ⵉⵙⵖⵍⴰⴼ ⵉⵣⵔⴼⴰⵏⵏ : 27 ⵉⵙⴳⵓⵎⴰⵏⵏ ⴷ 12 ⵏ ⵉⵎⴰⵜⴰⵢⵏ
ⴰⴼⴰⴷ ⴰⴷ ⵢⵉⵍⵉ ⵓⵙⵉⵔⵉⵡ ⵏ ⵜⵏⴼⵔⵓⵜⵉⵏ ⵏ ⵜⵎⵢⴰⴳⴰⵏⵜ ⵏ ⵜⵎⵙⴽⵔⵜ ⵏ ⵓⵙⵍⴰⴳ, ⴰⵙⵉⵇⵇⵍ ⵏ ⵜⴷⵔⴼⵉⵏ ⵜⵉⵏⵎⴰⵍⵍⴰⵏⵉⵏ, ⴷ ⵜⴰⴳⴳⵓⴳⵜ ⵙ ⵓⵣⵔⴼ ⴳ ⵓⵙⵍⴰⴳ ⴰⵏⴳⵔⴰⵢ ⵙⴳ ⴽⵔⴰⵢⴳⴰⵜ ⵓⵙⵇⵇⵏ ⴰⵔⵓⵍⴳⵉⵏ ⵏⵉⵖ ⵜⵉⵎⵔⵔⵓⵜⵉⵏ ⵜⵉⵏⴱⴽⴰⴹⵉⵏ

ⵉⵙⵙⴰⴼⵖ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⵎⵙⵙⴽⵜⵉⵜ ⵅⴼ ⵓⵙⵏⵜⵉ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 97.15 ⵉⵙⵡⴰⵜⵜⵙⵏ ⵜⵉⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵏ ⵜⵎⵙⴽⵔⵜ ⵏ ⵓⵣⵔⴼ ⵏ ⵓⵙⵍⴰⴳ, ⵙ ⵜⵓⵚⴽⴰ ⵅⴼ ⵓⴷⵓⵙⵜⵓⵔ ⵏ ⵜⴳⵍⴷⵉⵜ, ⵙⵍⴰⵡⴰⵏ ⴰⴽⴽⵯ ⵉⵙⴱⴷⴰⴷⵏ ⵏ ⵜⴳⴳⵓⵔⵜ ⵜⴰⵎⵣⵡⴰⵔⵓⵜ ⴷ ⵜⵉⵙⵙ ⵙⵏⴰⵜ, ⵍⵓⵎⵎⵏ ⴰⵎⴳⵔⴰⴷ ⵡⵉⵙⵙ ⵜⴰⵎ ⴷ ⵓⵙⵍⴳⵏ ⵓⵟⵟⵓⵏ 76.15 ⵉⵣⴷⵉⵏ ⵙ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵓⵙⵇⵇⵉⵎ, ⴷ ⵙ ⵜⵓⵚⴽⴰ ⵅⴼ ⵓⵙⵓⵜⵔ ⵏ ⵜⵓⴽⴽⵉ ⵏ ⵓⵎⵏⴰⴷ ⵉⵙⵡⴰⵍⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵙⵇⵇⵉⵎ ⴰⵙⵙ ⵏ 26 ⵢⵓⵍⵢⵓⵣ 2024.

ⵢⵓⵙⴰ ⴷ ⵓⵙⵓⴼⵖ ⵏ ⵜⵎⵙⴽⵜⵉⵜ ⴰⴷ ⵉⴷⴷⵖ ⵉⵙⵡⴰⵜⵜⵙ ⵓⵙⵇⵇⵉⵎ ⴰⴷ ⵉⴷⵔⵓ ⴳ ⵓⵙⵓⵊⴷ ⵜⵉⵏⴼⵔⵓⵜⵉⵏ ⵜⵓⵍⴳⵉⵏⵉⵏ ⴷ ⵢⵓⵙⴰⵏ ⴷ ⵜⴼⴰⴷⵉⵡⵉⵏ ⵜⵉⵎⵔⵙⴰⵍⵉⵏ ⵉⵅⵚⵚⴰⵏ ⴰⴼⴰⴷ ⴰⴷ ⵜⵉⵍⵉ ⵜⵏⴼⵔⵓⵜ ⵏ ⵜⵎⵙⴽⵔⵜ ⵜⴰⵎⵢⴰⴳⴰⵏⵜ ⵏ ⵓⵣⵔⴼ ⴳ ⵓⵙⵍⴰⴳ, ⵏⵏⵉ ⵉⴳⴰⵏ ⴰⵣⵔⴼ ⴰⴷⵙⵜⴰⵔ ⵓⵔ ⵉⵣⵎⵉⵔ ⴰⴷ ⵉⵜⵜⵓⵙⵇⵇⵏ ⴰⴱⵍⴰ ⴳ ⵓⵙⴰⵜⵉ ⵏ ⵎⴰ ⵙ ⵙⵙⵓⵔⵓⴼⵏ ⵉⵎⵏⵣⴰⵢⵏ ⵏ ⵜⵍⵓⴳⴰⵏⵜ ⴷ ⵓⵙⵓⵖⵏ ⴷ ⵓⵎⵙⴰⵙⴰ ⵎⴽⴷⴰ ⵜⵏⵜ ⵙⵙⵏⵜ ⵜⵙⴽⵍⵉⵡⵉⵏ ⵏ ⵜⵎⵜⵜⴰ ⵉⵎⵓⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⵙⵏⵏⴷⵏ ⵉⵙⵖⵍⴰⴼ ⴷ ⵉⵙⵓⵎⵔⵏ ⵉⵍⵍⴰⵏ ⴳ ⵜⵎⵙⵙⴽⵜⵉⵜ ⴰⴷ ⵅⴼ ⵓⵙⴼⵙⵉ ⴷ ⵓⵙⵏⵖⴷ ⵏ ⵜⴳⵔⵓⵎⵎⴰ ⵏ ⵉⴹⵕⵉⵚⵏ ⵉⵙⴰⵖⵓⵍⵏ ⴳ ⵢⵉⴳⵔ ⵏ ⵜⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵏ ⵜⵎⵙⴽⵔⵜ ⵏ ⵓⵣⵔⴼ ⴳ ⵓⵙⵍⴰⴳ. ⵙ ⵓⵎⵔⵏⵓ ⵅⴼ ⵓⴷⵓⵙⵜⵓⵔ ⴰⵎⵖⵔⵉⴱⵉ, ⴱⴷⴷⴰⵏⵜ ⵜⵙⵓⵎⴰⵔ ⴷ ⵜⵏⴼⵔⵓⵜⵉⵏ ⵏ ⵜⵎⵙⴽⵜⵉⵜ ⵅⴼ ⵜⵖⵓⵔⵉ ⵜⵓⴷⴷⵉⵙⵜ ⴷ ⵜⵎⵙⴰⴳⴰⵔⵜ ⵉ ⵜⴳⵔⵓⵎⵎⴰⵏ ⵉⵎⵉⵔⵓⵜⵏ ⵉⴳⵔⴰⵖⵍⴰⵏⵏ ⴷ ⵉⵙⴳⴰⵡⴰⵏⵏ ⵏⵏⵉ ⴷ ⴷⴰⵔ ⴰⵣⴷⴰⵢ, ⵍⵓⵎⵎⵏ ⵉⴹⵕⵉⵚⵏ ⵉⵏⴰⵡⴰⵢⵏ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵡⵓⵔⵉ ⴷ ⵜⴰⵏⴰⴹⵉⵏ ⵏ ⵙⵏⴰⵜ ⵜⵙⵇⵇⵉⵎⵉⵏ ⵏⵏⵙ ⵜⵉⴷⵙⵍⴰⵏⵉⵏ, ⵙ ⵓⵎⵔⵏⵓ ⵅⴼ ⵜⵎⵙⵙⴽⵜⵉⵜⵉⵏ ⵏ ⵜⵎⴰⴷⴷⴰⵙⵉⵏ ⵜⵉⵏⵎⴰⵍⵍⴰⵏⵉⵏ ⵏⵏⴰ ⵢⵓⵎⴰⵏ ⵜⵉⵙⵓⵎⴰⵔ ⵅⴼ ⵓⵜⵓⵢ ⴰⵣⵔⴼⴰⵏ ⵏ ⵜⵎⵙⴽⵔⵜ ⵏ ⵓⵣⵔⴼ ⴳ ⵓⵙⵍⴰⴳ.

ⴰⴳⴰⵎ ⵜⴰⵎⵙⵙⴽⵜⵉⵜ (ⵙ ⵜⴰⵄⵕⴰⴱⵜ)
ⴰⴳⴰⵎ ⵏ ⵜⴳⴹⵡⵉⵜ ⵏ ⵜⵎⵙⵙⴽⵜⵉⵜ