ⵉⵙⴱⵔⵔⴽ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵓⵙⵖⵣⵏ ⵏ ⵜⵏⴱⴰⴹⵜ ⵜⴰⵎⵖⵔⵉⴱⵉⵜ ⴳ ⵓⵙⵇⵇⵉⵎ ⵏⵏⵙ ⵉⵜⵜⵓⵙⵏⵎⴰⵍⴰⵏ ⴰⵙⵙ ⵏ ⵓⴽⵡⴰⵙ 7 ⵉⴱⵔⵉⵔ 2022 ⴰⵙⵖⵏⵓ ⵏ ⵓⵎⵕⵚⵓⵎ ⵓⵟⵟⵓⵏ 2.22.222 ⵣⴷⵉⵏⵉⵏ ⵙ ⵉⵍⵓⴳⴰⵏⵏ ⵏ ⵓⵏⴳⵔⴰⵡ ⵏ ⵡⵓⵜⵛⵉ ⵏ ⵓⴳⴳⵉⴷⵏ ⵜⵜⵡⴰⵙⵔⵙⵏⵉⵏ ⴷⴷⴰⵡ ⵜⵏⵎⴰⵜⴰⵔⵜ ⵜⵉⵎⵉⵥⵉⵕⵜ ⴷ ⵓⵎⵥⵉⵢⵏ ⵏⵏⵉ ⵜⵜⵡⴰⵃⴹⴰⵏⵉⵏ ⴷ ⵜⵎⴰⵎⴽⵉⵏ ⵏ ⵓⵙⵎⵏⵉⴷ ⵏ ⵜⵉⵔⴰⵎ ⵏ ⵡⵓⵜⵛⵉ. ⵉⴽⴽⴰ ⵓⵙⵇⵇⵉⵎ ⵢⵓⵡⵉ ⴷ ⴳ ⵜⴰⵏⴰⴹⵜ ⵏⵏⵙ ⵜⴰⵙⴳⵯⵙⴰⵏⵜ ⵅⴼ ⵡⴰⴷⴷⴰⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⵓⵙⴳⴳⵯⴰⵙ 2020 ⵉⵙⵖⵍⴰⴼ ⵅⴼ "ⵓⴼⵔⴰⴳ ⵏ ⵉⵣⵔⴼⴰⵏ ⵉⴷⵙⵍⴰⵏⵏ ⵏ ⵓⴳⴳⵉⴷⵏ ⵜⵜⵡⴰⵙⵔⵙⵏⵉⵏ ⴳ ⵜⵎⵚⵕⵉⵢⵉⵏ ⵏ ⵜⵏⴼⵔⵓⵜ", ⵏⵏⴰ ⴷ ⵉⵙⵙⵓⴼⵖ ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ ⴹⴰⵕⴰⵜ ⵉⵔⵣⴰⴼⵏ ⵏⵏⴰ ⵉⴳⴰ ⵉ ⴽⵉⴳⴰⵏ ⵏ ⵡⴰⵎⵎⴰⵙⵏ ⴹⴼⵓⵕⵏⵉⵏ ⵉ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵜⵊⴹⵕⵎⵜ ⵜⴰⴳⵍⴷⴰⵏⵜ. ⵉⴽⴽⴰ ⵉⵎⵉⵙ ⵉⵙⵖⵍⴼ ⵉ ⵜⵎⴰⵡⴰⵙⵜ ⵏ ⵜⵣⵔⴼⵜ ⴷ ⵓⴱⵕⵍⴰⵎⴰⵏ ⴰⵙⴷⴷⵔⴼ ⵏ ⵓⵙⵖⵣⵏ ⵏ ⵢⴰⵏ ⵓⴹⵕⵉⵚ ⴰⵎⵙⵙⵓⴷⵙ ⵉⵜⵜⴹⵎⴰⵏⵏ ⵜⵓⴽⴽⵉ ⵏ ⵡⵓⵜⵛⵉ ⴳ ⵜⵉⵣⵉ ⵏ ⵜⵏⵎⴰⵜⴰⵔⵜ ⵜⵉⵎⵉⵥⵉⵕⵜ ⵏⵉⵖ ⴰⵙⵔⵓⵙ ⴷⴷⴰⵡ ⵓⵎⴰⵜⵔ, ⵙ ⵜⵙⵏⵙⵉ ⵏ ⵜⵎⵜⵜⴰⵡⵉⵏ 66 ⴷ 460 ⵏ ⵓⵙⵍⴳⵏ ⵏ ⵜⴱⵔⵉⴷⵜ ⵜⴰⵏⴱⴽⴰⴹⵜ. ⴳ ⵓⵣⵎⵣ ⵍⵍⵉ ⵖ ⵉⵜⵜⵓⴳⴰⵏⵏⴰ ⵓⴼⵓⵖ ⵏ ⵓⴹⵕⵉⵚ ⴰⴷ, ⵉⵙⵖⵍⴼ ⴰⵡⴷ ⵉⵎⵉⵙ ⵉ ⵜⵏⴱⴰⴹⵉⵏ ⴱⴰⴹⵏⵉⵏ ⵅⴼ ⵜⵎⵚⵕⵉⵢⵉⵏ ⵏ ⵜⵏⴼⵔⵓⵜ ⴰⴷ ⴳⵏⵜ ⴽⵔⴰ ⵏ ⵉⵙⵡⵓⴷⴷⵓⵜⵏ ⵉⵎⴽⵓⴷⵏ ⵉⵃⵟⵟⵓⵏ ⴰⵣⵔⴼ ⵏ ⵓⴳⴳⵉⴷⵏ ⵜⵜⵡⴰⵙⵔⵙⵏⵉⵏ ⴳ ⵜⵎⵚⵕⵉⵢⵉⵏ ⴰⴷ ⴳ ⵡⵓⵜⵛⵉ ⴰⴼⴰⴷ ⴰⴷ ⵓⵔ ⵢⵉⵍⵉ ⴽⵔⴰ ⵏ ⵉⵎⵊⵕⵉ ⵏ ⵓⵏⵓⴼ ⵙⴳ ⵡⵓⵜⵛⵉ ⵏⵉⵖ ⵜⵉⴷⵔⵙⵉ ⵏⵏⵙ, ⵏⵏⴰ ⵉⴳⴰⵏ ⵢⴰⵜ ⵜⵎⴰⵜⴰⵔⵜ ⵙⴳ ⵜⵎⵉⵜⴰⵔ ⵏ ⵓⵎⵔⵎⴷ. ⵉⵙⵖⵍⴼ ⵉⵎⵉⵙ ⴰⵡⴷ ⵉⴳⵉ ⵏ ⵓⵏⵀⵍⵍⴰ ⵉⵜⵜⵓⵙⵓⵖⵏⵏ ⴰⴼⴰⴷ ⴰⴷ ⵉⵜⵜⵓⴳⴰ ⵓⵙⵎⵓⵜⵜⴳ ⵏ ⵡⵓⵜⵛⵉ ⵢⵓⴷⴰⵏ ⵙ ⵜⵖⴰⵔⴰ ⵉⴼⵓⵍⴽⵉⵏ ⵏⵏⵉ ⵉⵃⵟⵟⵓⵏ ⵜⴰⴷⵓⵙⵉ ⵏ ⵓⴳⴳⵉⴷⵏ ⵉⵜⵜⵓⵙⵙⵉⵏⴼⵏ ⵙⴳ ⵜⴷⵔⴼⵉ ⵏⵏⵙⵏ ⵙ ⵜⵙⵏⵙⵉ ⵏ ⵜⵎⵜⵜⴰ 22 ⵙⴳ ⵉⵍⵓⴳⴰⵏⵏ ⵏ ⵏⵉⵍⵙⵓⵏ ⵎⴰⵏⴷⵉⵍⵍⴰ. ⵉⴽⴽⴰ ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ ⵉⵏⵥⵉ ⴳ ⵜⴰⵏⴰⴹⵜ ⵏⵏⵙ ⴹⴰⵕⴰⵜ ⵉⵔⵣⴰⴼⵏ ⵏⵏⴰ ⵉⴳⴰ ⵉ ⴽⵉⴳⴰⵏ ⵏ ⵡⴰⵎⵎⴰⵙⵏ ⵉⴹⴼⵓⵕⵏ ⵉ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵜⵊⴹⵕⵎⵜ ⵜⴰⴳⵍⴷⴰⵏⵜ ⵎⴰⵙ ⴷⴰ ⵜⵜⵓⵙⵙⵏⴽⴰⴷⵏⵜ ⵜⵉⵔⴰⵎ ⵏ ⵡⵓⵜⵛⵉ ⵙ ⵜⵙⵏⵜⴰⵢⵉⵏ ⵏ ⵜⵉⵡⵊⵉⵡⵉⵏ ⵏⵉⵖ ⵜⵉⵙⵏⵜⴰⵢⵉⵏ ⵏⵏⴰ ⵜⵜⴳⴳⴰⵏ ⵓⴳⴳⵉⴷⵏ ⵍⵍⴰⵏⵉⵏ ⴳ ⵜⵏⵎⴰⵜⴰⵔⵜ ⵜⵉⵎⵉⵥⵉⵕⵜ, ⵏⵉⵖ ⵉⵎⵙⵖⴰⵏⵏ ⵉⵎⵙⵜⴳⴳⴰⵔⵏ ⵅⴼ ⵜⵎⵙⵙⵓⴳⵓⵔⵜ ⵏ ⵡⴰⵏⵙⵉⵡⵏ ⴰⴷ. ⵉⵣⵎⵎⴻⵎ ⵎⴰⵙ ⴷ ⵙ ⵜⵎⵏⵜⵉⵍⵉⵏ ⵏ ⵜⵏⴼⵔⵓⵜ, ⵉⵜⵜⵓⵙⵙⵓⵔⴼ ⵓⵙⵙⵏⴽⴷ ⵏ ⵓⵖⵔⵓⵎ ⴷ ⵓⴽⵯⴼⴰⵢ ⴷ ⵓⴷⵉ ⴷ ⵡⴰⵎⴰⵏ, ⵜⴻⵜⵜⵡⴰⵥⵍⴰⵢ ⴽⵔⴰⵢⴳⴰⵜ ⵜⵉⵔⵎⵜ ⵉⵏⵡⴰⵏ. ⴰⵡⵉⵏⵜ ⴷ ⵜⵓⵎⴰⵢⵉⵏ ⵏ ⵓⵎⵕⵚⵓⵎ ⴰⴷ ⵅⴼ ⵓⵙⵡⵓⵜⵜⵓ ⵏ ⵓⵟⵟⵓⵏ ⵏ ⵜⵉⵔⴰⵎ ⵏ ⵡⵓⵜⵛⵉ ⵏ ⵓⴳⴳⵉⴷⵏ ⵜⵜⵡⴰⵙⵔⵙⵏⵉⵏ ⴷⴷⴰⵡ ⵜⵏⵎⴰⵜⴰⵔⵜ ⵜⵉⵎⵉⵥⵉⵕⵜ ⴷ ⵓⵎⵥⵉⵢⵏ ⵜⵜⵡⴰⵃⴹⴰⵏⵉⵏ ⴳ ⴽⵕⴰⴹⵜ ⵜⵉⵔⴰⵎ ⴳ ⵡⴰⵙⵙ, ⵜⴻⵜⵜⵓⴳⴰ ⵜⵎⴰⵜⴰⵔⵜ ⵅⴼ ⵜⵖⵜⴰⵙⵜ ⵉⵛⵛⴰⵕⵏ ⵏ ⵜⵏⴱⴰⴹⵉⵏ ⵜⵓⵏⴱⵉⴹⵉⵏ ⵉⵜⵜⵓⵙⵎⴳⴷⴰⵍⵏⵉⵏ ⵙ ⵜⵣⵔⴼⵜ ⴷ ⵜⵙⵥⵕⴼⴰⵏⵜ ⴰⵙⵡⵓⵜⵜⵓ ⵏ ⵡⴰⵜⵉⴳ ⵏ ⵜⵉⵔⴰⵎ ⵏ ⵡⵓⵜⵛⵉ, ⴷ ⵓⵙⴹⵕⵚ ⵅⴼ ⵜⵓⴽⴽⵉ ⵏ ⵓⵙⵡⵓⴷⴷⵓ ⵏ ⵡⵓⵜⵛⵉ ⵏ ⵓⴳⴳⵉⴷⵏ ⵜⵜⵡⴰⵙⵔⵙⵏⵉⵏ ⴷⴷⴰⵡ ⵜⵏⵎⴰⵜⴰⵔⵜ ⵜⵉⵎⵉⵥⵉⵕⵜ ⴷ ⵓⵎⵥⵉⵢⵏ ⵏⵏⵉ ⵜⵜⵡⴰⵃⴹⴰⵏⵉⵏ ⵉ ⵜⵏⴱⴰⴹⵉⵏ ⴷ ⵜⵎⵙⵙⵓⴳⵓⵔⵉⵏ ⵏⵏⴰ ⴷⴰⵔ ⵉⵍⵍⴰ ⵓⵣⵔⴼ ⵏ ⵎⴰⵢⴰ ⵏⵏ ⵙ ⵓⵙⵍⴳⵏ, ⵙ ⵓⵣⵣⵓⴳⵣ ⵏ ⵉⴱⴹⵉⵢⵏ ⵏ ⵓⵙⵍⴳⵏ ⵓⵟⵟⵓⵏ 22-01 ⵣⴷⵉⵏⵉⵏ ⵙ ⵜⴱⵔⵉⴷⵜ ⵜⴰⵏⴱⴽⴰⴹⵜ ⴳ ⵜⵎⵜⵜⴰ ⵏⵏⵙ 66 ⴷ 460.