ⵙ ⵡⴰⵏⵢⴰⵜⵏ ⵏ ⵜⴰⵕⴰⵏⵉⵎ ⴷ ⵢⵓⴳⵎⵏ ⵙⴳ ⵜⴰⵢⵙⵉ ⵜⴰⵎⵖⵔⵉⴱⵉⵜ ⴷ ⵉⵥⵓⵕⴰⵏ ⵏⵏⵙ ⵉⴼⵔⵉⵇⵉⵢⵏ ⵏ ⵉⵜⵙⵏ ⵉⵄⵔⵔⵉⵎⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵉⵜⵜⵎⵓⵙⵙⵓⵏ ⴳ "ⵜⵎⵙⵎⵓⵏⵜ ⵜⴰⵕⴰⵏⵉⵎ ⵉ ⵡⴰⵏⵢⴰ ⴰⵏⴰⵥⵓⵕ ⴰⴼⵔⵉⵇⵉ ⵉ ⵉⴹⵕⴹⵓⵕⵏ", ⵜⵙⵙⵏⵜⵉ ⵜⴼⵓⴳⵍⴰ ⵜⴰⵏⴰⵥⵓⵕⵜ ⴷ ⵜⵣⵔⴼⴰⵏⵜ ⵏⵏⵉ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⴷⴳⴳⵯⴰⵜ ⵏ ⵓⵢⵏⴰⵙ 19 ⴷⵓⵊⴰⵏⴱⵉⵔ 2022 ⴳ ⵓⵎⵣⴳⵓⵏ ⵎⵓⵃⵎⵎⴰⴷ ⵡⵉⵙ ⵙⵎⵎⵓⵙ ⴳ ⵓⵙⴼⵓⴳⵍⵓ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏⵏⵉ ⵉⵎⵙⴰⵙⴰⵏ ⴰⴽⴷ ⵓⴽⵜⵜⵓⵢ 75 ⵏ ⵜⵥⵕⵉⴳⵜ ⵏ ⵡⴰⵍⵖⵓ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ. 

ⵉⵙⵡⵓⵜⵜⵙ ⵓⵙⵇⵇⵉⵎ ⵙ ⵜⴳⵟⵟⵓⵎⵉⵏ ⵜⵉⵎⵏⴰⵡⴰⵢⵉⵏ ⵏ ⵜⴼⵓⴳⵍⴰ ⴰⴷ ⵜⴰⵣⵔⴼⴰⵏⵜ, ⵏⵏⵉ ⵉⵜⵜⵓⵙⵏⵎⴰⵍⴰⵏ ⴷⴷⴰⵡ ⵜⵎⴰⵜⴰⵔⵜ "ⵉⵡⵏⵏⵉⵜⵏ ⵏ ⵓⵣⵔⴼ" ⵙ ⵓⵙⵖⴹⴼ ⵙ ⵜⵣⵎⵎⴰⵔ ⵜⵉⵎⵇⵇⵔⴰⵏⵉⵏ ⴷ ⵜⵢⵓⴳⴰⵏⵉⵏ ⵏⵏⵉ ⵙ ⵜⵡⴰⵙⵙⴰⵏⵏ ⵇⴰⵃ ⵉⵡⵏⵏⵉⵜⵏ ⵉⵏⴰⵥⵓⵕⵏ ⴷ ⵉⵙⴽⵍⴰⵏⵏ ⴷ ⵉⵡⵏⴳⵉⵎⵏ ⵅⴼ ⵓⴼⵔⴰⴳ ⵏ ⵓⵣⵔⴼ ⴷ ⵜⵏⴽⵔⴰ ⵙⵔⵙ ⴳ ⴽⵉⴳⴰⵏ ⵏ ⵉⵙⵡⵉⵔⵏ ⴷ ⵢⵉⴳⵔⴰⵏ", ⴰⴷ ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴳ ⵜⴳⵓⵔⵉ ⵏⵏⵙ ⵏ ⵓⵙⵏⵓⴱⴳ ⵙ ⵜⵎⵍⴷⴰ ⵏ ⵓⵕⵥⵥⵓⵎ ⵏ ⵜⴼⵓⴳⵍⴰ. 

ⵜⴰⴼⵓⴳⵍⴰ ⴳ ⴼⴰⵡⵏⵜ ⵜⵎⵉⵜⴰⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵜⵓⴳⵜ ⵏ ⵉⵡⵏⵏⵉⵜⵏ ⵉⵏⴰⵥⵓⵕⵏ ⴷ ⵉⴷⵍⵙⴰⵏⵏ, ⵉⵙⵉⵙⴼⵉⵡ ⵎⴰⵙ ⵉⴳⴰ "ⵓⵙⵎⴰⴷ ⵉⵏⴳⵔ ⵜⵎⴰⵎⴽⵉⵏ ⵏ ⵓⵡⵏⵏⵉ ⵜⴰⵣⵉⴳⵣⵜ ⵏ ⵜⴰⵎⵓⵏⵜ ⵉ ⵓⵙⵙⵉⵎⵖⵓⵔ ⵏ ⵜⵉⵏⴷⵉⵜⵉⵏ ⵏ ⵓⵣⵔⴼ". ⵜⵉⵣⵉ ⵏ ⵜⵓⵙⵏⵜ ⴷ ⵓⵙⵎⵖⵔ... ⵉⴳⴰ ⵓⵙⵎⵖⵔ ⵏ ⵜⵎⴷⵢⴰⵣⵜ ⴷ ⵜⵎⴰⵍⵍⴰⵙⵜ ⵄⴰⵉⵛⴰ ⵍⴱⵚⵕⵉ ⴳ ⵜⴼⵓⴳⵍⴰ ⵏ ⵉⵡⵏⵏⵉⵜⵏ ⵏ ⵓⵣⵔⴼ ⵢⴰⵜ ⵜⵉⵣⵉ ⵜⵓⴼⵔⵉⴷⵜ ⵉⵟⵟⴰⴼⵏ ⴽⵉⴳⴰⵏ ⵏ ⵉⵏⵓⵎⴰⴽ, ⵜⵉⵣⵉ ⵉⵎⵎⴰⵍⵏ ⴰⵙⵓⵜⴳ ⵏ ⵜⵡⵊⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ ⵉⴷⴷⵖ ⵜⵙⵉⵡⵍ ⵜⵎⴰⵍⵍⴰⵙⵜ ⴷ ⵜⵎⴷⵢⴰⵣⵜ ⴳ ⵜⵡⵓⵔⵉⵡⵉⵏ ⵏⵏⵙ ⵜⵉⵙⴽⵍⴰⵏⵉⵏ ⵅⴼ ⵓⵙⴳⵓⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵡⵉ ⵜⵜ ⴳ ⵓⵙⵓⵔⵙ ⴷ ⵡⵓⴷⴷⵓⵔ ⵏ ⵜⵎⵖⴰⵔⵜ ⵜⴰⵄⵕⴰⴱⵜ ⴳ ⵜⵓⴳⵜ ⵏ ⵉⵎⵥⵕⴰⵏ ⵏⵏⵙ. ⵉⵡⵏⵏⵉⵜⵏ ⵏ ⵜⵥⵓⵕⵉ ⴷ ⵓⵥⴰⵡⴰⵏ ⴼⵊⵊⵉⵊⵏ ⵉⵏⴱⴳⵉⵡⵏ, ⵙⴳ ⵡⵓⴷⵎⴰⵡⵏ ⵓⵏⴱⵉⴹⵏ ⴷ ⵉⴷⵉⴱⵍⵓⵎⴰⵙⵉⵢⵏ ⴷ ⵉⴳⵏⵙⴰⵙ ⵏ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵇⴰⵃ ⵜⵎⵙⵜⴰⵏⵉⵏ ⴷ ⵉⵎⵙⵜⴰⵏⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ... ⵙ ⵡⴰⵏⵣⵉⵣⵏ ⵉⴼⵔⵉⵇⵉⵢⵏ ⵏ ⵉⵜⵙⵏ ⵉⵄⵔⵔⵉⵎⵏ "ⵓⵔ ⵉⵙⵙⴼⵍⵉⴷⵏ ⵡⴰⵍⴰ ⴷⴰ ⵙⴰⵡⴰⵍⵏ" ⵎⴰⵛ ⵙⵙⵓⵙⵎⵏ ⵉⵏⴱⴳⵉⵡⵏ, ⵙⵙⴱⵀⴹⵏ ⵜⵏ ⵙ ⵜⵣⵎⵔⵜ ⵏⵏⵙⵏ ⵅⴼ ⵓⵙⵏⴰⵎ ⵏ ⵓⵎⵙⴰⵙⴰ ⵏ ⵡⴰⵏⵢⴰⵜⵏ ⵏ ⵉⴷ ⴳⴰⵏⴳⴰ ⵙ ⵓⵙⵎⵔⵙ ⵏ ⵓⵙⵢⴰⴼⴰ ⵏⵏⵙⵏ ⵙ ⵜⵖⵍⴰⵖⴰⵍⵜ ⵏ ⵜⵎⵙⵓⵍⵜ ⵏ ⵓⵎⵣⴳⵓⵏ... ⴰⴼⵙⵔ ⵉⵙⵙⵏⵥⵉⵏ ⵅⴼ ⵜⵣⵎⵎⴰⵔ ⵏ ⵓⵙⵏⴼⵍⵓⵍ ⴳⴳⵓⵜⵏⵉⵏ ⵏ ⵓⵙⵎⵉⵍ ⴰⴷ ⴷ ⵜⵣⵎⵔⵜ ⵏⵏⵙⵏ ⵅⴼ ⵡⴰⵍⵍⴰⵍ ⵏ ⵉⵏⴰⵥⴰⵕⵏ ⵉⵎⵇⵇⵔⴰⵏⵏ. ⵜⵙⵉⵙⴼⵉⵡ ⵜⵉⵍⵉⵜ ⵏ "ⵜⴰⵔⴰⴱⴱⵓⵜ “ⵜⴰⵢⵜⵎⴰⵜⵉⵏ ⵏ ⵜⵥⵓⵕⵉ ⵜⴰⵕⵚⵍⵉⵜ” ⵉ ⵍⵃⴹⵕⵜ ⵛⵛⴼⵛⴰⵡⵏⵉⵜ" ⵓⵍⴰ ⵏⵜⵜⴰⵜ ⵜⴰⵣⵎⵔⵜ ⵏ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⵅⴼ ⵜⵏⵥⵕⵜ ⵏ ⵉⵣⴰⴽⴰⵏ ⵉⴷⵍⵙⴰⵏⵏ ⴷ ⵉⵏⴰⵎⵓⵏⵏ ⵉ ⵜⵎⵙⴽⵔⵜ ⵏ ⵓⵣⵔⴼ ⵏⵏⵙ ⴳ ⵓⵡⵏⵏⵉ ⵙ ⵓⵔⴰⵔ ⵙ ⵜⴰⵢⵙⵉ ⵜⴰⵎⵥⵡⴰⵏⵜ ⵜⴰⵕⵚⵍⵉⵜ, ⵏⵏⵉ ⵉⴳⴰⵏ ⵢⴰⵏ ⵙⴳ ⵉⵎⵓⵖⵍⵏ ⵏ ⵜⵎⴰⴳⵉⵜ ⵜⴰⴷⵙⵍⴰⵏⵜ ⵜⴰⵎⵖⵔⵉⴱⵉⵜ, ⵙⵏⴼⵍⵓⵍⵏⵜ ⵜⵔⴱⴰⵜⵉⵏ ⴷ ⵜⵡⵜⵎⵉⵏ ⵏ ⵍⵃⴹⵕⵟ ⵜⴰⵛⴼⵛⴰⵡⵏⵉⵜ ⵙ ⵜⵉⴷⵜ ⵙ ⵓⵖⵏⵏⵊ ⴷ ⵓⵔⴰⵔ ⵙ ⵜⴰⵇⵇⴰⵢⵉⵏ, ⴰⵡⵉⵏⵜ ⴰⵙⵙⵓⵙⵎ ⴷ ⵓⵙⵙⵉⵎⵖⵓⵔ ⵏ ⵓⴳⴷⵓⴷ. 

ⴰⵎ ⴰⵙⵏⵓⴱⴳ ⴰⴷ ⴷ ⵓⵎⵢⴰⵖ ⴰⴷ ⴰⴷ ⵉⵜⵜⵓⴳⴰⵏ ⴰⴽⴷ ⵜⵔⴰⴱⴱⵓⵜ ⵏ "ⵍⵎⵄⵍⵍⵎ ⴰⵎⵍⵉⵍ ⵉ ⵓⵥⴰⵡⴰⵏ ⵏ ⴳⵏⴰⵡⴰ" ⵏⵏⵉ ⵢⵓⴳⵎⵏ ⵙⴳ ⵉⵥⵓⵕⴰⵏ ⵉⴼⵔⵉⵇⵉⵢⵏ ⵏ ⵜⵎⴰⴳⵉⵜ ⵜⴰⵎⵖⵔⵉⴱⵉⵜ ⴷ ⵓⵍⴰ "ⵜⴰⵔⴰⴱⴱⵓⵜ ⵏ ⵡⵍⴰⴷ ⵍⴱⵓⵄⵣⵣⴰⵡⵉ" ⵏⵏⵉ ⵉⵙⴼⵊⵊⵉⵊⵏ ⴰⴳⴷⵓⴷ ⵙ ⵉⵜⵙⵏⵜ ⵜⴰⵍⵖⴰⵜⵉⵏ ⵙⴳ ⵕⵕⵉⴱⵉⵕⵟⵡⴰⵕ ⵏ ⵜⴰⵢⵙⵉ ⵏ ⵍⵄⵉⵟⴰ ⵜⴰⵎⴷⵏⴰⵏⵜ, ⴷ ⴰⴷ ⵓⵔ ⵏⵜⵜⵓ ⴰⵙⵏⴼⵍⵓⵍ ⵏ ⵓⵎⵖⵏⵏⵊ ⵏ ⵚⵚⴰⴽⵚⵓⴼⵓⵏ, ⴰⵄⵔⵔⵉⵎ ⵣⴰⴽⴰⵔⵉⵢⴰ ⴰⵀⵍⴰⵍ, ⵏⵏⵉ ⵉⵔⵏⴰⵏ ⵜⴰⵣⴷⴰⵢⵜ ⵜⴰⵎⵥⵍⴰⵢⵜ ⵉ ⵜⵓⴳⵜ ⵏ ⵜⴳⵟⵟⵓⵎⵉⵏ ⵏ ⵢⵉⵡⵉⵣ ⴰⴷ ⴰⵏⴰⵥⵓⵕ ⴰⵣⵔⴼⴰⵏ. ⴽⵓⴷⵏⵏⴰ ⵜⴻⵜⵜⵓⵙⵏⴼⵍ ⵜⵎⴷⵢⴰⵣⵜ ⵙ ⵉⵎⵉⵙ ⵏ ⵜⵖⵏⵙⴰ... "ⵉⴷⴷⵖ ⴳⵉⵖ ⵜⴰⵔⴱⴰⵜ... ⵓⵔ ⴷ ⵉⵙ ⵓⵔ ⵥⴹⴰⵕⵖ", ⵉⴳⴰ ⵓⵣⵡⵍ ⴰⴷ ⴰⵙⵙⵏⵜⵉ ⵏ ⵢⴰⵜ ⵜⵎⴷⵢⴰⵣⵜ ⵙⴳ ⵜⵖⵓⵔⵉⵡⵉⵏ ⵜⵉⵎⴷⵢⴰⵣⵉⵏ ⵏⵏⵉ ⵜⵙⵏⴼⵍⵓⵍ ⵜⵎⴷⵢⴰⵣⵜ ⵜⴰⵄⵔⵔⵉⵎⵜ ⵃⴰⵢⴰⵜ ⵓⵜⵕⵀⵏⵏ, ⵏⵏⵉ ⴷ ⵉⴷⴷⴰⵏ ⵙⴳ ⵜⵎⵏⴰⴹⵜ ⵏ ⵜⵓⵏⴼⵉⵜ ⴳ ⵉⴷⵓⵔⴰⵔ ⵏ ⵡⴰⵟⵍⴰⵚ, ⵜⵕⵥⵎ ⴰⵖ ⴰⵍⵍⵏ ⵅⴼ ⵜⵉⵍⵍⴰⵡⵜ ⵏ ⵜⵔⴱⴰⵜ ⵜⴰⴼⴰⵔⴰⵏⵜ, ⵜⵏⵄⵕ ⵅⴼ ⵓⵣⵔⴼ ⵏⵏⵙ ⴳ ⵓⵙⵍⵎⴷ, ⵜⵙⴷⴷⵉⴷ ⵉ ⵜⵇⵇⵔⵉⵏⵉⵏ ⵏⵏⵙ, ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⵜⵎⴰⵣⵉⵖⵜ, ⴰⴷ ⵜⵜⵍⵎⴰⴷⵏⵜ, ⵙⴱⵉⴷⴷⵏⵜ ⴰⵙⵢⵉⵡⵍ ⵏ ⵜⵓⵎⵥⵉⵢⵉⵏ, ⴷ ⵓⴳⴳⴰⵔ. ⵢⵓⴷⴰ ⵢⵓⴷⴰ... ⵡⴰ ⵢⵓⴷⴰ! ⵙⴳ ⵜⴽⵕⴹⵉ ⵎⴳⴰⵍ ⵜⵡⵜⵎⵉⵏ ⴷ ⵜⵔⴱⴰⵜⵉⵏ ⵜⴻⵜⵜⵡⴰⵙⵙⴰⵏ ⵜⴼⵓⴳⵍⴰ ⴰⴷ ⵜⴰⵣⵔⴼⴰⵏⵜ ⵏ ⵉⵡⵏⵏⵉⵜⵏ ⵏ ⵓⵣⵔⴼ ⵙ ⵜⵉⵍⵉⵜ ⵏ ⵉⵙⵏⴼⵍⵓⵍⵏ ⵏ ⵡⴰⵣⵣⴰⵏⵏ ⵓⵍⴰ ⵏⵉⵜⵏⵉ ⵙ ⵓⵙⵎⵏⵉⴷ ⵏ ⵉⴼⵉⴷⵢⵓⵜⵏ ⵏ ⵉⵜⵙⵏⵜ ⵜⵎⵣⴳⵓⵏⵉⵏ ⵉⴽⵜⵓⵔⵏ ⵙ ⵜⴱⵔⴰⵜⵉⵏ ⵜⵉⵣⵔⴼⴰⵏⵉⵏ ⵏⵏⵉ ⴳⴰⵏ ⵡⴰⵣⵣⴰⵏⵏ ⵏ ⵢⴰⵜ ⵜⵉⵏⵎⵍ ⵜⴰⴳⴷⵓⴷⴰⵏⵜ ⵏ ⵓⵙⵍⵎⴷ ⴰⵎⵏⵣⵓ ⴳ ⵕⵕⴱⴰⵟ ⵙ ⵜⵎⴷⵔⴰⵡⵜ ⴰⴽⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ. 

ⵜⵉⴱⵔⴰⵜⵉⵏ ⵉⵜⵜⵙⴷⴷⵉⴷⵏ ⵅⴼ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⴳ ⵓⵙⵍⵎⴷ ⴷ ⵜⴷⵓⵙⵉ ⴷ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵜⵎⵖⴰⵔⵜ ⴷ ⵜⵔⴱⴰⵜ. ⵉⴼⵙⵔⵏ ⵉⵎⵣⴳⵓⵏⵏ ⵏⵏⵉ ⵔⴰⴷ ⵉⵜⵜⵓⵙⵎⵏⵉⴷ ⴳ ⵜⵉⵏⵎⴰⵍ ⵜⵉⵎⵖⵔⵉⴱⵉⵢⵉ ⴷ ⵜⴰⵏⵙⵉⵡⵉⵏ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵡⴰⵙⵉⵜⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ. ⵜⵉⴳⵉⵔⴰ ⵏ ⵜⴼⵓⴳⵍⴰ, ⵜⵙⵎⵏⵉⴷ ⵜⵏⴰⵥⵓⵕⵜ/ⵜⴰⵎⵃⴹⴰⵕⵜ ⴰⵢⴰ ⵄⵎⵕⴰⵏⵉ ⵊⴰⵎⴰⵍⵉ ⴰⵙⵏⴼⵍⵓⵍ ⵏⵏⵙ ⵏⵏⵉ ⵜⵙⵙⵓⵏⵖ ⴳ ⵜⵉⵣⵉ ⵏ ⴽⵕⴰⴹⵜ ⵜⵙⵔⴰⴳⵉⵏ ⵏⵏⵉ ⵜⴽⴽⴰ ⵜⴼⵓⴳⵍⴰ, ⵜⵉⴼⵉⵍⵜ ⵏⵏⵉ ⵉⵜⵜⵣⵎⵎⴰⵎⵏ ⵉ ⵓⵎⵣⵔⵓⵢ ⵜⴰⴼⵓⴳⵍⴰ ⴰⴷ ⵜⴰⵣⵔⴼⴰⵏⵜ ⵉⵖⵓⴷⴰⵏ, ⵏⵜⵜⴰⵜ ⴰⴷ ⵉⴷⵔⵓⵏ ⵏⴹⴰⴹⴰⵏ ⴰⴽⴷ ⵜⵎⵃⴹⴰⵕⵉⵏ ⴷ ⵉⵎⵃⴹⴰⵕⵏ ⵢⴰⴹⵏⵉⵏ ⴳ ⵢⴰⵏ ⵓⵎⵃⵉⵣⵡⴰⵔ ⴰⵏⴰⵥⵓⵕ ⵏ ⵓⵡⵏⵏⵉ ⵙ ⵓⵏⵓⵖ ⵅⴼ ⵓⵣⵔⴼ ⴳ ⵜⵓⴷⵔⵜ.