ⵜⵕⵥⵎ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵙ ⵏ ⵓⴽⵡⴰⵙ31 ⵎⴰⵕⵚ 2022, ⵜⴰⵙⵓⵜⵍⵜ ⵏ ⵜⴼⵙⵓⵜ ⵏ ⵜⵖⵉⵡⴰⵏⵜ ⵜⴰⵎⵏⵏⴰⵡⵥⵍⵉⵜ ⴳ ⵜⵖⵔⵎⵜ ⵏ ⵕⵕⴰⵛⵉⴷⵢⴰ, ⵙ ⵜⵏⴽⴷⴰ ⵏ ⵢⴰⵜ ⵜⵉⵏⴰⵡⵜ ⵅⴼ ⵉⵎⵔⵙⵉ "ⵜⴰⵎⴽⵜⵉⵜ ⴷ ⵓⵎⵣⵔⵓⵢ: ⵜⵉⴳⵎⵉ ⵏ ⵓⴼⴳⴰⵏ ⴳ ⵓⵙⴰⵢⵔⴰⵔ", ⵜⵙⵙⴽⵜⵉ ⴳ ⵜⵣⵡⵉⵔⵉ ⵏⵏⵙ ⵎⴰⵙ ⵜⵍⵍⴰ ⵜⵎⵙⴰⵔⵜ ⵏ "ⵜⵎⴽⵜⵉⵜ ⴷ ⵓⵎⵣⵔⵓⵢ" ⴳ ⵜⵓⵥⵥⵓⵎⵜ ⵏ ⵜⵙⵜⵕⴰⵜⵉⵊⵉⵜ ⵏ ⵓⵙⵇⵇⵉⵎ ⵏⵏⴰ ⵉⵜⵜⵓⵙⵏⴰⵍⵏ ⵅⴼ ⵓⵎⵏⵣⴰⵢ ⵏ "ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ".

ⵉⴷⴷⵖ ⵜⴰⵎⵓ "ⵜⵎⴽⵜⵉⵜ ⵜⴰⵎⴳⵔⵓⵜ ⴳ ⵜⵙⵓⵏⴹⵜ ⵏ ⵉⵙⵎⴰⵇⵇⵍⵏ ⵏ ⵜⴷⵍⵙⴰ ⴷ ⵜⵎⴰⴳⵉⵜ ⵏ ⵓⴳⴳⵉⴷⵏ ⴷ ⵜⴳⵔⵓⵎⵎⴰⵡⵉⵏ, ⵜⵙⵙⴼⴰⵡ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⴷⴰ ⵉⵜⵜⴰⵏⵏⴰⵢ ⵓⵙⵇⵇⵉⵎ ⵎⴰⵙ" ⴽⵔⴰⵢⴳⴰⵜ ⴰⴼⵕⵕⴹ ⴳ ⵜⵎⴽⵜⵉⵜ ⵜⴰⵎⴳⵔⵓⵜ ⵏⵉⵖ ⴰⵙⵏⴰⴳⴰⵔ ⴳ ⵓⵙⵙⵉⴷⴼ ⵏⵏⵙ ⴳ ⵜⴰⵍⵖⴰ ⵜⴰⵏⴰⵎⵓⵏⵜ ⵜⴰⵎⵢⴰⵏⴰⵡⵜ, ⴷⴰ ⵜⵜ ⵉⵙⵏⴼⴰⵍ ⵙ ⵉⵣⵉⴽⵉ ⴰⵚⵓⵚⵢⵓ-ⴰⴷⵍⵙⴰⵏ ⵉⵙⵎⴰⵟⴰⵍⵏ ⵉⵣⵎⴰⵣ ⵏ ⵓⴼⵊⵊⵉⵊ ⵙ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ", ⵜⵔⵏⵓ ⵎⴰⵙ ⴷⴰ ⵉⵇⵇⴰⵔ ⵓⵙⵇⵇⵉⵎ ⵙ ⵓⵃⵟⵟⵓ ⵏ ⵜⵎⴽⵜⵉⵜ ⵜⴰⵎⴳⵔⵓⵜ ⴷ ⵜⴰⵡⵉⵜ ⵓⴳⴳⴰⵔ ⴳ ⵜⵉⵔⵔⴰ ⵏ ⵓⵎⵣⵔⵓⵢ, "ⵉⵙⵡⵓⵜⵜⵙ ⵙ ⵓⵎⴰⵜⴰ ⴰⵙⴷⵔⴼⵉ ⵏ ⵜⵎⴽⵜⵉⵜ ⵜⴰⵎⴳⵔⵓⵜ ⵙⴳ ⵓⵥⴰⵥⴰ ⵏ ⵜⵉⵍⵍⴰⵡⵉⵏ ⵏⵏⴱⴹⴰⵏⵉⵏ ⴷ ⵓⵙⵡⵔⵔⵉ ⵏ ⵓⵎⵣⵔⵓⵢ ⵛⵛⴰⵕⵏⵉⵏ ⴽⵜⵓⵔⵏⵉⵏ ⵙ ⵓⵎⵢⴰⵏⴰⵡ ⴷ ⵜⵥⵍⴰⵢⵜ ⵉ ⵉⴼⵔⴷⵉⵙⵏ ⵉⵏⵊⵎⵓⵜⵏ ⴳ ⵓⵎⵏⵉⴷ ⵏ ⵢⴰⵏ ⵡⴰⵏⴰⵡ ⴰⵏⴳⵎⵓ ⴱⴷⴷⵏⵉⵏ ⵅⴼ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ, ⴰⵔ ⵢⴰⴽⴽⴰ ⵉⵣⵎⴰⵣ ⵉⵜⵜⵓⵙⵎⴰⵢⵏⵓⵏ ⵉ ⵜⴳⵎⵉ ⵜⴰⵏⵊⵎⵓⵜ ⵜⴰⵎⵙⵙⵓⵎⵓⵜ ⵣⵎⵔⵏⵉⵏ ⴰⴷ ⵜⴼⴰⵔⵙ, ⵜⵙⵎⵢⴰⵏⴰⵡ ⵉⵙⵓⴳⴰⵎ ⵏ ⵓⴳⵍⴰ, ⴳ ⵜⵣⵡⵓⵔⵜ ⵏⵏⵙ ⴰⴷⴳⴰⵔ ⴰⵏⴼⴳⴰⵏ".

ⴹⴰⵕⴰⵜ ⵎⴰⴷ ⵜⵙⵉⵡⵍ ⵅⴼ ⵓⵙⵏⵓⵃⵢⵓ ⵏⵏⴰ ⵉⵙⵔⵙ ⵓⵏⵎⵣⵔⴰⵢ ⴰⴼⵕⴰⵏⵚⵉ ⴱⵢⵉⵔ ⵏⵓⵕⴰ ⵉⵏⴳⵔ "ⵜⵎⴽⵜⵉⵜ ⵜⴰⵎⴳⵔⵓⵜ" ⴷ "ⵜⵎⴽⵜⵉⵜ ⵜⴰⵎⵣⵔⴰⵢⵜ", ⵜⵏⵏⴰ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ "ⵜⴻⵜⵜⵓⵙⵏⴼⴰⵍ ⵜⵎⴽⵜⵉⵜ ⵜⴰⵎⴳⵔⵓⵜ ⵙ ⵉⴼⵔⴷⵉⵙⵏ ⵏ ⵜⵖⴱⵉ ⵏ ⵜⵎⴰⴳⵉⵜⵉⵏ ⵜⵉⵎⵥⵢⴰⵏⵉⵏ ⴷ ⵓⵙⴱⵓⵖⵍⵓ ⵏ ⵜⴷⵉⵏⴰⵎⵉⵜⵉⵏ ⵏ ⵜⵙⴽⴰⵏⵜ ⴷ ⵓⵙⴷⵉⴷⴷⵉⵢ ⵏ ⵓⴼⵔⴰ ⴰⵏⴰⵎⵓⵏ, ⴰⵔ ⵉⵙⴽⴰⵔ ⵎⴰⵢⴰ ⵏⵏ ⵉⴹⵉⵚ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⵉⴷⵙⵍⴰⵏⵏ."ⵍⵓⵎⴰⵕ ⵍⵍⵉⵖ ⴰⵖⵓⵍⵏⵜ ⴷⵔⵓⵙⵏⵜ ⵜⵓⵙⴽⵉⵡⵉⵏ ⵜⵉⵣⴰⵢⴽⵓⵜⵉⵏ ⵏ ⵜⵏⴳⵔⵜ ⴷ ⵜⵄⵜⵉ ⵏ ⵜⵎⵓⴽⵔⵉⵙⵉⵏ ⵏ ⵓⵎⵣⴰⵔⴰⵢ ⴰⵎⵓⵔⴰⵏ ⴷ ⵓⵏⵊⵎⵓ ⴷ ⵓⵏⴰⵎⵓⵏ".

ⵜⵙⵎⵍ ⵎⴰⵙ ⵓⵔ ⵔⴰⴷ ⵢⴰⵡⵙ ⵡⴰⵍⵍⴰⵙ ⵏ ⵡⴰⵕⵕⴰⵥ ⴰⵎⴳⵔⵓ ⵏ ⵓⵎⵣⵔⵓⵢ ⵏⵏⵖ ⴷ ⵜⴰⵢⵙⵉ ⵏⵏⵖ ⴷ ⵜⵎⴽⵜⵉⵜ ⵏⵏⵖ ⵅⵙ ⴳ ⵓⵙⴷⵔⴼⵉ ⵏ ⵜⵥⴹⴰⵕⵉⵏ ⵏ ⵇⴰⵃ ⵃⵎⴰ ⴰⴷ ⴷⵔⵓⵏ ⴳ ⵜⵎⵀⵍⵜ ⵏ ⵜⵓⵚⴽⴰ ⵜⴰⵏⴳⵎⵓⵜ, ⵎⴰⵛ ⵔⴰⴷ ⵉⵙⵙⵓⴳⵔ ⵜⵉⵏⵏⵓⴱⴹⴰ ⴷ ⵓⵙⵡⵓⴷⴷⵓ ⴷⵓⵙⵏⵉⵏ ⵙ ⵓⴼⵔⴰⴽ ⴰⵏⵎⵓⵔⵉ, ⵙ ⵜⵓⴳⴳⵓⴳⵜ ⵅⴼ ⴽⵔⴰⵢⴳⴰⵜ ⵓⴷⴷⵉⵔⵣ ⵏⵉⵖ ⴰⵇⵏⵓⵏⵏⵛ ⵓⴽⵎⵉⵔ ⵏ ⵜⵎⴰⴳⵉⵜ".

ⵜⵙⵙⵏⴽⴷ ⴳ ⵓⵎⵏⴰⴹ ⴰⴷ ⵏⵉⵜ ⵉⵙⵖⵏⵓⵜⵏ ⵏ ⵓⵃⵟⵟⵓ ⵏ ⵜⵎⴽⵜⵉⵜ ⴷ ⵓⵙⴳⴳⴷ ⵏ ⵓⵎⴰⵍⴰⴷ ⴰⵎⴳⵔⵓ ⵏⵏⴰ ⵎⵉ ⵉⵙⵙⵓⵜⵉ ⵓⵙⵇⵇⵉⵎ ⴳ ⴽⵔⴰ ⵏ ⵜⵙⴳⴳⵯⵉⵏ ⵏ ⵍⵎⵖⵔⵉⴱ, ⵙ ⵓⵣⵣⵉⴳⵉⵔ ⵏ ⵉⵙⵓⵖⴰⴷ ⵏⵏⴰ ⵉⵙⵔⵙ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴳ ⵜⴰⵏⴰⴹⵜ ⵏⵏⵙ ⵜⴰⵎⴳⴳⴰⵔⵓⵜ.

ⵙⴳ ⵜⵙⴳⴰ ⵏⵏⵙ, ⵉⵙⵙⴼⴰⵡ ⵎⴰⵙ ⵍⵃⵓ ⵎⴰⵊⵉⴷⵉ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ, ⴳ ⵜⴳⵓⵔⵉ ⵏⵏⵙ ⵙ ⵓⵙⵓⵍⴼ ⴰⴷ, ⵎⴰⵙ ⴰⵡⵜⵜⴰⵙ ⴰⵎⵇⵇⵔⴰⵏ ⵏ ⵓⵙⵏⵎⴰⵍⴰ ⵏ ⵓⵏⵎⵓⵇⵇⴰⵔ ⴰⴷ ⴰⵣⵔⴼⴰⵏ, ⵙ ⵓⵎⴰⵜⴰ, ⵉⴳⴰ ⵜ ⴰⵣⴷⴰⵢ ⵏ ⵜⵍⴳⵯⵉⵜⵉⵏ ⵏ ⵓⵎⵢⴰⵡⴰⵙ ⴷ ⵓⵎⵢⴰⵡⴰⴹ ⵉⵏⴳⵔ ⵜⵙⴷⴰⵡⵉⵜ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵓⵎⵏⴰⴷ ⵏ ⵓⵙⵔⵔⵓⵙ ⵏ ⵜⴱⴰⴷⵓⵜⵉⵏ ⵜⵉⵎⵔⵙⴰⵍⵉⵏ ⵙⵡⵓⵔⵉⵏⵉⵏ ⵅⴼ ⵜⵎⵙⴰⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵏⴼⵍ ⵏ ⵜⵖⵉⵡⴰⵏⵜ ⵙ ⵢⵉⴳⵔ ⵏ ⵜⴰⵡⵉⵜ ⴳ ⵓⵏⴰⴳⵔⴰⵡ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵏⵏⵓⵕⵥⵎ ⴼⵍⵍⴰⵙ, ⵓⵔ ⴷ ⵅⵙ ⴰⴷ ⵜⴳ ⴰⵙⴰⵢⵔⴰⵔ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ.

ⵅⴼ ⵉⴳⴳⵉ ⵏ ⵜⵎⵙⵙⵉⵔⴷⵜ ⴰⴷ ⵏ ⵓⵏⵏⵓⵕⵥⵎ, ⵜⵙⵙⵓⵜⵉ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵅⴼ ⵓⵙⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵓⵙⴰⵜⵉ ⵉ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⵉⵏⴳⵔ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⵜⵎⵏⴰⴹⵜ ⵏ ⴷⵔⴰ ⵜⴰⴼⵉⵍⴰⵍⵜ ⴷ ⵜⵙⴷⴰⵡⵉⵜ ⵎⵓⵍⴰⵢ ⵙⵎⴰⵄⵉⵍ, ⵜⵙⵡⵓⵜⵜⵙ ⴰⵙⵕⵚⵚⴰ ⵏ ⵉⵎⴰⵙⵙⵏ ⵏ ⵜⵡⵓⵔⵉ ⵉⵛⵛⴰⵕⵏ ⵉⵏⴳⵔ ⵜⵙⵇⵇⵉⵎⵜ ⴷ ⵜⵙⴷⴰⵡⵉⵜ ⴷ ⵓⵙⵔⵇⴱ ⵏ ⵇⴰⵃ ⵜⵙⵏⵜⴰⵢⵉⵏ ⵉⵙⵡⵓⵜⵜⵙⵏ ⵜⴰⵏⴽⵔⴰ ⵙ ⵜⵉⵏⴷⵉⵜⵉⵏ ⴷ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴷⵓⵙ ⵏⵏⵙ ⴳ ⵓⴳⵏⵙⵓ ⵏ ⵜⵙⴷⴰⵡⵉⵜ.

ⵎⴽⴷⴰ ⵜⴳⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⴰⵙⵙ ⵏ ⵓⴽⵕⴰⵙ 30 ⵎⴰⵕⵚ, ⵢⴰⵏ ⵓⵔⵣⴰⴼ ⵙ ⵓⵙⵉⵏⴰⵏ ⵏ ⵓⵙⵎⴷⵉ ⵄⴱⴷ ⵍⵎⵓⵎⵏ ⴳ ⵜⵓⵏⴼⵉⵜ, ⵜⴰⵙⴳⴰ ⵏ ⵎⵉⴷⵍⵜ, ⵜⵎⵢⴰⵖ ⴰⴽⴷ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⵅⴼ ⵜⵓⵎⴰⵏⵜ ⵏ " ⵓⵙⵜⵉⵀⵍ ⵏ ⵓⵎⵥⵉⵢ ⴷ ⵜⵎⵢⴰⴳⴰⵏⵜ ⵏ ⵓⵣⵔⴼ ⴳ ⵜⴷⵓⵙⵉ ⴷ ⵓⵙⴳⵎⵉ ⴷ ⵓⵙⵎⵓⵜⵜⴳ", ⴰⴼⴰⴷ ⴰⴷ ⵉⵜⵜⵓⴳⴰ ⵓⴼⵔⴰⴽ ⵉ ⵜⵉⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⵙ ⵜⵎⵉⵜⴰⵔ ⵜⵉⵎⴷⵔⵓⵙⵉⵏ ⵏ ⵓⵙⵜⵉⵀⵍ ⵏ ⵜⵓⵎⵥⵉⵢⵉⵏ ⴷ ⵓⵎⵢⴰⵙⵙⴰ ⵏⵏⵙ ⴰⴽⴷ ⵓⵣⵔⴼ ⴳ ⵜⴷⵓⵙⵉ ⴷ ⵓⵣⵔⴼ ⴳ ⵓⵙⵍⵎⴷ, ⴷ ⵓⵍⴰ ⴰⵙⵏⵎⵍ ⵙ ⵜⵎⵢⴰⵇⵇⴰⵏⵜ ⵏ ⵡⴰⵣⵣⴰⵏ ⴷ ⵉⵎⵉⵙ ⴰⵏⴰⵎⵓⵔ ⵏ ⵓⵙⵎⴰⵎⵎⵉ ⵉⵥⵍⵉⵏ ⵙ ⵡⴰⵣⵣⴰⵏⵏ ⵓⵏⴳⵉⵙⵏ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ.