ⵉⵙⴱⵔⵔⴽ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⵙ ⴰⴷ ⵙ ⵜⵙⵖⵣⵏⵜ ⵏ ⵜⵙⵇⵇⵉⵎⵜ ⵜⴰⵄⵕⴰⴱⵜ ⵜⴰⵎⵖⵍⴰⵍⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⴹⴼⴰⵕⵏ ⵉ ⵜⵙⴷⴰⵡⵉⵜ ⵏ ⵉⵡⴰⵏⴽⵏ ⵉⵄⵕⴰⴱⵏ, ⴳ ⵜⵙⵓⵜⵍⵜ ⵏⵏⵙ ⵜⵉⵙ 55 ⵉⵜⵜⵓⵙⵏⵎⴰⵍⴰⵏ ⴳ ⵙⵉⵏ ⵡⵓⵙⵙⴰⵏ ⴳ ⵍⴽⵡⵉⵜ (4 ⴷ 5 ⴱⵕⴰⵢⵕ 2025), ⵉⵙⵖⵍⴰⴼ ⵏⵏⵉ ⵉⵙⵎⵏⵉⴷ ⵍⵎⵖⵔⵉⴱ, ⵏⵏⵉ ⵉⵥⵍⵉⵏ ⵙ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳⵔ ⵉⵡⴰⵏⴽⵏ ⵉⵄⵕⴰⴱⵏ ⴳ ⵢⵉⴳⵔ ⵏ ⵓⴼⵔⴰⴳ ⵓⵍⴳⵉⵏ ⴷ ⵓⵎⵔⵙⴰⵍ ⵏ ⵜⵡⴰⵛⵓⵏⵜ, ⴷ ⵜⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⵜⵉⵎⴰⵢⵏⵓⵜⵉⵏ, ⵏⵏⴰ ⵉⴽⴽⴰ ⵓⵙⵇⵇⵉⵎ ⵉⵖⵔⴰ ⵢⴰⴷ ⵉ ⵜⵙⵇⵇⵉⵎⵜ ⴰⴷ ⵜⵏ ⵜⵙⵙⴽⵛⵎ ⴳ ⵓⵖⴰⵡⴰⵙ ⵏⵏⵙ ⵏ ⵜⵡⵓⵔⵉ , ⵣⵓⵏ ⴷ ⵜⵉⵖⵉⵙⵜ ⵜⵉⵎⵍⵥⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵎⵙⵙⵓⵔⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ.
ⵉⴽⴽⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵙⵎⵏⵉⴷ ⵢⴰⵜ ⵜⵎⵙⵙⴽⵜⵉⵜ ⵉ ⵜⵙⵇⵇⵉⵎⵜ ⵜⴰⵄⵕⴰⴱⵜ ⵜⴰⵎⵖⵍⴰⵍⵜ ⵅⴼ ⵓⵙⵙⵉⴷⴼ ⵏ ⵓⵙⵏⵜⵍ ⵏ ⵉⵙⴽⵉⵍ ⴷ ⵜⵙⵓⵎⵓⵜ ⴳ ⵓⵖⴰⵡⴰⵙ ⵏⵏⵙ ⵏ ⵜⵡⵓⵔⵉ (ⴳ ⵉⵏⵏⴰⵢⵔ 2022), ⴷ ⵢⴰⵜ ⵜⵎⵙⵙⴽⵜⵉⵜ ⵜⴰⵎⵙⵙⴼⵔⵓⵜ ⴳ ⵜⵉⵣⵉ ⴰⵏⵏ ⵏⵉⵜ ⵅⴼ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⵉⴷⵔⵓ ⵓⵙⵇⵇⵉⵎ ⴳ ⵜⵙⵓⵜⵍⵜ ⴰⴷ, ⵙ ⵜⴳⵏⵙⴰⵙⵜ ⵏ ⵎⴰⵙⵙ ⵎⵓⵃⵎⵎⴰⴷ ⵚⴰⴱⵕⵉ, ⴰⵎⵛⵛⵉⵡⵕ ⴳ ⵓⴱⵔⵙⵉⵔⴰ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵖⵓⵔⵉ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵙⴷⴰⵡⵉⵜ ⵏ ⵉⵡⴰⵏⴽⵏ ⵉⵄⵕⴰⴱⵏ, ⵉⴷⴷⵖ ⵉⴳⴰ ⵓⵙⵇⵇⵉⵎ ⴰⵏⵎⵉⵜⵔ ⴰⵙⵉⵎⴰⵏ ⴷⴰⵔ ⵜⵙⵇⵇⵉⵎⵜ ⵜⴰⵄⵕⴰⴱⵜ ⵜⴰⵎⵖⵍⴰⵍⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
