ⵜⴷⵔⵓ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵎⵉⵏⴰ ⴱⵓⵄⵢⵢⴰⵛ, ⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵜⵜⵓⵙⵏⵎⴰⵍⴰⵏ ⴰⵙⵙ ⵏ ⵓⵙⴰⵎⴰⵙ 5 ⵏⵓⵡⴰⵏⴱⵉⵔ 2023 ⴳ ⴽⵓⴱⵏⵀⴰⴳⵏ, ⴷⴷⴰⵏⵉⵎⴰⵔⴽ.

ⵎⵓⵏⵏ ⵉⴳⵎⴰⵎⵏ ⵏ ⵓⵙⵉⵔⴰ, ⴰⵏⵙⵙⵉⵅⴼ ⴷ ⵓⵏⴼⵍⵓⵙ ⴷ ⵉⵏⵙⵙⵉⵅⴼⵏ ⵉⵙⴳⴰⵡⴰⵏⵏ ⴷ ⵉⴳⵏⵙⴰⵙ ⵏ ⵓⵙⵉⵔⴰ ⴰⴷⵙⵍⴰⵏ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵎⴰⵍⴰⵍⵜ ⵏ ⵜⵎⵜⵜⴰ ⵉⵎⵓⵏⵏ ⵜⴰⵎⴰⵜⵜⴰⵢⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵖⴰⵡⴰⵙ ⵏ ⵜⵎⵜⵜⴰ ⵉⵎⵓⵏⵏ ⵏ ⵜⴳⵎⵉ, ⵉ ⵓⵎⴹⴰⴽⴰⵕ ⵏ ⵜⵣⵣⵉⴳⵣⵉⵏ ⵏⵏⵉ ⵉⵜⵜⴹⵉⵚⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵓⴳⵜ ⵏ ⵜⵎⵏⴰⴹⵉⵏ, ⵉⵖ ⵉⴳⴰ ⴰⵡⴷ ⵉⵏⴰⵥⴰⵕⵏ ⵎⵎⵔⴽⵙⵏⵉⵏ ⵏⵏⵉ ⵉⵜⵜⵎⵏⴰⵍⴰⵏ ⵜⵉⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⵎⴽⴷⴰ ⵜⴻⵜⵜⵓⴳⴰ ⵜⵖⵓⵔⵉ ⵏ ⵜⵣⵣⵉⴳⵣⵜ ⵏⵏⵉ ⵉⵜⵜⵢⴰⵡⴰⴹⵏ ⴳ ⵓⵣⵣⴳⵉⵔ ⵏ ⵜⵉⵍⴰⵍ ⵜⵜⵓⵙⴽⵔⵏⵉⵏ ⴷ ⵓⵎⴹⴰⴽⴰⵕ ⵏ ⵜⵉⵍⴰⵍ ⵏ ⵢⵉⵎⴰⵍ ⵏⵏⵉ ⵔⴰⴷ ⵉⵃⵔⵉ ⵜⴰⵡⵓⵔⵉ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵉ ⵡⴰⵏⵏⴰⵍ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⵙⴳ ⵜⵙⴳⴰ ⵢⴰⴹⵏⵉⵏ, ⵎⴹⴰⴽⴰⵕⵏ ⵉⴳⵎⴰⵎⵏ ⵏ ⵓⵙⵉⵔⴰ ⵉⵙⵉⵣⵡⵉⵔⵏ ⵉⵙⵜⵔⴰⵜⵉⵊⵉⵢⵏ ⵏ ⵓⵙⴳⴳⵯⴰⵙ ⴰⵏⴹⴼⴰⵕ, ⵜⵜⵓⴼⴽⴰⵏ ⴰⵙⵏ ⵉⵙⴷⵖⵉⵢⵏ ⵣⵖ ⴷⴰⵔ ⵜⵙⵇⵇⵉⵎⵜ ⵜⴰⵢⵢⴰⵡⵜ ⵏ ⵜⵙⵖⵣⵏⵜ (SCA) ⵉⴹⴼⵕⵏ ⵉ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵉⵥⵟⵟⴰⵜⵏ ⵉⵙⴳⴰⵡⴰⵏⵏ ⵙ ⴽⴽⵓⵥ ⴷ ⵉⵎⴷⵔⴰⵡⵏ ⵏⵏⵙⵏ ⴷ ⵜⵙⵇⵇⵉⵎⵜ ⵜⴰⵥⵕⴼⴰⵏⵜ ⴷ ⵜⴳⵔⵓⵎⵎⴰⵡⵉⵏ ⵏ ⵜⵡⵓⵔⵉ ⵏⵏⵉ ⴰⵙ ⵉⴹⴼⵕⵏ.

ⵉ ⵓⵙⴽⵜⵉ, ⵔⴰⴷ ⵉⵙⵙⵉⴷⴷ ⵓⴱⵔⴳⵔⴰⵡ ⴰⴳⵔⴰⵖⵍⴰⵏ ⵡⵉⵙ ⴽⴽⵓⵥ ⴷ ⵎⵔⴰⵡ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵅⴼ ⵜⵉⵍⴰⵍⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵎⴽⵍ ⵏ ⵓⵙⵔⴼⵓⴼⵏ ⴷ ⵡⴰⵏⴰⵡⵏ ⵢⴰⴹⵏⵉⵏ ⵏ ⵓⴷⵔⵡⵙ, ⵏⵏⵉ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⵜⵉⵣⵉ ⵜⴰⵣⴳⵔⴰⵔⵜ ⵙⴳ 6 ⴰⵔ 8 ⵏⵓⵡⴰⵏⴱⵉⵔ 2023 ⴳ ⴽⵓⴱⵏⵀⴰⴳⵏ ⴳ ⴷⴷⴰⵏⵉⵎⴰⵕⴽ.