ⵉⵜⵜⵓⵙⵔⵓⵙ ⵓⵏⴳⵎⴰⵎ ⴰⵙⵉⵎⴰⵏ ⵏ ⵜⵏⴼⵔⵉⵜ ⵉ ⵡⴰⵔⵔⴰⵣ ⵅⴼ ⵓⵎⴰⵍⴰⴷ ⴰⴽⵎⴰⵎ ⴷ ⵓⵎⴰⵍⴰⴷ ⴰⵡⵏⴳⵉⵎ ⵉ ⵓⵏⴳⵉⵙⵏ ⴷ ⵉⴷ ⴱⴰⴱ ⵏ ⵉⵣⵔⴼⴰⵏ ⵙⴳ ⵡⵉⴷ ⵎⵉ ⵉⵜⵜⵓⴳⴰ ⵓⵏⵖⵓⴱⵓ ⵓⵛⵛⵉⵍ ⴷ ⵢⵉⵎⵉⵥ ⴰⵎⵙⵓⴳⵜ ⴳ ⵓⵙⴰⴽⵓⴷ ⵏ 16 ⵖⵓⵛⵜ 1999, ⴰⴼⴰⴷ ⴰⴷ ⵉⵖⵜⵙ ⴳ ⵡⴰⵔⵔⴰⵣⵏ ⵉⵜⵜⵓⴽⵍⴰⵍⵏ ⵉ ⵓⵏⴳⵉⵙⵏ ⴷ ⵓⵙⵖⵔⵜ ⵏⵏⵙⵏ ⴳ ⵓⵙⵡⵉⵔ ⴰⴷⵓⵙⴰⵏ ⴷ ⵓⵡⵏⴳⵉⵎ. ⵉⵜⵜⵓⴱⵔⵔⴰⵃ ⵙⵉⵔⵙ ⴳ ⵢⴰⵏ ⵓⵙⵉⵡⴹ ⵉⵥⵍⵉⵏ ⵉⵖⵔⴰⵜ ⵓⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵢⵉⵙⵎ ⵏ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ. ⵎⴰⵢⴰ ⵏⵏ ⵙ ⵜⵓⵚⴽⴰ ⵅⴼ ⵜⵙⵓⵎⵔⵜ ⵏ ⵓⵙⵇⵇⵉⵎ ⴰⵏⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⵉⵜⵜⵡⴰⵙⵏⴰⵢ ⵓⵏⴳⵎⴰⵎ ⵙⴳ ⴽⵕⴰⴹ ⵏ ⵉⵎⵏⴱⴰⴹⵏ ⴷ ⴽⴽⵓⵥ ⵏ ⵉⴳⵎⴰⵎⵏ ⵙⴳ ⵓⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⴳⵏⵙⴰⵙ ⵅⴼ ⵜⵎⴰⵡⴰⵙⵜ ⵏ ⵓⴳⵏⵙⵓ, ⴷ ⵓⴳⵏⵙⴰⵙ ⵅⴼ ⵜⵎⴰⵡⴰⵙⵜ ⵏ ⵜⵣⵔⴼⵜ, ⵏⵉⵜⵏⵉ ⴷ :
ⵉⵙⵔⵙ ⵓⵏⴳⵎⴰⵎ ⵏ ⵜⵏⴼⵔⵉⵜ ⴳ 14 ⵛⵓⵜⴰⵏⴱⵉⵔ 1999 ⴰⵏⴳⵔⴰⵡ ⵏⵏⵙ ⴰⴳⵯⵏⵙⴰⵏ, ⵉⵙⵡⵓⵜⵜⵓ ⴰⵙⴰⴽⵓⴷ ⵏ 31 ⴷⵓⵊⴰⵏⴱⵉⵔ 1999 ⴰⵣⵎⵣ ⴰⵎⴳⴳⴰⵔⵓ ⵏ ⵢⵉⵎⵉⵥ ⵏ ⵜⵓⵜⵜⵔⵉⵡⵉⵏ ⵏ ⵡⴰⵔⵔⴰⵣ. ⵉⵙⵙⵏⵜⵉ ⵓⵏⴳⵎⴰⵎ ⴳ ⵜⵡⵓⵔⵉ ⵏⵏⵙ ⵙⴳ 11 ⵏⵓⵡⴰⵏⴱⵉⵔ 1999, ⵉⵙⵎⵏⵉⴷ ⵜⴰⵏⴰⴹⵜ ⵏⵏⵙ ⵜⴰⵎⴳⴳⴰⵔⵓⵜ ⴳ 30 ⵏⵓⵡⴰⵏⴱⵉⵔ 2003.
ⵉⵙⵎⴷ ⵓⵏⴳⵎⴰⵎ ⵜⴰⵖⵜⵙⵜ ⵏⵏⵙ ⴳ ⵉⵙⴷⴰⵡⵏ ⵏⵏⵉ ⴼⵍⵍⴰⵙ ⵉⵜⵜⵡⴰⴼⵙⴰⵔⵏ, ⵏⵏⵉ ⵉⴳⵓⵍⴰⵏ 5127 ⵏ ⵓⵙⴷⴰⵡ, ⵉⵙⵙⴰⴼⵖ ⴷ ⴼⵍⵍⴰⵙⵏ 3653 ⵏ ⵜⵖⵜⴰⵙⵜ ⵙ ⵜⵓⴽⴽⵉ ⵏ ⵡⴰⵔⵔⴰⵣⵏ ⵉⵎⴳⴳⵓⵔⴰ ⵉⵜⵜⵓⴽⵍⴰⵍⵏ ⵉⵚⴰⵃⴰⵏ ⵉ 5300 ⵏ ⵓⴳⴳⵉⴷ, ⵏⵏⵉ ⵉⴳⵓⵍⴰⵏ ⵎⴰⴷ ⵢⴰⵥⵏⵏ 954.000.000 ⵏ ⵉⴷ ⴷⵔⵀⵎ.
ⵉⵣⵎⵔ ⵓⵏⴳⵎⴰⵎ ⴰⴷ ⵢⴰⵡⴹ ⵙ ⵓⴼⵙⵙⴰⵢ ⵏ ⵎⴰⴷ ⵉⵜⵜⵢⴰⴳⴰⵍⵏ ⵙⴳ ⵜⵎⵙⴰⵔⵉⵏ ⵏⵏⵉ ⵉⴽⴽⴰⵏ ⵙⵖⴰⵡⵙⴰⵏⵜ ⵙ ⵜⵖⵓⵔⵉ ⵜⴰⵎⴷⵔⵓⵜ ⴳ ⵎⴰⴷ ⵉⵥⵍⵉⵏ ⵙ ⵉⵎⵊⵕⵉⵜⵏ ⵏⵏⵙⵏⵜ ⴷ ⵜⵎⵓⴽⵔⵉⵙⵉⵏ ⵏⵏⵙⵏⵜ ⵜⵓⵍⴳⵉⵏⵉⵏ ⴷ ⵜⵣⵔⴼⴰⵏⵉⵏ, ⵉⵜⵜⵡⴰⵖⵜⴰⵙ ⴳⵉⵙⵏⵜ ⵙ ⵓⵎⵙⴰⵙⴰ ⴰⴽⴷ ⵜⵎⵓⵛⴰ ⵏⵏⵙⵏⵜ. ⵎⴽⴷⴰ ⵉⵖⵔⴰ ⵓⵏⴳⵎⴰⵎ ⴰⵙⵓⵔⵙ ⵏ ⵜⵓⵜⵜⵔⵉⵡⵉⵏ ⵏⵏⵉ ⴷ ⵉⴳⵓⵍⴰⵏ ⵜⵉⵎⵉⵔⵉⵜ ⵏⵏⵙ ⴹⴰⵕⴰⵜ ⵏ ⵓⵙⴰⴽⵓⴷ ⵉⵙⵎⴷⵏ ⵜⵉⴳⵉⵔⴰ ⵏ ⴷⵓⵊⴰⵏⴱⵉⵔ 1999 ⵙ ⵓⵎⵙⴰⵙⴰ ⴷ ⵜⵎⵙⵙⴽⵜⵉⵜ ⵏⵏⵉ ⵢⴰⵍⵍ ⵓⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴳ 2 ⵉⴱⵔⵉⵔ 1999, ⵏⵏⵉ ⵎⵉ ⵉⴳⵓⵍⴰ ⵓⵟⵟⵓⵏ ⵏⵏⵙⵏⵜ 6500 ⵏ ⵜⵓⵜⵜⵔⴰ, ⵜⵜⵡⴰⵣⵎⵎⴰⵎⵏ ⵎⴰⵙ ⴷ ⴳⵓⵍⴰⵏ ⴱⵕⵕⴰ ⵏ ⵉⵣⵎⴰⵣ ⵉⵜⵜⵓⵙⵡⵓⵜⵜⵓⵏ.
ⵉⴳⵎⴰⵎⵏ ⵏ ⵓⵏⴳⵎⴰⵎ ⵏ ⵜⵏⴼⵔⵉⵜ
ⵜⴰⵙⵏⴰⴽⵓⴷⵜ ⵏ ⵓⵏⴳⵎⴰⵎ ⴰⵙⵉⵎⴰⵏ ⵏ ⵜⵏⴼⵔⵉⵜ ⵉ ⵡⴰⵔⵔⴰⵣ ⵏ ⵓⵏⴳⵉⵙⵏ ⵏ ⵓⵏⵖⵓⴱⵓ ⵓⵛⵛⵉⵍ ⴷ ⵢⵉⵎⵉⵥ ⴰⵎⵙⵓⴳⵜ
- 2 ⵢⵓⵍⵢⵓⵣ 1999 : ⵉⵙⵖⵍⴼ ⵓⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵓⵙⵔⵓⵙ ⵏ ⵓⵏⴳⵎⴰⵎ ⵏ ⵜⵏⴼⵔⵉⵜ;
- 16 ⵖⵓⵛⵜ 1999 : ⵉⵍⴰⵖⴰ ⴱⴰⴱ ⵏ ⵡⴰⴷⴷⵓⵔ ⵙ ⵓⵙⵔⵓⵙ ⵏ ⵓⵏⴳⵎⴰⵎ;
- 14 ⵛⵓⵜⴰⵏⴱⵉⵔ 1999 : ⵉⴼⵙⵔ ⵓⵏⴳⵎⴰⵎ ⴰⵏⴳⵔⴰⵡ ⵏⵏⵙ ⴰⴳⵯⵏⵙⴰⵏ;
- 3 ⵉⵏⵏⴰⵢⵔ 2000 : ⵜⵜⵎⵉ ⵏ ⵜⵉⵣⵉ ⵏ ⵓⵙⵎⵏⵉⴷ ⵏ ⵜⵓⵜⵜⵔⵉⵡⵉⵏ ⵏ ⵡⴰⵔⵔⴰⵣ;
- 14 ⵢⵓⵍⵢⵓⵣ 2003 : ⵉⵙⵎⴷ ⵓⵏⴳⵎⴰⵎ ⵏ ⵜⵏⴼⵔⵉⵜ ⵜⵉⵡⵓⵔⵉⵡⵉⵏ ⵏⵏⵙ;
- 7 ⵉⵏⵏⴰⵢⵔ 2004 : ⵉⴱⵔⵔⵃ ⵓⴳⵍⵍⵉⴷ ⵙ ⵓⵙⵔⵓⵙ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ.
ⵜⵉⵏⵜⴰⵎⵉⵏ ⵜⵉⵙⴰⵖⵓⵍⵉⵏ
