ⵜⴰⵥⵍⴰⵢⵜ ⵜⴰⴽⴰⵍⴰⵏⵜ
ⴰⵎⵓⵏⵜ ⴳ ⵜⵥⵍⴰⵢⵜ ⵜⴰⴽⴰⵍⴰⵏⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵓⴳⵎⵎⵓⴹ ⵜⵉⵎⵏⴱⴰⴹⵉⵏ ⴷ ⵜⵙⴳⴳⵯⵉⵏ ⵜⵉⵏⴹⴼⴰⵕⵉⵏ : ⵡⵊⴷⴰ-ⴰⵏⴳⴰⴷ, ⴷⴷⵔⵉⵡⵛ, ⵊⵕⴰⴷⴰ, ⴱⵔⴽⴰⵏ, ⵜⴰⵡⵔⵉⵔⵜ, ⴳⵔⵙⵉⴼ, ⴼⵉⴳⵉⴳ.
ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ
ⵎⴰⵙⵙ ⵎⵓⵃⵎⵎⴰⴷ ⵍⵄⵎⴰⵕⵜⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵓⴳⵎⵎⵓⴹ, ⵉⵍⵓⵍ ⵎⴰⵙⵙ ⵎⵓⵃⵎⵎⴷ ⵍⵄⵎⴰⵕⵜⵉ ⴰⵙⴳⴳⵯⴰⵙ ⵏ 1957 ⴳ ⵡⵊⴷⴰ, ⵢⵓⵎⵥ ⴷⴷⵓⴽⵜⵓⵔⴰ ⵏ ⵓⵡⴰⵏⴽ ⴳ ⵓⵙⵍⴳⵏ ⴳ ⵜⵙⴷⴰⵡⵉⵜ ⵏ ⵎⵓⵃⵎⵎⴰⴷ ⵡⵉⵙ ⵙⵎⵎⵓⵙ ⴳ ⵕⵕⴱⴰⵟ, ⵉⴳⴰ ⴰⵙⵍⵎⴰⴷ ⵏ ⵓⵙⵍⵎⴷ ⴰⵏⴰⴼⵍⵍⴰ ⴳ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵓⵍⴳⵉⵏⵉⵏ ⴷ ⵜⴷⴰⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴳ ⵜⵙⴷⴰⵡⵉⵜ ⵏ ⵎⵓⵃⵎⵎⴷ ⴰⵎⵣⵡⴰⵔⵓ ⴳ ⵡⵊⴷⴰ. ⵉⴳ ⴰⵏⵎⵀⴰⵍ ⵏ ⵓⵙⴰⵔⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵍⴳⵏ ⴰⴳⵔⴰⵖⵍⴰⵏ ⴰⵏⴼⴳⴰⵏ, ⵉⴳ ⴰⴳⵎⴰⵎ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵎⴰⴷⴷⴰⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵓⵙⵍⴳⵏ ⴰⴷⵙⵜⴰⵔ.
ⴷⴰ ⵙⴽⴰⵔⵏⵜ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵉⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴳ ⵓⵙⵡⵉⵔ ⵏ ⵓⵏⴱⴹ ⴰⴽⴰⵍⴰⵏ ⵏ ⴽⵓ ⵜⴰⵎⵏⴰⴹⵜ, ⴷⴷⴰⵡ ⵓⵏⴱⴰⴹ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵉⵍⵉⵏⵜ ⴳⵉⵙⵏⵜ ⴽⵕⴰⴹⵜ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⵜⴰⵎⵖⵍⴰⵍⵜ ⵉⵜⵜⵓⵙⵎⴰⴳⵍⵏ ⵙ ⵜⵉⴹⴰⴼ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴼⵔⴰⴳ ⵏⵏⵙⵏⵜ ⵙ ⵜⵉⴹⴰⴼ ⴷ ⵓⴹⴼⴼⵓⵕ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵡⵉⵔ ⴰⵏⵎⵏⴰⴹ, ⵙ ⵜⵓⴳⴳⴰⵥⵜ ⵏ ⵜⵡⵓⵔⵉⵡⵉⵏ ⵉⵜⵜⵓⵙⵏⴰⵍⵏ ⵉ ⵉⵏⴳⵎⴰⵎⵏ ⵢⴰⴹⵏ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⵔⴰⵢ ⵙⴳ ⵜⵕⵥⵉⵢⵉⵏ ⵏⵏⵙⵏ.
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⵜⴰⵎⵖⵍⴰⵍⵜ ⵉⵜⵜⵓⵙⵎⴰⴳⵍⵏ ⵙ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴷⵓⵙ ⵏ ⵜⵓⵚⴽⴰ ⵜⴰⴷⵉⵎⵓⵇⵕⴰⵟⵉⵜ, ⴳ ⵓⵙⵡⵉⵔ ⴰⵏⵎⵏⴰⴹ, ⵙ ⵜⵙⵓⵎⵔⵜ ⵏ ⵉⵖⴰⵡⴰⵙⵏ ⴷ ⵉⵙⵏⵜⴰⵢ ⵉⵣⴷⵉⵏ ⵙ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵓⵔⵉ ⴷ ⵜⵎⵙⴽⵔⵜ ⵜⵓⵖⵔⵉⵎⵜ ⴷ ⵡⴰⵔ ⴰⵙⵏⵓⵃⵢⵓ, ⴷ ⵡⴰⵏⵏⴰⵍ ⵏ ⵜⵣⵎⵎⴰⵔ, ⴷ ⵓⵙⴱⵖⵔ ⵏ ⵓⵙⵡⵉⵏⴳⵎ ⴷ ⵓⵎⵙⴰⵡⴰⵍ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴽⴷⴰ ⵜⵏⵏⵖⵍⴼ ⵙ ⵓⴹⴼⴼⵓⵕ ⵏ ⵉⵖⴰⵡⴰⵙⵏ ⴷ ⵉⵙⵏⵜⴰⵢ ⵉⵜⵜⵡⴰⴱⴷⴰⵔⵏ ⴷ ⵓⴹⴼⴼⵓⵕ ⵏ ⵜⵎⵀⴰⵍ ⵏ ⵉⵏⵥⵉ ⴰⵔⴰⵡⵙⴰⵏ ⴷ ⵓⵙⵉⵎⴰⵏ ⵏ ⵡⴰⵙⵜⴰⵢⵏ.
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⴰⴷ ⵜⴰⵎⵖⵍⴰⵍⵜ ⵙ ⵓⴹⴼⴼⵓⵕ ⵏ ⵓⵙⵎⵀⵍ ⴰⵎⵢⴰⴳⴰⵏ ⵏ ⵉⵎⵏⵣⴰⵢⵏ ⵏ ⵓⴷⵓⵙⵜⵓⵔ ⴷ ⵜⵓⵎⵙⵉⵙⵜ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴰⴽⴷ ⵜⵎⵔⵉⵙⵉⵏ ⵜⵉⵎⵢⴰⵇⵇⴰⵏⵉⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵉⵙⵓⵖⵏⵏ ⵏⵏ ⴳ ⵓⵙⵡⵉⵔ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵉⵖⴰⵡⴰⵙⵏ ⵉⵏⵎⵏⴰⴹⵏ, ⴷ ⵓⵏⴱⴰⴹ ⴰⴷⵖⵔⴰⵏ ⴷ ⵓⴹⴼⴼⵓⵕ ⵏ ⵓⵙⵎⵀⵍ ⵏ ⵜⴰⵏⵏⴰⵢⵉⵏ ⵜⵉⵎⴳⴳⵓⵔⴰ ⴷ ⵉⵙⵖⵍⴰⴼ ⵏⵏⵉ ⴷ ⵙⵙⴰⴼⵖⵏ ⵉⵏⴳⵎⴰⵎⵏ ⴷ ⵉⵎⴰⵙⵙⵏ ⵣⴷⵉⵏⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⵏⵉⴷ ⴰⴷ.
ⴰⵎⵢⴰⵡⴰⴹ 63 ⴰⵙⵓⴽ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵜⵓⴷⴷⵓⵔⵜ ⵏ ⵍⵎⴰⵙⵉⵔⴰ, ⵡⵊⴷⴰ-ⵍⵎⵖⵔⵉⴱ |  |
