ⵉⴷⵔⵓ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵢⴰⵜ ⵜⵙⵇⵇⴰⵢⵎⵓⵜ ⵅⴼ "ⵜⵏⴼⵔⵓⵜⵉⵏ ⵏ ⵓⵏⴳⵉⵙⵏ ⴳ ⵓⵙⵏⵜⵉ ⵏ ⵜⴱⵔⵉⴷⵜ ⵜⴰⵏⴱⴽⴰⴹⵜ - ⵜⵉⵙⴷⵓⴽⴰⵍ ⵏ ⵜⵣⴷⵓⵖⵜ ⴳ ⵍⵎⵖⵔⵉⴱ ⵙ ⵓⵎⴷⵢⴰ" ⵏⵏⵉ ⵉⵙⵏⵎⴰⵍⴰ ⵓⵣⴷⴷⵓⵢ ⴰⵏⴰⵎⵓⵔ ⵏ ⵓⵏⴳⵉⵙⵏ ⵏ ⵜⵙⴷⵓⴽⴰⵍ ⵏ ⵜⵣⴷⵓⵖⵜ ⴷ ⵓⵥⴽⴰⵡ ⴳ ⵍⵎⵖⵔⵉⴱ, ⴰⵙⵙ ⵏ ⵓⵙⵉⵎⵡⴰⵙ 25 ⴽⵟⵓⴱⵕ 2024 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ.

ⵙ ⵜⵎⵍⴷⴰ ⴰⴷ, ⵉⵙⵉⵙⴼⵉⵡ ⵓⵙⵍⵎⴰⴷ ⵎⵓⵃⵎⵎⴰⴷ ⵍⵀⴰⵛⵉⵎⵉ, ⴰⵏⵎⵀⴰⵍ ⵏ ⵜⵣⵔⴰⵡⵉⵏ ⴷ ⵓⵏⵜⴰⵎ ⴳ ⵓⵙⵇⵇⵉⵎ, ⵎⴰⵙ ⴷ ⵜⵉⵏⵥⵕⵜ ⵜⴰⵎⵇⵇⵔⴰⵏⵜ ⵏⵏⵉ ⵉⵜⵜⵎⵏⴰⵍⴰⵏ ⵜⵓⵎⴰⵏⵜ ⴰⴷ ⵉⴳⴰ ⵜⵜ ⴰⵍⵎⴰⴹ ⵏ ⵓⴼⵔⴰⴳ ⵓⵍⴳⵉⵏ ⵏ ⵉⵣⵔⴼⴰⵏ ⵏ ⵉⴷ ⴱⴰⴱ ⵏ ⵉⵥⴽⴰⵡⵏ, ⵉⵙⵙⵎⵜⵔ ⵎⴰⵙ ⵍⵍⴰⵏⵜ ⵜⵏⵥⴰⵕ ⵢⴰⴹⵏⵉⵏ ⵉⵣⴷⵉⵏ ⵙ ⵜⵙⴷⵓⴽⴰⵍ ⵏ ⵜⵣⴷⵓⵖⵜ ⴷⵜⵉⵍⴰⵍⵜ ⵏⵏⵙⵏⵜ ⴳ ⵉⵍⵉⵃ ⵏ ⵓⵙⴰⵜⵉ ⵓⵣⵔⵉⴼ ⵉⵥⵍⵉⵏ ⵉⵙⵏⵎⴰⵍⴰⵏ ⵜⴰⵡⵓⵔⵉ ⵏⵏⵙⵏⵜ ⵙ ⵜⵡⵉⵍⴰ ⵉⵏⵖⴷⵏ.

ⵉⵙⴷⴷⵉⴷ ⵎⴰⵙⵙ ⵍⵀⴰⵛⵉⵎⵉ ⵎⴰⵙ ⵔⴰⴷ ⴰⵡⵙⵏⵜ ⵜⵡⵓⵔⵉⵡⵉⵏ ⵏ ⵜⵙⵇⵇⴰⵢⵎⵓⵜ ⴰⴷ  ⴽⵉⴳⴰⵏ ⴳ ⵓⵙⵏⵖⵍ ⵏ ⵉⴼⵙⵙⴰⵢⵏ ⵉⵕⵡⴰⵏ ⵉ ⵓⵣⵔⴰⵢ ⵏ ⵜⵏⵥⴰⵕ ⵏⵏⵉ ⵉⵜⵜⵎⵏⴰⵍⴰⵏ ⵉⵣⵔⴼⴰⵏ ⵏ ⵓⵏⴳⵉⵙⵏ ⵏ ⵜⴼⵔⵢⴰⵏⵉⵏ ⵏ ⵓⵥⴽⴰⵡ ⴷ ⵜⵙⴷⵓⴽⵍⵉⵏ ⵏ ⵜⵣⴷⵓⵖⵜ, ⵙ ⵎⴰⴷ ⵉⵜⵜⴰⵡⵙⵏ ⴳ ⵜⵉⵍⵉⵜ ⵏ ⵜⵣⵔⴼⵜ ⴷ ⵓⵙⵓⵎⵓ.