ⵓⴹⴼⴼⵓⵕ ⴰⵏⴰⵎⵓⵔ (NMIRFs), ⵙ ⵓⵙⵙⴽⵜⵉ ⵉ ⵓⵎⵣⴰⵔⴰⵢ ⵏ ⵜⵉⵕⵡⵉ ⵏⵏⵙⵏ ⴳ ⵓⵙⵡⵉⵔ ⵏ ⵉⵡⴰⵏⴽⵏ, ⵙⵍⴰⵡⴰⵏ ⴰⴽⴽⵯ ⵜⵉⵏⵏⴰ ⵉⵙⵜⵉⵏ ⵉⵎⴰⵙⵙⵏ ⵉⵣⵎⵣⴰⵏⵏ (ad hoc), ⵜⵛⵇⵇⴰ ⴼⵍⵍⴰⵙⵏ, ⵎⴽⴷⴰ ⵜⵏⵏⴰ ⵎⴰⵙⵙⴰ ⴱⵓⵄⵢⵢⴰⵛ, ⵜⵏⴼⵔⵓⵜ ⵏ ⵜⴰⵙⵓⵍⵜ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵉⴳⵔⴰⵖⵍⴰⵏⵏ.

ⴳ ⵓⵙⴰⵜⵉ ⵉⵣⴷⵉⵏ, ⵜⵖⵔⴰ ⵜⵏⵙⵙⵉⵅⴼⵜ ⵏ ⵜⴰⴹⴰ ⵙ ⵡⴰⴷⴷⵓⵔ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏⴳⵔ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵎⴰⵙⵙⵏ ⴰⴷ, ⵜⵙⴷⴷⵉⴷ ⵎⴰⵙ ⵢⴰⵖⵓⵍ ⵓⵙⵎⴰⴷ ⵉⴳⴰ ⴰⵙⵖⵓⵏ ⵓⴳⴳⴰⵔ ⵏ ⴽⵔⴰ ⵏ ⵜⵉⵣⵉ ⵢⴰⴹⵏ ⵉ ⵜⵏⴼⵔⵓⵜ ⵏ ⵜⴷⵓⵙⵉ ⴷ ⵜⵣⵔⴼⵜ ⵏ ⵉⵏⴰⴳⵔⴰⵡⵏ ⵉⵣⵔⴼⴰⵏⵏ ⴳ ⵓⵙⵡⵉⵔ ⴰⵏⴰⵎⵓⵔ. ⵉⵎⵏⴰⴹⵏ ⵉⵜⵔⴰⵔⵏ ⵍⴰ ⵙⵓⵖⵏⵏ ⴰⵣⴷⴰⵢ ⴰⵎⵢⴰⴳⴰⵏ ⴷ ⵓⵎⵢⴰⵡⴰⵙ ⴰⵙⵓⵍⴰⵏ ⴷ ⵓⵎⵇⵇⵔⴰⵏ ⵏⴳⵔ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴷ ⵉⵎⴰⵙⵙⵏ ⵏ ⵓⴹⴼⴼⵓⵕ ⵏ ⵓⵣⵣⴳⵉⵔ, ⵜⵔⵏⴰ ⵎⴰⵙⵙⴰ ⴱⵓⵄⵢⵢⴰⵛ, ⵙ ⵜⵖⵓⵔⵉ ⵙ ⵜⵏⴼⵔⵓⵜ ⵏ ⵜⴰⵙⵓⵍⵜ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵉⴳⵔⴰⵖⵍⴰⵏⵏ ⴷ ⵓⵙⵜⴰⵢ ⵏ ⵜⴰⵎⵢⴰⴷⴰⵙⵜ ⵜⴰⵏⴼⴳⴰⵏⵜ ⵉⵙⵔⴰⵙⵏ ⵉⵙⵎⵉⵍⵏ ⴽⵓⴽⴹⵏⵉⵏ ⴳ ⵡⴰⵎⵎⴰⵙ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵏⴰⵎⵓⵔⵉⵏ.

ⵜⵙⵎⵏⵉⴷ ⵎⴰⵙⵙⴰ ⴱⵓⵄⵢⵢⴰⵛ ⵢⴰⵜ ⵜⵉⴽⵍⵜ ⵢⴰⴹⵏⵉⵏ ⴰⵎⵏⵓⵙ ⵏⵏⵙ ⵙⴳ ⵓⴷⵔⵉⵣ ⵏ ⵜⴰⵙⵙⴰⵙⵜ ⵜⴰⵣⵔⴼⴰⵏⵜ ⵏⵏⴰ ⵉⵙⵙⵏ ⵓⵏⴰⴳⵔⴰⵡ ⴰⵏⵎⵜⵜⴰⵏ, ⵏⵏⴰ ⵉⵣⵎⵔⵏ ⴰⴷ ⵉⴹⵉⵚ ⵙ ⵓⴷⵔⵓⵙ ⵅⴼ ⵜⵉⵕⵡⵉ ⵏ ⵓⵎⵢⴰⵡⴰⵙ ⴷ ⵉⵎⴰⵙⵙⵏ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵄⵜⴰⴱⵔ ⵎⴰⵙ ⵉⵣⵎⵔ ⵓⴷⴷⴰⴷ ⴰⴷ ⴰⴷ ⵉⵙⵓⵍⵎⴰⴹ ⵜⴰⴷⵉⵏⴰⵎⵉⵜ ⵏ ⵓⵎⵢⴰⵖ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ ⵉⵙⴱⵉⴹⵉⵕ ⴰⵣⵣⴳⵉⵔ ⵏ ⵉⵙⵖⵍⴰⴼ ⵉⵣⵔⴼⴰⵏⵏ ⵉⵏⵎⵜⵜⴰⵏ.

ⵓⵔ ⵉⵣⵎⵉⵔ ⵓⵙⵙⵓⴷⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵉⵣⵣⵔⴰⴼⵏ, ⵜⵙⵎⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ. ⵉⵣⵔⴼⴰⵏ ⵏ ⵓⴼⴳⴰⵏ ⴰⵎⵣⴰⵖ ⴰⴳⵔⴰⵡⴰⵏ ⵅⴼ ⵡⴰⴷⴷⵓⵔ ⴰⵏⴼⴳⴰⵏ ⴳ ⵓⵎⵏⵉⴷ ⵏⵏⵙ ⴰⵖⵣⵓⵔⴰⵏ. ⵓⵔ ⴳⵉⵏ ⴰⵙⵜⴰⵢ, ⵎⴰⵛⴰ ⴰⵙⵡⵉⵔ ⵓⵣⴷⵉⵔ… ⴷ ⵜⴰⵙⵉⵍⴰ ⵓⵔ ⵉⵜⵜⵓⵙⵖⴰⵡⵙⴰⵏ ⵉ ⵓⵚⴽⵓ ⵏ ⵡⴰⵎⵓⵏⵏ ⵓⵖⴷⵉⵎⵏ, ⵉⴷⵓⵙⵏ, ⴷ ⵉⵖⵉⵢⵏ ⴰⴷ ⵉⵥⴹⴰⵕⵏ.

ⴷⴰⵜ ⵜⵏⵥⴰⵕ ⵏ ⵜⴰⵙⵙⴰⵙⵜ ⵜⵓⵏⴳⵉⴳⵜ ⴷ ⵉⵎⵢⴰⴷⴰⵙⵏ ⵏⵏⵙ, ⴷ ⵉⵎⵏⵖⴰⵏ ⵉⵎⴰⵍⴰⴼⵏ ⴷⴰ ⴷ ⴷⵉⵏⵏⴰⵖ, ⴷ ⵉⵎⵣⴰⵔⴰⵢⵏ ⵓⵚⴽⵉⵡⵏ ⴳ ⵉⵣⵎⴰⵣ ⴷ ⵜⵥⴹⴰⵕⵉⵏ, ⴷ ⵓⴳⴰⴷⴰⵢ ⵏ ⵉⵎⵣⴰⵔⴰⵢⵏ ⵉⵏⴰⵎⵓⵏⵏ ⴷ ⵓⵣⴷⴰⵢ ⵏ ⵜⴰⵍⵖⵉⵡⵉⵏ ⵏ ⵓⵙⵏⵓⵃⵢⵓ, ⵏⵎⵏⴰⵍⴰ ⴰⵙⵙ ⴰ ⴰⵎ ⵉⵎⴰⵙⵙⵏ ⴷ ⵜⵎⵔⵙⴰⵍ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵉⵏⵥⴰⵕ ⵓⵔ ⵉⵍⵉⵏ ⴰⵏⴰⵡ, "ⵓⵔ ⵜⵣⵎⵉⵔ ⴽⵔⴰ ⵏ ⵜⵙⴳⴰ ⴰⴷ ⴷⵉⴷⵙ ⵜⵎⵢⴰⵖ ⵙ ⵜⵡⵉⵍⴰ ⵜⵓⴼⵔⵉⴷⵜ". ⴰⵙⴰⴷⵎⵔ ⴰⵢⵓⴳⴰⵏ, ⵜⵔⵏⴰ ⵜⵎⵙⵜⴳⴳⴰⵔⵜ ⵜⴰⵣⵔⴼⴰⵏⵜ, ⵓⵔ ⵔⴰⴷ ⵢⵓⴷⴰ ⵡⴰⵃⴷⴰⵜ ⵉ ⵓⵙⴳⴷⵍ ⵏ ⵜⵕⵥⵉⵢⵉⵏ ⵏⵖ ⵜⴰⵏⴼⵔⵓⵜ ⵏ ⵓⴼⵔⴰⴳ ⴰⵎⵢⴰⴳⴰⵏ ⴷ ⵉⵕⵡⴰⵏ ⵉ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⴷⴷⵓⵔ ⵏⵏⵙ.