ⵉⴷⴷⵖ ⵉⴳⴰ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⴷⵔⵓ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⵣⵉⵣⵣⵍ ⵏ #Orange_The_World (25 ⵏⵓⵡⴰⵏⴱⵉⵔ-10 ⴷⵓⵊⴰⵏⴱⵉⵔ) ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵜⵡⵜⵎⵉⵏ ⴷ ⵜⵔⴱⴰⵜⵉⵏ ⴷ ⵡⴰⵏⵏⴰⵍ ⵉⴱⴷⴷⵏ ⵅⴼ ⵡⴰⵏⴰⵡ ⴰⵏⴰⵎⵓⵏ ⴷ ⵓⵎⵣⴰⵖ ⵅⴼ ⵉⵣⵔⴼⴰⵏ ⵏⵏⵙⵏⵜ.
ⴽⵓ ⵜⴰⵎⵖⴰⵔⵜ ⴷ ⵜⵔⴱⴰⵜ ⵜⵓⴽⵍⴰⵍ ⵜⵓⴷⵔⵜ ⴳ ⵓⴼⵔⴰ ⴳ ⵜⵓⴳⴳⵓⴳⵜ ⵅⴼ ⵜⵡⴷⴰ ⴷ ⵜⴽⵕⴹⵉ.

ⴳ ⵓⵣⵎⵣⵣⵓ ⵢⴰⴷ, ⵉⵙⵙⵓⵜⵔ ⵓⵙⵇⵇⵉⵎ ⵙⴳ ⵓⵎⴰⴹⴰⵍ ⴰⴷ ⵉⵙⵎⵓⵏ ⵜⵉⵣⵎⵎⴰⵔ ⵏⵏⵙ ⵅⴼ ⵢⴰⵏ ⵓⵎⴰⴹⴰⵍ ⴳ ⵉⵍⵍⴰ ⵓⴼⵔⴰ ⵉⴳⴳⵓⵜⵏ ⴷ ⵢⵉⵙⴽⵉⵍ ⵉ ⵜⵎⵖⴰⵔⵉⵏ ⴷ ⵜⵔⴱⴰⵜⵉⵏ. ⵉⵙⴷⴷⵉⴷ ⵓⵍⴰ ⴰⵙⵖⵓⵏ ⵏⵏⵙ ⵙ ⵓⵙⴱⴷⴷⵉ ⵏ ⵜⴽⵕⴹⵉ ⵉⴱⴷⴷⵏ ⵅⴼ ⵜⴰⴳⴳⴰⵢⵜ, ⵉⵙⵎⴰⵢⵏⵓ ⴳ ⵜⴰⵏⴰⴹⵜ ⵏⵏⵙ ⵜⴰⵙⴳⴳⵯⵙⴰⵏⵜ ⵜⴰⵎⴳⴳⴰⵔⵓⵜ, ⵉⵙⵖⵍⴰⴼ ⵏⵏⵙ ⵉ ⵜⵏⴱⴰⴹⵜ ⵏ ⵍⵎⵖⵔⵉⴱ ⴰⴷ ⵜⴰⵎⵓ ⴳ ⵡⴰⵔⵔⴰⵜⵏ ⵉⵎⴰⴹⵍⴰⵏⵏ ⴷ ⵉⵙⴳⴰⵡⴰⵏⵏ ⴳⴰⵏⵉⵏ ⵉⵎⵏⵜⴰⵢⵏ, ⴰⵎ : ⵜⴰⵎⵢⴰⵇⵇⴰⵏⵜ ⵏ ⵜⵡⵓⵔⵉ ⵜⴰⴳⵔⴰⵖⵍⴰⵏⵜ ⵓⵟⵟⵓⵏ (190) ⵏ ⵓⵙⴳⴳⵯⴰⵙ ⵏ 2019 ⵏⵏⴰ ⴷ ⵜⵙⵙⴰⴼⵖ ⵜⵎⴰⴷⴷⴰⵙⵜ ⵏ ⵜⵡⵓⵔⵉ ⵜⴰⴳⵔⴰⵖⵍⴰⵏⵜ ⵅⴼ ⵓⵙⴱⴷⴷⵉ ⵏ ⵜⴽⵕⴹⵉ ⴷ ⵓⵥⵍⵍⴻⵍ ⴳ ⵓⵙⴰⵢⵔⴰⵔ ⵏ ⵜⵡⵓⵔⵉ; ⵜⴰⵎⵢⴰⵇⵇⴰⵏⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵏ ⵡⴰⵔⴰⵢ ⵙⴳ ⵜⴽⵕⴹⵉ ⵓⵙⴱⴷⴷⵉ ⵎⴳⴰⵍ ⵏ ⵜⵡⵜⵎⵉⵏ ⴷ ⵜⴽⵕⴹⵉ ⵏ ⵜⴳⵎⵎⵉ ⴷ ⵓⵙⴱⴷⴷⵉ ⵏⵏⵙⵏ ; ⴰⵙⵎⴰⴷ ⵏ ⵜⵎⵀⵍⵉⵡⵉⵏ ⵏ ⵜⵙⵖⵣⵏⵜ ⵏ ⵜⵎⵢⴰⵇⵇⴰⵏⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵅⴼ ⵓⴼⵔⴰⴳ ⵏ ⵉⵎⵥⵢⴰⵏⵏ ⵙⴳ ⵓⵙⵖⵍⵍⴰ ⴷ ⵜⴰⴷⵓⵜ ⵜⴰⵡⵙⵢⴰⵏⵜ (ⵜⴰⵎⵢⴰⵇⵇⴰⵏⵜ ⵏ ⵍⴰⵏⵥⴰⵕⵓⵜ), ⴷ ⵓⴳⴳⴰⵔ.

ⴽⵓ ⵜⴰⵎⵖⴰⵔⵜ ⴷ ⵜⵔⴱⴰⵜ ⵜⵓⴽⵍⴰⵍ ⵜⵓⴷⵔⵜ ⴳ ⵓⴼⵔⴰ ⴳ ⵜⵓⴳⴳⵓⴳⵜ ⵅⴼ ⵜⵡⴷⴰ ⴷ ⵜⴽⵕⴹⵉ. ⴰⴷ ⵏⵎⵓⵏ ⵉ ⵢⴰⵏ ⵓⵎⴰⴹⴰⵍ ⴳ ⵜⵍⵍⴰ ⴽⵉⴳⴰⵏ ⵏ ⵜⵏⴼⵔⵓⵜ ⴷ ⵉⵙⴽⵉⵍ ⵉ ⵜⵡⵜⵎⵉⵏ ⴷ ⵜⵔⴱⴰⵜⵉⵏ.
#16 ⵏ ⵡⴰⵙⵙ ⵏ ⵓⵙⵎⵓⵙⵙⵓ ⵉ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵜⴰⵎⵖⴰⵔⵜ ⴷ ⵜⵔⴱⴰⵜ 
#ⵍⴰⵃ_ⵜⵉⵙⵄⴹⴰⵕ _ⵉ_ⵜⴽⵕⴹⵉ