ⵜⴷⵔⵓ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵙ ⵏ ⵓⵢⵏⴰⵙ 14 ⴱⵕⴰⵢⵕ 2022, ⴳ ⵓⵕⵥⵥⵓⵎ ⵏ ⵓⴷⵡⴰⵍ ⴰⵏⴰⵎⵓⵔ ⵅⴼ "ⵜⵎⵙⵜⴳⴳⴰⵔⵜ ⵜⴰⵏⴰⵎⵓⵏⵜ ⵏ ⵜⵙⴷⴰⵡⵉⵜ: ⵅⴼ ⵢⴰⵜ ⵜⵓⴷⵔⵜ ⵜⴰⵎⵙⴷⴰⵡⵜ ⵜⴰⵎⵙⵉⴷⴼⵜ ⴷ ⵜⵎⵙⵙⵓⵎⵓⵜ", ⴳ ⵜⵖⵉⵡⴰⵏⵜ ⵏ ⵜⵙⵏⵉⵊⵊⵉⵜ ⴷ ⵜⵏⵙⴼⴰⵔⵜ - ⵜⴰⵙⴷⴰⵡⵉⵜ ⵄⴱⴷ ⵍⵎⴰⵍⴽ ⵙⵙⴰⵄⴷⵉ ⴳ ⵟⴰⵏⵊⴰ.

ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴳ ⵓⴳⵔⴰⵡ ⴰⴷ ⵎⴰⵙ "ⵜⵜⵓⵙⵡⵓⵜⵜⵓ ⵜⵎⵙⵜⴳⴳⴰⵔⵜ ⵜⴰⵏⴰⵎⵓⵏⵜ ⵏ ⵜⵙⴷⴰⵡⵉⵢⵉⵏ, ⵅⴼ ⵉⴳⴳⵉ ⵏ ⵜⵙⵎⵉⴳⴰⵍ ⵏⵏⵙ ⵏ ⵓⵙⵙⵍⵎⴷ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵢⴰⵜ ⵜⵙⵎⵉⴳⵍⵜ ⵜⵉⵙⵙ ⴽⵕⴰⴹⵜ ⵜⵜ ⵉⴳⴰⵏ ⴷ ⵓⵙⵡⵓⵔⵉ ⴰⴽⴷ ⵡⴰⵎⵓⵏ, ⵏⵏⴰ ⵎⵉ ⵏⵜⵜⴰⴼⴰ ⵜⵉⵎⵉⵜⴰⵔ ⴳ ⵜⵓⵚⴽⴰ ⵏ ⵡⴰⵎⵓⵏ ⵏ ⵜⵓⵙⵙⵏⴰ; ⴰⵙⵎⵓⵜⵜⴳ ⵏ ⵜⵙⵓⴳⴰⵔ ⵜⵉⴷⵉⵎⵓⵇⵕⴰⵟⵉⵜⵉⵏ ⴷ ⵜⵓⵚⴽⴰ ⵏ ⵜⵓⵙⵙⵏⴰ ⵏ ⵜⵏⵎⵓⵔⵉ ⴷ ⵜⴰⵎⵓⵏⵜ ⴰⴽⴷ ⵉⵙⵏⴼⵍⵏ ⵏⵏⴰ ⵙⵙⵏⵏⵜ ⵜⵉⵏⴷⵉⵜⵉⵏ". ⵙ ⵜⵓⵚⴽⴰ ⵅⴼ ⵎⴰⵢⴰ ⵏⵏ, ⵉⴳⵉ ⵏ ⵜⵙⴷⴰⵡⵉⵢⵉⵏ ⵜⴰⵎⵙⵜⴳⴳⴰⵔⵜ ⵏⵏⵙⵏⵜ ⵜⴰⵏⴰⵎⵓⵏⵜ ⴰⵔ ⵜⵏⵜ ⵉⵜⵜⴳⴳⴰ ⴷ ⵜⵎⵔⵙⴰⵍ ⵜⵉⵎⵛⵛⵔⴽⵉⵏ, ⵎⴰⵛ ⴰⵡⴷ ⵜⵉⵎⵥⵟⵟⵉⴹⵉⵏ ⵜⵉⵙⵜⵕⴰⵜⵉⵊⵉⵏ ⵉ ⵉⵎⵙⵜⴰⵏⵏ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ".

ⵜⵙⵙⵉⵙⴼⵉⵡ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⵉⴳⴰ ⵓⵙⵓⵖⵏ ⵏ ⵜⵙⴷⴰⵡⵉⵜ ⵙ ⵜⵎⵙⵜⴳⴳⴰⵔⵜ ⵏⵏⵙ ⵜⴰⵏⴰⵎⵓⵏⵜ, ⴰⵔ ⵉⵜⵜⵓⵙⵖⴰⵍ ⵖ ⴷⴰⵔ ⵓⵎⴳⴳⴰⵢ ⴰⵣⵔⴼⴰⵏ, ⵣⵡⴰⵔ ⵙ ⵜⵣⵎⵔⵜ ⵏⵏⵙ ⴷ ⵜⵎⵔⵙⵍⵜ ⵉⵙⵉⵙⴼⵉⵡⵏ ⵜⵉⵏⴷⵉⵜⵉⵏ ⵏ ⵜⵏⵎⵓⵔⵉ, ⵍⵓⵎⴰⵕ ⴰⵙⵓⵖⵏ ⵙ ⵓⴱⵓⵔⵣ ⵏ ⵓⴼⴳⴰⵏ ⴷ ⵓⵡⵇⵇⵔ ⵏ ⵓⵎⵣⴰⵔⴰⵢ ⴷ ⵓⵎⵢⴰⵏⴰⵡ ⴰⴷⵍⵙⴰⵏ ⴷ ⵜⵏⴽⵔⴰ ⵙ ⵓⵙⵏⵓⵃⵢⵓ ⴷ ⵓⵍⵜⴰⵖ ⴰⵎⵅⴰⵙ ⴳ ⵜⵎⵙⴰⵔⵉⵏ ⵏ ⵡⴰⵎⵓⵏ.

ⴳ ⵡⴰⵡⴰⵍ ⵏⵏⵙ ⵅⴼ ⵡⴰⵏⴰⵡⵏ ⵏ ⵜⴽⵕⴹⵉ ⵉⴱⴷⴷⵏ ⵅⴼ ⵡⴰⵏⴰⵡ ⵏⵏⴰ ⵉⵜⵜⵉⵍⵉⵏ ⴳ ⵜⵙⴷⴰⵡⵉⵢⵉⵏ, ⵍⵓⵎⴰⵕ ⵙⴳⵉⵙⵏ ⴰⵥⵍⵍⴻⵍ ⴷ ⵜⴷⴱⴰⵔⵜ ⵜⴰⵡⵙⵢⴰⵏⵜ, ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵅⴼ ⵡⴰⴷⴷⵓⵔ ⵏ ⵓⵙⴷⵓⵙ "ⴰⵙⵡⵓⴷⴷⵓ ⴰⵏⵉⵎⴰⵏ" ⵏⵏⴰ ⵉⵣⵎⵔⵏ ⵙ ⵡⴰⵔ ⵜⵓⵔⴷⴰ ⴰⴷ ⵉⵙⴱⵉⴷⴷ ⵉⴱⴽⴽⵉⴹⵏ ⴰⴷ, ⴰⴼⴰⴷ ⴰⴷ ⵓⵔ ⵜⵜⵓⵙⵏⴼⵍ ⵜⵙⴷⴰⵡⵉⵜ ⵙ ⵓⵙⴰⵢⵔⴰⵔ ⵏ ⵜⵎⴰⵙⵙⴰⵏⵜ ⴷ ⵜⵓⵙⵙⵏⴰ ⵙ ⵓⵙⴰⵢⵔⴰⵔ ⵏ ⵜⴽⵕⴹⵉ ⵉⴱⴷⴷⵏ ⵅⴼ ⵡⴰⵏⴰⵡ ⴰⵏⴰⵎⵓⵏ ⴷ ⵜⵙⴱⴱⴰⴱⵜ ⴳ ⵉⵡⴷⴰⵏ.

ⴰⵔ ⵜⵜⴰⵏⵏⴰⵢ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⵉⴳⴰ ⵓⵙⴷⴷⵉⴷ ⵏ ⵓⵏⴳⵉⵙⵏ ⵅⴼ ⵓⵙⵙⵉⵡⴹ ⵙ ⵜⴰⵣⵓⵍⵜ ⵅⴼ ⵡⴰⴷⴷⴰⴷⵏ ⵏ ⵓⵥⵍⵍⴻⵍ ⴰⵡⵙⵢⴰⵏ, ⵢⴰⵏ ⵉⵍⵉⵢ ⵓⵎⵏⵉⴳ ⵉⵜⵜⴱⴱⵉⵏ ⴰⴽⴷ ⵜⵎⴰⵎⴽⵜ ⵏ ⵉⴼⵙⵜⵉ ⴷ ⵜⵏⵜⵍⴰ ⴷ ⵓⴱⵏⵏⵣ ⵏ ⵜⵎⵙⴽⵔⵉⵏ ⵏⵏⴰ ⵉⵜⵜⵟⵟⴰⵚⵏ ⵙ ⵉⵎⵉⵣⵉ ⵜⵉⵖⴰⵔⵉⵡⵉⵏ ⵏ ⵜⵙⵎⵉⴳⵍⵜ ⵏ ⵓⵙⵙⵍⵎⴷ ⴷ ⵓⵜⵓⵢ ⴷ ⵓⵔⵣⵣⵓ, ⵉⴷⴷⵖ ⵜⴳⴰ "ⵉⵔⵉⵎ ⵏ ⵓⵙⴱⴷⴷⵉ ⵏ ⵜⵎⵙⴽⵔⵉⵏ ⴰⴷ ⵉⴱⴷⴷ ⵙ ⵓⵎⴰⵜⴰ ⵅⴼ ⵓⵙⵙⵉⵡⴹ ⵏ ⴽⵔⴰⵢⴳⴰⵜ ⴰⵏⴰⵡ ⵙⴳ ⵡⴰⵏⴰⵡⵏ ⵏ ⵜⴽⵕⴹⵉ ⵉⴱⴷⴷⵏ ⵅⴼ ⵡⴰⵏⴰⵡ, ⵉⴷⴷⵖ ⵉⴳⴰ ⴰⵏⵏⴰⵍ ⴰⴷⵙⵍⴰⵏ ⵏ ⵓⵙⴱⴷⴷⵉ ⵏ ⴰⵎ ⵜⵎⵙⴽⵔⵉⵏ ⴰⴷ ⵅⵛⵏⵏⵉⵏ ⵏⵏⴰ ⵉⵜⵜⵓⵙⴳⴷⵍⵏ ⵙ ⵓⵙⵍⴳⵏ".

ⵙⴳ ⵉⵙⵖⵍⴰⴼ ⴷ ⵜⵙⵓⵎⴰⵔ ⵏⵏⴰ ⵜⵙⵎⵏⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵃⵎⴰ ⴰⴷ ⵜⵉⵍⵉ ⵜⵏⴽⵔⴰ ⵙ ⵜⵎⵙⵜⴳⴳⴰⵔⵜ ⵜⴰⵏⴰⵎⵓⵏⵜ ⵏ ⵜⵙⴷⴰⵡⵉⵏ, ⴰⵙⵎⵔⵙ ⵏ ⵉⵍⴳⴰⵎⵏ ⵏ ⵓⴽⵛⵛⵓⵎ ⴰⴷⵖⵢⴰⵏ ⴳ ⵡⴰⴷⴷⴰⴷ ⵏ ⵓⵙⵙⵉⵡⴹ ⵏⵉⵖ ⵜⴰⵏⵓⵔⵣⵉⵜ, ⴰⵢⵏⵏⴰ ⴰⴽⴽⵯ ⵜⴳⴰ ⵜⵓⵖⵓⵍⵜ ⵜⴰⵏⵣⵔⴰⴼⵜ, ⵎⴰⵢⴰ ⵏⵏ ⴰⴷ ⵉⴳⴰⵏ ⴰⵙⵡⵓⴷⴷⵓ ⴰⵏⵉⵎⴰⵏ ⵏ ⵜⵙⴷⴰⵡⵉⵢⵉⵏ, ⵉⴳⵉ ⵏ ⵜⴱⵔⵉⴷⵜ ⵏ ⵓⵙⵓⵖⴷ ⵏⵉⵖ ⴰⵙⴳⴳⴷ "Mesure de remédiation", ⴳ ⵡⴰⴷⴷⴰⴷⵏ ⵏ ⵜⴷⴱⴰⵔⵜ ⵜⴰⵡⵙⵢⴰⵏⵜ ⵏⵉⵖ ⴰⵥⵍⵍⴻⵍ ⵏⵉⵖ ⵜⵉⴽⵕⴹⵉ ⵉⴱⴷⴷⵏ ⵅⴼ ⵡⴰⵏⴰⵡ ⴰⵏⴰⵎⵓⵏ ⵎⴳⴰⵍ ⵉⵎⵃⴹⴰⵕⵏ, ⵍⵓⵎⴰⵕ ⵍⵍⵉⵖ ⴷⴰ ⵙⵙⵔⵇⴰⴱⵏ ⵡⴰⴷⴷⴰⴷⵏ ⴰⴷ ⵅⴼ ⵓⴼⵓⵖ ⵙⴳ ⵜⵖⵔⵉ ⵏⵉⵖ ⴰⵏⵏⴳⵣⵉ, ⴰⵙⵏⵎⴰⵍⴰ ⵏ ⵜⵖⵉⵎⵉⵜⵉⵏ ⴰⴽⴷ ⵉⵎⵃⴹⴰⵕⵏ ⵉⵎⴰⵢⵏⵓⵜⵏ ⵏ ⵜⵙⴷⴰⵡⵉⵢⵉⵏ ⵅⴼ ⵉⵍⴳⴰⵎⵏ ⵉⴷⵙⵍⴰⵏⵏ ⵏ ⵜⵓⴳⵔⵉⵡⵜ ⵏ ⵜⵖⴰⵔⵉⵡⵉⵏ ⴳ ⵓⴳⵏⵙⵓ ⵏ ⵓⵙⴰⵢⵔⴰⵔ ⵏ ⵜⵙⴷⴰⵡⵉⵢⵉⵏ, ⵃⵎⴰ ⴰⴷ ⵜⵏ ⵙⵏⴰⵍⵏ, ⵎⵓⵏⴻⵏ ⴰⴽⴷ ⴷⵉⴷⵙⵏ, ⵙⵓⵍ ⴷ ⵓⴳⴳⴰⵔ.

ⵜⴻⵜⵜⵍⴰⵖⴰ ⵎⴰⵙⵙⴰ ⴱⵓⵄⵢⵢⴰⵛ ⵙ ⵜⵎⵍⴷⴰ ⴰⴷ ⵎⴰⵙ ⴷⴰ ⵉⵙⵙⵓⵊⴰⴷ ⵓⵙⵇⵇⵉⵎ ⵉ ⵓⵕⵥⵥⵓⵎ ⵏ ⵢⴰⵏ ⵓⵎⵙⴳⴷⴰⵍ ⴰⴳⴷⵓⴷⴰⵏ ⵅⴼ ⵜⵓⵎⴰⵏⵜ ⵏ ⵜⴽⵕⴹⵉ ⵉⴱⴷⴷⵏ ⵅⴼ ⵡⴰⵏⴰⵡ ⴰⵏⴰⵎⵓⵏ, ⵙ ⵜⴷⵔⴰⵡⵜ ⴰⴽⴷ ⵜⵙⵇⵇⵉⵎⵉⵏ ⵏⵏⵙ ⵜⵉⵏⵎⵏⴰⴹⵉⵏ ⴷ ⵜⵙⴷⴰⵡⵉⵢⵉⵏ ⴷ ⵓⵙⵔⵓⵙ ⵏ ⵜⵎⵙⵓⵍⵜ ⵜⴰⵎⵥⵍⵉⵜ ⵙ ⵓⵙⵙⵉⵡⴹ, ⴰⵡⵜⵜⴰⵙ ⵏⵏⵙ ⴰⵙⵡⵓⵜⵜⵓ ⵏ ⴽⵔⴰ ⵏ ⵜⵎⵉⵜⴰⵔ ⵏ ⵜⵎⵙⴰⵔⵉⵏ ⴰⴷ ⴷ ⵜⵡⵉⵙⵉ ⴰⴽⴷ ⵉⵎⴰⵙⵙⵏ ⵉⵎⵣⵣⴳⴰⵔⵏ ⵏ ⵓⵙⴷⵓⵙ ⵏ ⵡⴰⵔⴰⵢ.

ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴳ ⵜⴳⵉⵔⴰ ⵏ ⵜⴳⵓⵔⵉ ⵏⵏⵙ ⵅⴼ ⵓⵙⴰⵜⵉ ⵉⵎⵟⵟⵓⵏ ⵉⵡⵜⵜⴰ ⵏ ⵜⵓⵙⵙⵏⵉⵡⵉⵏ ⴷ ⵉⵏⴰⴳⵔⴰⵡⵏ ⵉⵏⴰⵎⵓⵏⵏ ⴷ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵜⵉⴽⵏⵓⵍⵓⵊⵓⵢⵉⵏ ⵜⵉⵜⵔⴰⵔⵉⵏ, ⵉⵖ ⴳⴰⵏⵜ ⴰⵡⴷ ⵜⵉⵎⵙⵓⵍⵉⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ ⴷ ⵓⴼⵓⵍⵍⵙ ⵉⵎⵍⵥⵢ, ⵉⵟⵟⴰⴼ ⵉⵎⵓⴽⵔⵉⵙⵏ ⵉⵎⴰⵢⵏⵓⵜⵏ ⴷ ⵡⵉⴷ ⵉⵜⵜⵓⵙⵎⴰⵢⵏⵓⵏ ⴳ ⵜⵎⵙⵜⴳⴳⴰⵔⵜ ⵜⴰⵏⴰⵎⵓⵏⵜ ⵏ ⵜⵙⴷⴰⵡⵉⵢⵉⵏ, ⵣⵓⵏⴷ ⴰⵏⴰⵡⵏ ⴷ ⵉⵎⴰⵙⵙⵏ ⵏ ⵓⴽⵛⵛⵓⵎ ⵏⵏⵙ ⴳ ⵓⵙⵎⴽⵍ ⵏ ⵜⵎⵙⴰⵔⵉⵏ ⵏ ⵜⵡⵏⵏⴰⴹⵜ ⵏⵏⵙ ⵜⴰⵏⴰⵎⵓⵏⵜ, ⵙ ⵓⵙⴳⵓⵏⴼ ⵉⵜⵜⵓⵙⵎⴰⵢⵏⵓⵏ ⴷ ⵉⵏⵣⵎⴰⵔⵏ ⵏ ⵓⵙⵉⵣⵡⵔ ⵏ ⵎⴰⵙ ⵉⵖⵉⵢ ⴰⴷ ⵜ ⵜⴳⵓⵍⵓ ⵜⵎⵙⴰⵔⵜ. ⵉⴷⴷⵖ ⴷⴰ ⵙⵙⵕⵚⴰⵏⵜ ⵜⵙⴷⴰⵡⵉⵢⵉⵏ ⵉ ⵜⵓⵍⴳⵉⵏⵜ ⵜⴰⵡⵙⵙⴰⵏⵜ ⵏ ⵓⵙⵎⴰⵢⵏⵓ ⴰⴷ ⴷ ⵡⴰⵍⴰⵢ ⵙ ⵜⵎⵙⵜⴳⴳⴰⵔⵜ ⵜⴰⵏⴰⵎⵓⵏⵜ ⵙ ⵢⴰⵏ ⵓⵙⵡⵉⵔ ⵢⴰⴽⴽⴰⵏ ⵉ ⵓⴱⵓⵔⵣ ⵏ ⵓⴼⴳⴰⵏ ⴰⵜⵉⴳ ⵎⵇⵇⵓⵔⵏ.