ⵜⵙⴷⴷⵉⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙ ⵜⴳⴰ ⵜⵣⵔⴼⵜ ⵜⴰⴼⵔⴽⴰⵏⵜ ⴰⵙⴰⵜⵉ ⴰⴷⵙⵍⴰⵏ ⵉ ⵜⵓⵚⴽⴰ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵉⴷⵓⵙⵏ ⵉⵜⵜⵡⵇⵇⴰⵔⵏ ⵜⵉⵎⵥⵍⴰⵢⵉⵏ ⵜⵉⴷⵖⴰⵔⴰⵏⵉⵏ, ⵙⴷⵓⵙⵏⵜ ⴰⵏⴱⴰⴹ ⴰⴽⴰⵍⴰⵏ ⴷ ⵜⴷⵔⴰⵡⵜ ⵜⴰⵏⵎⵓⵔⵉⵜ ⵃⵎⴰ ⴰⴷ ⵜⵜⵓⵏⴼⵔⵓⵏ ⵉⵣⵔⴼⴰⵏ ⵉⴷⵙⵍⴰⵏⵏ ⴷ ⵓⵙⵙⵉⴷⵔⵓⵙ ⵏ ⵉⵎⵣⴰⵔⴰⵢⵏ ⵉⵏⴰⵎⵓⵏⵏ.

ⵉⴷⴷⴰ ⴷ ⵎⴰⵢⴰ ⵏⵏ ⴰⵙⵙ ⴰⴷ ⴳ ⵢⴰⵜ ⵜⴳⵓⵔⵉ ⵉⵖⵔⴰ ⵜⵜ ⵙ ⵜⵎⵓⵔⴰⵢⵜ ⵎⴰⵙⵙ ⵄⴱⴷⵍⵎⵊⵉⴷ ⴱⵍⵖⵣⴰⵍ, ⴰⵎⵛⵛⵉⵡⵔ ⵖ ⴷⴰⵔ ⵜⵏⵙⵙⵉⵅⴼⵜ, ⴳ ⵓⵕⵥⵥⵓⵎ ⵏ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵜⵉⵙ ⵙⴰⵜ ⵅⴼ "ⵉⵎⵣⴰⵔⴰⵢⵏ ⴷ ⵜⵙⵔⵜⴰⵢ ⵏ ⵡⴰⵍⴰⵙ ⵏ ⵓⴱⵟⵟⵓ ⴳ ⵉⵥⵥⵍⵎⴹ ⵏ ⵉⴼⵔⵉⵇⵢⴰ" ⵏⵏⴰ ⵉⵙⵏⵎⴰⵍⴰ ⵡⴰⵎⵎⴰⵙ ⵏ ⵜⵣⵔⴰⵡⵉⵏ ⴷ ⵉⵔⵣⵣⵓⵜⵏ ⴳ ⵜⵎⴰⵙⵙⴰⵏⵉⵏ ⵜⵉⵏⴰⵎⵓⵏⵉⵏ ⴷ ⵓⵙⵇⵇⵉⵎ ⴳ ⵓⵙⵉⵏⴰⴳ ⵏ ⴷⵔⵉⵙ ⴱⵏⵣⴽⵔⵉ.

ⴳ ⵓⵎⵏⵉⴷ ⴰⴷ, ⵜⵙⵉⵙⴼⵉⵡ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⴷⴰ ⵜⵜⵓⵔⴰⵔⵏ ⵉⵎⴳⴳⴰⵢⵏ ⵓⵖⵔⵉⵎⵏ ⴷ ⵉⵙⵔⵜⴰⵏⵏ ⵢⴰⵜ ⵜⵉⵍⴰⵍⵜ ⵜⴰⴽⵙⵡⴰⵜ ⴳ ⵓⵙⵎⵀⵍ ⵏ ⵉⵎⴰⵙⵙⵏ ⵏ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵓⵙⵙⵉⴷⵔⵓⵙ ⵏ ⵉⵎⵣⴰⵔⴰⵢⵏ, ⵜⵙⵙⴽⵕⵥ ⵅⴼ ⵡⴰⴷⴷⵓⵔ ⵏ ⵓⵙⵍⵎⴷ ⴷ ⵜⴷⵔⴰⵡⵜ ⵜⴰⵏⵎⵓⵔⵉⵜ ⴷ ⵉⵙⴽⵉⵍ ⵉⵏⴳⵔ ⵜⴰⴳⴳⴰⵢⵉⵏ ⴷ ⵓⵙⵙⵉⴷⵔⵓⵙ ⵏ ⵉⵎⵣⴰⵔⴰⵢⵏ ⴷ ⵓⵙⴷⵓⵙ ⵏ ⵓⵎⵢⴰⵎⴰⵥ ⴰⵏⴰⵎⵓⵏ ⴷ ⵓⵡⴰⴹ ⵙ ⵜⵣⵔⴼⵜ ⵜⴰⵏⴰⵎⵓⵏⵜ.
 

ⵜⵙⵉⵙⴼⵉⵡ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⵎⴰⵙ ⴷⴰ ⵢⴰⴽⴽⴰ ⵓⵙⵇⵇⵉⵎ ⴰⴷⴷⵓⵔ ⴰⵎⵇⵇⵔⴰⵏ ⵉ ⵜⵎⵙⴰⵔⵉⵏ ⵏ ⵜⵣⵔⴼⵜ ⵜⴰⵏⴰⵎⵓⵏⵜ, ⴰⵔ ⵉⵙⵡⵓⵔⵉ ⵙ ⵜⵙⵓⵍⵜ ⵅⴼ ⵡⴰⵏⵏⴰⵍ ⵏ ⵉⵎⴳⴳⴰⵢⵏ ⵓⵖⵔⵉⵎⵏ ⴷ ⵓⵙⴷⵓⵙ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ ⵙ ⵜⵙⵜⵔⴰⵜⵉⵊⵉⵜ ⵉⴱⴷⴷⵏ ⵅⴼ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ, ⵃⵎⴰ ⴰⴷ ⵉⵜⵜⵓⵏⴼⵔⵓ ⵉⵙⴽⵉⵍ ⴷ ⵓⵡⴰⴹ ⵙ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵜⴼⵔⴽⴰⵏⵜ.

ⴰⵎⵓⵏ ⴳ ⵓⵖⴰⵡⴰⵙ ⵏ ⵜⵉⵏⴰⵡⵜ ⴰⴷ ⴽⵉⴳⴰⵏ ⵏ ⵉⵎⵓⵣⴰⵢⵏ ⴷ ⵉⵎⵔⵣⵓⵜⵏ ⵏⵏⵉ ⵉⵎⴹⴰⴽⴰⵕⵏ ⵅⴼ ⵉⵎⴰⵙⵙⵏ ⵏ ⵓⵎⵏⴰⵍⴰ ⵏ ⵉⵎⵣⴰⵔⴰⵢⵏ ⵙ ⵜⵎⵢⴰⴷⴰⵙⵉⵏ ⴳⴳⵓⵜⵏⵉⵏ ⵙ ⵓⴼⵙⴰⵔ ⵏ ⵜⵉⵔⵎⵉⵜⵉⵏ ⵜⵉⵎⵢⴰⵏⴰⵡⵉⵏ ⵅⴼ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵜⵙⵔⵜⴰⵢ ⵏ ⵡⴰⵍⴰⵙ ⵏ ⵓⴱⵟⵟⵓ, ⴰⴼⴰⴷ ⴰⴷ ⵜⵉⵍⵉ ⵜⵙⵉⵍⴰⵡⵜ ⵏ ⵉⵥⵕⵉ ⴰⵖⵣⵓⵔⴰⵏ ⵅⴼ ⵜⵎⴰⵎⴽⵜ ⵏ ⵓⵡⴰⴹ ⵙ ⵜⵣⵔⴼⵜ ⴷ ⵓⵙⵙⵉⴷⵔⵓⵙ ⵏ ⵉⵎⵣⴰⵔⴰⵢⵏ ⵉⵏⴰⵎⵓⵏⵏ ⴳ ⵉⵥⵥⵍⵎⴹ ⵏ ⵉⴼⵔⵉⵇⵉⵢⴰ.

ⵎⴽⴷⴰ ⵜⵙⵡⴰⵜⵜⵙ ⵜⵉⵏⴰⵡⵜ ⴰⴷ ⴰⵙⵙⵉⴷⴷ ⵅⴼ ⵜⵏⵥⵕⵉⵏ ⵜⵉⵏⴰⵎⵓⵏⵉⵏ ⴷ ⵜⴷⴰⵎⵙⴰⵏⵉⵏ ⵏⵏⵉ ⵉⵜⵜⵎⵏⴰⵍⴰⵏ ⵜⴰⵎⵏⴰⴹⵜ ⵏ ⵉⵥⵥⵍⵎⴹ ⵏ ⵉⴼⵔⵉⵇⵉⵢⴰ ⴳ ⵜⴼⵔⴽⵜ ⵏ ⴹⴰⵕⴰⵜ 2011, ⵎⴽⴷⴰ ⵜⵙⵡⴰⵜⵜⵙ ⵉⵏⵉⴳ ⵏ ⵜⵙⵔⵜⴰⵢ ⵜⵉⵏⴱⵣⴰⵣⵉⵏ ⵉ ⵓⵙⵙⵉⴷⵔⵓⵙ ⵏ ⵉⵎⵣⴰⵔⴰⵢⵏ ⴷ ⵓⵙⴷⵓⵙ ⵏ ⵜⵣⵔⴼⵜ ⵜⴰⵏⴰⵎⵓⵏⵜ ⴳ ⵜⵎⵏⴰⴹⵜ.