ⵉⴳⴰ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴰⵙⵎⴰⵔ ⵏ ⴽⵉⴳⴰⵏ ⵏ ⵉⵙⵖⵍⴰⴼ ⴷ ⵜⵙⵓⵎⴰⵔ ⴰⴼⴰⴷ ⴰⴷ ⵢⵉⵍⵉ ⵓⵙⴷⵓⵙ ⵉⵎⵓⴽⵏⵏ ⴷ ⵓⵙⵓⵊⴷ ⵏ ⵜⵏⴼⵔⵓⵜⵉⵏ ⵉⵙⵓⵖⵏⵏ ⵡⴰⵔ ⴰⵍⴰⵙ ⵏ ⵜⵕⵥⵉⵢⵉⵏ ⵣⵡⴰⵔⵏⵉⵏ. ⵏⵏⴰⵍⵏ ⵉⵙⵖⵍⴰⴼ ⴰⴷ ⵙ ⵜⵡⵉⵍⴰ ⵉⵥⵍⵉⵏ ⵅⴼ ⵜⵕⵚⵍⵉⵜ ⵜⴰⴷⵙⵜⴰⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⵖⵣⵏⵜ ⴷ ⵓⵣⵣⴳⵉⵔ ⵏ ⵜⵙⵜⵕⴰⵜⵉⵊⵉⵜ ⵜⴰⵏⴰⵎⵓⵔⵜ ⵉⵙⵎⴷⵏ ⵉ ⵓⵙⴱⴷⴷⵉ ⵏ ⵓⴼⴼⵔⵜⵍ ⵙⴳ ⵜⵎⵔⵔⵓⵜ, ⴷ ⵓⵙⴷⵓⵙ ⵏ ⵜⵔⵙⴰⵍ ⵏ ⵓⵡⴰⵏⴽ ⵏ ⵓⵣⵔⴼ ⴷ ⵓⵙⵍⴳⵏ, ⴷ ⵓⵙⵔⵓⵙ ⵏ ⵉⵎⴰⵙⵙⵏ ⴷ ⵜⴱⵔⵉⴷⵉⵏ ⵏ ⵓⴹⴼⴼⵓⵕ ⵏ ⴽⵔⴰ ⵏ ⵜⵎⵙⴰⵔⵉⵏ.

ⴳ 6 ⵉⵏⵏⴰⵢⵔ 2006, ⵉⵙⵏⴱⴳⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵕⵕⴱⴰⵟ, ⴽⵔⴰ ⵏ ⵓⵏⴳⵉⵙⵏ ⴷ ⵜⵡⵊⵉⵡⵉⵏ ⵏⵏⵙⵏ, ⴷ ⵉⴳⵎⴰⵎⵏ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ, ⴷ ⴽⵔⴰ ⵏ ⵉⵏⵎⵖⵓⵔⵏ ⵏ ⵉⵎⵓⵍⵍⵉⵜⵏ ⵉⵙⵔⵜⴰⵏⵏ ⴷ ⵉⴳⵏⵙⴰⵙ ⵏ ⵜⵎⴰⴷⴷⴰⵙⵉⵏ ⵏ ⵡⴰⵎⵓⵏ ⵓⵖⵔⵉⵎ, ⴰⴼⴰⴷ ⴰⴷ ⵉⴱⵔⵔⵃ ⵙ ⵓⵙⵏⵜⵉ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ. ⵙ ⵜⵎⵍⴷⴰ ⴰⴷ, ⵉⵙⵡⴰⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵏⴰⵡⵜ ⵉ ⵜⵎⵜⵜⵉ, ⵉⵙⵎⴰⴳⵍ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ (ⴰⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵖⵉⵍⴰⴷ) ⵙ ⵓⴹⴼⴼⵓⵕ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⵏⵏⵉ ⵉⵍⵍⴰⵏ ⴳ ⵜⴰⵏⴰⴹⵜ ⵏⵏⵙ ⵜⴰⵎⴳⴳⴰⵔⵓⵜ).

ⵙ ⵎⴰⵏ ⴰⵢⴰ, ⵉⵙⵖⵣⵏ ⵓⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵢⴰⵏ ⵓⵎⵏⴰⴷ ⴷ ⵢⴰⵜ ⵜⴱⵔⵉⴷⵜ ⵏ ⵜⵡⵓⵔⵉ ⵉⴱⴷⴷⵏ ⵅⴼ ⵓⵙⵡⵓⵜⵜⵓ ⵏ ⵢⵉⴳⵔⴰⵏ ⵏ ⵓⴹⴼⴼⵓⵕ ⴷ ⵜⴼⵓⵍⵉⵏ ⵏⵜⴰⵢⵏⵉⵏ ⵙⵉⵔⵙⵏ ⴷ ⵉⵎⴰⵙⵙⵏ ⵏ ⵜⵡⵓⵔⵉ, ⵉⵙⵡⵓⵔⵉ ⵅⴼ ⵓⵙⵔⵓⵙ ⵏ ⵜⵙⵇⵇⵉⵎⵜ ⵏ ⵓⴹⴼⴼⵓⵕ ⴳ ⵓⴳⵏⵙⵓ ⵏ ⵜⵓⵚⴽⵉⵡⵉⵏ ⵏⵏⵙ. ⵉ ⵓⵙⵙⴽⵜⵉ, ⵉⴽⴽⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴳⴰ ⴰⵍⴰⵙ ⵏ ⵓⵥⵟⵟⴰ ⵏ ⵜⵙⵇⵇⵉⵎⵜ ⴷ ⵓⵙⴷⵓⵙ ⵏⵏⵙ ⴰⵙⴳⴳⵯⴰⵙ ⵏ 2020.

“ⵉⴽⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⵉⵙⵎⴰⴳⵍ ⴰⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (ⴰⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵖⵉⵍⴰⴷ), ⴰⵙⴳⴳⵯⴰⵙ ⵏ 2006, ⵙ ⵓⴹⴼⴼⵓⵕ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ, ⵖ ⵉⵍⵍⴰ ⴰⵡⴷ ⵓⵎⵓⴽⵏ ⵏ ⵉⵎⴰⵍⴰⴷⵏ ⴷ ⵡⴰⵔⵔⴰⵣ ⴰⵥⵕⴼⴰⵏ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵓⵙⵎⵙⴰⵙⴰ ⵏ ⵉⵙⵓⵔⵙⵏ ⵉⵎⵙⵙⵓⴳⵓⵔⵏ ⴷ ⵉⵥⵕⴼⴰⵏⵏ ⴷ ⵓⵖⴰⵎⵓⵙ ⴰⴷⵓⵙⴰⵏ; ⵏⵉⵙⴰⵏ ⵎⴰⵙ ⵉⵙⵓⵍ ⵓⵙⵇⵇⵉⵎ ⴷⴰ ⵉⵜⵜⴳⴳⴰ ⵜⴰⵙⵎⵉⴳⵍⵜ ⴰⴷ ⵙ ⵓⵙⴽⴰⵔ ⵙ ⵜⵣⵣⵉⴳⵣⵉⵏ ⵏⵏⵉ ⵉⵣⵎⵔⵏ ⴰⴷ ⵉⵙⴷⵓⵙ ⴰⴱⵔⵉⴷ ⴰⴷ. ⵙ ⵓⵎⴷⵢⴰ ⴷⴰⵢ, ⵏⴳⴰ ⴰⵙⴳⴳⵯⴰⵙ ⵏ 2020 ⴰⵍⴰⵙ ⵏ ⵓⵥⵟⵟⴰ ⵏ ⵜⵙⵇⵇⵉⵎⵜ ⵏ ⵓⵙⵎⵀⵍ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ, ⵏⵙⵡⵓⵔⵉ ⵅⴼ ⵓⵙⵔⵓⵙ ⵏ ⵢⴰⵏ ⵓⴼⵔⴷⵉⵙ ⵏ ⵓⵃⵟⵟⵓ ⵏ ⵜⵎⴽⵜⵉⵜ ⴷ ⵜⵏⴽⵔⴰ ⵙ ⵓⵎⵣⵔⵓⵢ ⴰⵎⵖⵔⵉⴱⵉ ⵙ ⵜⵓⴳⵜ ⵏ ⵉⵎⵓⵖⵍⵏ ⵏⵏⵙ ⴰⵙⴳⴳⵯⴰⵙ ⵏ 2021. ⵏⵣⴷⵉ ⴰⵡⴷ ⵜⴰⴹⴼⵕⵉ ⵏ ⵜⵣⵣⵉⴳⵣⵉⵏ ⵜⵜⵓⵣⵎⵎⴻⵎⵏⵉⵏ ⴳ ⵢⵉⴳⵔ ⵏ ⵜⵙⵏⵉⵊⵊⵉⵜ ⵜⵓⵍⴳⵉⵏⵜ ⴷ ⵓⵙⴼⵙⵉ ⴰⵊⵉⵏⵉ ⴰⴼⴰⴷ ⴰⴷ ⵢⵉⵍⵉ ⵓⵙⵎⵙⴰⵙⴰ ⵏ ⵡⴰⴷⴷⴰⴷⵏ ⵜⵜⵢⴰⴳⴰⵍⵏⵉⵏ, ⴰⵖⵓⵍⵏⵜ ⵜⵎⴳⴳⵉⵜⵉⵏ ⵏⵏⵉ ⵉⵜⵜⵓⴳⴰⵏ ⴳ ⵓⵎⵏⵉⴷ ⴰⴷ ⵙ ⵓⵙⴳⴳⵯⴰⵙ ⵏ 2023”.

ⴰⵎⵉⵏⴰ ⴱⵓⵄⵢⵢⴰⵛ

ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ

 

ⵉⴷⴷⵖ ⵉⵎⵏⴰⵍⴰ ⵓⵏⴳⵎⴰⵎ ⴽⵔⴰ ⵏ ⵉⵏⵎⵔⴰⵏ ⴳ ⵎⴰⴷ ⵉⵣⴷⵉⵏ ⵙ ⵓⵙⵙⵉⴷⴷ ⵅⴼ ⴽⵔⴰ ⵏ ⵡⴰⴷⴷⴰⴷⵏ, ⵜⵙⵖⵍⴼ ⵜⴰⵏⴰⴹⵜ ⵏⵏⵙ ⵜⴰⵎⴳⴳⴰⵔⵓⵜ ⵙ ⵓⵣⵣⵉⴳⵣ ⵏ ⵓⵔⵣⵣⵓ, ⵙⵍⴰⵡⴰⵏ ⴰⴽⴽⵯ ⵅⴼ ⵡⴰⴷⴷⴰⴷⵏ ⵏ ⵓⵏⵖⵓⴱⵓ ⵓⵛⵛⵉⵍ ⵏⵏⵉ ⵎⵉ ⵓⵔⵜⴰ ⵜⴼⴰⵡ ⵜⵓⵖⵓⵍⵜ ⵏⵏⵙⵏ, ⴷ ⵉⴳⵉ ⵏ ⵜⵓⴳⴳⴰⵣ ⴰⴽⴽⵯ ⴳ ⵓⵙⴰⴳⴳⵯ ⵅⴼ ⵉⵎⵊⵕⵉⵜⵏ ⵏⵏⵉ ⵓⵔ ⵉⵜⵜⵡⴰⵙⵙⴰⵏⵏ. ⵜⴰⵎⵓ ⵜⵡⵓⵔⵉ ⵏⵏⵉ ⵉⵜⵜⴳⴳⴰ ⵓⵏⴳⵎⴰⵎ ⵏ ⵓⴹⴼⴼⵓⵕ ⴳ ⵜⵙⵓⵍⴰⵏⵜ ⴰⴷ, ⵢⴰⵡⵣ ⵅⴼ ⵓⵙⴱⵓⵖⵍⵓ ⵏ ⵜⴱⵔⵉⴷⵜ ⵏⵏⵙ ⴷ ⵓⵙⴷⵓⵙ ⵏ ⵉⵎⴰⵙⵙⵏ ⵏ ⵜⵡⵓⵔⵉ ⵏⵏⵙ ⵙ ⵓⵎⵙⴰⵙⴰ ⴰⴽⴷ ⵜⵣⵣⵉⴳⵣⵉⵏ ⵉⵜⵜⵓⵣⵎⵎⴰⵎⵏ ⴳ ⵢⵉⴳⵔⴰⵏ ⴳⴳⵓⵜⵏⵉⵏ. ⴳ ⵉⵜⵙⵏ ⵡⴰⴷⴷⴰⴷⵏ ⴽⵔⵙⵏⵉⵏ, ⵢⵓⵡⵙ ⵓⵙⵇⵇⵉⵎ ⵏ ⵓⴹⴼⴼⵓⵕ ⵙ ⵜⵎⵓⵣⴰⵢⵉⵏ ⵜⵉⵎⴰⵙⵙⴰⵏⵉⵏ ⴳ ⵢⵉⴳⵔⴰⵏ ⵏ ⵜⵙⵏⵉⵊⵊⵉⵜ ⵜⵓⵍⴳⵉⵏⵜ ⴷ ⵓⵙⴼⵙⵉ ⴰⵊⵉⵏⵉ, ⴷ ⵉⵙⴰⵔⵎⵏ ⵉⵏⴰⵎⵓⵔⵏⵏ ⴷ ⵉⴳⵔⴰⵖⵍⴰⵏⵏ

ⵜⴰⵎⴰⵖⵓⵏⵜ ⵙ ⵉⵣⵡⵉⵍⵏ

ⴰⵣⵓⵣⵣⴼ ⵏ ⵜⵉⴷⵜ:

  • ⵉⵙⵎⴽⵍ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ 803 ⵏ ⵡⴰⴷⴷⴰⴷⵏ ⵏ ⵓⵏⵖⵓⴱⵓ ⵓⵛⵛⵉⵍ, ⵉⵙⵙⴼⴰⵡ ⵜⵉⴷⵜ ⵅⴼ ⵜⵓⵖⵓⵍⵜ ⵏⵏⵙⵏ ;
  • ⵉⵜⵜⵓⵙⵡⵓⵜⵜⴰ ⵓⴷⵖⴰⵔ ⵏ 385 ⵏ ⵓⵙⵎⴹⵍ ⵙ ⵜⵡⵉⵍⴰ ⵉⵜⵜⵓⵙⵓⴷⴻⴷⵏ ;
  • ⵓⵙⵉⵏ ⵉⵎⵙⴳⵏⴰⴼⵏ ⵓⵍⴳⵉⵏⵏ 44 ⵏ ⵜⴳⵣⵣⵓⵎⵉⵏ ⵙⴳ ⵉⵅⵙⴰⵏ ⵏ ⵓⵏⴳⵉⵙⵏ ⵏⵏⵉ ⵎⵉ ⵓⵔ ⵜⴻⵜⵜⵓⵙⵡⵓⵜⵜⵓ ⵜⵓⵖⵓⵍⵜ ⵏⵏⵙⵏ ⴳ ⵜⵉⵣⵉ ⵜⴰⵣⴳⵔⴰⵔⵜ ⵙⴳ ⴷⵓⵊⴰⵏⴱⵉⵔ 2005 ⴰⵔ ⵎⴰⵢⵢⵓ 2012, ⵜⵜⵢⴰⵣⴰⵏⵏ ⵙ ⵓⵙⴰⵔⵎ ⵏ ⵓⵙⴼⵙⵉ ⴰⵊⵉⵏⵉ ⴳ ⴱⵕⵕⴰ, ⵃⵎⴰ ⴰⴷ ⵜⵜⵓⴳⴰⵏ ⵉⵣⵣⵔⴰⵢⵏ ⵉⵊⵉⵏⵉⵢⵏ ⵉⵏⴱⵣⴰⵣⵏ ;
  • ⵙⴳ 44 ⵏ ⵓⴳⵣⵣⵓⵎ ⵏ ⵢⵉⵅⵙⴰⵏ, ⵜⵜⵢⴰⴼⴰⵏⵜ 35 ⵏ ⵜⵢⴰⴼⵓⵜⵉⵏ ⵜⵓⵎⵏⵉⴳⵉⵏ ;
  • 09 ⵏ ⵉⴳⵣⵣⵓⵎⵏ ⵏ ⵓⵙⵎⴻⵎ ⴰⵎⵖⵢⴰⵢ ⴰⴷ ⵉⴼⵙⵉⵏ ⵓⵔ ⴼⴽⵉⵏ ⴰⵡⴷ ⵢⴰⵜ ⵜⵢⴰⴼⵓⵜ
  • ⵜⴳⴰ ⵜⵔⴰⴱⴱⵓⵜ ⵜⴰⵎⴰⵙⵙⴰⵏⵜ ⵙ ⵓⵃⵔⴰⵢ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⴳⴳⵯⴰⵙ ⵏ 2022, ⴹⴰⵕⴰⵜ ⵎⴰⴷ ⵉⵙⵙⵏ ⵜⵉⵣⵣⵉⴳⵣⵉⵏ ⵜⵉⵎⴰⵙⵙⴰⵏⵉⵏ ⵣⴷⵉⵏⵉⵏ ⵙ ⵉⴳⵣⵣⵓⵎⵏ ⵏ ⵉⵅⵙⴰⵏ ⵏⵏⵉ ⵎⵉ ⵉⴼⵙⵉ ⵓⵙⵎⴻⵎ ⴰⵎⵖⵢⴰⵢ, ⵢⴰⵜ ⵜⵙⵎⵓⵏⵉ ⴰⴽⴷ ⵓⵙⴰⵔⵎ ⴰⴼⴰⴷ ⴰⴷ ⵢⴰⵍⵙ ⵉⵙⴼⵙⵉⵜⵏ ⵉ ⵡⴰⴷⴷⴰⴷⵏ ⵉⵜⵜⵢⴰⴳⴰⵍⵏ ⵙ ⵜⵥⴰ, ⵜⵜⵢⴰⵎⴰⵥⵏⵜ ⵜⵢⴰⴼⵓⵜⵉⵏ ⵜⵉⵎⵣⵡⵓⵔⴰ ⴳ ⵢⵓⵍⵢⵓⵣ 2023.

ⵉⵙⵖⵣⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⵜⴰⴼⵍⵙⴰⴼⵜ ⵉⵥⵍⵉⵏ ⴷ ⵜⵎⵢⴰⴷⴰⵙⵜ ⵜⴰⵖⵣⵓⵔⴰⵏⵜ ⴳ ⵢⵉⴳⵔ ⵏ ⵓⵙⵓⵎⴰ ⵏ ⵓⵏⴳⵉⵙⵏ, ⵉⵙⵏⴰⵍ ⵅⴼ ⵓⵣⴷⴰⵢ ⵙ ⵜⵡⵉⵍⴰ ⵉⴷⵓⵙⵏ ⵉⵏⴳⵔ ⵜⵣⵔⴼⵜ ⴷ ⵓⵎⵙⴼⵔⵓ ⴷ ⵓⵎⵓⴽⵏ ⵏ ⵓⵎⴰⵍⴰⴷ, ⵙ ⵢⴰⵜ ⵜⵙⵔⵜⵉⵜ ⴷ ⵉⵖⴰⵡⴰⵙⵏ ⵓⴼⵔⵉⴷⵏ ⴷ ⵉⵎⵙⵏⴼⵍⵓⵍⵏ. ⵎⴽⴷⴰ ⵉⵣⵎⵔ ⵓⵏⴳⵎⴰⵎ, ⵙ ⵓⵖⵓⵍ ⵙ ⵉⵙⴳⵓⴷⵉⵢⵏ ⵉⵏⵣⵔⴼⴰⵏ ⵉⵏⴰⵎⵓⵔⵏⵏ ⴷ ⵜⵉⵔⵎⵉⵜⵉⵏ ⵜⵉⴳⵔⴰⵖⵍⴰⵏⵉⵏ, ⵙ ⵓⵙⵔⵓⵙ ⵏ ⵓⵏⴳⵔⴰⵡ ⴰⴷⵙⵍⴰⵏ ⴷ ⵉⵖⴰⵡⴰⵙⵏ ⴷ ⵉⴱⵔⴷⴰⵏ ⵏ ⵜⵡⵓⵔⵉ ⵉⵙⴰⴷⵎⴰⵔⵏ ⵉ ⵉⵙⵉⵜⴰⵎ ⵉⵜⵜⵓⵙⵡⵓⵜⵜⴰⵏ. ⴰⵡⵙⵏⵜ ⴽⵉⴳⴰⵏⵜ ⵏ ⵜⵎⴳⴳⵉⵜⵉⵏ ⴷ ⵜⵙⵏⵜⴰⵢⵉⵏ ⵏⵏⵉ ⵉⵜⵜⵓⴳⴰⵏ ⴷⴰⵜ ⴰⵙⵔⵓⵙ ⵏ ⵓⵏⴳⵎⴰⵎ ⴳ ⵓⵙⵎⵙⴰⵙⴰ ⵏ ⵜⴷⴰⵙⵉⵍⵜ ⴷ ⵢⵓⵙⴰⵏ ⵏⵏⵉ ⴰⵙ ⵢⵓⵡⵙⵏ ⴰⴷ ⵉⴳ ⵜⵉⵙⵎⵉⴳⴰⵍ ⵏⵏⵉ ⵙ ⵉⵏⵏⵖⵍⴼ, ⴰⵎ ⴰⵙⵓⵔⴼ ⵉ ⵉⵏⴰⵎⵓⵥⵏ ⵉⵙⵔⵜⴰⵏⵏ, ⴰⵙⵎⵙⴰⵙⴰ ⵏ ⵉⵙⵓⵔⵙⵏ ⵏⵏⵙ ⵉⵣⵣⵓⵍⴰⵏⵏ ⴷ ⵉⵎⵙⵙⵓⴳⵓⵔⵏ ⴷ ⵓⵡⵔⵔⵉ ⵏ ⵉⵎⵣⵡⵓⴳⵏ ⴷ ⵉⵎⵣⵡⴰⴳⵏ ⴷ ⵜⵓⴽⴽⵉ ⵏ ⵡⴰⵔⵔⴰⵣⵏ ⵉ ⵓⵏⴳⵉⵙⵏ ⵏ ⵜⵕⵥⵉⵢⵉⵏ ⵏⵏⵉ ⵉⵖⵜⵙ ⵓⵏⴳⵎⴰⵎ ⴰⵙⵉⵎⴰⵏ ⵏ ⵜⵏⴼⵔⵉⵜ ⵏⵏⵉ ⵉⵣⵡⵓⵔⵏ ⴰⵙⵔⵓⵙ ⵏ ⵓⵏⴳⵎⴰⵎ... ⴷ ⵓⴳⴳⴰⵔ.

ⵉⵖⵜⵙ ⵓⵏⴳⵎⴰⵎ ⴳ ⵜⵓⵜⵜⵔⵉⵡⵉⵏ ⵏⵏⵉ ⴼⵍⵍⴰⵙ ⵉⵜⵜⵓⴼⵙⵔⵏ ⴷ ⵏⵏⵉ ⵉⵣⴷⵉⵏ ⴷ ⵡⴰⵔⵔⴰⵣ ⵅⴼ ⵉⵎⴰⵍⴰⴷⵏ ⵏⵏⵉ ⵢⵓⵡⴹⵏ ⵓⵏⴳⵉⵙⵏ ⵏ ⵜⵕⵥⵉⵢⵉⵏ ⵀⵔⵛⵏⵉⵏ ⵏⵉⵖ ⵉⴷ ⴱⵓ ⵉⵣⵔⴼⴰⵏ, ⵉⴼⴽ ⵜⵉⵙⵓⵎⴰⵔ ⴷ ⵉⵙⵖⵍⴰⴼ ⴰⴼⴰⴷ ⴰⴷ ⵉⵍⵉⵏ ⵉⴼⵙⴰⵢⵏ ⵉ ⵜⵎⵙⴰⵔⵉⵏ ⵏ ⵓⵙⵖⵔⵜ ⴰⵏⵢⵉⵎⴰⵏ ⴷ ⵓⴷⵓⵙⴰⵏ ⴷ ⵓⵙⵉⴷⴼ ⴰⵏⴰⵎⵓⵏ, ⴷ ⵓⵙⵎⴰⴷ ⵏ ⵉⵎⵓⴽⵔⵉⵙⵏ ⵉⵎⵙⵙⵓⴳⵓⵔⵏ ⴷ ⵉⵙⵖⵏⴰⵏⵏ ⴷ ⵓⵍⴳⵉⵏⵏ ⵇⴰⵎⴰⵏⵉⵏ ⵉ ⴽⵔⴰ ⵏ ⵓⵏⴳⵉⵙⵏ.

ⴰⵔ ⵉⵜⵜⴰⵏⵏⴰⵢ ⵓⵏⴳⵎⴰⵎ ⵎⴰⵙ ⵉⴳⴰ ⵡⴰⵔⵔⴰⵣ ⴰⵥⵕⴼⴰⵏ ⵢⴰⵏ ⵓⵣⵔⴼ ⵙⴳ ⵉⵣⵔⴼⴰⵏ ⵉⴷⵙⵍⴰⵏⵏ ⵉ ⵓⵏⴳⵉⵙⵏ ⵏ ⵜⵕⵥⵉⵢⵉⵏ, ⵜⴳ ⵏⵏ ⴼⵍⵍⴰⵙ ⵢⴰⵜ ⵜⵎⴰⴳⵍⴰⵢⵜ ⵉⵥⵍⵉⵏ. ⵎⴽⴷⴰ ⵜⵙⵖⵣⵏ ⵉⵎⵏⵣⴰⵢⵏ ⴷ ⵉⵏⴰⵡⴰⵢⵏ ⴷ ⵉⴼⵔⴷⵉⵙⵏ ⵏ ⵓⵙⵉⴹⵏ ⵉⵏⵖⴷⵏ ⵉⵡⵇⵇⵔⵏ ⵉⵙⴽⵉⵍ ⴷ ⵜⴱⴷⴰⴷⵜ ⵉⵏⴳⵔ ⵓⵏⴳⵉⵙⵏ. ⵢⴰⵡⴹ ⵓⵟⵟⵓⵏ ⵏ ⵓⵏⴳⵉⵙⵏ ⴷ ⵉⴷ ⴱⵓ ⵉⵣⵔⴼⴰⵏ ⵏⵏⵉ ⵉⵏⴱⵖⵔⵏ ⵙ ⵡⴰⵔⵔⴰⵣ ⴰⵥⵕⴼⴰⵏ ⵏⵏⵉ ⴼⴽⴰⵏ ⵉⵏⴳⵎⴰⵎⵏ (ⴰⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴷ ⵓⵏⴳⵎⴰⵎ ⴰⵙⵉⵎⴰⵏ ⵏ ⵜⵏⴼⵔⵉⵜ) 20533 ⵏ ⵓⴳⴳⵉⴷ, ⵙⴳⵉⵙⵏ 8117 ⵏ ⵜⵎⵖⴰⵔⵜ. ⵢⴰⵡⴹ ⵡⴰⵜⵉⴳ ⴰⵎⴰⵜⵓ ⵏ ⵡⴰⵔⵔⴰⵣⵏ ⵏⵏⵉ ⵙⵎⵏⵉⴷⵏ ⵉⵏⴳⵎⴰⵎⵏ ⵙ ⵙⵉⵏ : 1.334.413.327,43 ⵏ ⵉⴷ ⴷⵔⵀⵎ.

ⵉⵙⵔⵙ ⵓⵏⴳⵎⴰⵎ ⵙⴳ ⵓⵏⵀⵍⵍⴰ ⴰⴷⵓⵙⴰⵏ ⵉ ⵓⵏⴳⵉⵙⵏ ⵏ ⵜⵕⵥⵉⵢⵉⵏ ⴳ ⵉⵙⵉⵣⵡⵉⵔⵏ ⵏⵏⵙ, ⵉⵙⵡⵓⵔⵉ ⵅⴼ ⵓⵙⵉⴷⴼ ⵏⵏⵙ ⴳ ⵓⵙⴰⵜⵉ ⵏ ⵢⴰⵜ ⵜⵎⵢⴰⴷⴰⵙⵜ ⵜⴰⵖⵣⵓⵔⴰⵏⵜ ⵏ ⵓⵎⵓⴽⵏ ⵏ ⵉⵎⴰⵍⴰⴷⵏ ⴷ ⵉⵎⵓⴽⵔⵉⵙⵏ ⵉⴷⵓⵙⴰⵏⵏ ⵏⵏⵉ ⵙⴳ ⵉⵜⵜⵏⵎⵔⴰⵏ ⵓⵏⴳⵉⵙⵏ ⴷ ⵉⴷ ⴱⵓ ⵉⵣⵔⴼⴰⵏ, ⴷ ⵓⵙⵉⴳⴳⵍ ⵏ ⵉⴱⵔⴷⴰⵏ ⴷ ⵢⵓⵙⴰⵏ ⵉ ⵓⴼⵙⴰⵢ ⵏⵏⵙⵏ, ⵢⴰⵡⴹ ⵓⵟⵟⵓⵏ ⵏ ⵜⴽⴰⵕⴹⵉⵡⵉⵏ ⵏ ⵓⵖⴰⵎⵓⵙ ⴰⴷⵓⵙⴰⵏ ⵉⵜⵜⵡⴰⴱⴹⴰⵏ 9021 ⵏ ⵜⴽⴰⵕⴹⴰ  ⵙ ⵢⴰⵏ ⵡⴰⵜⵉⴳ ⴰⵎⵙⵎⵓⵏ 216.138,771,00 ⵏ ⵉⴷ ⴷⵔⵀⵎ. ⵅⴼ ⵉⴳⴳⵉ ⵏ ⵎⴰⵢⴰ, ⵉⵣⴷⵉ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⵎⵏⵉⴷ ⵏ ⵜⵡⵉⵙⵉ ⵜⴰⵎⵙⵏⵉⵊⵊⵉⵜ ⵉ ⵡⴰⴷⴷⴰⴷⵏ ⵎⵎⵔⵏⵉⵏ. ⵙⴳ ⵍⵍⵉⴳ ⵜⴻⵜⵜⵡⴰⵙⵔⴰⵙ ⵜⵙⵇⵇⵉⵎⵜ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ, ⵉⵙⵎⴰⴳⵍ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ 505 ⵏ ⵜⵎⴳⴳⵉⵜ ⵜⴰⵎⵙⵏⵉⵊⵊⵉⵜ ⵙ ⵡⴰⵜⵉⴳ ⴰⵎⵙⵎⵓⵏ ⵉⴳⵓⵍⴰⵏ  3 125 367.01 ⵏ ⵉⴷ ⴷⵔⵀⵎ.

ⵉⵡⵛⴰ ⵓⵏⴳⵎⴰⵎ ⵜⵉⵏⴷⵉ ⴰⵎ ⵜⴰⵏⵏⴰ ⵉⴼⴽⴰ ⵉ ⵜⵡⵉⵍⴰⵜⵉⵏ ⵢⴰⴹⵏⵉⵏ ⵏ ⵓⵎⵓⴽⵏ ⵏ ⵉⵎⴰⵍⴰⴷⵏ ⵙ ⵓⵎⵙⴰⵙⴰ ⴷ ⵜⵎⵢⴰⴷⴰⵙⵜ ⵜⴰⵖⵣⵓⵔⴰⵏⵜ, ⵙ ⵎⴰⵏ ⴰⵢⴰ, ⵉⵙⵖⵣⵏ ⵉⵙⴳⵔⵏ ⵢⴰⴹⵏⵉⵏ ⴳ ⵉⵖⴰⵡⴰⵙⵏ ⵏⵏⵙ ⵏ ⵓⵎⵓⴽⵏ ⵏ ⵉⵎⴰⵍⴰⴷⵏ, ⵅⴼ ⵉⴳⴳⵉ ⵏ ⵡⴰⵔⵔⴰⵣ ⴰⵥⵕⴼⴰⵏ, ⵙⴱⵖⵔⵏ 1502 ⵏ ⵓⵏⴳⵉⵙⵏ ⴷ ⵉⴷ ⴱⵓ ⵉⵣⵔⴼⴰⵏ ⵙⴳ ⵡⴰⵍⴰⵙ ⵏ ⵓⵙⵉⴷⴼ ⴰⵏⴰⵎⵓⵏ ⵙ ⵓⵎⵙⴰⵙⴰ ⴷ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ.

ⵜⵙⵡⵓⵔⵉ ⵜⵏⴱⴰⴹⵜ ⵏ ⵜⵡⴰⵍⴰ, ⴷⴰⵜ ⴰⵙⵔⵓⵙ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴷ ⵓⵏⴳⵎⴰⵎ ⴰⵙⵉⵎⴰⵏ ⵏ ⵜⵏⴼⵔⵉⵜ, ⵅⴼ ⵓⵙⵎⵙⴰⵙⴰ ⵏ ⵓⵙⵓⵔⵙ ⴰⵎⵙⵙⵓⴳⵓⵔ ⴷ ⵓⵥⵕⴼⴰⵏ ⵏ 1000 ⵏ ⵓⵎⵙⵖⴰⵏ ⴰⵎⵣⵡⴰⵔ, ⴹⴰⵕⴰⵜ ⵎⴰⴷ ⵜⵜⵡⴰⵙⴱⴷⴷⴰⵏ ⵏⵉⵖ ⵜⵜⵡⴰⵥⵥⵍⵏ ⵙ ⵜⵎⵏⵜⵉⵍⵜ ⵏ ⵉⵎⵓⵙⵙⵓⵜⵏ ⵏⵏⵙⵏ ⵉⵙⵔⵜⴰⵏⵏ, ⵙⴳ ⵜⵙⴳⴰ ⵏⵏⵙ, ⵜⴳⴰ ⵜⵙⵇⵇⵉⵎⵜ ⵏ ⵓⴹⴼⴼⵓⵕ ⴰⵙⵎⵙⴰⵙⴰ ⵏ ⵉⵙⵓⵔⵙⵏ ⵉⵎⵙⵙⵓⴳⵓⵔⵏ ⴷ ⵉⵥⵕⴼⴰⵏⵏ ⵉ 510 ⵏ ⵉⵎⵙⵖⴰⵏⵏ.

ⵢⵓⵡⵉ ⴷ ⵓⵏⴳⵔⴰⵡ ⴰⴷⵙⵍⴰⵏ ⵏ ⵓⵏⴳⵎⴰⵎ ⵅⴼ ⵓⵔⵎⵎⵓⵙ ⵏ ⵓⵎⵓⴽⵏ ⵏ ⵓⵎⴰⵍⴰⴷ ⴳ ⵓⵙⴰⵜⵉ ⴰⵎⴰⵜⴰⵢ ⵏⵉⵖ ⴰⵎⴳⵔⵓ, ⵙ ⵎⴰⵏ ⴰⵢⴰ ⵉⵙⴷⵓⵙ ⵓⵏⴳⵎⴰⵎ ⵜⴰⵎⵢⴰⴷⴰⵙⵜ ⵏⵏⵙ ⵉ ⵓⵙⵏⵜⵍ, ⵉⵙⵖⵍⴼ ⵙ ⵜⵓⴽⴽⵉ ⵏ ⵜⵉⵏⴷⵉ ⵉⵥⵍⵉⵏ ⵉ ⵉⵣⵔⴼⴰⵏ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ ⴷ ⵉⴷⵍⵙⴰⵏⵏ ⴷ ⵉⵡⵏⴹⴰⵏⵏ ⴳ ⵜⵙⴳⴳⵯⵉⵏ ⵏⵏⵉ ⵉⵙⵙⵏⵏ ⵉⵎⵊⵕⵉⵜⵏ ⴳ ⵉⵣⵔⵉ, ⵜⵜⵡⴰⵙⵙⵏⵜ ⵙ ⵉⵎⵊⵕⵉ ⵏ ⵜⵕⵥⵉⵢⵉⵏ ⵀⵔⵛⵏⵉⵏ, ⵏⵉⵖ ⵜⵉⴷ ⵏⵏⵉ ⵖ ⵍⵍⴰⵏ ⵡⴰⵎⵎⴰⵙⵏ ⵏ ⵓⵏⵖⵓⴱⵓ ⵓⵛⵛⵉⵍ ⴷ ⵡⴰⵎⵎⴰⵥ ⵓⵏⵜⵉⵍ ⴰⵔⵓⵍⴳⵉⵏ, ⵎⵎⵔⵏⵜ ⵙⴳ ⵓⴽⵓⴽⴹ ⴰⵏⴰⵎⵓⵏ ⴷ ⵓⴷⵎⵙⴰⵏ.
ⵉⵙⵔⵙ ⵓⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙⴳ ⵓⵙⵏⵜⵉ ⵏ ⵓⵖⴰⵡⴰⵙ ⴰⵙⴳⴳⵯⴰⵙ ⵏ 2007, ⴰⵙⴰⵜⵉ ⴰⵎⵔⵙⴰⵍ ⴷ ⵢⵓⵙⴰⵏ ⵉ ⵓⴹⴼⴼⵓⵕ ⵏ ⵓⵙⵎⵀⵍ ⵏ ⵉⵖⴰⵡⴰⵙⵏ ⵏ ⵓⵎⵓⴽⵏ ⵏ ⵓⵎⴰⵍⴰⴷ ⴰⵎⴳⵔⵓ, ⵙ ⵓⵙⵔⵓⵙ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵜⵓⵢ ⴷ ⵉⴼⵔⴷⵉⵙⵏ ⵏ ⵓⵙⵡⵓⴷⴷⵓ ⴷ ⵓⵍⴰ ⴰⵙⵔⵓⵙ ⵏ ⵜⵙⵎⵣⴷⴰⵢⵉⵏ ⵜⵉⴷⵖⵔⴰⵏⵉⵏ ⵉⵥⵍⵉⵏ ⵙ ⵜⵏⴼⵔⵓⵜ ⵏ ⵓⴹⴼⴼⵓⵕ ⴰⵜⵉⵇⵏⵉ ⵉ ⵉⵖⴰⵡⴰⵙⵏ ⴷ ⵓⵙⵎⵓⵙⵙⵓ ⵏ ⴽⵉⴳⴰⵏ ⵏ ⵉⵎⴷⵔⴰⵡⵏ. ⵜⵜⵓⵙⵙⴳⵎⴹⵏⵜ 23 ⵏ ⵜⵎⵢⴰⵇⵇⴰⵏⵉⵏ ⴷ ⵓⵣⵣⴳⵉⵔ ⵏ 149 ⵏ ⵓⵙⵏⵜⵉ ⵙ ⵡⴰⵜⵉⴳ ⵏ 159.799.892,00 ⵏ ⵉⴷ ⴷⵔⵀⵎ, ⵙⴳⵉⵙ 75% ⵏ ⵜⴷⵔⴰⵡⵉⵏ ⵜⵉⵏⴰⵎⵓⵔⵉⵏ (ⵜⴰⵏⴱⴰⴹⵜ/ⴰⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ/ⵜⴰⴼⵏⵉⵇⵜ ⵏ ⵓⵙⵔⵙ ⴷ ⵓⵙⵡⵓⴷⴷⵓ/ⵜⴰⴷⵔⴰⵡⵜ ⵏ ⵜⵎⵙⵎⵓⵏⵉⵏ ⵜⵉⴷⵖⵔⴰⵏⵉⵏ) ⴷ 25% ⵏ ⵜⴷⵔⴰⵡⵉⵏ ⵏ ⵉⵎⴷⵔⴰⵡⵏ ⵉⴳⵔⴰⵖⵍⴰⵏⵏ.
ⴳ ⵓⵙⴰⵜⵉ ⵏ ⵓⴹⴼⴼⵓⵕ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⴳ ⵎⴰⴷ ⵉⵥⵉⵏ ⵙ ⵓⵎⵓⴽⵏ ⴰⵎⴳⵔⵓ, ⵜⴳⴰ ⵜⵙⵇⵇⵉⵎⵜ ⵏ ⵓⴹⴼⴼⵓⵕ ⵉⵙⵖⵍⴰⴼ ⴰⵙⵔⵓⵙ ⵏ ⵓⵙⴰⵜⵉ ⴰⵎⵔⵙⴰⵍ ⴷ ⵢⵓⵙⴰⵏ ⵉⵜⵜⵡⴰⵙⵏⴰⵢⵏ ⵙⴳ ⵉⵎⴷⵔⴰⵡⵏ ⵓⵏⴱⵉⴹⵏ ⴷ ⵡⴰⵔ ⵓⵏⴱⵉⴹⵏ, ⵉⵣⵣⴳⵔ ⴰⵖⴰⵡⴰⵙ ⵏ ⵜⴰⵎⵓⵏⵜ ⴰⴽⴷ ⵉⵙⵖⵍⴰⴼ ⵏ ⵓⵏⴳⵎⴰⵎ ⵉⵣⴷⵉⵏ ⵙ ⵜⵎⵃⴹⵉⵜ ⴷ ⵓⵎⵣⵔⵓⵢ ⴷ ⵜⵎⴽⵜⵉⵜ (Programme IER2).

ⵉⵎⵓⴽⵏⵏ ⵓⵣⵔⵉⴼⵏ ⴷ ⵉⵎⵔⵙⴰⵍⵏⵏ ⴳ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ

ⵉⴳⴰ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴰⵙⵎⴰⵔ ⵏ ⴽⵉⴳⴰⵏ ⵏ ⵉⵙⵖⵍⴰⴼ ⴷ ⵜⵙⵓⵎⴰⵔ ⵉ ⵓⵙⴷⵓⵙ ⵏ ⵉⵎⵓⴽⵏⵏ ⴷ ⵓⵙⵓⵊⴷ ⵏ ⵜⵏⴼⵔⵓⵜⵉⵏ ⵉⵙⵓⵖⵏⵏ ⵉ ⵡⴰⵔ ⴰⵍⴰⵙ ⵏ ⵜⵕⵥⵉⵢⵉⵏ ⵉⵣⵡⵓⵔⵏ. ⵏⵏⵓⵎⵙⵏ ⵉⵙⵖⵍⴰⴼ ⴰⴷ ⵙ ⵜⵡⵉⵍⴰ ⵉⵥⵍⵉⵏ ⵅⴼ ⵜⵕⵥⵍⵉⵜ ⵜⴰⴷⵙⵜⴰⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵙⵖⵣⵏ ⴷ ⵓⵣⵣⴳⵉⵔ ⵏ ⵜⵙⵜⵕⴰⵜⵉⵊⵉⵜ ⵜⴰⵏⴰⵎⵓⵔⵜ ⵉⵙⵎⴷⵏ ⵉ ⵓⵙⴱⴷⴷⵉ ⵏ ⵓⴼⴼⵔⵜⵍ ⵙⴳ ⵜⵎⵔⵔⵓⵜ, ⴷ ⵓⵙⴷⵓⵙ ⵏ ⵜⵔⵙⴰⵍ ⵏ ⵓⵡⴰⵏⴽ ⵏ ⵓⵣⵔⴼ ⴷ ⵓⵙⵍⴳⵏ, ⴷ ⵓⵙⵔⵓⵙ ⵏ ⵉⵎⴰⵙⵙⵏ ⴷ ⵜⴱⵔⵉⴷⵉⵏ ⵏ ⵓⴹⴼⴼⵓⵕ ⵏ ⴽⵔⴰ ⵏ ⵜⵎⵙⴰⵔⵉⵏ.
ⴳ 6 ⵉⵏⵏⴰⵢⵔ 2006, ⵉⵙⵏⴱⴳⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵕⵕⴱⴰⵟ, ⴽⵔⴰ ⵏ ⵓⵏⴳⵉⵙⵏ ⴷ ⵜⵡⵊⵉⵡⵉⵏ ⵏⵏⵙⵏ, ⴷ ⵉⴳⵎⴰⵎⵏ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ, ⴷ ⴽⵔⴰ ⵏ ⵉⵏⵎⵖⵓⵔⵏ ⵏ ⵉⵎⵓⵍⵍⵉⵜⵏ ⵉⵙⵔⵜⴰⵏⵏ ⴷ ⵉⴳⵏⵙⴰⵙ ⵏ ⵜⵎⴰⴷⴷⴰⵙⵉⵏ ⵏ ⵡⴰⵎⵓⵏ ⵓⵖⵔⵉⵎ, ⴰⴼⴰⴷ ⴰⴷ ⵉⴱⵔⵔⵃ ⵙ ⵓⵙⵏⵜⵉ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ. ⵙ ⵜⵎⵍⴷⴰ ⴰⴷ, ⵉⵙⵡⴰⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵏⴰⵡⵜ ⵉ ⵜⵎⵜⵜⵉ, ⵉⵙⵎⴰⴳⵍ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ (ⴰⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵖⵉⵍⴰⴷ) ⵙ ⵓⴹⴼⴼⵓⵕ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⵏⵏⵉ ⵉⵍⵍⴰⵏ ⴳ ⵜⴰⵏⴰⴹⵜ ⵏⵏⵙ ⵜⴰⵎⴳⴳⴰⵔⵓⵜ).
ⵙ ⵎⴰⵏ ⴰⵢⴰ, ⵉⵙⵖⵣⵏ ⵓⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵢⴰⵏ ⵓⵎⵏⴰⴷ ⴷ ⵢⴰⵜ ⵜⴱⵔⵉⴷⵜ ⵏ ⵜⵡⵓⵔⵉ ⵉⴱⴷⴷⵏ ⵅⴼ ⵓⵙⵡⵓⵜⵜⵓ ⵏ ⵢⵉⴳⵔⴰⵏ ⵏ ⵓⴹⴼⴼⵓⵕ ⴷ ⵜⴼⵓⵍⵉⵏ ⵏⵜⴰⵢⵏⵉⵏ ⵙⵉⵔⵙⵏ ⴷ ⵉⵎⴰⵙⵙⵏ ⵏ ⵜⵡⵓⵔⵉ, ⵉⵙⵡⵓⵔⵉ ⵅⴼ ⵓⵙⵔⵓⵙ ⵏ ⵜⵙⵇⵇⵉⵎⵜ ⵏ ⵓⴹⴼⴼⵓⵕ ⴳ ⵓⴳⵏⵙⵓ ⵏ ⵜⵓⵚⴽⵉⵡⵉⵏ ⵏⵏⵙ.
ⵉ ⵓⵙⵙⴽⵜⵉ, ⵉⴽⴽⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴳⴰ ⴰⵍⴰⵙ ⵏ ⵓⵥⵟⵟⴰ ⵏ ⵜⵙⵇⵇⵉⵎⵜ ⴷ ⵓⵙⴷⵓⵙ ⵏⵏⵙ ⴰⵙⴳⴳⵯⴰⵙ ⵏ 2020.

ⴰⵣⴳⵣⵍ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ

  • ⴰⵙⴷⵓⵙ ⵏ ⵓⴼⵔⴰⴳ ⴰⴷⵙⵜⴰⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ
  • ⴰⵣⴷⴰⵢ ⵏ ⵜⵎⵀⵍⵜ ⵏ ⵜⴰⵎⵓⵜ ⴳ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵉⵣⴷⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ
  • ⴰⵙⴷⵓⵙ ⵏ ⵉⵎⴰⵙⵙⵏ ⵓⵍⴳⵉⵏⵏ ⴷ ⵉⵏⵣⵔⴰⴼⵏ ⵉ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ
  • ⴰⵙⵔⵓⵙ ⵏ ⵜⵙⵕⴰⵜⵉⵊⵉⵜ ⵏ ⵓⵙⴱⴷⴷⵉ ⵏ ⵓⴼⴼⵔⵜⵍ ⵙⴳ ⵜⵎⵔⵔⵓⵜ
  • ⵉⴳⵉ ⵏ ⵓⵎⵓⴽⵏ ⴰⵖⵣⵓⵔⴰⵏ ⵉ ⵜⵙⵔⴰⵜⵢ ⴷ ⵉⵙⵍⴳⵏⵏ ⵉⵏⴱⴽⴰⴹⵏ
  • ⴰⵙⵖⵓⴷⵓ ⵏ ⵓⵏⴳⵔⴰⵡ ⵏ ⵜⵣⵔⴼⵜ ⴷ ⵓⵙⴷⵓⵙ ⵏ ⵜⵙⵉⵎⴰⵏⵜ ⵏⵏⵙ
  • ⴰⵙⵎⵀⵍ ⵏ ⵉⵙⵖⵍⴰⴼ ⵏ ⵓⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵅⴼ ⵉⵖⵣⵓⵜⵏ
  • ⴰⵙⵏⵍⵍⵉ ⵏ ⵓⵏⴱⴰⴹ ⴳ ⵢⵉⴳⵔ ⵏ ⵜⵏⴼⵔⵓⵜ
  • ⵜⴰⵏⴽⵔⴰ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵓⵙⴳⵎⵉ ⴷ ⵓⵙⴼⵔⴽ
  • ⴰⵔⵣⵣⵓ ⴰⵎⴰⵙⵙⴰⵏ ⵉⵣⴷⵉⵏ ⵙ ⵓⵎⵣⵔⵓⵢ ⵉⵣⵔⵉⵏ ⴷ ⵡⵉⵏ ⵖⵉⵍⴰⴷ ⵏ ⵍⵎⵖⵔⵉⴱ
  • ⴰⵙⴷⵓⵙ ⵏ ⵜⵥⵍⴰⵢⵜ ⵏ ⵓⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵜⵕⵥⵉⵢⵉⵏ
  • ⴰⵙⵎⵀⵍ ⵏ ⵉⵙⵖⵍⴰⴼ ⵏ ⵜⵙⵇⵇⵉⵎⵜ ⵏ ⵓⵙⵓⵜⴳ ⴰⴳⵔⴰⵖⵍⴰⵏ
  • ⴰⵃⵟⵟⵓ ⴷ ⵓⵙⵏⵎⴰⵍⴰ ⵏ ⵜⵎⵃⴹⵉⵜ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴳ ⵓⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ
  • ⴰⵙⵓⵊⴷ ⵏ ⵓⵖⴰⵎⵓⵙ ⴰⴷⵓⵙⴰⵏ ⵉ ⵓⵏⴳⵉⵙⵏ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵉⵣⵔⵉ
  • ⴰⵙⴷⵓⵙ ⵏ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵉⵏⵎⵓⵔⴰⵏ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ
  • ⴰⵙⵎⴰⴷ ⵏ ⵜⵎⵀⵍⵜ ⵏ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵓⴼⵔⴰⴳ ⵏⵏⵙⵏ ⵙ ⵜⵙⵜⵕⴰⵜⵉⵊⵉⵜ ⵜⴰⵏⴰⵎⵓⵔⵜ ⵜⴰⵖⵣⵓⵔⴰⵏⵜ
  • ⵉⴳⵉ ⵏ ⵉⵙⵡⵓⴷⴷⵓⵜⵏ ⵉⵙⵓⵖⵏⵏ ⵉ ⵓⵎⵓⴽⵏ ⵏ ⵉⵎⴰⵍⴰⴷⵏ ⵏⵏⵉ ⵢⵓⵡⴹⵏ ⵉⵏⴽⵔⴰⴼⵏ ⵏ ⵍⴱⵓⵍⵉⵣⴰⵔⵉⵢⵓ ⴷ ⵡⵉⵏ ⵜⴳⵯⵏⵉⵜ
  • ⵉⴳⵉ ⵏ ⵉⵙⵡⵓⴷⴷⵓⵜⵏ ⵉⵙⵓⵖⵏⵏ ⵉ  ⵉⵎⴰⵍⴰⴷⵏ ⵓⴼⵔⵉⴷⵏ ⴷ ⵉⵎⴳⵔⵓⵜⵏ ⵏⵏⵉ ⵉⵜⵜⵓⴳⴰⵏ ⵉ ⵜⵙⴳⴳⵯⵉⵏ ⵉⵜⵜⵓⵎⴰⵍⴰⴷⵏ ⵙ ⵉⵎⵊⵕⵉⵜⵏ ⵏ 1960 ⴷ 1967 ⴷ 1973.
  • ⴰⵃⵟⵟⵓ ⵏ ⵜⵎⵃⴹⵉⵜⵉⵏ ⵙ ⵡⴰⵏⴰⴹ ⴰⴳⵍⴷⴰⵏ ⴷ ⵓⵣⴷⴰⵢ ⵏ ⵉⵙⴰⴳⴳⵯⵏ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵣⴷⵉⵏ ⵙ ⵡⴰⴷⴷⴰⴷⵏ ⵏ ⵓⵏⵖⵓⴱⵓ ⵓⵛⵛⵉⵍ ⴷ ⵜⵎⵜⵜⴰⵏⵉⵏ ⴳ ⵉⵣⵎⴰⵣ ⵏ ⵉⵎⵊⵕⵉⵜⵏ ⵉⵏⴰⵎⵓⵏⵏ
  • ⴰⵕⵥⵥⵓⵎ ⵏ ⵢⴰⵏ ⵓⵣⵔⵉⴳ ⵉⵔⵖⴰⵏ ⴳ ⵓⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵜⵡⵊⵉⵡⵉⵏ ⵉⵜⵜⵓⵎⴰⵍⴰⴷⵏ ⵙⴳ ⵉⵎⵊⵕⵉⵜⵏ ⵉⵏⴰⵎⵓⵏⵏ

ⵉⵙⵡⵓⵔⵉ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⵅⴼ ⵜⵙⵉⵍⴰⵡⵜ ⵏ ⵜⵎⵢⴰⴷⴰⵙⵜ ⵜⴰⵎⴰⵢⵏⵓⵜ ⵉ ⵓⵃⵟⵟⵓ ⵏ ⵜⵎⴽⵜⵉⵜ, ⵜⴻⵜⵜⵡⴰⵙⵔⴰⵙⴳ ⵜⵓⵥⵥⵓⵎⵜ ⵏ ⵜⵉⵔⵎⵉⵜ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ ⴳ ⵍⵎⵖⵔⵉⴱ, ⴷ ⴳ ⵜⵡⵓⵔⵉ ⵏ ⵓⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵍⵎⵎⴰ ⴰⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵎⴰⴷ ⵉⵥⵍⵉⵏ ⵙ ⵓⵣⵣⴳⵉⵔ ⵏ ⵉⵙⵖⵍⴰⴼ.
ⴳ ⵓⵙⴰⵜⵉ ⴰⴷ, ⵜⵜⵓⵙⴽⴰⵔⵏ ⵚⴹⵉⵚ ⴷ ⵎⵔⴰⵡ (16) ⵏ ⵉⵙⵏⵜⴰⵢ ⵏⵏⵉ ⴳⴰⵏⵜ ⵜⵎⵙⵎⵓⵏⵉⵏ ⵙ ⵢⴰⵜ ⵜⵎⵙⴰⵙⵜⵍⵜ ⵏ 8.611.812,56 ⵏ ⵉⴷ ⴷⵔⵀⵎ.
ⵉⵣⴷⵉ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵎⴷⵔⴰⵡⵜ ⴰⴽⴷ ⵜⵏⴱⴰⴹⵜ ⴷ ⵜⵎⵙⵎⵓⵏⵉⵏ, ⴰⵣⵣⵓⴳⵣ ⵏ ⵉⵙⵖⵍⴰⴼ ⵣⴷⵉⵏⵉⵏ ⵙ ⵓⵃⵟⵟⵓ ⵏ ⵜⵎⴽⵜⵉⵜⵏ, ⵙ ⵓⵙⵖⵔⵜ ⴷ ⵓⵙⴱⵓⵖⵍⵓ ⵏ ⵉⴷⵖⴰⵔⵏ ⵏ ⵓⵙⵎⴹⵍ ⴷ ⵜⵓⵚⴽⴰ ⵏ ⵉⴷⵔⵉⵣⵏ ⵏ ⵓⴽⵜⵜⵓⵢ:

  • ⴰⴷⵔⵉⵣ ⵏ ⵓⴽⵜⴰⵢ ⵉ ⵓⵃⵟⵟⵓ ⵏ ⵜⵎⴽⵜⵉⵜ ⵏ ⵓⵏⴳⵉⵙⵏ ⵏ ⵚⵚⵅⵉⵔⴰⵜ ⴳ ⵓⵙⵎⴹⵍ ⵏ ⵍⵄⵍⵓ ⴳ ⵕⵕⴱⴰⵟ ;
  • ⴰⴷⵔⵉⵣ ⵏ ⵓⴽⵜⴰⵢ ⴷ ⵡⴰⴷⴰⵔ ⵉ ⵓⵏⴳⵉⵙⵏ ⵏ ⵓⵖⵣⵓ ⵏ ⵓⴳⴷⵣ ⴰⵎⵣⵡⴰⵔ ⴳ ⵓⵙⵎⴹⵍ ⴰⵙⵏ ⵉⵜⵜⵡⴰⵥⵍⴰⵢⵏ ;
  • ⴰⴷⵔⵉⵣ ⵏ ⵓⴽⵜⴰⵢ ⴷ ⵡⴰⴷⴰⵔ ⵉ ⵓⵏⴳⵉⵙⵏ ⵏ ⵓⵖⵣⵓ ⵏ ⵜⵖⵔⵎⵜ ⵏ ⵉⵎⴳⵓⵏⵏ ⴰⵎⵣⵡⴰⵔ ⴳ ⵓⵙⵎⴹⵍ ⴰⵙⵏ ⵉⵜⵜⵡⴰⵥⵍⴰⵢⵏ ;
  • ⴰⴷⵔⵉⵣ ⵏ ⵓⴽⵜⴰⵢ ⴷ ⵓⵙⵎⵙⴰⵙⴰ ⵏ ⵉⵙⵎⴹⴰⵍ ⵏ ⵓⵏⴳⵉⵙⵏ ⵏ ⵉⵎⵊⵕⵉⵜⵏ ⵏ ⵉⵏⵏⴰⵢⵔ 1984 ⴳ ⵏⵏⴰⴹⵓⵕ ;
  • ⴰⴷⵔⵉⵣ ⵏ ⵓⴽⵜⴰⵢ ⴷ ⵓⵙⵎⵙⴰⵙⴰ ⵏ ⵉⵙⵎⴹⴰⵍ ⵏ ⵓⵏⴳⵉⵙⵏ ⵏ ⵉⵎⵊⵕⵉⵜⵏ ⵏ 20 ⵢⵓⵏⵢⵓ 1981 ⴳ ⵜⴳⵎⵎⵉ ⵜⵓⵎⵍⵉⵍⵜ, ⴷ ⵓⵙⵎⵎⴰ ⵉ ⵓⵙⵔⵙ ⵏ ⵡⴰⵙⵙⴰⵢ ⴰⵎⴰⵜⴰⵢ ⵄⵍⵍⴰⵏ ⵜⴰⵎⴰ ⵏ ⵓⵙⵎⴹⵍ “ⴰⵙⵙⴰⵢ ⵏ ⵉⵎⵙⴳⴳⵓⵢⵜⴰ” ;
  • ⴰⵙⵎⵙⴰⵙⴰ ⵏ ⵓⵖⵣⵓ ⵏ ⵜⵣⵎⴰⵎⵎⴰⵔⵜ ⴰⵎⵣⵡⴰⵔ ⴷ ⵓⵙⵎⴹⵍ ⴷ ⵡⴰⵎⵎⴰⵙ ⴰⵏⴰⵎⵓⵏ ⴷ ⵓⴷⵍⵙⴰⵏ ⵏ ⵜⵡⵜⵎⵉⵏ ⴷ ⵡⴰⵣⵣⴰⵏⵏ ⵏ ⵓⵙⵓⵏ ⴰⴼⴰⴷ ⴰⴷ ⵉⵜⵜⵓⵙⵏⴼⵍ, ⵙ ⵓⵎⵛⴰⵡⴰⵕ ⴰⴽⴷ ⵜⵎⴰⴷⴷⴰⵙⵉⵏ ⵜⴰⵔⵓⵏⴱⵉⴹⵉⵏ, ⵙ ⵓⵙⵏⵜⵉ ⵉⵙⵡⵓⵜⵜⵙⵏ ⴰⵃⵟⵟⵓ ⵏ ⵜⵎⴽⵜⵉⵜ ⴷ ⵓⵙⴰⵢⵔⴰⵔ ⵏ ⵜⵙⵏⵜⴰⵢⵉⵏ ⵜⵉⵏⴳⵎⵓⵜⵉⵏ ⴷ ⵉⵎⵓⵙⵙⵓⵜⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⵡⵏⴹⴰⵏⵏ ;
  • ⴰⵙⵔⵓⵙ ⵏ ⵜⵙⵖⵏⵏⵉⵜ ⵏ ⵓⵃⵟⵟⵓ ⵏ ⵜⵎⴽⵜⵉⵜ ⴳ ⵍⵃⵓⵙⵉⵎⴰ.

ⵉⵙⵔⵙ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⴼⵔⴷⵉⵙ ⵏ ⵓⵃⵟⵟⵓ ⵏ ⵜⵎⴽⵜⵉⵜ ⴷ ⵜⵏⴽⵔⴰ ⵙ ⵓⵎⵣⵔⵓⵢ ⴰⵎⵖⵔⵉⴱⵉ ⵙ ⵜⵓⴳⵜ ⵉⵎⵓⵖⵍⵏ ⵏⵏⵙ ⴷ ⵡⴰⵏⵏⴰⵍ ⵏ ⵓⵙⵎⵀⵍ ⵏⵏⵙ ⴳ ⵜⴱⵔⵉⴷⵉⵏ ⴷ ⵉⴷⵍⵉⵙⵏ ⵉⵏⵎⵍⴰⵏⵏ ⵃⵎⴰ ⴰⴷ ⵜⵜⵓⵙⵎⵀⵍⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⵏⵏⴰ ⴷ ⴷⴰⵔ ⴰⵣⴷⴰⵢ, ⴳ ⵓⵙⴰⵜⴰⵍ ⵏ ⵓⵙⵎⴰⵇⵇⵍ ⴰⵙⵜⵕⴰⵜⵉⵊⵉ ⵉⵙⵎⵣⴰⵣⴰⵍⵏ ⵉⵏⴳⵔ ⵎⴰⴷ ⵉⵜⵜⵓⵣⵎⴰⵔⵏ ⴳ ⵓⵣⵎⵣ ⵏⵏⵙ, ⴷ ⵎⴰⵙ ⵜ ⵉⵏⵏ ⵉⴽⴽⴰ ⵉⵇⵇⴰⵏ ⴷ ⴰⴷ ⵉⵜⵜⵢⴰⵙⴰⵢ ⵙⴳ ⵉⵙⵡⵓⴷⴷⵓⵜⵏ ⵉⴽⴰⴷⵉⵎⵉⵢⵏ ⴷ ⵉⵍⵓⵊⵉⵙⵜⵉⵢⵏ ⵉⵜⵜⵓⵙⵓⵖⵏⵏ ⴳ ⵉⴳⵉ ⵏⵏⵙ.
ⵉⴷⴷⴰ ⴷ ⵓⵙⵔⵓⵙ ⴰⴷ ⴰⵎⴰⵏⴰⵡ ⵙ ⵓⵎⵙⴰⵙⴰ ⴰⴽⴷ ⵜⵎⵜⵜⴰ (69) ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⴷ ⴳ ⵓⵙⴰⵜⴰⵍ ⵏ ⵓⵙⵎⵀⵍ ⵏ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵏ ⵓⴹⴼⴼⵓⵕ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴳ ⵎⴰⴷ ⵉⵥⵍⵉⵏ ⵙ ⵉⵙⵖⵍⴰⴼ ⵏⵏⴰ ⴷ ⴷⴰⵔ ⴰⵣⴷⴰⵢ ⵙ ⵓⵃⵟⵟⵓ ⵏ ⵜⵎⴽⵜⵉⵜ ⴷ ⵜⴰⵡⵉⵜ ⴳ ⵓⵎⵣⵔⵓⵢ. ⵉⴷⴷⵖ ⵉⵙⵖⴰⵡⵙⴰ ⵓⵙⴳⵓⵎ, ⵎⴽⴷⴰ ⵉⵙⵏⵎⵍ ⵓⵏⴳⵎⴰⵎ ⵏⵉⵜ, ⵙ ⵜⵖⵣⵏⵜ ⵏ ⵢⴰⵜ ⵜⵎⵢⴰⴷⴰⵙⵜ ⴷ ⵢⵓⵙⴰⵏ ⵉ ⵜⵖⵔⵉ ⵏ ⵓⵎⵣⵔⵓⵢ ⵏ ⵜⵕⵥⵉⵢⵉⵏ, ⵉⴷⴷⵖ ⵓⵔ ⵉⵜⵜⵡⴰⵣⵎⴰⵔ ⴰⴷ ⵜⵜⵓⴳⴰ ⵜⵡⵓⵔⵉ ⴳ ⵉⴱⴰⵔⴰⵣⵏ ⵏ ⵜⵎⴽⵜⵉⵜ ⴷ ⵓⵎⵣⵔⵓⵢ, ⵙ ⵓⵎⵢⴰⵙⵙⴰ ⵏⵏⵙ ⴰⴽⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵖⴰⵙ ⴳ ⵎⴰⴷ ⵉⴳⴰⵏ ⴰⵜⵉⵇⵏⵉ, ⵎⴰⵛ ⵜⵙⵖⴰⵡⵙⴰ ⵙ ⵜⵓⵚⴽⴰ ⵏ ⵜⵡⵍⴰⴼⵜ ⵜⴰⵖⵣⵓⵔⴰⵏⵜ ⴷ ⵜⵎⵢⴰⵏⴰⵡⵜ ⵏⵏⴰ ⵎⵉ ⵎⵢⴰⵖⵏ ⵉⵎⵏⴰⴷⵏ (ⵉⵙⵔⵜⴰⵏⵏ, ⵓⵖⵔⵉⵎⵏ, ⵉⴷⵎⵙⴰⵏⵏ, ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ) ⴷⴰⵜ ⴰⵙⵡⵓⵜⵜⵓ ⵏ ⵉⵙⵓⵖⴰⴷ ⵏ ⵉⵎⴰⵍ ⵏⵏⴰ ⵉⵣⵎⵔ ⵓⵔⵣⵣⵓ ⴰⴽⴰⴷⵉⵎⵉ ⴰⴷ ⴼⵍⵍⴰⵙ ⵉⵙⴽⵔ ⵜⴰⵖⵓⵔⵉ ⵙ ⵜⴱⵔⵉⴷⵉⵏ ⴷ ⵜⵎⵢⴰⴷⴰⵙⵉⵏ ⵜⵉⵎⴰⵙⵙⴰⵏⵉⵏ ⵉⵏⴼⵔⵓⵏ ⵜⴰⵎⵙⵖⴰⵔⴰ, ⴷ ⵉⵖⵉⵢⵏ ⴰⴷ ⵉⵜⵜⵓⵙⵎⵀⵍ ⴳ ⵉⵙⵡⵉⵔⵏ ⵏ ⵜⴷⵉⵎⵓⵇⵕⴰⵜⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ.
ⴳ ⵓⵙⴰⵜⴰⵍ ⵏ ⵓⵙⵎⴰⴷ ⵏ ⵓⵙⵎⴽⵍ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓⵏ ⵇⴰⵃ ⵜⵎⵙⵍⴰⵢⵉⵏ ⵜⵉⵙⵔⵜⴰⵏⵉⵏ ⴷ ⵜⵎⵣⵔⴰⵢⵉⵏ ⴷ ⵜⵣⵔⴼⴰⵏⵉⵏ, ⴷ ⴳ ⵓⵎⵏⴰⴹ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵣⴷⵉⵏⵉⵏ ⵙ ⵜⵖⵔⵉ ⵏ ⵜⵎⵙⴰⵔⵉⵏ ⴷ ⵓⵙⵙⵓⴼⵖ ⵏ ⵉⵏⵓⵎⴰⴽ ⵏⵏⵙ ⵉⵙⵔⵜⴰⵏⵏ ⴷ ⵉⵣⵔⴼⴰⵏⵏ, ⵉⴷⴷⴰ ⴷ ⵓⵙⵔⵓⵙ ⵏ ⵓⴼⵔⴷⵉⵙ ⵏ ⵓⵃⵟⵟⵓⵏ ⵜⵎⴽⵜⵉⵜ ⴷ ⵜⵏⴽⵔⴰ ⵙ ⵓⵎⵣⵔⵓⵢ ⴰⵎⵖⵔⵉⴱⵉ ⵙ ⵜⵓⴳⵜ ⵉⵎⵓⵖⵍⵏ ⵏⵏⵙ ⵃⵎⴰ ⴰⴷ ⵉⵙⵡⵓⵔⵉ ⵅⴼ ⵓⵙⵎⵀⵍ ⵏ ⵜⵙⵏⵜⴰⵢⵉⵏ ⵉⵙⵓⵖⵏⵏ, ⵏⵏⴰ ⵉⵖⵉⵢⵏ ⴰⴷ ⵉⵙⵙⵏⵜⵉ ⵙ ⵓⵎⵢⴰⵖ ⴰⴽⴷ ⵜⵓⴳⵜ ⵡⴰⵏⴰⵡⵏ ⵏ ⵓⵣⵎⵎⴻⵎ ⴰⵏⵉⵎⴰⵏ ⵏ ⵜⵎⵙⴰⵔⵉⵏ ⵜⵉⵎⵣⵔⴰⵢⵉⵏ ⵣⴷⵉⵏⵉⵏ ⵙ ⵜⵕⵥⵉⵢⵉⵏ ⵣⵡⴰⵔⵏⵉⵏ ⴷ ⵓⵔⵣⵣⵓ ⴷ ⵓⵎⵛⴰⵛⴽⴰ ⴼⵍⵍⴰⵙⵏⵜ, ⵙ ⵉⴳⵉ ⵏ ⵓⵙⵎⴷⵉ ⴰⵏⵉⵎⴰⵏ ⴷ ⵓⴷⵎⵙⴰⵏ ⵉ ⵡⴰⵎⵎⴰⵙⵏ ⵏ ⵜⵎⴽⵜⵉⵜ ⵣⵡⴰⵔ, ⵉⵍⵎⵎⴰ ⴰⵙⵔⵓⵙ ⵏ ⵜⵙⵏⵏⵉⵖⵉⵏ ⴷ ⵓⵏⵀⵍⵍⴰ ⵙ ⵍⴰⵕⵛⵉⴼ ⴷ ⵓⵙⵖⵓⴷⵓ ⵏ ⵓⵙⵖⵍⵍⴰ ⵏⵏⵙ.
ⴳ ⵓⵣⵎⵣ ⵍⵍⵉ ⵖ ⵉⴳⴰ ⵓⴼⵔⴷⵉⵙ ⵏ ⵜⵎⴽⵜⵉⵜ ⴷ ⵓⵔⵣⵣⵓ ⴳ ⵓⵎⵣⵔⵓⵢ ⴰⵜⵔⴰⵔ ⵣⴷⵉⵏⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⵢⴰⴼⴰ ⵓⵏⵣⵉⵍ ⵏ ⵉⴳⵉⵜⵏ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴷ ⵓⵣⵣⵉⴳⵣ ⵏ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵏ ⵓⴹⴼⴼⵓⵕ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ, ⵉⴳⴰ ⴰⵡⴷ ⵜⴰⴷⴰⵙⵉⵍⵜ ⵜⴰⵎⴰⵏⴰⵡⵜ ⴳ ⵓⵙⴰⴽⴰ ⴰⴷ, ⵉⴷⴷⵖ ⵙⵙⵓⵜⵔⵏ ⴳ ⵜⵡⵓⵔⵉ ⵏⵏⵙⵏ ⴰⵙⵎⵣⴰⵣⴰⵍ ⵉⵏⴳⵔ ⵎⴰⴷ ⵉⵜⵜⵡⴰⵄⴷⴰⵍⵏ ⵙ ⵜⵖⵜⴰⵙⵜ ⵜⴰⵙⵔⵜⴰⵏⵜ ⴷ ⵎⴰⴷ ⵉⵜⵜⵡⴰⵣⵎⴰⵔⵏ ⵙ ⵓⵔⵣⵣⵓ ⴰⴽⴰⴷⵉⵎⵉ ⵉⴽⵜⵓⵔⵏ ⵙ ⵉⵎⵏⵃⵓⵔⵏ ⵉⵣⵔⴼⴰⵏⵏ. ⴳ ⵓⵣⵎⵣ ⵍⵍⵉ ⵖ ⵉⴳⴰ ⵓⴼⵔⴷⵉⵙ ⵏ ⵓⵃⵟⵟⵓ ⵏ ⵜⵎⴽⵜⵉⵜ ⴰⵙⴰⵢⵔⴰⵔ ⵏ ⵓⵙⵡⵉⵏⴳⵎ ⴷ ⵓⵔⵣⵣⵓ ⴰⵎⵙⵖⴰⵔⵓ ⴳ ⵜⵎⵙⴰⵔⵉⵏ ⵏ ⵓⵎⵣⵔⵓⵢ ⴰⵜⵔⴰⵔ ⴷ ⵉⵏⵖⴰⵍⵏ ⵏⵏⵙ ⵏⵏⴰ ⵉⵖⵉⵢⵏ ⴰⴷ ⵜⵙⴱⵉⴹⵕ, ⵙ ⵢⴰⵜ ⵜⵡⵉⵍⴰ ⵜⵓⵙⵔⵉⴷⵜ ⵏⵉⵖ ⵜⴰⵔⵓⵙⵔⵉⴷⵜ, ⴰⵙⴷⵓⵙ ⵏ ⵓⵡⴰⵏⴽ ⵏ ⵓⵣⵔⴼ ⴷ ⵓⵙⵍⴳⵏ, ⵖⵉⵢⵏⵜ ⵙⴳ ⵜⵙⴳⴰ ⵢⴰⴹⵏⵉⵏ ⴰⴷ ⴳⵏⵜ ⵜⴰⴷⴰⵙⵉⵍⵜ ⵏ ⵓⵥⵓ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵕⴰⵟⵉⵜ ⴷ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵡⴰⵏⴽ ⴷ ⵡⴰⵎⵓⵏ.

ⵉⴳⵉⵜⵏ ⵏ ⵜⵙⵇⵇⵉⵎⵜ ⵏ ⵓⴹⴼⴼⵓⵕ

 

ⵉⵙⵔⵙ ⵓⵏⴳⵎⴰⵎ ⴽⵉⴳⴰⵏ ⵏ ⵉⵙⵖⵍⴰⴼ, ⵉⵖ ⴳⴰⵏ ⴰⵡⴷ ⵎⴰⴷ ⵉⵣⴷⵉⵏ ⵙ ⵜⵎⴽⵜⵉⵜ ⴷ ⵓⵎⵣⵔⵓⵢ, ⵙ ⵓⵎⴷⵢⴰ, ⵉⵙⵖⵍⴼ ⵓⵏⴳⵎⴰⵎ ⵙ ⵡⴰⵍⴰⵙ ⵏ ⵓⵙⵖⵔⵜ ⵏ ⵡⴰⵎⵎⴰⵙⵏ ⵏ ⵓⵏⵖⵓⴱⵓ ⵓⵛⵛⵉⵍ ⴷ ⵢⵉⵎⵉⵥ ⴰⵎⵙⵓⴳⵜ ⴷ ⵉⵙⵎⴹⴰⵍ ⵏⵏⵉ ⵖ ⵉⵜⵜⵡⴰⴷⴰⵔ ⵉ ⵓⵏⴳⵉⵙⵏ ⵉⵎⵣⵡⴰⵔⵏ. ⵎⴽⴷⴰ ⵉⵙⵖⵍⴼ ⵙ ⵜⵙⵖⵣⵏⵜ ⵏ ⵓⵙⵍⴳⵏ ⴰⵜⵔⴰⵔ ⵅⴼ ⵜⵎⵃⴹⵉⵜ, ⴷ ⵓⵙⵔⵓⵙ ⵏ ⵜⵙⵏⵏⵉⵖⵜ ⵏ ⵓⵎⵣⵔⵓⵢ ⵏ ⵜⵎⵣⵡⴰⴳⵜ ⴳ ⵍⵎⵖⵔⵉⴱ, ⴷ ⵓⵙⵔⵓⵙ ⵏ ⵓⵙⵉⵏⴰⴳ ⵏ ⵉⵔⵣⵣⵓⵜⵏ ⵅⴼ ⵓⵎⵣⵔⵓⵢ ⴰⵎⵖⵔⵉⴱⵉ ⴰⵙⵉⵎⴰⵏ.
ⴰⵔ ⵙⵎⵏⵉⴷⵏⵜ ⵜⵏⵜⴰⵎⵉⵏ ⵜⵉⵏⴹⴼⴰⵕⵉⵏ ⵢⴰⵏ ⵓⴳⵣⵣⵓⵎ ⵙⴳ ⵉⴳⵉⵜⵏ ⵏ ⵜⵙⵇⵇⵉⵎⵜ ⵏ ⵓⴹⴼⴼⵓⵕ:

Tout