ⴳ ⵓⵣⵎⵣ ⵏ ⵜⵏⵥⴰⵕ ⵜⵉⵜⵔⴰⵔⵉⵏ ⵏⵏⴰ ⵜⵜⵎⵏⴰⵍⴰⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⴰⴹⴰⵍ, ⵜⵙⵙⵉⴷⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (GANHRI), ⴳ ⵓⵕⵥⵥⵓⵎ ⵏ ⵜⵉⵣⵉ ⵜⴰⵎⴰⴹⵍⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⴰⵥⵓⵏⵜ ⵙⴰⵏ ⵙⴰⵍⴼⴰⴹⵓⵕ, ⵅⴼ ⵜⵏⵥⴰⵕ ⴷ ⵉⵣⵎⴰⵣ ⵏⵏⴰ ⵜⵙⵔⴰⵙ ⵜⵉⵖⵉⵙⵜ ⵜⵉⵎⵍⵥⵉⵜ ⴷ ⵓⵙⴰⵢⵔⴰⵔ ⴰⵎⵓⵟⵟⵓⵏ, ⴷ ⵡⴰⴷⴷⵓⵔ ⵏⵏⵙⵏ ⴳ ⵜⴷⵔⴰⵡⵜ ⵜⴰⵙⵔⵜⴰⵏⵜ ⴰⵙⵙ ⴰ ⴷ ⵓⵎⴹⴰⴽⴰⵕ ⴰⴳⴷⵓⴷⴰⵏ.

ⵜⵙⵙⴼⴰⵡ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⴷⴰ ⵙⵙⵓⵊⴰⴷⵏⵜ ⵜⵣⵣⵉⴳⵣⵉⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⵜⵉⵜⵔⴰⵔⵏ, ⵖ ⵜⴰⵎⵓ ⵜⵎⴰⵇⵇⴰⵏⵜ ⴷ ⵜⵖⵉⵙⵜ ⵜⵉⵎⵍⵥⵉⵜ, ⵉⵣⵎⴰⵣ ⵉⵎⵉⵔⵉⵡⵏ ⵉ ⵓⵣⵣⵉⴳⵣ ⴷ ⵓⵙⵎⵀⵍ ⵏ ⵉⵣⵔⴼⴰⵏ, ⵎⴰⵛⴰ ⵍⴰ ⵙⵏⴼⵍⵓⵍⵓⵏⵜ ⴰⵡⴷ ⵉⵎⵉⵣⵉⵜⵏ ⵉⵅⴰⵜⴰⵔⵏ ⵓⵔ ⵉⵍⵍⵉⵏ ⴰⵏⴰⵡ ⵓⵔ ⵉⵣⴷⵉⵏ ⵖⴰⵙ ⵙ ⵜⵓⵙⵍⵉⴳⵜ ⴷ ⵓⵙⵏⵓⵃⵢⵓ, ⵎⴰⵛⴰ ⵍⴰ ⵜⵜⵎⵉⵔⵉⵡⵏⵜ ⵖⵔ ⵉⵣⵔⴼⴰⵏ ⴷ ⵜⴷⵔⴼⵉⵏ ⵜⵉⴷⵙⵍⴰⵏⵉⵏ ⵢⴰⴹⵏⵉⵏ, ⵎⴰⵢⴰ ⴰⴷ ⵉⵏⵥⵉⵏ ⵎⴰⵙ ⵉⴳⴰ ⵓⵡⴰⵜⵜⵙ ⴰⵏⴱⵣⴰⵣ ⵉ ⵓⵏⴱⴰⴹ ⴰⵜⵉⴽⵏⵓⵍⵓⵊⵉ ⴰⴳⵔⴰⵖⵍⴰⵏ ⵉⴹⵎⵏⵏ ⴰⴼⵔⴰⴳ ⵏ ⵉⵣⵔⴼⴰⵏ ⵉⴷⵙⵍⴰⵏⵏ ⴷ ⵜⵏⴽⵔⴰ ⵙⵉⵙⵏ.

ⵉⴽⴽⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⵙⵙⵉⵅⴼⵜ ⵏⵏⵙ ⴰⴷ ⵖⵔⴰⵏ ⵙ ⵓⵙⵔⵓⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵡⴰⵎⵎⴰⵙ ⵏ ⵜⵙⵓⵜⵍⵜ ⵏ ⵜⵓⴷⵔⵜ ⵏ ⵡⴰⵍⴳⵓⵔⵉⵜⵎⵏ ⴷ ⵉⵏⴰⴳⵔⴰⵡⵏ ⵉⴱⵓⵖⵍⴰⵏ, ⵙⴳ ⵓⵙⵖⵉⵡⵙ ⵖⵔ ⵓⵙⵎⵓⵜⵜⴳ ⵖⵔ ⵓⵙⵎⵀⵍ ⵖⵔ ⵓⵙⵉⵜⴳ ⵏ ⵉⴹⵉⵚ.

ⵜⵙⴷⴷⵉⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴳ ⵓⴳⵣⵣⵓⵎ ⴰⵅⴰⵜⴰⵔ ⵙⴳ ⵜⴳⵓⵔⵉ ⵏⵏⵙ ⵅⴼ ⵜⴷⵔⴰⵡⵜ ⵜⴰⵙⵔⵜⴰⵏⵜ, ⵏⵏⴰ ⵓⵔ ⵢⴰⵖⵓⵍⵏ ⴰⵙⵙ ⴰ ⵜⴻⵜⵜⵓⵙⵡⵓⵜⵜⴰ ⴳ ⵉⵙⴰⵢⵔⴰⵔⵏ ⵉⵕⵚⵍⵉⵢⵏ, ⵎⴰⵛⴰ ⵜⵎⵉⵔⵉⵡ, ⵜⵓⵎⴰ ⵉⵙⴰⵢⵔⴰⵔⵏ ⵉⵎⵓⵟⵟⵓⵏⵏ ⵉⵎⴰⵢⵏⵓⵜⵏ, ⵏⵏⴰ ⵢⴰⵖⵓⵍⵏ ⴳⴰⵏ ⵉⵙⴰⵢⵔⴰⵔⵏ ⵉⵎⵙⴷⵍⵏ ⵏ ⵓⵎⴹⴰⴽⴰⵕ ⴷ ⵓⵡⵏⵏⵉ ⴷ ⵓⵙⵎⵓⵙⵙⵓ.

ⵜⵙⴷⴷⵉⴷ ⵎⴰⵙ ⵉⵅⵚⵚⴰ ⵉⵙⴰⵢⵔⴰⵔⵏ ⴰⴷ ⴰⴷ ⵜⵜⵓⵙⴷⵓⵙⵏ ⴰⵎ ⵉⵎⴰⵙⵙⵏ ⵏ ⵜⵙⵓⵙⵖⵜ ⴷ ⵓⵙⵇⵙⵉ ⴷ ⵓⵙⴷⵓⵙ ⵏ ⵜⴷⵉⵎⵓⵇⵕⴰⵟⵉⵜ.

ⵉⵣⵎⵔ ⵓⵏⴱⴰⴹ ⴰⵜⵉⴽⵏⵓⵍⵓⵊⵉ ⴰⴳⵔⴰⵖⵍⴰⵏ ⵉⵜⵜⵡⴰⵜⵜⵙⵏ, ⵜⵔⵏⴰ ⵜⵎⵙⵜⴳⴳⴰⵔⵜ ⵜⴰⵎⵖⵔⵉⴱⵉⵜ, ⴰⴷ ⵉⴷⵔⵓ ⵙ ⵜⵡⵉⵍⴰ ⵜⴰⵅⴰⵜⴰⵔⵜ ⴳ ⵓⵙⴽⴰⵔ ⵏ ⵉⵙⴰⵢⵔⴰⵔⵏ ⵉⵎⵓⵟⵟⵓⵏⵏ ⴷ ⵉⵏⴰⴳⵔⴰⵡⵏ ⵏⵏⵙⵏ ⵉⵏⴼⵔⴰⵏⵏ ⵉⵙⵙⵔⵇⴰⴱⵏ ⴰⵙⵉⴷⴼ ⴷ ⵜⴷⵔⴰⵡⵜ ⵉ ⵇⴰⵃ.

ⵉ ⵓⵙⵙⴽⵜⵉ, ⵜⵡⴰⵜⵜⵙ ⵜⵉⵣⵉ ⵏ ⵙⴰⵍⴼⴰⴹⵓⵕ, ⵉⵜⵜⵓⵙⵏⵎⴰⵍⴰⵏ ⵙⴳ 2 ⴰⵔ 4 ⵛⵓⵜⴰⵏⴱⵉⵔ 2025, ⴰⴷ ⵜⵙⴷⵓⵙ ⴰⵎⵙⴰⵡⴰⵍ ⴰⵎⴰⴹⵍⴰⵏ ⵅⴼ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵙⵎⵢⴰⵏⴰⵡ ⵏ ⵜⵉⵔⵎⵉⵜⵉⵏ ⴷ ⵜⵎⵙⴽⵔⵉⵏ ⵜⵉⵏⴰⵎⵓⵔⵉⵏ ⴷ ⵜⴳⵔⴰⵖⵍⴰⵏⵉⵏ ⵜⵉⵎⵣⵡⴰⵔⵉⵏ, ⵙ ⵎⴰⴷ ⵉⵜⵜⴰⵡⵙⵏ ⴳ ⵓⵙⴷⵓⵙ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⵙ ⴰⵎⴰⵣⴰⵔ ⵏⴳⵔ ⵉⵎⵙⴽⴰⵔⵏ ⵉⵣⵔⴼⴰⵏⵏ ⴳ ⵓⵙⵡⵉⵔ ⴰⵎⴰⴹⵍⴰⵏ.