ⵜⵙⴷⴷⵉⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵅⴼ ⵡⴰⴷⴷⵓⵔ ⵏ ⵓⵙⴷⵓⵙ ⵏ ⵡⴰⵎⵎⴰⵥⵏ ⵏ ⵓⵙⴰⵡⵔ ⵏ ⵓⴼⵔⴰⴳ ⴰⵏⴰⵎⵓⵏ ⴰⴽⴰⵢⵍⴰⵍ, ⵜⵖⵔ ⵙ ⵓⵙⴷⵓⵙ ⵏ ⵜⵓⵎⵙⵉⵙⵜ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴰⴽⴷ ⵜⵏⵜⴰⵎⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵓⵎⵙⵉⵙⵜ ⵏ ⵓⵏⴳⵔⴰⵡ ⴰⴷ ⴰⵏⴰⵎⵓⵔ ⴰⴽⴷ ⵉⵙⵖⵍⴰⴼ ⵏⵏⵉ ⴷ ⵉⴼⴼⴰⵖⵏ ⵙⴳ ⵜⵎⴰⴷⴷⴰⵙⵜ ⵏ ⵜⵡⵓⵔⵉ ⵜⴰⴳⵔⴰⵖⵍⴰⵏⵜ.
ⵉⴷⴷⴰ ⴷ ⵖⴰⵢⴰ ⴷ ⴳ ⵜⴳⵓⵔⵉ ⵏⵏⵙ ⴳ ⵜⵉⴼⴰⵡⵜ ⵏ ⵡⴰⵙⵙ ⵏ ⵓⵢⵏⴰⵙ 17 ⴱⵕⴰⵢⵕ 2025 ⴳ ⵜⵖⵉⵎⵉⵜ "ⴰⵙⴰⵜⵉ ⴰⵎⴰⵜⴰⵢ ⵏ ⵓⵏⴰⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵏ ⴳ ⵍⵎⵖⵔⵉⴱ ⴷ ⵜⵏⵥⴰⵕ ⵏ ⵜⵓⵎⵙⵉⵙⵜ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴰⴽⴷ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ ⵏⵏⵉ ⴷ ⴷⴰⵔ ⴰⵣⴷⴰⵢ", ⵉⵜⵜⵓⵙⵏⵎⴰⵍⴰⵏ ⴳ ⵓⵙⴰⵜⵉ ⵏ ⵓⵙⴳⵔⴰⵡ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ ⵡⵉⵙⵙ ⵜⵥⴰ ⵏ ⵜⵣⵔⴼⵜ ⵜⴰⵏⴰⵎⵓⵏⵜ, ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵙ ⵜⴷⵔⴰⵡⵜ ⴷ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ ⴷⴷⴰⵡ ⵏ ⵜⵎⴰⵜⴰⵔⵜ "ⴰⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ ⴳ ⵍⵎⵖⵔⵉⴱ : ⵜⴰⵏⵏⴰⵢⵜ ⵜⴰⵏⴳⵎⵓⵜ ⵙ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ".
ⵎⵇⵇⴰⵔ ⵜⵣⵎⵎⴻⵎ ⵎⴰⵙⵙⴰ ⴱⵓⵄⵢⴰⵛ ⵙ ⵓⵎⵏⵉⴳ ⵜⴰⵣⵣⵉⴳⵣⵜ ⵉⵜⵜⵡⴰⵍⴽⴰⵎⵏ ⴳ ⵜⵙⴽⵔⴰⵡⵜ ⵏ ⵓⵙⴰⵡⵔ ⴰⴷ ⴳ ⵓⵙⵡⵉⵔ ⵏ ⵜⵎⵔⵏⵉⵡⵜ ⵏ ⵡⵓⵟⵟⵓⵏ ⵏ ⵉⵏⴱⵖⵓⵔⵏ ⴳ ⵉⵖⴰⵡⴰⵙⵏ ⵉⵎⵢⴰⵏⴰⵡⵏ, ⵜⵙⵎⵏⵉⴷ ⴳ ⵜⴳⵓⵔⵉ ⵏⵏⵙ ⴽⵔⴰ ⵏ ⵜⵏⵥⴰⵕ ⵏⵏⴰ ⵅⴼ ⵉⴱⴷⴷ ⵓⵙⵇⵇⵉⵎ ⴳ ⵜⴹⴼⵕⵉ ⵜⴰⴽⵓⵢⴰⵙⵙⵜ ⵉ ⵜⵙⵓⵔⵉⴼⵉⵏ ⵜⵉⵎⵢⴰⵏⴰⵡⵉⵏ ⵏ ⵓⵣⵣⴳⵉⵔ ⴷ ⴽⵔⴰ ⵏ ⵜⵏⵓⵔⵣⵉⵏ ⵉⵜⵜⵓⵙⵏⵎⴰⵍⴰⵏ ⴳ ⴽⴽⵓⵥ ⵏ ⵉⵙⴳⴳⵯⴰⵙⵏ ⵉⵣⵔⵉⵏ, ⵉⵥⵍⵉⵏ ⵙ:
- ⵜⴰⵏⴼⵔⵓⵜ ⵏ ⵜⵙⵓⵍⵜ ⵏ ⵓⵙⵙⵥⵕⴼ ⵏ ⵓⵙⵏⵜⵉ ⵙ ⵉⴼⵔⴷⵉⵙⵏ ⵏⵏⵙ ⵉⵎⵢⴰⵏⴰⵡⵏ;
- ⴰⵣⵎⵎⴻⵎ ⴳ ⵓⵎⵙⵓⵙⵔ ⴰⵏⴰⵎⵓⵔ ⵏ ⵉⵎⵣⴷⴰⵖ ⴷ ⵓⵎⵙⵓⵙⵔ ⴰⵏⴰⵎⵓⵏ ⵉⵎⵓⵏⵏ;
- ⵉⵎⵣⴰⵔⴰⵢⵏ ⵉⴼⵔⴽⴰⵏⵏ ⴷ ⵜⵓⵖⵓⵍⵉⵏ ⵏⵏⵙⵏ ⵅⴼ ⵡⴰⴷⴰⴼ ⵖⵔ ⵓⵣⵔⴼ ⴳ ⵜⴷⵓⵙⵉ;
- ⴰⵍⵎⴰⴹ ⵏ ⵜⵓⵚⴽⵉⵡⵉⵏ ⵜⵉⴷⵓⵙⴰⵏⵉⵏ ⵜⵉⴳⴷⵓⴷⴰⵏⵉⵏ;
- ⴰⵙⵎⴰⴷ ⵏ ⵓⵣⵔⴰⵢ ⵙⴳ ⵓⵏⴳⵔⴰⵡ ⵏ "ⵕⴰⵎⵉⴷ" ⵖⵔ ⵓⵙⴼⵍⵙ ⵓⵛⵛⵉⵍ, ⴷ ⵡⵉⵢⵢⴰⴹ.
ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⵉⴳⴰ ⵓⵙⵏⵜⵉ ⵏ ⵓⵙⵎⴰⴷ ⵏ ⵓⵏⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵏ ⵏⵏⴰ ⴳ ⵉⴽⵛⵎⵏ ⵍⵎⵖⵔⵉⴱ ⴰⵙⵏⵜⵍ ⵓⵚⴽⵉⵡ ⴳ ⵓⵙⴰⴽⴰ ⵏ ⵓⵙⵎⵀⵍ ⵏ ⵓⵣⵔⴼ ⴰⴷⵙⵍⴰⵏ ⴷ ⵓⴽⴰⵢⵍⴰⵍ ⴷ ⵓⵏⴳⵎⵓ ⴰⵖⵣⵓⵔⴰⵏ, ⵜⵉⵏⵉ ⵎⴰⵙ ⵉⴳⴰ ⵓⵙⵍⴳⵏ ⴰⵙⴰⵜⵉ ⵓⵟⵟⵓⵏ 09.21 ⵜⴰⵙⵓⵔⵉⴼⵜ ⵜⴰⴷⵙⵍⴰⵏⵜ ⵉ ⵜⵓⵚⴽⴰ ⵏ ⵓⵏⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵏ ⴷ ⵓⵙⴷⵓⵙ ⵏ ⵜⵎⵢⴰⴳⴰⵏⵜ ⵏ ⵓⵣⵔⴼ ⴰⴷ ⵉ ⴰⴽⴽⵯ ⵉⵎⵖⵔⴰⴱⵉⵢⵏ.
ⴳ ⵓⵎⵏⴰⴹ ⵏ ⵓⵙⵉⵡⵍ ⵏⵏⵙ ⵅⴼ ⵡⴰⴷⴷⵓⵔ ⵏ ⵓⵎⵄⵉⵏⵏ ⵏ ⵓⵙⴰⵡⵔ ⴰⴷ, ⵜⵖⵔⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵙ ⵓⵙⵉⴷⴼ ⵏ ⵉⴼⵔⴷⵉⵙⵏ ⵉⵙⵓⵍⵏ ⴳ ⵓⵙⵍⴳⵏ ⴰⵙⴰⵜⵉ ⵏ ⵓⴼⵔⴰⴳ ⴰⵏⴰⵎⵓⵏ ⵙ ⵎⴰⴷ ⵉⵙⴷⵓⵙⵏ ⵜⵓⵎⵙⵉⵙⵜ ⵏⵏⵙⵏ ⴷ ⵜⵏⵜⴰⵎⵉⵏ ⵜⵉⴳⵔⴰⵖⵍⴰⵏⵉⵏ, ⵉⵥⵍⵉⵏ ⵙ ⵜⵓⴳⴳⴰⵥⵜ ⵜⴰⵎⵙⵏⵉⵊⵊⵉⵜ ; ⵜⵉⵡⵉⵙⵉⵡⵉⵏ ⵏ ⵜⵎⴰⴹⵓⵏⵜ, ⵜⵉⵡⵉⵙⵉⵡⵉⵏ ⵏ ⵜⴰⵔⵡⵓⵔⵉ ; ⵜⵉⵎⴰⵙⵙⴰⵢⵉⵏ ⵏ ⵜⵡⵙⵔⵜ; ⴷ ⵡⴰⵔⵔⴰⵣⵏ ⵏ ⵜⴰⴳⴰⵜⵉⵏ ⵉⵜⵜⵊⵔⵓⵏ ⴳ ⵜⵡⵓⵔⵉ ; ⴷ ⵜⵉⵡⵉⵙⵉⵡⵉⵏ ⵏ ⵜⵡⴰⵛⵓⵏⵜ.
ⵓⵔ ⵜⴻⵜⵜⵓ ⵎⴰⵙⵙⴰ ⴱⵓⵄⵢⵢⴰⵛ ⴰⴷ ⵜⵙⵙⴽⵜⵉ ⵙ ⴽⵔⴰ ⵏ ⵉⵎⵏⵣⴰⵢⵏ ⵉⴳⵔⴰⵖⵍⴰⵏⵏ ⴷ ⵢⵓⵡⵉⵏ ⵅⴼ ⵓⴼⵔⴰⴳ ⴰⵏⴰⵎⵓⵏ, ⵏⵏⴰ ⵅⴼ ⵉⵜⵜⵓⵙⴽⴰⵔ ⵜⴻⵜⵜⵓⵙⵙⵉⵜⴳ ⵜⵏⴼⵔⵓⵜ ⵏ ⵓⴼⵔⴰⴳ ⴰⵏⴰⵎⵓⵏ, ⵉⴷⴷⵖ ⵙⴷⴷⵉⴷⵏⵜ ⵜⵎⵜⵜⴰⵡⵉⵏ 22 ⴷ 25 ⵏ ⵓⵍⵖⵓ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⵏⴼⵔⵓⵜ ⵏ ⵓⵣⵔⴼ ⴳ ⵓⴼⵔⴰⴳ ⴰⵏⴰⵎⵓⵏ ⴷ ⵓⵙⵡⵉⵔ ⵏ ⵜⵓⴷⵔⵜ ⵉⵍⴰⵇⵏ, ⵙⵡⵓⵜⵜⴰⵏⵜ ⵜⵎⵜⵜⴰⵡⵉⵏ 9 ⴷ 10 ⵏ ⵓⵎⵉⵔⵓ ⴰⴳⵔⴰⵖⵍⴰⵏ ⵉⵥⵍⵉⵏ ⵙ ⵉⵣⵔⴼⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⵜⴰⵏⴼⵔⵓⵜ ⵏ ⵓⴼⵔⴰⴳ ⴰⵏⴰⵎⵓⵏ ⵙ ⴰⴽⴽⵯ ⵜⴰⵍⵖⵉⵡⵉⵏ ⵏⵏⵙ, ⴷ ⵉⵜⵜⵢⵓⵔⴰ ⴳ ⵓⵡⵜⵜⴰⵙ ⵡⵉⵙⵙ ⴽⵕⴰⴹ ⵏ ⵜⴱⵔⵉⴷⵜ 2030 ⵏ ⵜⵏⴼⵍⵉⵜ ⵜⴰⵙⵓⵍⴰⵏⵜ ⵅⴼ ⵓⵙⵔⵙ ⵏ ⵓⵏⴳⵔⴰⵡ ⴷ ⵉⵙⵡⵓⴷⴷⵓⵜⵏⵏ ⵓⴼⵔⴰⴳ ⴰⵏⴰⵎⵓⵏ, ⵢⵓⵊⴷⵏ ⵉ ⵇⴰⵃ ⴷ ⵡⴰⴷⴷⵓⵔ ⵏⵏⵙ ⵉ ⵓⵙⴱⴷⴷⵉ ⵏ ⵥⵥⵍⴹ ⴷ ⵓⵙⵙⵉⴷⵔⵓⵙ ⵏ ⵉⵎⵣⴰⵔⴰⵢⵏ, ⵜⵙⵡⵓⵜⵜⴰ ⵜⵎⵢⴰⵇⵇⴰⵏⵜ 102 ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵡⵓⵔⵉ (1952) ⵉⵥⵍⵉⵏ ⵙ ⵜⵏⴼⵔⵓⵜ ⵜⴰⵏⴰⵎⵓⵏⵜ ⵉⵏⴰⵡⴰⵢⵏ ⵉⵎⴷⵔⵓⵙⵏ ⵉ ⵉⵏⴳⵔⴰⵡⵏ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ.
ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵜⵜⵡⴰⴱⴹⴰⵏⵜ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵜⵥⴰⵜ ⵏ ⵓⵙⴳⵔⴰⵡ ⴰⴷ, ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵉⵎⴷⵔⴰⵡⵏ ⵏⵏⵙ ⵉⵎⵔⵙⴰⵍⵏ ⴳ ⵓⵙⴼⵓⴳⵍⵓ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵜⵣⵔⴼⵜ ⵜⴰⵏⴰⵎⵓⵏⵜ, ⵅⴼ ⵙⵏⴰⵜ ⵏ ⵜⵖⵉⵎⵉⵜⵉⵏ ⵜⵉⵙⴳⵓⵎⴰⵏⵉⵏ ⵜⵉⴷⵙⵍⴰⵏⵉⵏ: ⵜⴰⵎⵣⵡⴰⵔⵓⵜ ⵅⴼ ⵓⵙⴰⵜⵉ ⴰⵎⴰⵜⴰⵢ ⵏ ⵓⵏⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵏ ⴳ ⵍⵎⵖⵔⵉⴱ ⴷ ⵜⵏⵥⴰⵕ ⵏ ⵜⵓⵎⵙⵉⵙⵜ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴷ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ ⵏⵏⵉ ⴷ ⴷⴰⵔ ⴰⵣⴷⴰⵢ. ⴷ ⵜⵉⵙⵙ ⵙⵏⴰⵜ ⵜⵥⵍⵉ ⵙ ⵉⴷⵔⵉⵣⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⵏ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ, ⴷ ⵜⵏⵥⴰⵕ ⵏ ⵜⵕⵡⵉ ⴷ ⵜⵙⵓⵍⵜ ⵏ ⵓⵏⴳⵔⴰⵡ ⴳ ⵓⵙⵙⵉⴷⴷ ⵏ ⵜⵎⵙⴽⵔⵉⵏ ⵜⵉⵙⵎⵣⴰⵣⴰⵍⵉⵏ.
