ⵊⵓⵏⵉⴼ 30 ⵖⵓⵛⵜ 2022 - ⴳ ⵓⵙⵎⵏⵉⴷ ⵏ ⵓⵙⵎⵏⵉⴷ ⴰⵣⵎⵣⴰⵏ ⴰⵏⴹⴼⴰⵕ ⵏ ⵍⵎⵖⵔⵉⴱ, ⵉⵜⵜⵓⴳⴰⵏⵏⴰⵏ ⴰⵙⵙ ⵏ 8 ⵏⵓⵡⴰⵏⴱⵉⵔ 2022 ⴳ ⵊⵓⵏⵉⴼ, ⵉⴷⵔⵓ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⵙⵎⴷⵢⴰ ⵏ ⵎⴰⵙⵙ ⵅⴰⵍⵉⴷ ⵕⵕⴰⵎⵍⵉ, ⴰⵏⵎⵀⴰⵍ ⵏ ⵓⵎⵢⴰⵡⴰⵙ ⴷ ⵉⵎⵢⴰⵙⵙⴰⵜⵏ ⵉⴳⵔⴰⵖⵍⴰⵏⵏ, (ⵉⴷⵔⵓ) ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵏ ⵓⵙⵏⵜⵉ ⵜⵉⵙ 41 ⵏ ⵓⵙⵎⵏⵉⴷ ⴰⵣⵎⵣⴰⵏ ⴰⵖⵣⵓⵔⴰⵏ ⵏⵏⴰ ⵜⵙⵏⵎⴰⵍⴰ ⵜⵎⴰⴷⴷⴰⵙⵜ ⵜⴰⵔⵓⵏⴱⵉⴹⵜ UPR-INFO, ⵙⴳ 29 ⴰⵔ 31 ⵖⵓⵛⵜ 2022 ⴳ ⵉⵖⵔⵎ ⵏ ⵜⵎⵜⵜⴰ ⴳ ⵊⵓⵏⵉⴼ.

ⴳ ⵜⴳⵉⵡⵔⵜ ⵉⵜⵜⵡⴰⵥⵍⴰⵢⵏ ⵉ ⵍⵎⵖⵔⵉⴱ, ⵉⴱⴹⴰ ⵎⴰⵙⵙ ⵕⵕⵎⵍⵉ ⴰⴽⴷ ⵜⵎⵜⵜⴰ ⴳⴰⵏⵉⵏ ⵉⴳⵎⴰⵎⵏ ⵉⵣⵣⵉⴳⵣⵏ ⵉⴽⵙⵡⴰⵜⵏ ⴷ ⵉⵏⴰⵥⴰⵕⵏ ⵣⴷⵉⵏⵉⵏ ⵙ ⵓⵙⵎⵀⵍ ⵏ ⵉⵙⵖⵍⴰⴼ ⵉⵎⴳⴳⵓⵔⴰ ⵏ ⵓⵙⵎⵏⵉⴷ ⴰⵣⵎⵣⴰⵏ ⴰⵖⵣⵓⵔⴰⵏ, ⴷ ⵓⵍⴰ ⵉⵙⵖⵍⴰⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵣⴷⵉⵏⵉⵏ ⵙⵉⵣⵔⴼⴰⵏ ⵉⴷⵎⵙⴰⵏⵏ, ⵉⵏⴰⵎⵓⵏⵏ, ⵓⵖⵔⵉⵎⵏ ⴷ ⵉⵙⵔⵜⴰⵏⵏ ⵣⵎⵔⵏⵜ ⵜⵎⵜⵜⴰ ⵜⵉⴳⵎⴰⵎⵉⵏ ⴰⴷ ⵜⵏ ⵙⵖⵣⵏⵏⵜ ⴳ ⵜⵙⵓⵜⵍⵜ ⵜⵉⵙ ⴽⴽⵓⵥⵜ ⵏ ⵓⵙⵎⵏⵉⴷ ⴰⵣⵎⵣⴰⵏ ⴰⵖⵣⵓⵔⴰⵏ ⵏ ⵍⵎⵖⵔⵉⴱ. ⵉ ⵓⵙⵙⴽⵜⵉ, ⵉⵙⵎⵏⵉⴷ ⵓⵙⵇⵇⵉⵎ ⵢⴰⵜ ⵜⴰⵏⴰⴹⵜ ⵜⴰⵎⵙⴰⴷⴰⵖⵜ ⵉ ⵓⵙⵎⵏⵉⴷ ⴰⵣⵎⵣⴰⵏ ⴰⵖⵣⵓⵔⴰⵏ ⵏⵏⴰ ⴳ ⵉⵙⵎⵏⵉⴷ ⵢⴰⵜ ⵜⵢⴰⴷⵓⵣⵜ ⵜⴰⵎⵣⵡⴰⵔⵓⵜ ⵏ ⵓⵙⵎⵀⵍ ⵏ ⵉⵙⵖⵍⴰⴼ ⵉⵣⵡⵓⵔⵏ. ⴰⵎⵓⵏ 26 ⵏ ⵉⵙⵖⵍⴰⴼ ⵉ ⵜⵏⴱⴰⴹⵜ ⵜⴰⵎⵖⵔⴰⴱⵉⵜ ⴳ ⵜⴰⵏⴰⴹⵜ ⴰⴷ, ⵏⵏⴰ ⵣⴷⵉⵏⵉⵏ ⵙ ⵜⵎⵙⴽⵔⵜ ⵜⴰⵎⵢⴰⵇⵇⴰⵏⵜ, ⵙ ⵓⵙⴰⵜⵉ ⴰⵏⵣⵔⴰⴼ, ⵙ ⵓⵙⴰⵜⵉ ⴰⵎⵔⵙⴰⵍ ⴷ ⵜⵙⵔⵜⴰⵢ ⵢⵉⴳⴷⵓⴷⴰⵏⵉⵏ.

ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⴳⴰⵏⵜ ⵜⴳⵉⵡⵔⵉⵏ ⵏ ⵓⵙⵏⵜⵉ ⵏ ⵓⵙⵎⵏⵉⴷ ⴰⵣⵎⵣⴰⵏ ⴰⵖⵣⵓⵔⴰⵏ ⵢⴰⵜ ⵜⴷⴰⵙⵉⵍⵜ ⵜⴰⴳⵔⴰⵖⵍⴰⵏⵜ ⵉ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⴰⴷⴷⴰⵙⵉⵏ ⵏ ⵡⴰⵎⵓⵏ ⵓⵖⵔⵉⵎ, ⴰⴼⴰⴷ ⴰⴷ ⵙⵙⵉⵡⴹⵏⵜ ⵉⴳⵏⵙⴰⵙ ⵏ ⵉⵡⴰⵏⴽⵏ ⵉⴳⵎⴰⵎⵏ ⵏ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵉⵎⵓⵏⵏ ⴰⴷⴷⴰⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵡⴰⵏⴽ ⵉⴳⴰⵏ ⴰⵎⵏⵜⴰⵢ, ⵎⴰⵢⴰ ⵏⵏ ⴰⴷ ⵉⵜⵜⴰⵡⵙⵏ ⴳ ⵜⵕⵡⵉ ⴷ ⵓⵏⵖⴰⴷ ⵏ ⵉⵙⵖⵍⴰⴼ ⵏ ⵉⵏⴳⵎⴰⵎⵏ ⵉⵎⵖⵍⴰⵍⵏ. ⴳ ⵓⵙⴰⵜⵉ ⴰⴷ, ⵉⵏⵏⴰⵍ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵎⴷⵔⴰⵡⵜ ⴰⴽⴷ ⵜⴼⵏⵉⵇⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵉⵎⵣⴷⴰⵖⵏ ⴳ ⵍⵎⵖⵔⵉⴱ, ⵜⴰⴷⵔⴰⵡⵜ ⵏ ⵜⴰⵎⵓⵏⵜ ⵜⴰⵎⵙⵎⵓⵏⵜ ⵏ ⵉⵄⵔⵔⵉⵎⵏ ⵉⵎⵖⵔⵉⴱⵉⵏ ⵉ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵙⵓⵜⵍⵜ ⵜⵉⵙ 41 ⵏ ⵜⴳⵉⵡⵔⵜ ⵏ ⵓⵙⵎⵏⵉⴷ ⴰⵣⵎⵣⴰⵏ ⴰⵖⵣⵓⵔⴰⵏ.

ⵜⴱⴹⵓ ⵜⴰⵎⵓⵏⵜ ⴰⴷ ⴰⴽⴷ ⵜⵎⵜⵜⴰ ⵉⴳⴰⵏ ⵉⴳⵎⴰⵎⵏ ⵉⵙⵖⵍⴰⴼ ⵏⵏⵙ ⴳ ⵓⵙⴰⵜⵉ ⵏ ⵓⵙⵎⵏⵉⴷ ⴰⵣⵎⵣⴰⵏ ⴰⵖⵣⵓⵔⴰⵏ ⵅⴼ ⵢⴰⵏ ⵓⴼⵔⴰⴳ ⴷ ⵡⴰⵔⴰⵢ ⵉⵖⵓⴷⴰⵏ ⵉ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ. ⵉ ⵓⵙⴽⵜⵉ, ⴳ ⵓⵎⵏⴰⴹ ⵏ ⵉⵙⵎⵓⵜⵜⴳⵏ ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴼⵏⵉⵇⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵉⵎⵣⴷⴰⵖⵏ ⵅⴼ ⵓⵙⵎⵏⵉⴷ ⴰⵣⵎⵣⴰⵏ ⴰⵖⵣⵓⵔⴰⵏ, ⵜⵜⵡⴰⵙⵏⵎⴰⵍⴰⵏ ⵉⵄⵔⵔⵉⵎⵏ ⵉⵎⵖⵔⵉⴱⵉⵏ ⵉⵜⵜⵎⵏⵣⴰⵖⵏ ⵅⴼ ⵉⵣⵔⴼⴰⵏ ⵏⵓⴼⴳⴰⵏ ⴷ ⵉⴳⵏⵙⴰⵙ ⵙⴳ 12 ⵏ ⵜⵎⵏⴰⴹⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴳ ⵓⵙⴰⵜⵉ ⵏ ⵢⴰⵏ ⵓⵥⵟⵟⴰ ⵢⵓⵙⵉⵏ ⵙ ⵡⴰⵙⵙⴰⵖ " ⵜⴰⵎⵓⵏⵜ ⵜⴰⵎⵙⵎⵓⵏⵜ ⵏ ⵉⵄⵔⵔⵉⵎⵏ ⵉⵎⵖⵔⵉⴱⵉⵏ ⵉ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ", ⵙⵔⵙⵏ ⵙ ⵡⴰⵙⵙⴰⵖ ⵏ ⵓⵥⵟⵟⴰ ⴰⴷ, ⵢⴰⵜ ⵜⴰⵏⴰⴹⵜ ⵜⴰⵎⵙⴰⴷⴰⵖⵜ ⴳ ⵓⵙⴰⵜⵉ ⵏ ⵓⵙⵎⵏⵉⴷ ⴰⵏⴹⴼⴰⵕ ⵏ ⵍⵎⵖⵔⵉⴱ.