ⵜⴰⵥⵍⴰⵢⵜ ⵜⴰⴽⴰⵍⴰⵏⵜ
ⴰⵎⵓⵏⵜ ⴳ ⵜⵥⵍⴰⵢⵜ ⵜⴰⴽⴰⵍⴰⵏⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵟⴰⵏⵊⴰ-ⵜⵉⵟⵡⴰⵏ-ⵍⵃⵓⵙⵉⵎⴰ ⵜⵉⵎⵏⴱⴰⴹⵉⵏ ⴷ ⵜⵙⴳⴳⵯⵉⵏ ⵜⵉⵏⴹⴼⴰⵕⵉⵏ : ⵟⴰⵏⵊⴰ-ⴰⵚⵉⵍⴰ, ⵍⵎⵢⴰⵇ-ⵍⴼⵏⵉⴷⵇ, ⵜⵉⵟⵡⴰⵏ, ⴼⴰⵃⵚ-ⴰⵏⵊⵕⴰ, ⵍⵄⵕⴰⵢⵛ, ⵍⵃⵓⵙⵉⵎⴰ, ⵛⴼⵛⴰⵡⵏ, ⵡⴰⵣⵣⴰⵏ.
ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ
ⵎⴰⵙⵙⴰ ⵙⵓⵍⵎⴰ ⵟⵟⵓⴷ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵟⴰⵏⵊⴰ-ⵜⵉⵟⵡⴰⵏ-ⵍⵃⵓⵙⵉⵎⴰ, ⵜⵍⵓⵍ ⴳ 1957, ⵜⵓⵎⵥ ⵜⵓⵔⴰⴳⵜ ⴳ ⵜⴼⵉⵣⵉⵇⵜ ⴳ 1981, ⴷ ⴷⴷⵓⴽⵜⵓⵔⴰ ⴳ ⵜⵎⴰⵙⵙⴰⵏⵉⵏ ⵏ ⵜⵎⵜⵜⴰ ⵙⴳ ⴼⵕⴰⵏⵙⴰ ⴳ 1989, ⵜⵙⵡⵓⵔⵉ ⵎⴰⵙⵙⴰ ⵟⵟⵓⴷ ⴷ ⵜⴰⵙⵍⵎⴰⴷⵜ ⵜⴰⵎⵔⵣⵓⵜ ⴳ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⴷ ⵜⵉⵜⵉⵇⵏⵉⵢⵉⵏ ⴳ ⵟⴰⵏⵊⴰ. ⵜⴳⴰ ⵜⵎⴰⵔⴰⵜ ⵜⴰⵎⴰⵜⴰⵢⵜ ⵏ ⵓⵙⴳⵔⴰⵡ ⵏ ⵜⵡⵏⴳⵉⵎⵜ ⴷ ⵜⵓⵙⵙⵏⴰ ⴷ ⵓⵙⵏⴼⵍⵓⵍ ⴳ ⵟⴰⵏⵊⴰ, ⴷ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⴰⴼⴰⵇ ⵏⵉⵙⴰⵉⵢⴰ “ⵉⵎⵏⵉⴷⵏ ⵉⵡⵜⵎⴰⵏⵏ”, ⵜⴳ ⴰⵡⴷ ⵜⴰⴳⵎⴰⵎⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵎⴰⴷⴷⴰⵙⵜ ⵜⴰⵎⵖⵔⵉⴱⵉⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⴳⵎⴰⵎⵜ ⵜⴰⵎⵙⵔⵓⵙⵜ ⵏ ⵜⴳⵔⵓⵎⵎⴰ ⵏ ⵟⴰⵏⵊⴰ ⵏ ⵜⴰⵢⵢⴰⵡⵜ ⵏ ⵜⵎⴰⴷⴷⴰⵙⵜ ⵏ ⵓⵎⵙⵓⵔⵓⴼ ⵜⴰⴳⵔⴰⵖⵍⴰⵏⵜ ⴳ ⵍⵎⵖⵔⵉⴱ.
ⴷⴰ ⵙⴽⴰⵔⵏⵜ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵉⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴳ ⵓⵙⵡⵉⵔ ⵏ ⵓⵏⴱⴹ ⴰⴽⴰⵍⴰⵏ ⵏ ⴽⵓ ⵜⴰⵎⵏⴰⴹⵜ, ⴷⴷⴰⵡ ⵓⵏⴱⴰⴹ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵉⵍⵉⵏⵜ ⴳⵉⵙⵏⵜ ⴽⵕⴰⴹⵜ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⵜⴰⵎⵖⵍⴰⵍⵜ ⵉⵜⵜⵓⵙⵎⴰⴳⵍⵏ ⵙ ⵜⵉⴹⴰⴼ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴼⵔⴰⴳ ⵏⵏⵙⵏⵜ ⵙ ⵜⵉⴹⴰⴼ ⴷ ⵓⴹⴼⴼⵓⵕ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵡⵉⵔ ⴰⵏⵎⵏⴰⴹ, ⵙ ⵜⵓⴳⴳⴰⵥⵜ ⵏ ⵜⵡⵓⵔⵉⵡⵉⵏ ⵉⵜⵜⵓⵙⵏⴰⵍⵏ ⵉ ⵉⵏⴳⵎⴰⵎⵏ ⵢⴰⴹⵏ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⵔⴰⵢ ⵙⴳ ⵜⵕⵥⵉⵢⵉⵏ ⵏⵏⵙⵏ.
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⵜⴰⵎⵖⵍⴰⵍⵜ ⵉⵜⵜⵓⵙⵎⴰⴳⵍⵏ ⵙ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴷⵓⵙ ⵏ ⵜⵓⵚⴽⴰ ⵜⴰⴷⵉⵎⵓⵇⵕⴰⵟⵉⵜ, ⴳ ⵓⵙⵡⵉⵔ ⴰⵏⵎⵏⴰⴹ, ⵙ ⵜⵙⵓⵎⵔⵜ ⵏ ⵉⵖⴰⵡⴰⵙⵏ ⴷ ⵉⵙⵏⵜⴰⵢ ⵉⵣⴷⵉⵏ ⵙ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵓⵔⵉ ⴷ ⵜⵎⵙⴽⵔⵜ ⵜⵓⵖⵔⵉⵎⵜ ⴷ ⵡⴰⵔ ⴰⵙⵏⵓⵃⵢⵓ, ⴷ ⵡⴰⵏⵏⴰⵍ ⵏ ⵜⵣⵎⵎⴰⵔ, ⴷ ⵓⵙⴱⵖⵔ ⵏ ⵓⵙⵡⵉⵏⴳⵎ ⴷ ⵓⵎⵙⴰⵡⴰⵍ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴽⴷⴰ ⵜⵏⵏⵖⵍⴼ ⵙ ⵓⴹⴼⴼⵓⵕ ⵏ ⵉⵖⴰⵡⴰⵙⵏ ⴷ ⵉⵙⵏⵜⴰⵢ ⵉⵜⵜⵡⴰⴱⴷⴰⵔⵏ ⴷ ⵓⴹⴼⴼⵓⵕ ⵏ ⵜⵎⵀⴰⵍ ⵏ ⵉⵏⵥⵉ ⴰⵔⴰⵡⵙⴰⵏ ⴷ ⵓⵙⵉⵎⴰⵏ ⵏ ⵡⴰⵙⵜⴰⵢⵏ.
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⴰⴷ ⵜⴰⵎⵖⵍⴰⵍⵜ ⵙ ⵓⴹⴼⴼⵓⵕ ⵏ ⵓⵙⵎⵀⵍ ⴰⵎⵢⴰⴳⴰⵏ ⵏ ⵉⵎⵏⵣⴰⵢⵏ ⵏ ⵓⴷⵓⵙⵜⵓⵔ ⴷ ⵜⵓⵎⵙⵉⵙⵜ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴰⴽⴷ ⵜⵎⵔⵉⵙⵉⵏ ⵜⵉⵎⵢⴰⵇⵇⴰⵏⵉⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵉⵙⵓⵖⵏⵏ ⵏⵏ ⴳ ⵓⵙⵡⵉⵔ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵉⵖⴰⵡⴰⵙⵏ ⵉⵏⵎⵏⴰⴹⵏ, ⴷ ⵓⵏⴱⴰⴹ ⴰⴷⵖⵔⴰⵏ ⴷ ⵓⴹⴼⴼⵓⵕ ⵏ ⵓⵙⵎⵀⵍ ⵏ ⵜⴰⵏⵏⴰⵢⵉⵏ ⵜⵉⵎⴳⴳⵓⵔⴰ ⴷ ⵉⵙⵖⵍⴰⴼ ⵏⵏⵉ ⴷ ⵙⵙⴰⴼⵖⵏ ⵉⵏⴳⵎⴰⵎⵏ ⴷ ⵉⵎⴰⵙⵙⵏ ⵣⴷⵉⵏⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⵏⵉⴷ ⴰⴷ.
ⴰⵎⵢⴰⵡⴰⴹ ⵜⴰⴼ. ⵜⴰⵙ. 1016, ⴰⴱⵔⵉⴷ ⵏ ⵜⵉⵟⵡⴰⵏ, 22 ⴰⵙⵓⴽ ⵏ ⵃⵎⴰⴷ ⵙⵙⴽⵉⵔⵊ-ⵍⵎⵖⵔⵉⴱ |  |
