜⵓⵎⵍⵉⵍⵜ-ⵙⵟⵟⴰⵜ, ⵉⴼⴽⴰ ⵓⵏⵙⵙⵉⵅⴼ ⵏ ⵜⵣⵓⵏⵉ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵇⵇⵉⵎ, ⵎⴰⵙⵙ ⵅⴰⵍⵉⴷ ⵃⵏⴼⵉⵡⵉ, ⵢⴰⵏ ⵓⴼⵙⵔ ⴰⵎⵢⴰⵖ ⵏⵏⴰ ⴳ ⵉⵙⵙⴼⵔⵓ ⵜⴰⴱⵔⵉⴷⵜ ⵉⵜⵜⵓⵙⵖⵣⵏⵏ ⴳ ⵜⵙⵜⵔⴰⵜⵉⵊⵉⵜ ⴰⴷ ⵏⵏⴰ ⵉⴱⵉⴷⴷⵏ ⵅⴼ ⵜⴼⵍⵙⴰⴼⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵍⵍⴰⵏ ⵉⵣⵔⴼⴰⵏ ⵏ ⵡⴰⵣⵣⴰⵏⵏ, ⵉⵙⴷⴷⵉⴷ ⵅⴼ ⵡⴰⵜⵉⴳ ⵏ ⵓⵙⵎⵙⴰⵙⴰ ⵏ ⵉⵔⵎⵎⵓⵙⵏ ⴷ ⵓⵙⵎⵢⵉⵡⵏ ⵏ ⵓⵔⵎⴰⵙ ⵏ ⵜⵓⴳⵜ ⵏ ⵉⵔⵎⵎⵓⵙⵏ, ⵣⵓⵏ ⴷ ⵜⴰⵏⴰⴼⵓⵜ ⵜⴰⵎⵓⴼⴰⵢⵜ ⵏ ⵡⴰⵣⵣⴰⵏ ⴷ ⵓⵔⵎⵎⵓⵙ ⵏ ⵡⴰⵣⵣⴰⵏ ⴳ ⵓⵙⵓⵔⵙ ⵏ ⵓⵙⵓⴽ ⴷ ⵡⴰⴷⴷⵓⵔ ⵏ ⵡⴰⵣⵣⴰⵏ, ⴷ ⵓⴳⴳⴰⵔ.

ⵢⵉⵏⵉ ⵎⴰⵙ ⴷ ⴽⵔⴰⵢⴳⴰⵜⵜ ⵜⵙⵜⵔⴰⵜⵉⵊⵉⵜ ⵜⵡⴰⵜⵜⵙ ⴰⵎⵢⴰⵖ ⴷ ⵜⵓⵎⴰⵏⵜ ⴰⴷ ⴷ ⴰⴽⴷ ⵜⵎⵙⴰⵔⵉⵏ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⵉⵅⵚⵚⴰ ⵜⵜ ⴰⴷ ⵜⵙⵙⴷⵔⵓⵡ ⵏ ⵡⴰⵣⵣⴰⵏⵏ ⴳ ⵜⵙⵉⵍⴰⵡⵜ ⵏ ⵜⵙⵔⵜⴰⵢ ⵉⵣⴷⵉⵏ ⴷ ⵡⴰⴷⴷⴰⴷ ⵏⵏⵙⵏⵜ ⴷ ⵓⵙⵜⵉⴳ ⵏⵏⵙⵏⵜ, ⵜⵙⵖⴰⵡⵙⴰ ⴰⵡⵙ ⴰⴷ ⵓⵔ ⵢⵉⵍⵉ ⵓⵙⵏⵓⵃⵢⵓ ⴷ ⵜⵏⴼⵔⵓⵜ ⵏ ⵓⴼⵔⴰⴳ ⵏⵏⵉ ⵉⴳⴰⵏ ⵜⴰⵎⵙⵜⴳⴳⴰⵔⵜ ⵉⵜⵜⵓⵙⵓⵖⵏⵏ ⵉ ⵜⵎⵔⵙⴰⵍ ⴷ ⵓⵙⴽⴰⵔ ⵉⴼⵔⴰⴳⵏ ⴰⵡⴷ ⵜⴰⵡⵊⴰ, ⵜⴰⵎⴰ ⵏ ⵜⵎⵔⵙⴰⵍ ⴷ ⵡⴰⵎⵓⵏ ⵓⵖⵔⵉⵎ.