ⵉⴷⵔⵓ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⵙⴳⴰⵡⴰⵏ ⵏ ⵉⵄⵔⵔⵉⵎⵏ ⵅⴼ "ⵜⵉⵍⴰⵍⵜ ⵏ ⵉⵄⵔⵔⵉⵎⵏ ⴷ ⵜⵄⵔⵔⵉⵎⵉⵏ ⴳ ⵓⵙⴱⴷⴷⵉ ⵏ ⵉⵏⴰⵡ ⵏ ⵓⴽⵙⴰⵏ ⴷ ⵓⵙⴷⵓⵙ ⵏ ⵜⵓⵚⴽⴰ ⵏ ⵡⴰⵎⵓⵏⵏ ⵉⵏⴳⵔⴰⵓⵏ ⴷ ⵉⵖⵣⵓⵔⴰⵏⵏ", ⵉⵜⵜⵓⵙⵏⵎⴰⵍⴰⵏ ⵓⵙⵙⴰⵏ ⵏ 30 ⴷ 31 ⵖⵓⵛⵜ 2022 ⴳ ⵍⵓⴱⵏⴰⵏ, ⵏⵏⴰ ⵉⵙⵏⵎⴰⵍⴰ ⵓⵙⵉⵔⴰ ⵏ ⵜⴳⵏⵙⴰⵙⵜ ⵜⴰⵎⴰⵜⵜⴰⵢⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⴳⴰⵡⴰⵏ ⴳ ⵓⴳⵎⵎⵓⴹ ⴰⵏⴰⵎⵎⴰⵙ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ. ⵙ ⵜⵎⵍⴷⴰ ⴰⴷ, ⵉⵙⵙⵉⴷⴷ ⵓⵙⵇⵇⵉⵎ ⵅⴼ ⵜⵉⵍⴰⵍⵉⵏ ⵏⵏⴰ ⵉⵜⵜⴳⴳⴰ ⵉⴷⴷⵖ ⵉⴳⴰ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵢⵓⵎⵥⵏ ⵜⴰⵙⴽⵯⴼⵍⵜ "ⴰ" ⴷⴰ ⵜⵙⵖⵣⴰⵏ ⴳ ⵜⵡⵓⵔⵉ ⵏⵏⵙ ⵢⴰⵜ ⵜⵎⵢⴰⴷⴰⵙⵜ ⵏ ⴽⵕⴰⴹ ⵉⵎⵏⵉⴷⵏ: ⴰⵔⴰⵢ ⵙⴳ ⵜⵕⵥⵉⵢⵉⵏ ⴷ ⵓⴼⵔⴰⴳ ⵙⴳⵉⵙⵏⵜ ⴷ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵓⴼⴳⴰⵏ. ⵉⵙⴷⴷⵉⴷ ⵓⵙⵇⵇⵉⵎ ⵅⴼ ⵡⴰⴷⴷⵓⵔ ⵏ ⵓⵙⵎⵀⵍ ⵏ ⵜⵉⵍⴰⵍⵜ ⵏ ⵜⵎⵔⵙⴰⵍ ⴷ ⵜⵙⴳⴳⵯⵉⵏ ⵜⵉⵎⴳⴳⴰⵢⵉⵏ ⴳ ⵓⵙⴱⴷⴷⵉ ⵏ ⵉⵏⴰⵡ ⵏ ⵓⴽⵙⴰⵏ ⵙ ⵓⵎⵙⴰⵙⴰ ⴰⴽⴷ ⵜⵏⴱⴰⴹⵜ ⵏⵏⴰ ⴰⵙ ⵉⵜⵜⵡⴰⴼⴽⴰⵏ, ⵉⵖ ⵉⴳⴰ ⴰⵡⴷ -ⵜⴰⵏⴱⴰⴹⵜ ⵜⵓⵣⵔⵉⴼⵜ ⴷ ⵜⵎⵣⵣⴳⴰⵔⵜ ⴷ ⵜⵏⵣⵔⴰⴼⵜ, ⴷ ⵉⵏⴱⴷⴰⴷⵏ ⵅⴼ ⵓⵙⵔⵙ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵣⵣⴳⵉⵔ ⵏⵏⵙⵏⵜ, ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴷ ⵡⴰⵎⵓⵏ ⵓⵖⵔⵉⵎ ⴷ ⵉⵎⵡⴰⵙⵙⴰⵏⵏ ⴷ ⵓⴼⵔⵉⴷⵏ). ⴳ ⵓⵎⵏⴰⴹ ⴰⴷ, ⵜⵙⵙⴼⴰⵡ ⵜⴳⵏⵙⴰⵙⴰⵜ ⵏ ⵓⵙⵇⵇⵉⵎ, ⵎⴰⵙⵙⴰ ⵎⴰⵍⴰⴽ ⴱⵏ ⵙⵙⵖⵉⵔ, ⴰⵙⴰⵜⵉ ⴳ ⵜⵎⵀⵍⴰ ⵏ ⵜⴷⵔⴰⵡⵜ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ, ⵜⵉⵣⵎⵎⴰⵔ ⵏⵏⴰ ⵉⵜⵜⴳⴳⴰ ⵓⵙⵇⵇⵉⵎ ⵅⴼ ⵓⵙⴷⵓⵙ ⵏ ⵓⵎⵢⴰⵙⵙⴰ ⵏⵏⵙ ⴰⴽⴷ ⵜⵎⵔⵙⵍⵜ ⵜⵓⵣⵔⵉⴼⵜ ⵙ ⵓⵙⵎⵀⵍ ⵏ ⵉⵎⵏⵣⴰⵢⵏ ⵏ ⴱⵉⵍⴳⵔⴰⴷ ⴷ ⵢⵉⵡⵉⵣ ⵏⵏⵙ ⵅⴼ ⵜⵖⵓⵔⵉ ⵏ ⵓⵙⵖⴰⵍ ⵏ ⵜⵓⵎⵙⵉⵙⵜ ⵏ ⵉⴹⵕⵉⵚⵏ ⵓⵣⵔⵉⴼⵏ ⴰⴽⴷ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵙⵖⵍⴼ ⴳ ⵜⴰⵏⴰⴹⵉⵏ ⵏⵏⵙ ⵜⵉⵙⴳⵯⵙⴰⵏⵉⵏ ⴰⵙⵓⵖⵏ ⵏ ⵓⵙⵔⵙ ⵏ ⵓⵙⴰⵜⵉ ⵓⵍⴳⵉⵏ ⴷ ⵢⵓⵙⴰⵏ ⵉ ⵜⵏⴽⵔⴰ ⴷ ⵓⵙⴱⴷⴷⵉ ⵏ ⵉⵏⴰⵡ ⵏ ⵓⵊⴷⴰⵔ ⴷ ⵓⵙⵏⵓⵃⵢⵓ ⴷ ⵓⴽⵙⴰⵏ ⴷ ⵜⴽⵕⴹⵉ, ⵎⴽⴷⴰ ⵉⵖⵔⴰ ⵙ ⵜⵎⵔⵏⵉⵡⵜ ⵏ ⵉⵙⴱⴷⴰⴷⵏ ⵉⵥⵍⵉⵏ ⵙ ⵓⵙⵉⵎⵎⵕ ⵅⴼ ⵉⴳⵉ ⵏ ⵓⴱⴽⴽⵉⴹ ⵏⵉⵖ ⵜⵉⵙⵙⵍⵜ ⵏⵉⵖ ⵉⴳⵉ ⵅⴼ ⵉⵜⵜⵎⵔⵔⴰⵜ ⵓⵙⵍⴳⵏ ⴳ ⵓⵙⵖⵏⵓ ⵏ ⵓⵙⵍⴳⵏ ⴰⵏⴱⴽⴰⴹ ⵙ ⵓⵙⵡⵓⵜⵜⵓ ⵏ ⵉⴼⵔⴷⵉⵙⵏ ⵏⵏⵙ ⵙ ⵜⵡⵉⵍⴰ ⵜⴰⵙⵙⴼⵏⵥⴰⵢⵜ ⴷ ⵜⵓⵏⵖⵉⴷⵜ. ⴳ ⵜⴳⵉⵔⴰ ⵏ ⵓⴼⵙⵔ ⵏⵏⵙ, ⵉⵖⵔⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵉⵄⵔⵔⵉⵎⵏ ⴷ ⵜⵄⵔⵔⵉⵎⵉⵏ ⵙ ⵜⴷⵔⴰⵡⵜ ⴳ ⵇⴰⵃ ⵜⵓⴳⴳⴰⵣ ⵏ ⵓⵎⵏⴰⵍⴰ ⵏ ⵉⵏⴰⵡ ⵏ ⵓⴽⵙⴰⵏ ⴷ ⵓⵎⴷⴰⵢ ⵏ ⵜⵡⵓⵔⵉ ⵏ ⵜⵎⵔⵙⴰⵍ ⵜⵜⵡⴰⵥⵍⴰⵢⵏⵉⵏ ⴳ ⵓⵎⵏⵉⴷ ⴰⴷ ⵙ: • ⴰⵙⴷⴷⵉⴷ ⵉ ⵜⵎⵔⵙⵍⵜ ⵜⵓⵣⵔⵉⴼⵜ ⵅⴼ ⵓⵙⴱⵓⵖⵍⵓ ⵏ ⵉⵙⵍⴳⵏⵏ ⵏ ⵓⵙⴱⴽⴽⴹ ⴷ ⵓⵙⴱⴷⴷⵉ ⵏ ⵉⵏⴰⵡ ⵏ ⵓⴽⵙⴰⵏⵉ ⵜⵎⵔⵙⵍⵜ ⵜⵓⵣⵔⵉⴼⵜ; • ⴰⵙⵎⵏⵉⴷ ⵏ ⵜⵏⵓⵔⵣⵉⵏ ⴷ ⵓⵎⴷⴰⵢ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ; • ⴰⵙⴷⵓⵙ ⵏ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵉⵏⵎⵓⵇⵇⴰⵔⵏ ⵏⵉⵖ ⵉⴼⵉⴷⵢⵓⵜⵏ ⵏⵉⵖ ⵜⵉⵙⵓⵜⴰⵍ ⵏ ⵓⵙⵎⵓⵜⵜⴳ; • ⵜⴰⵡⵏⴰ ⵅⴼ ⵡⴰⴷⴷⵓⵔ ⵏ ⵓⵙⴳⵎⵉ ⴷ ⵜⵉⵍⴰⵍⵜ ⵏ ⵜⵎⵔⵙⴰⵍ ⵜⵉⵙⴳⵎⴰⵏⵉⵏ ⴷ ⵓⵎⴷⴰⵢ ⵏ ⴽⵔⴰⵢⴳⴰⵜ ⵉⴼⵔⴷⵉⵙⵏ ⵏⵉⵖ ⵓⵎⵍⴰⵏ ⴳ ⵉⵖⴰⵡⴰⵙⵏ ⵉⵏⵎⵍⴰⵏⵏ ⵉⵣⵎⵔⵏⵏ ⴰⴷ ⵙⵉⵎⵎⵕⵏ ⵅⴼ ⵓⴽⵙⴰⵏ ⴷ ⵓⵙⵏⵓⵃⵢⵓ. ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵉⴷⵔⵓ ⵓⵙⵇⵇⵉⵎ ⴳ ⵓⵙⵎⵓⵜⵜⴳ ⵏ ⵜⵓⵎⴰⵢⵉⵏ ⵏ ⵜⵎⵙⵙⵉⵔⴷⵉⵏ ⵏ ⵓⵙⴰⵏⵓⵏ ⵅⴼ ⵓⵙⴱⴷⴷⵉ ⵏ ⵉⵏⴰⵡ ⵏ ⵓⴽⵙⴰⵏ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵉ ⵓⵙⵎⵓⵜⵜⴳ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵓⵎⵢⴰⵡⴰⵙ ⴰⴽⴷ ⵜⵙⵎⵉⵔⵉⵜ ⵜⴰⵎⴰⵡⵙⴰⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵏⵙⵙⵉⵅⴼⵜ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ, ⴰⵙⴳⵔⴰⵡ ⵏ ⵉⵄⵔⵔⵉⵎⵏ ⵏ ⵢⵉⵍⵍ ⴰⵎⵍⵍⴰⵍ ⴰⵏⴰⵎⵎⴰⵙ ⴳ ⵍⵎⵖⵔⵉⴱ ⴷ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵏ ⵓⵙⴳⵎⵉ.