ⵊⵓⵏⵉⴼ, 4 ⵢⵓⵍⵢⵓⵣ 2025
ⴳ ⵓⵙⴰⵜⵉ ⵏ ⵓⵎⴹⴰⴽⴰⵕ ⴰⵙⴳⵯⵙⴰⵏ ⵅⴼ ⵓⵎⵢⴰⵡⴰⵙ ⴰⵜⵉⵇⵏⵉ ⴷ ⵓⵚⴽⵓ ⵏ ⵜⵥⴹⴰⵕⵉⵏ, ⵉⵜⵜⵓⵙⵏⵎⴰⵍⴰⵏ ⴳ ⵜⵙⵓⵜⵍⵜ ⵜⵉⵙⵙ ⵙⵎⵎⵓⵎⵔⴰⵡⵜ ⴷ ⵜⵥⴰ ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⵕⵏ ⵉ ⵜⵎⵜⵜⴰ ⵉⵎⵓⵏⵏ ⴳ ⵊⵓⵏⵉⴼ, ⵜⵙⵡⴰⵍⴰ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵙ ⵜⴼⵔⵉⵙⵜ ⵏⵏⵙ ⴷ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (GANHRI), ⵢⴰⵜ ⵜⵖⵓⵔⵉ ⵉ ⵓⵏⴰⴳⵔⴰⵡ ⴰⵏⵎⵜⵜⴰⵏ ⴷ ⵓⴳⵔⴰⵖⵍⴰⵏ ⵜⵏⵄⵕ ⵙⴳⵉⵙ ⵅⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏⴳⵔ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵎⴰⵙⵙⵏ ⵉⵏⵎⵜⵜⴰⵏⵏ ⵏⵏⵉ ⴷⴰⵔ ⴰⵣⴷⴰⵢ.

ⴳ ⵓⵎⵏⴰⴹ ⴰⴳⵔⴰⵖⵍⴰⵏ ⵉⵜⵜⵡⴰⵙⵙⴰⵏⵏ ⵙ ⵓⵖⵓⵍ ⵏ ⵓⵎⵢⴰⵡⴰⵙ ⴰⴳⵜⵉⵔⴰⵏ, ⴷ ⵜⵎⵔⵏⵉⵡⵜ ⵏ ⵜⵓⵙⵙⴷⴰⵡⵉⵏ ⵜⵉⵊⵢⵓⵜⵉⵙⵔⵜⴰⵢⵉⵏ, ⴷ ⵓⵙⴷⵉⴷⴷⵉ ⵏ ⵜⵖⵣⵓⵔⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⴰⵙⵙⴰⵙⵜ ⵏ ⵓⵙⵙⵥⵕⴼ ⵉⴹⵉⵚⵏ ⵙ ⵓⵙⵔⵉⴷ ⵅⴼ ⵓⵏⴰⴳⵔⴰⵡ ⵏ ⵜⵎⵜⵜⴰ ⵉⵎⵓⵏⵏ, ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ ⵅⴼ ⵓⵙⵖⵓⵏ ⵏ ⵓⵚⴽⵓ ⵏ ⵜⵍⴳⴳⵯⵉⵜⵉⵏ ⵜⵉⴷⵓⵙⵏⵉⵏ ⵏⴳⵔ ⵜⴷⵉⵏⴰⵎⵉⵢⵉⵏ ⵜⵉⴷⵖⵔⴰⵏⵉⵏ ⵜⵉⵏⴰⵎⵓⵔⵉⵏ ⴷ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ.

«ⵓⵔ ⵜⴱⴷⴷ ⵜⵏⴼⵔⵓⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵖⴰⵙ ⵅⴼ ⵜⵙⵓⵖⵍⵜ ⵏ ⵉⴹⵕⵉⵚⵏ, ⵎⴰⵛⴰ ⵜⴻⵜⵜⵓⵙⵎⴷⵢⴰ ⵖ ⵓⵎⵣⵡⴰⵔⵓ ⴷ ⴷⴰⵜ ⴽⵓ ⵜⵖⴰⵡⵙⴰ ⴳ ⵓⵎⵣⴰⵖ ⵅⴼ ⵡⴰⴷⴷⵓⵔ ⴰⵏⴼⴳⴰⵏ, ⴷ ⵡⴰⵔⴰⵢ ⵙⴳ ⵜⵕⵥⵉⵢⵉⵏ, ⴷ ⵓⵙⴰⴷⵎⵔ ⵙ ⵜⴽⵕⵥⵉ ⴷ ⵜⵏⴼⴳⴰⵏⵜ ⵉ ⵉⵎⵏⵓⵙⵏ ⵏ ⵉⵏⵎⵓⵔⴰⵏ», ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⴳ ⵓⵙⴰⵜⵉ ⴰⴷ, ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ ⴰⵡⴷ ⵅⴼ ⵡⴰⴷⴷⵓⵔ ⵏ ⵓⵎⵙⴰⵡⴰⵍ ⵉⵜⵜⵓⵙⵏⵎⴰⵍⴰⵏ ⴷ ⵓⵙⵓⵍⴰⵏ ⵏⴳⵔ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵎⴰⵙⵙⵏ ⵉⵏⵜⴰⵢⵏ ⵙ ⵓⴹⴼⴼⵓⵕ ⴷ ⵓⵣⴷⴰⵢ ⵏ ⵓⵙⵎⵓⵜⵜⴳ ⵏ ⵜⴰⵏⴰⴹⵉⵏ ⵏ ⵉⵡⴰⵏⴽⵏ ⵉⵜⵜⵓⵙⵡⴰⵍⴰⵏ ⵉ ⵓⵏⴰⴳⵔⴰⵡ ⴰⵏⵎⵜⵜⴰⵏ, ⵜⵙⴷⴷⵉⴷ ⵎⴰⵙ ⵉⴳⴰ ⵓⵎⵢⴰⵖ ⴰⴷ ⴰⵙⵖⵓⵏ ⵉ ⵓⵙⵏⴼⵍ ⵏ ⵉⵙⵖⵍⴰⴼ ⵉⴳⵔⴰⵖⵍⴰⵏⵏ ⵖⵔ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⴽⵎⴰⵎⵉⵏ ⴷ ⵜⵉⵖⵣⵓⵔⴰⵏⵉⵏ. ⵜⵉⵏⵉ ⴱⵓⵄⵢⵢⴰⵛ ⵎⴰⵙ ⵉⴳⴰ ⵓⵙⴷⵓⵙ ⵏ ⵓⵎⵢⴰⵡⴰⵙ ⵙ ⵜⵎⵓⵣⴰⵢⵜ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⴷ ⵓⴱⵟⵟⵓ ⵏ ⵜⵎⵙⴽⵔⵉⵏ ⵜⵉⵎⵓⴼⴰⵢⵉⵏ ⵙⴳ ⵉⵙⴰⴷⵎⵔⵏ ⵉⵜⵜⵡⴰⵣⵎⴰⵔⵏ ⵅⴼ ⵉⵙⴽⵔⴰⴼ ⵏ ⵜⵎⵙⴰⵙⵜⵍⵜ.

ⵜⵙⵎⴰⵢⵏⵓ ⵜⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⴰⵙⵙⴽⵜⵉ ⵙ ⵡⴰⴷⴷⵓⵔ ⵏ ⵜⵙⵉⵎⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵙⵉⵎⴰⵏⵜ ⵏⵏⴰ ⵉⵜⵜⵓⵙⵙⵉⵜⴳⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⵜⴻⵜⵜⵓⵙⵖⴰⵍ ⵙ ⵓⵎⵙⴰⵙⴰ ⴷ ⵉⵎⵏⵣⴰⵢⵏ ⵏ ⴱⴰⵔⵉⵣ, ⵃⵎⴰ ⴰⴷ ⵜⵜⵓⵙⵣⵎⵔⵏⵜ ⵜⵎⵔⵙⴰⵍ ⴰⴷ ⴰⴷ ⵙⴽⵔⵏⵜ ⵜⵙⵎⵉⴳⴰⵍ ⵏⵏⵙⵏⵜ ⵙ ⴽⵕⴰⴹⵜ ⵙ ⵜⵎⵢⴰⴳⴰⵏⵜ ⴷ ⵜⵕⵡⵉ: ⴰⵔⴰⵢ ⵙⴳ ⵜⵕⵥⵉⵢⵉⵏ, ⴰⴼⵔⴰⴳ ⵏ ⵉⵏⵎⵓⵔⴰⵏ/ⵜⵉⵏⵎⵓⵔⵉⵢⵉⵏ ⴷ ⵓⵏⴳⵉⵙⵏ, ⴷ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵓⵡⵇⵇⵔ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ.

ⵉⴷⴷⴰ ⴷ ⵢⵉⵏⴰⵡ ⴰⴷ ⴰⵙⵙ ⴰ ⴳ ⵊⵓⵏⵉⴼ, ⴷⴼⴼⵉⵔ ⵏ ⵓⵏⵄⴰⵕ ⴰⴳⵔⴰⵖⵍⴰⵏ ⵏⵏⴰ ⵜⵏⵔⴰ ⵜⵉⴳⵉⵔⴰ ⴰⴷ ⵅⴼ ⵢⵉⵅⴼ ⵏ ⵜⴰⴹⴰ ⵜⴰⵎⴰⴹⵍⴰⵏⵜ, ⵜⵖⵔ ⴳⵉⵙ ⵎⴰⵙⵙⴰ ⴱⵓⵄⵢⵢⴰⵛ ⵙ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴷ ⵓⵙⴷⵓⵙ ⵏⵏⵙ ⵙ ⵜⵡⵉⵍⴰ ⵜⴰⵎⴰⴷⴷⵓⴷⵜ ⴳ ⵓⴳⵏⵙⵓ ⵏ ⵓⵏⴰⴳⵔⴰⵡ ⴰⵏⵎⵜⵜⴰⵏ ⴳ ⵏⵢⵓⵢⵓⵔⴽ, ⴰⵎ ⵎⴰⴷ ⵉⴳⴰ ⵡⴰⴷⴷⴰⴷ ⴳ ⵓⵙⵖⵉⵎ ⵏ ⵜⵎⵜⵜⴰ ⴳ ⵊⵓⵏⵉⴼ.

"ⵉⵣⵔⴼⴰⵏ ⵏ ⵓⴼⴳⴰⵏ ⵓⵔ ⴳⵉⵏ ⴰⵙⵜⴰⵢ. ⴳⴰⵏ ⴰⵎⴰⵏⴰⵔ ⵏ ⵜⵔⵙⴰⵍ ⵏ ⴽⵓ ⴰⵎⵓⵏ ⵓⵖⴷⵉⵎ, ⵉⵖⵉⵢⵏ ⴰⴷ ⵉⵥⴹⴰⵕ"