ⵜⵙⴷⴷⵉⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙ ⵉⴳⴰ ⵓⴱⴽⴽⵉⴹ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ “ⵜⵉⵕⵥⵉ ⵉⵛⵇⵇⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴷⴷⵖ ⴷⴰ ⵜⴻⵜⵜⴽⴽⵙ ⴰⴷⴷⵓⵔ ⵏ ⵓⴼⴳⴰⵏ ⴷ ⵜⵖⵜⴰⵙⵜ ⵏⵏⵙ ⴷ ⵓⵙⵜⴰⵢ ⵏⵏⵙ ⴳ ⵜⵓⴷⵔⵜ” ⵜⵙⵏⵎⵍ ⵎⴰⵙ ⴷⴰ ⴰⵙ ⵢⴰⴽⴽⴰ ⵓⵙⵇⵇⵉⵎ ⵢⴰⵏ ⵡⴰⵜⵉⴳ ⵎⵇⵇⵓⵔⵏ, ⵢⴰⵡⵉ ⴷ ⵅⵉⴼⵙ ⴽⵉⴳⴰⵏ ⴳ ⵜⴰⵏⴰⴹⵜ ⵏⵏⵙ ⵜⴰⵙⴳⴳⵯⵙⴰⵏⵜ ⵏ ⵓⵙⴳⴳⵯⴰⵙ 2020.

ⵜⵙⵙⴼⴰⵡ ⵎⴰⵙⵙⴰ ⴱⵓⵄⵢⵢⴰⵛ, ⴳ ⵓⵙⴰⵜⵉ ⵏ ⵓⵏⵎⵓⵇⵇⴰⵔ ⴰⵢⵢⵓⵔⴰⵏ 'ⴰⴽⵡⴰⵙ ⵏ ⵓⴼⵔⴰⴳ' ⵉⵥⵍⵉⵏ ⵙ ⵓⵙⴳⵓⵎ "ⵜⴰⵙⴱⴱⴰⴱⵜ ⵙ ⵉⵡⴷⴰⵏ: ⵎⴰⵏ ⵜⴰⵎⴰⵖⵓⵏⵜ ⵏ ⵓⵙⵎⵀⵍ ⵏ ⵓⵙⵍⴳⵏ", ⵎⴰⵙ ⵉⵟⵟⴰⴼ ⵓⴱⴽⴽⵉⴹ ⴰⴷ ⴽⵉⴳⴰⵏ ⵏ ⵉⵏⴰⵥⵕⵏ ⵉⵣⴷⵉⵏ ⵙ ⵉⵎⴰⵙⵙⵏ ⵏ ⵓⵙⵡⵓⵔⵉ ⵅⴼ ⵓⵙⵎⵙⵉ ⵏⵏⵙ ⴰⴽⴷ ⵓⵙⵍⴳⵏ, ⴰⵔ ⵙⵉⵔⵙ ⵜⵎⵔⵔⴰⵜ ⵓⴳⴳⴰⵔ ⵜⴰⴳⵔⵓⵎⵎⴰ ⵏ ⵉⵎⵣⵡⴰⴳⵏ ⴷ ⵜⵡⵜⵎⵉⵏ ⴷ ⵡⴰⵣⵣⴰⵏⵏ...", ⵜⵉⵏⵉ ⴰⵡⴷ ⵎⴰⵙ ⴷ "ⵓⵡⴹⵏⵜ ⴷ ⴰⵙⵇⵇⵉⵎ ⴽⵉⴳⴰⵏ ⵏ ⵜⵏⵓⵔⵣⵉⵏ, ⵜⵜⵓⵙⵎⴽⵍⵏⵜ ⴹⴰⵕⴰⵜ ⵎⴰⴷ ⵜⵜⵡⴰⵃⵇⵇⴰⵏⵜ, ⵉⵜⵜⵡⴰⴳⴳ ⵅⵉⴼⵙⵏⵜ ⵓⵙⴰⴳⴳⵯ, ⵜⵜⵡⴰⵙⵜⴰⵢⵏⵜ, ⵜⵜⵓⵙⵎⵉⵍⵏⵜ ⴳ ⵡⴰⵏⴰⵡ ⵏ ⵉⴱⴽⴽⵉⴹⵏ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ".

"ⵉⴳⴰ ⵓⴱⴽⴽⵉⴹ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ ⵙⴳ ⵉⴱⴽⴽⵉⴹⵏ ⵏ ⵉⵎⵉⵣⵉ ⵉⵛⵇⵇⴰⵏ ⵉⴷⴷⵖ ⴳⴰⵏ ⵙⴳ ⵉⴱⴽⴽⵉⴹⵏ ⵏ ⵎⴳⴰⵍ ⵜⵏⴼⴳⴰⵏⵜ ⴷ ⵉⴱⴽⴽⵉⴹⵏ ⵏ "ⵓⴽⴽⵍⵓ ⴰⵜⵔⴰⵔ" ⵉⴷⴷⵖ ⴷⴰ ⵜⵜⵉⵍⵉ ⵜⵖⵍⵍⴰⴱⵉⵜ ⴼ ⵓⴼⴳⴰⵏ ⵙ ⵓⵎⵓⴳⴳⵓ ⵏⵏⴰ ⴰⵙ ⵉⵜⵜⵓⴳⴰⵏ ⵉⴳ ⴰⵎ ⴽⵔⴰ ⵏ ⵓⵙⴽⴽⵉⵏ ⵙⴳ ⵡⴰⵢⴷⴰ, ⵉⵜⵜⵓⴽⵙ ⴰⵙ ⵡⴰⴷⴷⵓⵔ ⵏⵏⵙ ⴰⵏⴼⴳⴰⵏ" ⵎⴽⴰⴷ ⴰⵙ ⵜⵙⵏⵓⵎⵎⵍ ⵎⴰⵙⵙⴰ ⵙⵙⵄⴷⵉⵢⵢⴰ ⵡⴹⴹⴰⵃ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵜⴳⵎⵎⵉ ⵜⵓⵎⵍⵉⵍⵜ - ⵙⵟⵟⴰⵜ, ⵜⵓⵎⴰⵏⵜ ⴰⴷ ⵜⵙⵙⴼⴰⵡ ⵎⴰⵙ ⵓⵔ ⴼⴰⵡⵏ ⴽⵉⴳⴰⵏ ⵏ ⵉⴹⵕⵉⵚⵏ ⵏ ⵓⵙⵍⴳⵏ ⵉⵣⴷⵉⵏ ⵙ ⵓⵙⴱⴷⴷⵉ ⵏ ⵓⴱⴽⴽⵉⴹ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ, ⵍⵍⵉⵖ ⴷ ⵉⵇⵇⴰⵏ ⴰⴷ ⵉⵜⵜⵡⴰⵃⵇⵇⴰ ⵓⵙⵍⴳⵏ ⵙ ⵓⵙⵔⵙ ⵏ ⵓⵔⵎⵎⵓⵙ ⵓⵎⵀⵉⵍ ⴷ ⵜⴱⵔⵉⴷⵜ ⵏⵏⵙ ⵉⵜⵜⵓⵃⵇⵇⴰⵏ ⴰⴼⴰⴷ ⴰⴷ ⵢⵉⵍⵉ ⵓⵙⵢⵉⵡⵏ ⵏ ⵓⵔⵎⴰⵙ, ⵜⵎⵙⴰⵙⴰ ⵜⵎⴰⴳⵍⴰⵢⵜ ⵜⴰⵏⵣⵔⴰⴼⵜ ⴰⴽⴷ ⵓⵙⴰⵜⵉ ⵓⵍⴳⵉⵏ ⵏⵏⴰ ⵉⵙⵔⵙ ⵓⵏⵣⵔⴰⴼ".

ⵙⴳ ⵜⵎⵙⵍⴰⵢⵉⵏ ⵉⵣⴷⵉⵏ ⵙ ⵜⵙⴱⴱⴰⴱⵜ ⵙ ⵉⵡⴷⴰⵏ ⵏⵏⴰ ⵉⵎⴷⵉⵢ ⵎⴰⵙⵙ ⵕⴰⵛⵉⴷ ⵎⵣⵢⴰⵏ, ⴰⵏⵙⵙⵉⵅⴼ ⵏ ⵜⵏⴰⴼⵓⵜ ⵏ ⵜⵎⵖⴰⵔⵜ ⴷ ⵡⴰⵣⵣⴰⵏ ⵖ ⵜⵎⴰⵡⴰⵙⵜ ⵏ ⵜⵣⵔⴼⵜ, ⵡⴰⵔ ⵜⵉⵍⵉⵜ ⵏ ⵜⵙⵉⵍⴰ ⵜⴰⵏⴰⵎⵓⵔⵜ ⵏ ⵉⵙⴼⴽⴰ ⵅⴼ ⵜⵓⵎⴰⵏⵜ, ⴰⵢⵍⵍⵉ ⵉⵜⵜⴰⵡⵉⵏ ⵙ ⵡⴰⵔ ⴰⵃⵇⵇⴰ ⵏ ⵜⵎⵓⵛⴰ ⴼⵍⵍⴰⵙ, ⴷ ⵓⵎⵢⴰⵏⴰⵡ ⵏ ⵓⵙⵎⵙⵉ ⵏ ⵓⴱⴽⴽⵉⴹ ⵖ ⴷⴰⵔ ⴽⵓ ⵜⵙⴳⴰ ⵜⴰⵎⵏⵜⴰⵢⵜ ⵏⵏⴰ ⵉⴳⴰⵏ ⵜⴰⵎⴳⴳⴰⵢⵜ, ⴳ ⵓⵣⵎⵣ ⵍⵍⵉ ⵖ ⵜⵟⵟⴰⴼ ⵜⵏⴱⴹⴰⵢⵜ ⴰⵣⵔⴼ ⵓⵍⴳⵉⵏ ⵏ ⵜⵉⴽⴽⵉ ⵏ ⵓⵙⵎⵙⵉ ⵓⵍⴳⵉⵏ ⵉ ⵓⴱⴽⴽⵉⴹ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ. ⴳ ⵓⵣⴷⴰⵢ ⵏ ⵓⵙⵍⴳⵏ 27.14 ⴷ ⵉⵎⵣⵡⴰⴳⵏ, ⵉⵙⴷⴷⵉⴷ ⵎⴰⵙⵙ ⵎⵣⵢⴰⵏ ⵎⴰⵙ ⵓⵔ ⵜⴱⴹⵉ ⵜⵏⵣⵔⴰⴼⵜ ⴳ ⵓⵏⴳⵉⵙⵏ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ ⵉⵏⴳⵔ ⵉⵎⵖⵔⵉⴱⵉⵢⵏ ⴷ ⵉⴱⵕⵕⴰⵏⵉⵢⵏ, ⵎⴽⴷⴰ ⵓⵔ ⵜⴱⴹⵉ ⴳ ⵓⵏⴳⵉⵙⵏ ⵏ ⴱⵕⵕⴰ ⵉⵏⴳⵔ ⵉⵎⵣⵡⴰⴳⵏ ⴳ ⵓⵙⵓⵔⵙ ⵓⵍⴳⵉⵏ ⴷ ⵉⵎⵣⵡⴰⴳⵏ ⴳ ⵓⵙⵓⵔⵙ ⴰⵔⵓⵍⴳⵉⵏ.

ⵙ ⵓⵎⵙⴰⵙⴰ ⴰⴽⴷ ⵉⵙⵏⵎⴽⵜⴰⵜⵏ ⵏⵏⴰ ⵜⵙⵎⵏⵉⴷ ⵎⴰⵙⵙⴰ ⵙⴰⵕⴰ ⴱⵏⵜⴼⵔⵉⵜ, ⵙ ⵓⵖⵓⵍ ⵙ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵏ ⵓⵙⴳⴳⵯⴰⵙ 2018 ⵏ ⵓⵙⵉⵔⴰ ⵏ ⵜⵎⵜⵜⴰ ⵉⵎⵓⵏⵏ ⵉⵏⵜⴰⵢⵏ ⵙ ⵓⵙⴱⴷⴷⵉ ⵏ ⵉⵙⴷⵓⵀⴷⵓⵜⵏ ⴷ ⵓⴱⴽⴽⵉⴹ ⵉⵜⵜⵓⵙⵙⵓⴷⵙⵏ, ⵜⵜⵓⵣⵎⵎⵉⵎⵏ 5000 ⵏ ⵡⴰⴷⴷⴰⴷⵏ ⵏ ⵓⵙⵙⵉⵡⴹ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ; 50 ⵏ ⵜⴳⵎⵉⴹⵉ ⵙⴳ ⵓⵏⴳⵉⵙⵏ, ⴳ ⵓⵙⵡⵉⵔ ⴰⵎⴰⴹⵍⴰⵏ, ⴷⴰ ⵜⵜⵓⵙⵖⵍⵍⵉⵍⵏ ⵙ ⵜⵡⵙⵢⴰⵏⵜ, ⵉⵍⴽⵎ ⵓⵙⵖⴰⵍ ⵏ ⵓⵏⴳⵉⵙⵏ ⵜⵜⵓⵙⵖⵍⵍⵉⵍⵏ ⵙ ⵜⵡⵙⵢⴰⵏⵜ ⴳ ⵉⵥⵥⵍⵎⴹ ⵏ ⵉⴼⵔⵉⵇⵢⴰ 30 ⵏ ⵜⴳⵎⵉⴹⵉ, ⴰⵙⵖⴰⵍ ⴰⴷ ⵏⵉⵜ ⵏ ⵓⵏⴳⵉⵙⵏ ⵜⵜⵓⵙⵖⵍⵍⵉⵍⵏ ⴳ ⵜⵡⵓⵔⵉ ⵉⵀⵔⵛⵏ.

ⴳ ⵜⵙⴳⴰ ⵏⵏⵙ, ⵜⴱⵔⵔⵃ ⵎⴰⵙⵙⴰ ⵅⴰⴷⵉⵊⴰ ⵜⴱⴱⴰⵏ, ⴰⴳⵎⴰⵎ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵣⴷⴰⵢ ⵏ ⵜⵎⴳⴳⵉⵜⵉⵏ ⵏ ⵓⵙⴱⴷⴷⵉ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ ⴷ ⵡⴰⵔⴰⵢ ⵙⴳⵉⵙ, ⴰⵙⵉⵍⵉⵢ ⵏ ⵓⵙⵔⵉⵔⵔⵉ ⵏ ⵓⵙⴼⵔⴽ ⴷ ⵓⵎⵢⴰⵡⴰⴹ ⵅⴼ ⵓⵙⴳⵓⵎ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ ⴷ ⵓⵙⴷⵓⵙ ⵏ ⵉⵙⵡⵓⴷⴷⵓⵜⵏ ⵏ ⵓⴼⴰⴼⴰ ⴷ ⵓⵙⵙⵉⵡⴹ ⵏ ⵓⴱⴽⴽⵉⴹ; ⴰⵙⵡⵓⵔⵉ ⵅⴼ ⵓⵙⵎⵓⵜⵜⴳ ⵏ ⵡⴰⵎⵎⴰⵙⵏ ⵉⵎⵥⵍⵉⵜⵏ ⵏ ⵓⵙⵏⵓⴱⴳ ⵙ ⵓⵏⴳⵉⵙⵏ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ ⴷ ⵓⵏⵀⵍⵍⴰ ⵙⵉⵔⵙⵏ; ⵉⴳⵉ ⵏ ⵜⵣⵔⴰⵡⵉⵏ ⵜⵉⵏⵖⴱⵓⵜⵉⵏ ⴰⴼⴰⴷ ⴰⴷ ⵜⵜⵓⵙⵎⵓⵜⵜⴳⵏ ⵉⵙⵖⵉⵡⵙⵏ ⵏ ⵜⵡⵓⵔⵉ ⵏ ⵉⵎⴰⵍ ⴰⴼⴰⴷ ⴰⴷ ⵜⵜⵓⵙⴱⴷⴷⵉ ⵜⵓⵎⴰⵏⵜ ⴰⴷ ⴷ ⵓⵙⵔⵓⵙ ⵏ ⵢⴰⵏ ⵉⵎⵉⵙ ⴰⵏⴰⵎⵓⵔ ⵏ ⵜⵙⴰⵖⵓⵍⵜ ⵏ ⵓⵏⴳⵉⵙⵏ ⴷ ⵡⴰⵍⵍⴰⵙ ⵏ ⵓⵙⵙⵉⴷⴼ ⵏⵏⵙⵏ ⴳ ⵡⴰⵎⵓⵏ; ⵙⵓⵍ ⴷ ⵓⴳⴳⴰⵔ.

ⵙ ⵓⵎⵢⴰⵖ ⴰⴽⴷ ⵉⵙⵇⵙⵉⵜⵏ ⴷ ⵜⴰⵏⵏⴰⵢⵉⵏ ⴷ ⵉⵙⵖⵍⴰⴼ ⵏ ⵉⵎⴹⴼⵕⵏ ⵏ ⵜⵉⵏⴰⵡⵜ, ⵔⵓⵔⴰⵏ ⵉⵎⴽⵛⴰⵎⵏ ⵅⴼ ⴽⵉⴳⴰⵏ ⵏ ⵜⵡⵏⴳⵉⵎⵉⵏ ⴷ ⵢⵓⵡⵉⵏ ⴳ ⵜⵓⴳⵜ ⴳⵉⵙⵏⵜ ⵅⴼ ⵓⵃⵇⵇⴰ ⵏ ⵓⵔⵎⵎⵓⵙ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ ⴷ ⵉⵎⴰⵙⵙⵏ ⵏ ⵓⵙⵎⵙⵉ ⵏ ⵓⴱⴽⴽⵉⴹ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ ⵖ ⴷⴰⵔ ⵉⵏⴳⵎⴰⵎⵏ ⵉⵜⵜⵡⴰⵥⵍⴰⵢⵏ ⵙ ⵓⵎⵙⴰⵙⴰ ⴰⴽⴷ ⵓⵙⵍⴳⵏ (ⵜⴰⵏⴼⵔⵓⵜ ⴷ ⵜⵏⴱⴹⴰⵢⵜ ⴷ ⵡⴰⵎⵓⵏ ⵓⵖⵔⵉⵎ...) ⴷ ⵓⵍⴰ ⵜⵉⴱⵔⵉⴷⵉⵏ ⵏ ⵓⵎⵢⴰⵡⴰⵙ ⴷ ⵓⵣⴷⴰⵢ ⴳ ⵓⴼⵔⴰⴳ ⴷ ⵡⴰⵔⴰⵢ ⵙⴳ ⵓⴱⴽⴽⵉⴹ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ ⴷ ⵓⵙⴱⴷⴷⵉ ⵏⵏⵙ ⴷ ⵜⴱⵔⵉⴷⵜ ⵏ ⵓⵙⵙⵉⵡⴹ ⴷ ⵓⵏⵀⵍⵍⴰ ⵙ ⵓⵏⴳⵉⵙⵏ.

ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵉⴽⴽⴰ ⵍⵎⵖⵔⵉⴱ ⵉⵙⵖⵣⵏ ⵜⴰⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵓⵙⴱⴷⴷⵉ ⵏ ⵓⴱⴽⴽⵉⴹ ⵉⵜⵜⵓⵙⵙⵓⴷⵙⵏ ⴰⵙⴳⴳⵯⴰⵙ ⵏ 2002, ⵉⵙⵖⵣⵏ ⴰⴱⵕⵓⵜⵓⴽⵓⵍ ⵏⵏⴰ ⵜⵜ ⵉⵜⵜⵙⵎⴰⴷⵏ ⴰⵙⴳⴳⵯⴰⵙ ⵏ 2009, ⵎⴽⴷⴰ ⴷ ⵉⵙⵙⴰⴼⵖ ⴰⵙⵍⴳⵏ ⵓⵟⵟⵓⵏ 27.14 ⵉⵣⴷⵉⵏ ⵙ ⵓⵙⴱⴷⴷⵉ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ ⴰⵙⴳⴳⵯⴰⵙ ⵏ 2016, ⵉⵙⵔⵙ ⵜⴰⵙⵇⵇⵉⵎⵜ ⵜⴰⵏⵎⵓⵔⵜ ⵏ ⵓⵣⴷⴰⵢ ⵏ ⵜⵎⴳⴳⵉⵜⵉⵏ ⵉⵣⴷⵉⵏ ⵙ ⵓⵙⴱⴷⴷⵉ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ ⴳ 2018 ⵏⵏⴰ ⵖ ⵉⴳⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⴳⵎⴰⵎ