ⵜⴰⵥⵍⴰⵢⵜ ⵜⴰⴽⴰⵍⴰⵏⵜ
ⴰⵎⵓⵏⵜ ⴳ ⵜⵥⵍⴰⵢⵜ ⵜⴰⴽⴰⵍⴰⵏⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵜⴳⵎⵎⵉ ⵜⵓⵎⵍⵉⵍⵜ-ⵙⵟⵟⴰⵜ ⵜⵉⵎⵏⴱⴰⴹⵉⵏ ⴷ ⵜⵙⴳⴳⵯⵉⵏ ⵜⵉⵏⴹⴼⴰⵕⵉⵏ : ⵜⵉⴳⵎⵎⵉ ⵜⵓⵎⵍⵉⵍⵜ, ⵍⵎⵓⵃⵎⵎⴰⴷⵉⵢⴰ, ⵊⵊⴷⵉⴷⴰ, ⵏⵏⵡⴰⵚⵕ, ⵎⴷⵢⵓⵏⴰ, ⴱⵏⵙⵍⵉⵎⴰⵏ, ⴱⵕⵕⵛⵉⴷ, ⵙⵟⵟⴰⵜ, ⵙⵉⴷⵉ ⴱⵏⵏⵓⵕ.
ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ
ⵎⴰⵙⵙⴰ ⵙⵙⵄⴷⵉⵢⴰ ⵡⴹⴹⴰⵃ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵜⴳⵎⵎⵉ ⵜⵓⵎⵍⵉⵍⵜ-ⵙⵟⵟⴰⵜ, ⵜⵓⵎⵥ ⵎⴰⵙⵙⴰ ⵡⴹⴹⴰⵃ ⵜⵓⵔⴰⴳⵜ ⵖ ⵉⵣⵔⴼⴰⵏ, ⵜⴳ ⵜⴰⵎⵙⵜⴰⵏⵜ ⵖ ⵓⵏⴳⵎⴰⵎ ⵏ ⵜⴳⵎⵎⵉ ⵜⵓⵎⵍⵉⵍⵜ, ⵜⴽⴽⴰ ⵜⴳⴰ ⵜⴰⴳⵎⴰⵎⵜ ⴳ ⵓⵙⵇⵇⵉⵎ ⵏ ⵓⵏⴳⵎⴰⵎ ⵉⵏⴳⵔ 2000 ⴷ 2003, ⵜⴰⴳⵎⴰⵎⵜ ⴷ ⵜⴰⵎⵣⵡⴰⵔⵜ ⴳ ⵜⵎⴰⴷⴷⴰⵙⵜ ⵜⴰⵎⵖⵔⵉⴱⵉⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ 1992, ⴳ 1998 ⵜⴳⴰ ⵜⴰⴳⵎⴰⵎⵜ ⴳ ⵓⵏⴳⵎⴰⵎ ⴰⵎⵣⴷⴰⵢ ⵏ ⵜⵙⵏⴱⴹⴰⵢⵜ ⵏ ⵜⵡⵜⵎⵉⵏ ⴳ ⵜⵙⴱⴹⴰⵢⵜ ⵜⴰⵄⵕⴰⴱⵜ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵜⵡⵜⵎⵉⵏ. ⵜⵙⵙⵉⵅⴼ ⵜⴰⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵜⵉⵡⵜⵎⵉⵏ, ⵜⴳ ⵜⴰⴳⵎⴰⵎⵜ ⴳ ⵓⵙⵉⵔⴰ ⵏ ⵜⵎⴰⴷⴷⴰⵙⵜ ⵜⴰⵎⵖⵔⵉⴱⵉⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⵜⴳ ⵜⴰⴳⵎⴰⵎⵜ ⵜⴰⵎⵙⵔⵓⵙⵜ ⴳ ⵜⵓⵙⴳⵔⴰⵡ ⵏ ⵜⵎⵙⵜⴰⵏⵉⵏ ⵜⴰⵄⵕⴰⴱⵉⵏ ⵖ ⵍⴱⵃⵕⴰⵢⵏ, ⵜⴷⵔⵓ ⴳ ⴽⵉⴳⴰⵏ ⵏ ⵉⴷⵍⵉⵙⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ.
ⴷⴰ ⵙⴽⴰⵔⵏⵜ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵉⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴳ ⵓⵙⵡⵉⵔ ⵏ ⵓⵏⴱⴹ ⴰⴽⴰⵍⴰⵏ ⵏ ⴽⵓ ⵜⴰⵎⵏⴰⴹⵜ, ⴷⴷⴰⵡ ⵓⵏⴱⴰⴹ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵉⵍⵉⵏⵜ ⴳⵉⵙⵏⵜ ⴽⵕⴰⴹⵜ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⵜⴰⵎⵖⵍⴰⵍⵜ ⵉⵜⵜⵓⵙⵎⴰⴳⵍⵏ ⵙ ⵜⵉⴹⴰⴼ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴼⵔⴰⴳ ⵏⵏⵙⵏⵜ ⵙ ⵜⵉⴹⴰⴼ ⴷ ⵓⴹⴼⴼⵓⵕ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵡⵉⵔ ⴰⵏⵎⵏⴰⴹ, ⵙ ⵜⵓⴳⴳⴰⵥⵜ ⵏ ⵜⵡⵓⵔⵉⵡⵉⵏ ⵉⵜⵜⵓⵙⵏⴰⵍⵏ ⵉ ⵉⵏⴳⵎⴰⵎⵏ ⵢⴰⴹⵏ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⵔⴰⵢ ⵙⴳ ⵜⵕⵥⵉⵢⵉⵏ ⵏⵏⵙⵏ.
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⵜⴰⵎⵖⵍⴰⵍⵜ ⵉⵜⵜⵓⵙⵎⴰⴳⵍⵏ ⵙ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴷⵓⵙ ⵏ ⵜⵓⵚⴽⴰ ⵜⴰⴷⵉⵎⵓⵇⵕⴰⵟⵉⵜ, ⴳ ⵓⵙⵡⵉⵔ ⴰⵏⵎⵏⴰⴹ, ⵙ ⵜⵙⵓⵎⵔⵜ ⵏ ⵉⵖⴰⵡⴰⵙⵏ ⴷ ⵉⵙⵏⵜⴰⵢ ⵉⵣⴷⵉⵏ ⵙ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵓⵔⵉ ⴷ ⵜⵎⵙⴽⵔⵜ ⵜⵓⵖⵔⵉⵎⵜ ⴷ ⵡⴰⵔ ⴰⵙⵏⵓⵃⵢⵓ, ⴷ ⵡⴰⵏⵏⴰⵍ ⵏ ⵜⵣⵎⵎⴰⵔ, ⴷ ⵓⵙⴱⵖⵔ ⵏ ⵓⵙⵡⵉⵏⴳⵎ ⴷ ⵓⵎⵙⴰⵡⴰⵍ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴽⴷⴰ ⵜⵏⵏⵖⵍⴼ ⵙ ⵓⴹⴼⴼⵓⵕ ⵏ ⵉⵖⴰⵡⴰⵙⵏ ⴷ ⵉⵙⵏⵜⴰⵢ ⵉⵜⵜⵡⴰⴱⴷⴰⵔⵏ ⴷ ⵓⴹⴼⴼⵓⵕ ⵏ ⵜⵎⵀⴰⵍ ⵏ ⵉⵏⵥⵉ ⴰⵔⴰⵡⵙⴰⵏ ⴷ ⵓⵙⵉⵎⴰⵏ ⵏ ⵡⴰⵙⵜⴰⵢⵏ.
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⴰⴷ ⵜⴰⵎⵖⵍⴰⵍⵜ ⵙ ⵓⴹⴼⴼⵓⵕ ⵏ ⵓⵙⵎⵀⵍ ⴰⵎⵢⴰⴳⴰⵏ ⵏ ⵉⵎⵏⵣⴰⵢⵏ ⵏ ⵓⴷⵓⵙⵜⵓⵔ ⴷ ⵜⵓⵎⵙⵉⵙⵜ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴰⴽⴷ ⵜⵎⵔⵉⵙⵉⵏ ⵜⵉⵎⵢⴰⵇⵇⴰⵏⵉⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵉⵙⵓⵖⵏⵏ ⵏⵏ ⴳ ⵓⵙⵡⵉⵔ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵉⵖⴰⵡⴰⵙⵏ ⵉⵏⵎⵏⴰⴹⵏ, ⴷ ⵓⵏⴱⴰⴹ ⴰⴷⵖⵔⴰⵏ ⴷ ⵓⴹⴼⴼⵓⵕ ⵏ ⵓⵙⵎⵀⵍ ⵏ ⵜⴰⵏⵏⴰⵢⵉⵏ ⵜⵉⵎⴳⴳⵓⵔⴰ ⴷ ⵉⵙⵖⵍⴰⴼ ⵏⵏⵉ ⴷ ⵙⵙⴰⴼⵖⵏ ⵉⵏⴳⵎⴰⵎⵏ ⴷ ⵉⵎⴰⵙⵙⵏ ⵣⴷⵉⵏⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⵏⵉⴷ ⴰⴷ.
ⴰⵎⵢⴰⵡⴰⴹ ⴰⵎⵏⴰⵍⴰ ⵏ ⵡⴰⵙⵓⴽ ⴼⵉⴽⵜⵓⵔ ⵀⵉⴳⵓ ⴷ ⴰⵃⵎⴰⴷ ⵍⴼⵉⴳⵉⴳⵉ, ⵍⵃⵓⴱⵓⵙ, ⵜⵉⴳⵎⵎⵉ ⵜⵓⵎⵍⵉⵍⵜ - ⵍⵎⵖⵔⵉⴱ |  |
