ⵜⵉⵡⵉ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵙⵎⵖⵓⵔⵜ ⵏ ⵢⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ ⵢⴰⵜⵜⵓⵢⵏ ⵣⵖ ⴷⴰⵔ ⵜⵎⵔⵙⵍⵜ ⵏ “ⵉⵡⴰⵏⴽⵏ ⵏ ⵓⵎⴰⴹⴰⵍ ⵉⵎⵓⵏⵏ” ⴷ ⵓⴳⵔⴰⵡ ⵏ ⵜⵏⴼⵔⵉⵜ ⵏⵏⵙ ⵜⴰⴳⵔⴰⵖⵍⴰⵏⵜ, ⴳ ⵓⵙⵖⵉⵎ ⵏ ⵜⵎⵔⵙⵍⵜ ⴳ ⵏⴰⴱⵓⵍⵉ, ⴳ ⵉⵟⴰⵍⵢⴰ, ⵙ ⵜⵓⵙⵏⵜ ⴷ ⵓⵙⵎⵖⵔ ⵏ ⵜⵖⵏⵙⴰ ⵏⵏⵙ ⴷ ⵓⵎⵣⴰⵖ ⵏⵏⵙ ⴰⵙⵓⵍⴰⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⴷⴷⵓⵔ ⴰⵏⴼⴳⴰⵏ.

" ⵜⴰⵙⵎⵖⵓⵔⵜ ⵏ ⵢⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ" ⴷ ⵢⴰⵜ ⵜⵡⵓⵔⵉ ⵜⴰⵏⴰⵥⵓⵕⵜ ⵏ ⵓⵎⴽⴽⴰⵔ ⴰⵟⴰⵍⵢⴰⵏⵉ ⵎⴰⵕⵢⵓ ⵎⵓⵍⵉⵏⴰⵕⵉ, ⵜⴳⴰ ⵜⴰⵎⴰⵜⴰⵔⵜ ⵏ ⵓⴼⵔⴰ ⴷ ⵜⵓⴷⵔⵜ ⵉⵛⵛⴰⵔⵏ. ⵜⴳⴰ ⵜⴰⵙⵎⵖⵓⵔⵜ ⵢⴰⵜⵜⵓⵢⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⴰⵔ ⵜⵜ ⵜⴹⴼⵓⵕⵏⵜ ⵎⵏⵏⴰⵡⵜ ⵏ ⵜⵎⵔⵙⴰⵍ ⵜⵉⴳⵔⴰⵖⵍⴰⵏⵉⵏ, ⴰⵔ ⵜⵙⵏⵉⴳⵉⵍ ⴰⵎⵙⴰⵡⴰⵍ ⴷ ⵓⵎⵢⴰⵡⴰⵙ ⴳⵔ ⵉⵎⴰⴷⴰⵏⵏ, ⴰⵔ ⵜⴳ ⴰⵡⴷ ⵜⴰⵎⴰⵜⴰⵔⵜ ⵏ ⵜⵓⵙⵏⵜ ⴷ ⵓⵙⵎⵖⵔ ⵉ ⵡⵓⴷⵎⴰⵡⵏ ⵉⵜⵜⴷⵔⵓⵏ ⴳ ⵓⵙⴷⵓⵙ ⵏ ⵜⵓⵚⴽⴰ ⵜⴰⵏⴰⵎⵓⵏⵜ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴱⵓⵖⵍⵓ ⵙ ⵉⵡⴷⴰⵏ, ⴰⴼⴰⴷ ⴰⴷ ⵜⵙⴽⴰⵎ ⵉⵎⵙⵙⵎⵖⵔⵏ ⴷ ⴰⴷ ⵜⵏ ⵜⵙⵙⵔⵇⴱ ⴰⴷ ⴳⵏ ⴽⵉⴳⴰⵏ ⵏ ⵜⵓⴳⴳⴰⵣ ⴰⴼⴰⴷ ⴰⴷ ⵜⵉⵍⵉ ⵜⴳⵎⵉ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ.

ⴳ ⵜⴼⵓⴳⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵉⵏ, ⵢⵓⵍⵖⵖ ⵎⴰⵙⵙ ⵎⴰⵢⴽⵍ ⴽⴰⴱⴰⵙⵓ, ⴰⵏⵙⵙⵉⵅⴼ ⵏ ⵜⵎⵔⵙⵍⵜ, ⴷ ⵉⴳⵎⴰⵎⵏ ⵏ ⵓⴳⵔⴰⵡ ⵏ ⵜⵏⴼⵔⵉⵜ ⴰⴳⵔⴰⵖⵍⴰⵏ ⵉⵜⵜⵓⵡⵇⵇⴰⵔⵏ, ⴷ ⵍⴱⵔⵓⴼⵉⵙⵓⵔ ⵎⴰⵙⵙ ⵄⴱⴷ ⵍⵃⴰⵇ ⵄⵣⵣⵓⵣⵉ, ⴰⵏⵙⵙⵉⵅⴼ ⵏ ⵉⵎⵙⵇⴰⴷⵏ ⵏ ⵜⵎⵔⵙⵍⵜ ⴷ ⵓⵏⵙⵙⵉⵅⴼ ⵏ ⵓⵙⵖⵉⵎ ⵏ ⵜⴰⴹⴰ ⵏ ⵜⵖⵔⵎⵉⵡⵉⵏ, ⵙ ⵜⵓⴳⴳⴰⵣ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⵛ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵍⵍⵉ ⵉⴳⴰⵏ ⵜⴰⵖⵍⴰⵖⴰⵍⵜ ⵜⴰⴽⵙⵡⴰⵜ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ. ⵜⴳ ⵜⵙⵎⵖⵓⵔⵜ ⴰⴷ ⵜⵓⵙⵏⵜ ⴷ ⵜⵏⴱⵣⴰⵣⵜ ⵏ ⵓⵙⵓⵖⵏ ⵏ ⵓⵙⴷⵓⵙ ⵏ ⵓⴼⵔⴰⴽ ⵏ ⵜⵉⵏⴷⵉ ⵏ ⵜⵙⵎⵉⴳⵍⵜ ⴰⴷ ⵜⴰⵎⴰⵣⵉⵖⵜ ⴳ ⵓⵙⵡⵉⵔ ⴰⵎⴰⴹⵍⴰⵏ.