ⵜⵖⵔⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵣⴷⵡⵉⵜ ⵏ ⵡⴰⵙⵙ ⵏ ⵓⴽⵕⴰⵙ 5 ⴱⵕⴰⵢⵕ ⴰⴷ ⵉⵣⵔⵉⵏ ⵙ ⵙⵓⵖⵏ ⵏ ⵓⵙⵔⵙ ⵏ ⵍⵎⵖⵔⵉⴱ ⵜⴰⵙⵜⵔⴰⵜⵉⵊⵉⵜ ⵏⵏⵙ ⵜⴰⵎⵣⵡⴰⵔⵜ ⵉⵥⵍⵉⵏ ⵙ ⵜⵖⵉⵙⵜ ⵜⵉⵎⵍⵥⵉⵜ. ⵉⴷⴷⴰ ⴷ ⵎⴰⵢⴰ ⵏⵏ ⴳ ⵜⴳⵓⵔⵉ ⵜⴰⵎⵙⴰⵜⵉⵜ ⵏⵏⴰ ⵉⵖⵔⴰ ⵙ ⵉⵙⵎ ⵏⵏⵙ ⵓⵏⵎⵀⴰⵍ ⵏ ⵜⵣⵔⴰⵡⵉⵏ ⴳ ⵓⵙⵇⵇⵉⵎ, ⵎⴰⵙⵙ ⵎⵓⵃⵎⵎⴰⴷ ⵍⵀⴰⵛⵉⵎⵉ, ⴳ ⵓⵕⵥⵥⵓⵎ ⵏ ⵢⴰⵜ ⵜⵉⵏⴰⵡⵜ ⵜⴰⵎⴰⵙⵙⴰⵏⵜ ⵜⵙⵏⵓⴱⴳ ⵜⵜ ⵜⵙⴷⴰⵡⵉⵜ ⵏ ⵍⵃⴰⵙⴰⵏ ⴰⵎⵣⵡⴰⵔⵓ, ⴳ ⴽⵕⴰⴹ ⵡⵓⵙⵙⴰⵏ ⴳ ⵜⵎⴷⵉⵏⵜ ⵏ ⵙⵟⵟⴰⵜ.
ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵎⴰⵙ ⵉⵅⵚⵚⴰ ⴰⴷ ⵜⴻⵜⵜⵓⵙⴷⵓⵙ ⵜⵙⵜⵔⴰⵜⵉⵊⵉⵜ ⵜⴰⵎⵓⵟⵟⵓⵏⵜ ⵜⴰⵎⵖⵔⵉⴱⵉⵜ ⵙ ⵢⴰⵜ ⵜⵙⵜⵔⴰⵜⵉⵊⵉⵜ ⵜⴰⵙⵉⵎⴰⵏⵜ ⵜⵉⵙⵙ ⵙⵏⴰⵜ ⵉⵥⵍⵉⵏ ⵙ ⵜⵖⵉⵙⵜ ⵜⵉⵎⵍⵥⵉⵜ, ⵙ ⵓⵙⴽⴰⵔ ⵙ ⵉⵣⵎⴰⵣ ⵏⵏⵉ ⵉⵥⴹⴰⵕ ⴰⴷ ⵜⵏ ⵉⵡⵛ ⵓⵎⵓⵟⵟⵓⵏ ⴷ ⵓⵜⵉⴽⵏⵓⵍⵓⵊⵉ ⴷ ⵜⵖⵉⵙⵜ ⵜⵉⵎⵍⵥⵉⵜ ⴳ ⵜⵏⴽⵔⴰ ⵙ ⵜⵏⴼⵍⵉⵜ. ⵜⵉⵏⵉ ⵎⴰⵙ ⵓⵔ ⵡⴰⵍⴰ ⴷⴰ ⵜⵜⵏⵎⴰⴳⴰⵍⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⴽⴷ ⵜⵣⵣⵉⴳⵣⵉⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⴷ ⵜⵎⵓⵟⵟⵓⵏⵉⵏ.
ⴳ ⵓⵎⵏⴰⴹ ⴰⴷ, ⵜⵏⵏⴰ ⵎⴰⵙⵙⴰ ⴱⵓⵄⵢⵢⴰⵛ: "ⵓⵔ ⴳⵉⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⴱⴱⴰⵢⴹⴰⵕⵜ ⵎⵏⵉⴷ ⵏ ⵓⵙⵏⵓⵍⴼⵓ ⴷ ⵜⵣⵣⵉⴳⵣⵜ". ⴳ ⵓⵎⵏⴰⵍⴰ ⵏ ⵎⴰⵢⴰ ⵏⵏ, ⵜⵔⵏⵓ, ⴰⵙⵡⵓⵜⵜⵙ ⵏ ⵉⴼⵙⵙⴰⵢⵏ ⴷ ⵓⵡⵇⵇⵔ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ "ⵉⵥⴹⴰⵕ ⴰⴷ ⵉⴳ ⴰⵎⴽⴰⵎ ⵉ ⵓⵙⵏⵓⵍⴼⵓ ⴰⵎⵇⵇⵔⴰⵏ". ⵜⵔⵏⴰ ⵜⵏⵏⴰ ⵎⴰⵙ ⵉⵥⴹⴰⵕ ⴰⴷ ⵉⴳ ⵓⵙⵖⵓⵏ ⴰⵎⵅⴰⵙ ⵙ ⵉⵣⵔⴼⴰⵏ ⴷ ⵜⴷⵔⴼⵉⵏ ⴷ ⵓⵙⵡⵓⵜⵜⵙ ⵏ ⵓⴼⵔⴰⴳ ⵏ ⵡⴰⴷⴷⵓⵔ ⴰⵏⴼⴳⴰⵏ ⴰⵎ ⵓⵎⵙⴷⴷⵉⴷ ⴰⴷⵙⵍⴰⵏ ⴳ ⵜⵎⵢⴰⴷⴰⵙⵉⵏ ⵏ ⵓⵙⵏⵓⵍⴼⵓ, ⴰⴷ ⵉⵕⵥⵎ ⵉⵎⵏⵉⴷⵏ ⵉⵎⴰⵢⵏⵓⵜⵏ ⵉ ⵉⵙⵏⵓⵍⴼⵓⵜⵏ ⴷ ⵜⵣⵣⵉⴳⵣⵜ ⵉⵎⵇⵇⵓⵔⵏ … ⴱⴰⵀⵔⴰ ⵉⴷⵔⴰⵏ ⴷ ⵉⴳⴰⵏ ⵜⴰⵏⴼⴳⴰⵏⵜ, ⴰⴷ ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ ⴳ ⵜⴳⵓⵔⵉ ⵏⵏⵙ ⵜⴰⵎⵙⴰⵜⵉⵜ ⵎⴰⵙ ⵉⵅⵚⵚⴰ ⴰⴷ ⵜⵙⴽⵔ ⵜⵙⵜⵔⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵜⵖⵉⵙⵜ ⵜⵉⵎⵍⵥⵉⵜ ⴰⴽⴽⵯ ⵜⵉⵎⵙⵓⵜⴰⵍ ⵉⵡⴰⵜⴰⵏ ⵉ : ⵓⴽⴰⵎ ⵏ ⵓⵙⵏⵓⵍⴼⵓ ⴷ ⵓⵙⵙⵔⵇⴱ ⵏⵏⵙ ; ⴰⵙⴱⵓⵖⵍⵓ ⵏ ⵉⵏⴳⵔⴰⵡⵏ ⵏ ⵜⵖⵉⵙⵜ ⵜⵉⵎⵍⵥⵉⵜ ⵉⵙⴽⴰⵔⵏ ⵙ ⵉⵎⵏⴰⴷⵏ ⵉⵣⵔⴼⴰⵏⵏ ⴳ ⵓⵙⵎⵓⵏ ⵏ ⵉⵙⴼⴽⴰ ⴷ ⵓⵙⵖⵉⵡⵙ ⵏ ⵉⴷ ⵡⴰⵍⴳⵓⵔⵉⵜⵎ ; ⴷ ⴰⴷ ⵉⴳ ⴳ ⵙⴳ ⵉⵙⵉⵣⵡⵔⵏ ⵏⵏⵙ ⴰⵙⵙⵓⵜⴳ ⴰⵣⵎⵣⴰⵏ ⵏ ⵓⴷⵔⵉⵣ ⴰⵣⵔⴼⴰⵏ ⵃⵎⴰ ⴰⴷ ⵉⵜⵜⵓⵏⴼⵔⵓ ⵓⴼⵔⴰⴳ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ ⵜⵉⵏⴼⴳⴰⵏⵉⵏ.
ⴰⴳⴰⵎ ⵏ ⵜⴳⵓⵔⵉ ⵏ ⵜⵏⵙⵙⵉⵅⴼⵜ (ⵙ ⵜⴰⵄⵕⴰⴱⵜ)
