ⵏⵢⵓⵢⵓⵔⴽ – ⴳ ⵓⵣⵎⵣ ⵏ ⵓⵍⵓⵢ ⵏ ⵡⴰⴷⴷⴰⴷ ⵏ ⵡⴰⵔ ⴰⵙⵕⵚⵚⴰ ⴰⵎⴰⴹⵍⴰⵏ ⴷ ⵉⵙⵏⴼⵍⵏ ⵉⵙⵔⵜⴰⵏⵏ ⴷ ⵉⵎⵏⵖⴰⵏ ⴷ ⵓⴼⵕⵕⴹ ⴳ ⵓⵣⵔⴼ ⴳ ⵜⵓⴷⵔⵜ, ⵜⵏⴰⵔⴰ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵏⵄⴰⵕ ⴰⴳⵔⴰⵖⵍⴰⵏ ⵉ ⵓⵙⴷⵓⵙ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵔⵙ ⵏⵏⵙⵏ ⴳ ⵡⴰⵎⵎⴰⵙ ⴷ ⵜⵓⵥⵥⵓⵎⵜ ⵏ ⵉⴼⵙⵙⴰⵢⵏ ⴷ ⵜⵡⵓⵔⵉ ⵜⴰⴳⵔⴰⵖⵍⴰⵏⵜ.

ⴳ ⵉⵎⴰⵍⴰⵙⵙ ⴰⴷ ⵇⴰⵃ, ⵔⴰⵏ ⵉⵎⵏⵣⴰⵖⵏ/ⵜⵉⵎⵏⵣⴰⵖⵉⵏ ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵉⵏⵜⴰⵢⵏ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴹⴼⴼⵓⵕ ⵏ ⵓⵙⵎⵀⵍ ⵏⵏⵙⵏ ⴳ ⵓⵙⵡⵉⵔ ⴰⵏⴰⵎⵓⵔ, ⴳ ⵓⵏⵄⴰⵕ ⵉ ⵓⵙⴷⵓⵙ ⵏ ⵜⵉⵍⴰⵍ ⵏⵏⵙⵏ ⴷ ⵜⴷⵔⴰⵡⵜ ⵏⵏⵙⵏ ⵜⴰⵎⴰⴷⴷⵓⴷⵜ ⴳ ⵜⵖⵜⴰⵙⵉⵏ ⵏ ⵜⵎⵜⵜⴰ ⵉⵎⵓⵏⵏ ⴷ ⵉⵎⴰⵙⵙⵏ ⵏⵏⵙ ⴷ ⴳ ⵓⴳⵏⵙⵓ ⵏ ⵓⵏⴰⴳⵔⴰⵡ ⴰⴳⵔⴰⵖⵍⴰⵏ.

ⵢⵓⵎⴰ ⵓⵎⵣⵉⵣⵣⵍ ⴰⴷ ⵉⵏⵎⵓⵇⵇⴰⵔⵏ ⵉⵢⵓⴳⴰⵏⵏ ⴰⴽⴷ ⵉⵎⵙⵜⴳⴳⴰⵔⵏ ⵉⵏⵎⵜⵜⴰⵏ ⵉⵅⴰⵜⴰⵔⵏ ⴷ ⴰⴽⴷ ⵉⵎⵙⵇⴰⴷⵏ ⵏ ⵜⵙⵎⵉⵔⵉⵜⵉⵏ ⵜⵉⴳⵔⴰⵖⵍⴰⵏⵉⵏ ⵖⵓⵔ ⵜⵎⵜⵜⴰ ⵉⵎⵓⵏⵏ ⵜⵉⵎⴰⵏⵏⴰⵍⵉⵏ ⴷ ⵜⵎⵙⵏⴰⵍⵉⵏ, ⴳ ⵜⴰⵎⵓ ⵍⵎⵖⵔⵉⴱ ⴷ ⵉⵔⵍⴰⵏⴷⴰ ⴷ ⵜⴳⵍⴷⵉⵜ ⵉⵎⵓⵏⵏ.

ⴳ ⵓⵎⵏⴰⴹ ⴰⴷ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵏⴰ ⵉⵙⵙⵉⵅⴼⵏ ⵜⴰⴹⴰ ⵜⴰⴳⵔⴰⵖⵍⴰⵏⵜ ⵏⵏⴰ ⵉⵙⵎⴷⵢⴰⵏ ⵎⴰⴷ ⵢⴰⵥⵏ ⵉ 120 ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵜⴰⵙⵉⵎⴰⵏⵜ ⴳ ⵓⵎⴰⴹⴰⵍ ⴷ ⴽⴽⵓⵥⵜ ⵏ ⵉⵥⵟⵟⴰⵜⵏ ⵉⵙⴳⴰⵡⴰⵏⵏ, ⵏⵕⵛⵎ ⵅⴼ ⵜⵉⵍⵉⵜ ⵜⴰⵎⴰⴷⵓⵙⵜ ⴳ ⵊⵓⵏⵉⴼ, ⵍⵍⵉⵖ ⵜⵜⵓⵏⴰⵎⵎⴰⵙⵏ ⵉⵎⴰⵙⵙⵏ ⵉⴷⵙⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⵕⵏ ⵉ ⵜⵎⵜⵜⴰ ⵉⵎⵓⵏⵏ,… ⴰⵙⵙ ⴰ, ⴳ ⵓⵣⵎⵣ ⵏ ⵜⵓⵙⵙⴷⴰⵡⵉⵏ ⵉⵍⵍⴰⵏ ⴷ ⵉⵎⵏⵖⴰⵏ ⴷ ⵜⵕⵥⵉⵢⵉⵏ ⵀⵔⵛⵏⵉⵏ ⵏⵏⴰ ⵏⵥⵕⵕⴰ, ⵏⵡⴰⵜⵜⵙ ⴰⴷ ⵏⵙⵙⵉⵡⴹ ⴰⵎⵙⵍⵉ ⵏⵏⵖ ⴷ ⵓⵎⵙⵍⵉ ⵏ ⵓⵎⵣⴰⵖ ⵅⴼ ⵉⵣⵔⴼⴰⵏ ⴷ ⵜⴷⵔⴼⵉⵏ, ⵙ ⵜⵓⵙⵏⵜ ⵜⴰⵎⴰⴷⴷⵓⴷⵜ ⴷ ⵜⴷⵔⴰⵡⵜ ⵜⴰⵎⵔⵙⴰⵍⵜ ⵜⴰⵎⵖⵍⴰⵍⵜ ⴳ ⵏⵢⵓⵢⵓⵔⴽ, ⴰⵙⵖⵉⵎ ⵏ ⵜⵎⴳⵓⵔⵉ ⵏ ⵜⵖⵜⴰⵙⵜ ⵜⴰⵙⵔⵜⴰⵏⵜ ⵜⴰⴳⵔⴰⵖⵍⴰⵏⵜ.

ⴷⴰⵔⵏⵖ ⵜⵉⵍⴰⵍⵜ ⵜⵓⴼⵔⵉⴷⵜ ⵉⵅⵚⵚⴰ ⴰⴷ ⵜⵜ ⵏⵙⴽⵔ, ⴷ ⵜⵉⵣⵉ ⵜⴰⵜⵔⴰⵔⵜ ⵜⵙⵖⴰⵡⵙⴰ ⵙ ⵖⴰⵢⴰⴷ. ⵓⵔ ⵉⵅⵚⵚⴰ ⴷ ⵓⵔ ⵏⵙⵢⵢⵉⵀ ⴰⴷ ⴰⵎⵥⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵎⵏⵉⴷ ⴰⵎⵓⴷⵔⵓⵙ ⴳ ⵜⵡⵓⵔⵉ ⵜⴰⴷⵉⴱⵍⵓⵎⴰⵙⵉⵜ ⴷ ⵜⵙⵔⵜⴰⵏⵜ; ⵏⵜⵜⵏⵉ ⴷ ⵜⴰⵙⵉⵍⴰ ⴷ ⵓⴼⵙⵙⴰⵢ, ⵙⵍⴰⵡⴰⵏ ⴰⴽⴽⵯ ⴳ ⵉⵣⵎⴰⵣ ⵏ ⵜⴰⵙⵙⴰⵙⵉⵏ, ⵜⵔⵏⴰ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ.

ⵉ ⵓⵙⵙⴽⵜⵉ, ⵜⵉⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏⵏⴰ ⵎⵉ ⵉⵏⴰⵔⴰ ⵍⵎⵖⵔⵉⴱ ⵜⴰⴹⴰ ⵏⵏⵙⵏⵜ ⵜⴰⵎⴰⴹⵍⴰⵏⵜ, ⴳ ⵡⵓⴷⵎ ⵏ ⵎⴰⵙⵙⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳⴰⵏⵜ ⵜⵉⵎⵔⵙⴰⵍ ⵜⵉⵙⵉⵎⴰⵏⵉⵏ ⵏⵏⵉ ⵙⴽⴰⵔⵏ ⵉⵡⴰⵏⴽⵏ ⴳ ⵓⵙⵡⵉⵔ ⴰⵏⴰⵎⵓⵔ ⵙ ⵓⵎⵙⴰⵙⴰ ⴷ ⵉⵎⵏⵣⴰⵢⵏ ⵉⵏⵎⵜⵜⴰⵏ ⵉⵙⵙⵓⵜⵉⵢⵏ ⵜⴰⵡⵓⵔⵉ ⵏⵏⵙⵏⵜ ⴷ ⵜⵙⵎⵉⴳⴰⵍ ⵏⵏⵙⵏⵜ. ⴰⵔ ⵙⵡⵓⵔⵉⵏⵜ ⵜⵎⵔⵙⴰⵍ ⴰⴷ ⵅⴼ ⵓⵎⴰⵜⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴽⵔⴰ ⵙ ⵜⵎⵢⴰⴳⴰⵏⵜ ⵏ ⵓⴼⵔⴰⴳ ⵏⵏⵙⵏ ⴷ ⵓⵙⵎⵀⵍ ⵏⵏⵙⵏ. ⵎⵇⵇⴰⵔ ⵉⴱⴷⴷ ⵡⴰⴷⴷⴰⴷ ⵏⵏⵙⵏⵜ ⵓⵍⴳⵉⵏ ⵅⴼ “ⵉⵎⵏⵣⴰⵢⵏ ⵏ ⴱⴰⵔⵉⵣ” ⵏⵏⵉ ⵙⵖⵣⵏⵏⵜ ⵜⵎⵜⵜⴰ ⵉⵎⵓⵏⵏ, ⵎⴰⵛⴰ ⵜⵙⵓⵍ ⵜⴷⵔⴰⵡⵜ ⵏⵏⵙⵏⵜ ⴳ ⵜⵎⵀⴰⵍ ⵏ ⵜⵎⴳⵓⵔⵉ ⵏ ⵜⵖⵜⴰⵙⵜ ⴳ ⵏⵢⵓⵢⵓⵔⴽ ⵜⴷⵔⵓⵙ, ⵜⴳ ⵜⴰⵔ ⵜⴰⵎⴰⴷⴷⵓⴷⵜ ⴷ ⵜⴰⵔ ⵜⴰⵍⵓⴳⴰⵏⵜ, ⵎⵇⵇⴰⵔ ⵍⴰⵏⵜ ⴰⴷⴷⵓⵔ…; ⵜⴷⵔⵓ ⵙ ⵜⴷⵓⵙⵉ ⴳ ⵊⵓⵏⵉⴼ "ⵜⴰⵣⵔⴼⴰⵏⵜ", ⵍⵍⵉⵖ ⵜⵜⵓⵏⴰⵎⵎⴰⵙⵏ ⵉⵎⴰⵙⵙⵏ ⵏ ⵜⵎⵜⵜⴰ ⵉⵎⵓⵏⵏ ⵉⵏⵜⴰⵢⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵙ ⵜⵡⵉⵍⴰ ⵜⴰⵔ ⵜⴰⵎⴰⴷⴷⵓⴷⵜ ⴷ ⵜⴰⵔ ⵜⴰⵍⵓⴳⴰⵏⵜ ⴳ ⵏⵢⵓⵢⵓⵔⴽ "ⵜⴰⵙⵔⵜⴰⵏⵜ", ⴰⵎⵎⴰⵙ ⵏ ⵜⵖⵜⴰⵙⵜ ⵜⴰⵙⵔⵜⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵜⵖⵜⴰⵙⵉⵏ ⵏ ⵓⵃⵟⵟⵓ ⵏ ⵜⴰⵍⵡⵉⵜ ⴳ ⵓⴳⵏⵙⵓ ⵏ ⵓⵏⴰⴳⵔⴰⵡ ⵏ ⵜⵎⵜⵜⴰ ⵉⵎⵓⵏⵏ.