ⴳ ⵜⵣⵡⵓⵔⵜ ⵏ "ⵅⴼ ⵡⴰⵣⵣⴰⵏⵏ ⵏⵏⵖ" ⴷ ⵅⴼ ⵓⵙⴷⵓⵙ ⵏ ⵓⴼⵔⴰⴳ ⵏⵏⵙⵏ, ⵜⴰⵔⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ "ⵏⴱⵀⴹ, ⵜⴳⴳⵣ ⴼⵍⵍⴰⵖ ⴰⴽⴽⵯ ⵜⵏⴳⴳⵙⵜ ⴷ ⵜⴰⵡⴷⴰ" (ⵅⴼ ⴳⴰⵔ ⵜⵎⵜⵜⴰⵏⵜ ⵉⵀⵔⵛⵏ ⵏ ⵢⴰⵏ ⵙⴳ ⵉⵊⴷⴷⵉⴳⵏ ⵏ ⵍⵎⵖⵔⵉⴱ). "ⵜⴰⵖⴰⵖ ⵍⴼⵇⵇⴰⵄⵜ ⵉⴳⴳⵓⵜⵏ ⴷ ⵜⴰⵡⴷⴰ" ⵜⴰⵎⴽⵕⴰⵥⵜ ⵅⴼ ⵜⵏⵎⵓⴷⵔⵜ ⵏ ⵉⴳⵉ ⴷ ⵜⵎⵉⵣⵉⵜ ⵏ ⵜⴽⵕⴹⵉ "ⵉⵜⵜⵟⵟⴰⵚⵏ ⵜⵓⴷⵔⵜ ⵏ ⵡⴰⵣⵣⴰⵏⵏ ⵏⵏⵖ ⴰⵔ ⵜⵜ ⵉⵙⴷⵉⴷⴷⵉⵢ ⵙ ⵜⵡⵉⵍⴰ ⵜⵉⵎⵉⵣⵉⵜ".

ⵙⵉⵏ ⵉⵙⴳⴳⵯⴰⵙⵏ ⴹⴰⵕⴰⵜ ⵜⴰⵣⵡⵓⵔⵜ ⴰⵏⵏ, ⵏⵜⵜⵡⴰⵏⴳⴰⵙ ⴷⵉⵖ, ⵜⴰⵖ ⴰⵖ ⵜⵡⴰⵖⵉⵜ ⵅⴼ ⵜⵎⵜⵜⴰⵏⵜ ⵉⵀⵔⵛⵏ ⵢⴰⴹⵏⵉⵏ ⵏ ⵢⴰⵜ ⵜⴰⵣⵣⴰⵏⵜ ⴷⴰⵔ ⵜⵍⵍⴰ ⵜⵉⴽⴽⵍⵜ ⴰⴷ ⴽⴽⵓⵥ ⴷ ⵎⵔⴰⵡ ⵏ ⵉⵙⴳⴳⵯⴰⵙⵏ, ⵜⵓⵏⴳⵉⵙⵜ ⵏ ⵢⴰⵏ ⵓⴱⴽⴽⵉⴹ ⵓⴷⴷⵉⵙ, ⴰⴱⴽⴽⵉⴹ ⵏ ⵜⵣⴱⵉ ⵉⵎⵓⵏⵏ ⴷ ⵓⴱⴽⴽⵉⴹ ⵏ ⵉⴼⵙⵙⵜⵉ ⵅⴼ ⵜⵣⴱⵉ ⴷ ⵓⴱⴽⴽⵉⴹ ⵏ ⵓⵖⵔⴰⵢ ⵓⵏⵜⵉⵍ ⴳ ⵓⵔ ⵜⵍⵍⵉ ⵜⵏⴼⵔⵓⵜ. ⵙⵉⵏ ⵉⵙⴳⴳⵯⴰⵙⵏ ⵓⵔ ⵓⵡⴷⴰⵏⵜ ⴰⴼⴰⴷ ⴰⴷ ⵜⵜⵡⴰⴽⴽⴰⵙⵏ ⵉⵓⵣⴷⵉⵔⵏ ⵏⵏⴰ ⵅⴼ ⴱⴷⴷⴰ ⵉⵙⵙⴽⵕⴰⵥ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵎⴳⴳⴰⵢⵏ ⵏ ⵡⴰⵎⵓⵏ ⵓⵖⵔⵉⵎ "ⵅⴼ ⵡⴰⵣⵣⴰⵏⵏ ⵏⵏⵖ" ⴷ ⵅⴼ ⵜⵎⵢⴰⴳⴰⵏⵜ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏⵏⵙⵏ ⴷ ⵓⵏⵀⵍⵍⴰ ⵏⵏⵙⵏ.

ⵎⵣⴰⵔⴰⵢⵏ ⵉⵎⵊⵕⵉⵜⵏ ⴷ ⵜⵎⵙⴰⵔⵉⵏ ⴷ ⵡⴰⴽⵓⴷ ⴷ ⵓⴷⵖⴰⵔ, ⴳ ⴽⵓ ⵜⵉⵣⵉ ⴷⴰ ⴰⵖ ⴳⵉⵙ ⵙⵎⴷⵓⴷⵉⵏⵜ ⴰⵎ ⵜⵡⴰⵖⵉⵜⵉⵏ ⴰⴷ, ⵎⴰⵛ ⵓⵏⴳⵉⵙ ⵢⴰⵏ ⴰⴷ ⵉⴳⴰ: ⴰⵣⵣⴰⵏⵏ ⵏ ⵍⵎⵖⵔⵉⴱ ⵏⵏⵖ, ⵢⴰⵏ ⵙⴳ ⵉⵙⵎⵉⵍⵏ ⴱⴰⵀⵔⴰ ⵅⴼ ⵜⵜⵓⴳⴰⵏⵜ ⵜⴰⴷⵓⵜⵉⵏ ⵜⵉⵡⵙⵢⴰⵏⵉⵏ, ⵎⴰⵢⴰ ⵏⵏ ⴰⴷ ⵉⵙⵖⴰⵡⵙⴰⵏ ⵙ ⵓⵙⵎⴰⵇⵇⵍ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵢⴰⵏ ⵉⴳⵉ ⴰⵎⵖⵜⴰⵙ ⴷ ⵓⴷⵖⵢⴰⵏ ⵉ ⵉⴱⴷⴷⵉ ⵅⴼ ⵇⴰⵃ ⵜⵙⴳⴳⵯⵉⵏ ⵏ ⵜⵎⵓⴽⵔⵉⵙⵜ ⵏ ⵜⵣⴱⵉ ⴷ ⵜⴰⴷⵓⵜ ⵜⴰⵡⵙⵢⴰⵏⵜ ⵅⴼ ⵡⴰⵣⵣⴰⵏⵏ, ⵍⵓⵎⴰⵕ ⴳ ⵓⵎⴰⵍⵓ ⵏ ⵉⴱⴹⵉⵢⵏ ⵓⵍⴳⵉⵏⵏ ⵓⵔ ⴼⴰⵡⵏⵉⵏ, ⴱⵀⴹⵏⵉⵏ ⴷ ⵓⵔ ⵉⵍⵉⵏ ⴰⵏⴰⵡ.

ⵢⴰⵜ ⵙⴳ ⵜⵎⵓⴽⵔⵉⵙⵉⵏ ⵏⵏⵉ ⵅⴼ ⵓⵔ ⴷⴰ ⵉⵜⵜⵇⴰⵎⴰ ⵓⵙⵇⵇⵉⵎ ⵓⵔ ⴼⵍⵍⴰⵙ ⵉⵙⵙⴽⵕⵥ, ⵉⵇⵇⴰⵏ ⴷ ⴰⴷ ⵙⵔⵙ ⵏⵙⵙⴽⵜⵉ, ⴳ ⵓⵙⴰⵜⵉ ⵏ ⵜⵡⴰⵖⵉⵜ ⵜⴰⵎⴰⵢⵏⵓⵜ, ⵉⴳⴰ ⵜ ⴰⵙⵎⵍ ⵏ "ⵜⵣⴱⵉ" ⵏⵉⵜ ⴳ ⵓⵏⴰⴳⵔⴰⵡ ⴰⵏⴱⴽⴰⴹ ⴰⵏⴰⵎⵓⵔ ⵏ ⵖⵉⵍⴰⴷ, ⴳ ⵓⵔ ⵍⵍⵉⵏⵜ ⴰⴽⴽⵯ ⵜⵡⵉⵍⴰⵜⵉⵏ ⵏ ⵜⴰⴷⵓⵜ ⵜⴰⵡⵙⵢⴰⵏⵜ, ⵙⴳⵉⵙⵏⵜ ⵜⴰⴷⵓⵜ ⵜⴰⵡⵙⵢⴰⵏⵜ ⵅⴼ ⵡⴰⵣⵣⴰⵏⵏ. ⵙ ⵓⵎⵙⴰⵙⴰ ⴰⴽⴷ ⵎⴰ ⵅⴼ ⵉⵙⵙⴹⵕⵚ ⵓⵎⴰⴳⵔⴰⴷ 486 ⵏ ⵓⵙⵍⴳⵏ ⴰⵏⴱⴽⴰⴹ ⴰⵎⵖⵔⵉⴱⵉ, ⵜⵉⵣⴱⵉ ⴷ "ⵜⵡⵙⵢⴰⵏⵜ ⵏ ⵢⴰⵏ ⵓⵔⴳⴰⵣ ⵉ ⵜⵎⵖⴰⵔⵜ ⴱⵍⴰ ⵜⵉⵔⴰⵜ ⵏⵏⵙ" ⴰⵔ ⴼⵍⵍⴰⵙ ⵉⵜⵜⵎⵔⵔⴰⵜ, ⵉⴷⴷⵖ ⵜⴳⴰ ⴰⴱⴽⴽⵉⴹ, ⵙ ⵍⵃⴱⵙ ⵙⵎⵎⵓⵙ ⵏ ⵉⵙⴳⴳⵯⴰⵙⵏ ⵙ ⵜⴷⵔⵙⵉ. ⴰⵔ ⵉⵙⵙⴰⵎⵓ ⵓⵙⵍⴳⵏ ⴰⵏⴱⴽⴰⴹ ⵇⴰⵃ ⵡⴰⴷⴷⴰⴷⵏ ⵢⴰⴹⵏⵉⵏ, ⴳ ⵉⵍⵍⴰ ⴰⵡⴷ ⵎⴰⴷ ⵉⵣⴷⵉⵏ ⵙ ⵡⴰⵣⵣⴰⵏⵏ ⵓⵎⵥⵉⵢⵏ, ⵙⴳ ⵜⴳⴳⴰⵢⵉⵏ ⵙ ⵙⵏⴰⵜ, ⴳ ⵡⴰⴷⴷⴰⴷⵏ "ⵜⵕⵥⵉ ⵏ ⵓⴳⵎⵎⵉⵔ", ⵏⵏⴰ ⵉⴳⴰⵏ ⵜⵉⵙⵙⵍⵜ ⴽⵓⴷⵏⵏⴰ ⵜⵜⵓⴳⴰⵏ ⴱⵍⴰ ⵜⵉⴽⵕⴹⵉ, ⴰⵔ ⴼⵍⵍⴰⵙ ⵉⵙⵎⵔⵔⴰⵜ ⵙ ⵍⵃⴱⵙ ⵙⴳ ⵙⵉⵏ ⵉⵙⴳⴳⵯⴰⵙⵏ ⴰⵔ ⵙⵎⵎⵓⵙ ⵏ ⵉⵙⴳⴳⵯⴰⵙⵏ; ⵉⴳ ⴰⴱⴽⴽⵉⴹ ⴽⵓⴷⵏⵏⴰ ⵉⵜⵜⵓⴳⴰ ⵙ ⵓⵙⵎⵔⵙ ⵏ ⵜⴽⵕⴹⵉ. (ⵉⴼⵓⴽ ⴰⴷ ⵏⵙⵙⵎⵜⵔ ⵖ ⴷⵖⵉ ⵎⴰⵙ ⵓⵔ ⵉⵙⵎⵏⵉⴷ ⵓⵙⵍⴳⵏ ⴰⵏⴱⴽⴰⴹ ⴰⵡⴷ ⵢⴰⵏ ⵓⵙⵎⵍ ⵉ ⵓⵔⵎⵎⵓⵙ ⵏ "ⵜⵕⵥⵉ ⵏ ⵓⴳⵎⵎⵉⵔ").

"ⴰⴼⵔⴰⴳ ⵏ ⵡⴰⵣⵣⴰⵏⵏ ⵙⴳ ⵎⴰⵕⵕⴰ ⵜⵡⵉⵍⴰⵜⵉⵏ ⵏ ⵜⴽⵕⴹⵉ, ⵍⵓⵎⵎⵏ ⵜⴰⴷⵓⵜⵉⵏ ⵜⵉⵡⵙⵢⴰⵏⵉⵏ ⴷ ⵜⴽⵕⴹⵉ ⵜⴰⵡⵙⵢⴰⵏⵜ, ⵓⵔ ⵉⴳⵉ ⴰⵡⵜⵜⴰⵙ ⴰⵎⴰⵜⵜⴰⵢ ⵉ ⵡⴰⵎⵓⵏ ⵏⵏⵖ ⴷⴰⵢ", ⴰⴷ ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, "ⵎⴰⵛ ⵉⴳⴰ ⵓⵛⵛⵉⵍ ⴳ ⵓⵎⵏⴰⵍⴰ ⵏ ⵡⴰⵣⵣⴰⵏⵏ ⵏⵏⵖ ⵙ ⵓⵎⵙⴰⵙⴰ ⴷ ⵉⵣⵔⴼⴰⵏ ⵏⵏⵙⵏ ⵉⴷⵙⵍⴰⵏⵏ ⴷ ⵓⵙⵓⵖⵏ ⴰⵙⴼⴼⵏⵥⴰⵢ ⵙ ⵓⵎⵙⴰⵙⴰ ⴷ ⵓⵙⵍⴳⵏ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ", ⴳ ⵉⴳⴰ ⵍⵎⵖⵔⵉⴱ ⵜⴰⴼⵓⵍⵜ ⴳ ⵓⵏⴰⴳⵔⴰⵡ ⵏⵏⵙ :"ⵜⴰⴷⵓⵜ ⵜⴰⵡⵙⵢⴰⵏⵜ ⵅⴼ ⵡⴰⵣⵣⴰⵏⵏ ⴷ ⴰⴱⴽⴽⵉⴹ ⵉⵎⵉⵣⵉ, ⵎⴽⴷⴰ ⴰⴽⴽⵯ ⴳⴰⵏⵜ ⵜⵎⵙⵓⵜⴰⵍ, ⴷ ⵎⴽⴷⴰ ⴰⴽⴽⵯ ⵉⴳⴰ ⵓⵎⵢⴰⵙⵙⴰ ⵉⵏⴳⵔ ⵓⵏⴳⵉⵙ ⴷ ⵉⵎⵣⴱⵉ... ⵉⵇⵇⴰⵏ ⴷ ⴰⴷ ⵉⵜⵜⵓⴳⴰ ⵓⵙⴱⴷⴷⵉ ⵏⵏⵙ ⵙ ⵡⴰⵏⵏⴰⵍ ⵅⴼ ⵜⵔⵙⵍⵜ ⴰⴷ". ⵅⴼ ⵜⵔⵙⵍⵜ ⴰⴷ, ⵉⴽⴽⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵖⵔⴰ ⴳ ⵜⵎⵙⵙⴽⵜⵉⵜ ⵏⵏⵙ ⵅⴼ ⵓⵙⵖⵏⵓ ⵏ ⵓⵙⵍⴳⵏ 10.16 ⵏⵏⴰ ⵉⵏⴱⴹⵏ ⴰⵙⵏⴼⵍ ⴷ ⵓⵙⵎⴰⴷ ⵏ ⵜⴳⵔⵓⵎⵎⴰ ⵏ ⵓⵙⵍⴳⵏ ⴰⵏⴱⴽⴰⴹ, ⴰⵍⴰⵙ ⵏ ⵓⵙⵎⵍ ⵏ ⵜⵣⴱⵉ ⴰⴼⴰⴷ ⴰⴷ ⵉⵙⵙⴰⵎⵓ ⵇⴰⵃ ⵡⴰⵏⴰⵡⵏ ⵏ ⵜⴰⴷⵓⵜ ⵜⴰⵡⵙⵢⴰⵏⵜ, ⴱⵍⴰ ⴰⵙⴽⴰⵔ ⵙ ⵜⴰⴳⴳⴰⵢⵜ ⵏ ⵓⵏⴳⵉⵙ ⵏⵉⵖ ⵉⵎⵣⴱⵉ ⵏⵉⵖ ⴰⵎⵢⴰⵙⵙⴰ ⵉⵏⴳⵔ ⴰⵜⵙⵏ ⵏⵉⵖ ⴰⵙⵓⵔⵙ ⵏⵏⵙⵏ, ⵎⴽⴷⴰ ⵉⵙⵖⵍⴼ ⵙ ⵓⵙⵙⴽⵕⵥ ⵏ ⵜⵎⵔⵔⵓⵜⵉⵏ, ⵙⵍⴰⵡⴰⵏ ⴰⴽⴽ ⴽⵓⴷⵏⵏⴰ ⵉⵣⴷⵉ ⵓⵙⴽⴽⵉⵏ ⵙ ⵓⵎⵥⵉⵢⵏ ⵏⵉⵖ ⵡⵉⴷⴰ ⵅⴼ ⵜⴻⵜⵜⵓⴳⴰ ⵙ ⴱⵣⵣⵉⵣ, ⴰⴼⴰⴷ ⴰⴷ ⵜⵜⵓⵙⵡⵓⵜⵜⵓⵏⵜ ⵜⵉⵍⵍⴰⵙ ⴷ ⵜⵔⵡⵍⴰ ⵙⴳ ⵜⵎⵔⵔⵓⵜ ⵏⵏⴰ ⴷ ⵉⵣⴷⴷⵉⵏ ⴱⴷⴷⴰ ⴷ ⵡⴰⴷⴷⴰⴷⵏ ⴰⴷ.

"ⴰⵙⴼⵍⵙ ⵙ ⵜⵉⵍⵍⴰⵡⵜ ⵏ ⵓⴹⴼⴼⵓⵕ ⴰⵏⵣⵔⴰⴼ ⵉⵛⵇⵇⴰⵏ ⴷ ⵓⵙⴱⴷⴷⵉ ⵏ ⵜⵔⵡⵍⴰ ⵙⴳ ⵜⵎⵔⵔⵓⵜ", ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, "ⴳⴰⵏ ⵉⵎⵉⵙ ⵕⵡⴰⵏⵉⵏ ⵉ ⵓⵙⴱⴷⴷⵉ ⵏ ⵓⴱⴽⴽⵉⴹ. ⴱⵍⴰ ⵜⴰⵎⵔⵔⵓⵜ ⵏ ⵜⵉⴷⵜ ⴰⵔ ⴱⴷⴷⴰ ⵔⴳⴳⵯⵍⵏ ⵉⵎⵙⴽⴰⵔⵏ ⵏ ⵉⴱⴽⴽⵉⴹⵏ ⵏ ⵜⵣⴱⵉ ⵙⴳ ⵜⵣⵔⴼⵜ ⴷ ⵜⵎⵔⵔⵓⵜ, ⵙ ⵜⵎⵏⵜⵉⵍⵜ ⵏ ⵜⵎⴷⴷⴰⵍⵍⵓⵜ ⵏ ⵓⵏⴳⵣ ⴳ ⴽⵔⴰ ⵏ ⵜⵡⴰⵍ ⵏⵉⵖ ⴹⴰⵕⴰⵜ ⵓⵖⵓⵍ ⵏ ⵉⵎⴰⵔⴰⵡⵏ ⵏ ⵓⵏⴳⵉⵙ ⵅⴼ ⵜⵏⵓⵔⵣⵉⵜ, ⵎⵏⵉⴷ "ⴰⵔⵔⴰⵣ" ⴰⵥⵕⴼⴰⵏ ⵏⵉⵖ ⵢⵉⵡⵍ ⵏ ⵜⵎⴷⴷⴰⵍⵍⵓⵜ. "ⵎⴽⴰⴷ ⴰⵙ ⵉⵜⵜⵡⴰⵙⵖⴰ ⵉⴼⵙⵙⵜⵉ ⵏ ⵓⵏⴳⵉⵙⵏ ⴽⵓ ⴰⵙⵙ ⵙ ⵢⴰⵏ ⵡⴰⵜⵉⴳ ⵉⴳⴳⵓⵜⵏ, ⴰⵜⵉⴳ ⵎⵉ ⵉⴼⵔⵔⵓ ⵡⴰⵎⵓⵏ ⵇⴰⵃ ⵉⴹⵉⵚⵏ ⵏⵏⵙ.

ⴰⴼⵔⴰⴳ ⵏ ⵓⵏⴳⵉⵙⵏ ⵙ ⵜⵡⵉⵍⴰ ⵜⴰⵎⵓⴼⴰⵢⵜ ⵜⵙⵖⴰⵡⵙⴰ ⵙ ⵓⵎⵙⴰⵙⴰ ⴷ ⵓⵙⵎⴰⵇⵇⵍ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⴷⴷⵔⴼ ⴳ ⵓⵡⴰⴹ ⵏ ⵢⴰⵏ ⵓⵎⵓⵜⵜⵉ ⵏ ⵜⵉⴷⵜ ⴳ ⵓⴱⵕⴰⴷⵉⴳⵎ ⵏ ⵓⴼⴰⵙⵔ ⵏ ⵓⵙⵍⴳⵏ ⴷ ⵜⵙⵏⵙⵉ ⵏⵏⵙ, ⵙ ⵢⴰⵜ ⵜⵡⵉⵍⴰ ⵉⵙⵙⵓⵔⵓⴼⵏ, ⵙ ⵓⵥⵍⴰⵢ, ⵎⴰⵙ ⵜⴳⴰ ⵜⴰⴷⵓⵜ ⵜⴰⵡⵙⵢⴰⵏⵜ ⵜⴰⴷⵓⵜ ⵅⴼ ⵜⵏⴼⵔⵓⵜ ⵏ ⵜⴼⴳⴳⴰ ⴷ ⵓⵙⵙⴽⵕⵥ ⵏ ⵜⵎⵔⵔⵓⵜⵉⵏ ⴳ ⵡⴰⴷⴷⴰⴷⵏ ⵜⴰⴷⵓⵜ ⵅⴼ ⵡⴰⵣⵣⴰⵏⵏ ⴷ ⵓⵙⴱⴷⴷⵉ ⵏ ⴰⵎ ⵉⴱⴽⴽⵉⴹⵏ ⴰⴷ ⵙ ⵢⴰⵜ ⵜⵡⵉⵍⴰ ⴳ ⵓⵔ ⵉⵍⵍⵉ ⵓⵖⵓⵍ ⵏⵉⵖ ⵓⴳⵓⵣ ⵏⵉⵖ ⴰⵏⴳⵣ ⵏⵉⵖ ⵜⴰⵔⵡⵍⴰ ⵙⴳ ⵜⵣⵔⴼⵜ, ⵅⴼ ⵡⴰⵣⵣⴰⵏⵏ ⵏⵏⵖ ⴷ ⵅⴼ ⵢⴰⵏ ⵍⵎⵖⵔⵉⴱ ⵉⴼⴽⴰⵏ ⴰⴷⴷⵓⵔ ⵉ ⵡⴰⵣⵣⴰⵏⵏ ⵏⵏⵙ.