ⵉⵙⵙⵏ ⵓⵙⵎⴽⵍ ⵏ ⵓⵙⴷⴰⵡ ⵏ ⵓⵏⴳⵉⵙⵏ ⵉⵎⵣⵡⵓⵔⴰ ⵏ ⵓⵎⵣⵔⵓⵢ ⵏ ⵜⵕⵥⵉⵢⵉⵏ ⵜⵉⵏⵎⵉⵣⴰⵜⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵖⵣⵓ ⵏ ⵜⵣⵎⴰⵎⵎⴰⵔⵜ ⵉⵎⵙⵓⴼⵓⵖⵏ ⴳⴳⵓⵜⵏⵉⵏ ⵉⵚⴰⵃⴰⵏ ⵉ ⵓⵏⴳⵉⵙⵏ ⴷ ⵉⴷ ⴱⵓ ⵉⵣⵔⴼⴰⵏ, ⵙⴳⵉⵙⵏ :

1. ⵜⴰⴳⴳⴰⵣⵜ ⵜⴰⵢⵢⵓⵔⴰⵏⵜ ⵏ ⵙⵎⵎⵓⵙ ⵏ ⵉⴼⴹⵏ ⵏ ⵉⴷ ⴷⵔⵀⵎ, ⵚⴰⵃⴰⵏ ⵉ ⵓⵏⴳⵉⵙⵏ ⵉⵎⵣⵡⵓⵔⴰ ⵓⴳⴳⴰⵔ ⵏ ⵎⵔⴰⵡ ⵏ ⵉⵙⴳⴳⵯⴰⵙⵏ ⴰⵢⴰ, ⵓⵔ ⵜⴱⵉⴷⴷ ⴰⴱⵍⴰ ⴰⵍⵍⵉⵖ ⵓⵎⵥⵏ ⴰⵔⵔⴰⵣⵏ ⵏⵏⴰ ⴰⵙⵏ ⵉⵥⵍⵉ ⵓⵏⴳⵎⴰⵎ ⵏ ⵉⴱⴹⵉ ⴰⵙⵉⵎⴰⵏ ⵏ ⵡⴰⵔⵔⴰⵣ;

2. ⵜⵍⴽⵎ ⵜⵎⵓⵜⵜⵔⵜ ⵏ ⵉⵙⴷⴰⵡⵏ ⵏ ⵓⵏⴳⵉⵙⵏ ⵏ ⵓⵖⵣⵓ ⵏ ⵜⵣⵎⴰⵎⵎⴰⵔⵜ 58 ⵏ ⵓⵙⴷⴰⵡ ⵏⵏⴰ ⵉⵖⵔⴰ ⵓⵏⴳⵎⴰⵎ ⵏ ⵉⴱⴹⵉ ⴰⵙⵉⵎⴰⵏ ⵏ ⵡⴰⵔⵔⴰⵣ ⴷ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ, ⴼⴼⵓⵖⵏⵜ ⴰⵙⵏ ⴷ ⵜⵖⵜⴰⵙⵉⵏ ⵏ ⵉⴱⴹⵉ ⵙ ⵡⴰⵔⵔⴰⵣ ⵙ ⵢⴰⵏ ⵓⵏⵛⵜ ⵏ ⵜⵎⵓⵜⵜⵔⵜ ⵏ 119.997.000,00 ⵏ ⵉⴷ ⴷⵔⵀⵎ;

3. ⴰⵚⴰⵃⴰ ⵏ ⵓⵖⴰⵎⵓⵙ ⴰⴷⵓⵙⴰⵏ ⵉ ⵇⴰⵃ ⵓⵏⴳⵉⵙⵏ ⴷ ⵉⴷ ⴱⵓ ⵉⵣⵔⴼⴰⵏ, ⵜⴼⴽ ⵜⵏⴱⴰⴹⵜ ⴳ ⵓⵎⵏⵉⴷ ⴰⴷ, ⵙⴳ ⵍⵍⵉⴳ ⵜⴻⵜⵜⵓⵙⴳⵎⴹ ⵜⵎⵢⴰⵇⵇⴰⵏⵜ ⵉⵥⵍⵉⵏ ⵙ ⵜⵖⴰⵡⵙⴰ ⴰⴷ ⴰⵙⴳⴳⵯⴰⵙ ⵏ 2008 ⴰⵔ ⵜⵉⴳⵉⵔⴰ ⵏ ⵓⵙⴳⴳⵯⴰⵙ 2020, ⵎⴰⴷ ⵉⵜⵜⴳⴳⴰⵏ ⵜⵉⵎⵉⴹⵉ ⴷ ⵜⵥⴰⵎⵔⴰⵡ (190) ⵏ ⵉⴷ ⵎⵍⵢⵓⵏ ⵏ ⴷⵔⵀⵎ;

4. ⴰⵚⴰⵃⴰ ⵏ ⵓⵙⵖⵍⴼ ⵏ ⵓⵙⵉⴷⴼ ⴰⵏⴰⵎⵓⵏ ⵉ ⵙⵎⵎⵓⵎⵔⴰⵡ ⴷ ⵜⴰⵎ (58) ⵏ ⵓⴳⴳⵉⴷⵏ ⵙⴳ ⵓⵏⴳⵉⵙⵏ ⴷ ⵉⴷ ⴱⵓ ⵉⵣⵔⴼⴰⵏ ⵙ ⵜⵙⵇⵇⵓⵍⵉⵏ ⵎⵣⴰⵔⴰⵢⵏⵉⵏ ( ⵙⵎⵎⵓⵙ ⴷ ⵎⵔⴰⵡ ⵏ ⵓⴳⴳⵉⴷⵏ (25) ⵉⵚⴰⵃⴰ ⴰⵙⵏ ⵢⴰⵏ ⵓⵏⵛⵜ ⵉⵙⵎⴷⵏ ⵏ 250.000 ⵏ ⴷⵔⵀⵎ // ⵙⵉⵎⵔⴰⵡ ⴷ ⴽⵕⴰⴹ (23) ⵏ ⵓⴳⴳⵉⴷⵏ ⵜⵚⴰⵃⴰ ⴰⵙⵏ ⵜⵣⴷⴷⵓⵖⵜ ⴱⴰⵟⵍ // ⵙⴰ (7) ⵏ ⵓⴳⴳⵉⴷⵏ ⵜⵚⴰⵃⴰ ⴰⵙⵏ ⵜⵡⵓⵔⵉ // ⴽⵕⴰⴹ (3) ⵏ ⵓⴳⴳⵉⴷⵏ ⵚⴰⵃⴰⵏⵜ ⴰⵙⵏ ⵜⵓⵔⴰⴳⵉⵏ ⵏ ⵡⴰⵙⵙⴰⵢ);

5. ⵉⵚⴰⵃⴰ ⵓⵙⵎⵙⴰⵙⴰ ⵏ ⵓⵙⵓⵔⵙ ⴰⵎⵙⵙⵓⴳⵓⵔ ⵉ ⴽⵕⴰⴹ ⵡⴰⵔⵔⴰⵡⵏ ⵏ ⵉⴷ ⴱⵓ ⵉⵣⵔⴼⴰⵏ ⴳ ⵜⵡⵓⵔⵉⵡⵉⵏ ⵏⵏⴰ ⴽⴽⴰⵏ ⴷⴰ ⵜⵜⴳⴳⴰⵏ; ⴳ ⵎⴰⴷ ⵉⵥⵍⵉⵏ ⵙ ⵓⵙⴳⵓⵎ ⵏ ⵓⵃⵟⵟⵓ ⵏ ⵜⵎⴽⵜⵉⵜ, ⵜⴽⴽⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴱⵔⵔⵃ ⴳ ⵢⴰⵏ ⵓⵎⵙⴰⵡⴰⵍ ⴰⵏⵖⵎⴰⵙ ⵉⵣⵡⴰⵔⵏ ⵎⴰⵙ ⵔⴰⴷ ⵢⵓⵊⴷ ⵓⵙⴰⵢⵔⴰⵔ ⵏ ⵜⵣⵎⴰⵎⵎⴰⵔⵜ ⴳ ⵓⵙⴳⴳⵯⴰⵙ ⵏ 2022, "ⵉⵖ ⵣⵣⵉⴳⵣⵏⵜ ⵜⵖⴰⵡⵙⵉⵡⵉⵏ ⵎⴽⴷⴰ ⵙ ⵉⵍⵍⴰ ⵓⵙⵖⵉⵡⵙ" ⴳ ⵓⵔⵣⴰⴼ ⵏⵏⵙ ⴰⵎⴳⴳⴰⵔⵓ ⵉ ⵓⵙⴰⵢⵔⴰⵔ ⴰⴷ ⵜⵉⴳⵉⵔⴰ ⵏ ⵓⵙⴳⴳⵯⴰⵙ ⵍⵍⵉ ⵉⵣⵔⵉⵏ, ⴳ ⵓⵙⴰⵜⵉ ⵏ ⵓⵙⵎⴰⴷ ⵏ ⵜⴱⵔⵉⴷⵜ ⵏ ⵓⴹⴼⴼⵓⵕ ⵏ ⵓⵙⵎⵀⵍ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⵣⴷⵉⵏⵉⵏ ⵙ ⵓⵃⵟⵟⵓ ⵏ ⵜⵎⴽⵜⵉⵜ ⴷ ⵓⵎⵣⵔⵓⵢ.

ⵜⵍⴽⵎ ⵜⵎⵙⴰⵙⵜⵍⵜ ⵏ ⵓⵙⵎⵙⴰⵙⴰ ⵏ ⵜⵣⵎⴰⵎⵎⴰⵔⵜ 60 ⵏ ⵉⴷ ⵎⵍⵢⵓⵏ ⵏ ⴷⵔⵀⵎ, ⴰⴼⴰⴷ ⴰⴷ ⵉⵜⵜⵓⵙⵏⴼⵍ ⵙⴳ ⵓⵙⴰⵢⵔⴰⵔ ⴰⵔⵓⵍⴳⵉⵏ ⵙ ⵓⵙⴰⵢⵔⴰⵔ ⴳ ⵜⵍⵍⴰ ⵜⵓⴷⵔⵜ ⵉⵙⵏⴼⵍⵓⵍⵏ ⴳ ⵜⵡⵏⵏⴰⴹⵜ ⵏⵏⵙ ⵜⴰⴷⵉⵏⴰⵎⵉⵜ ⵜⴰⵏⴰⵎⵓⵏⵜ ⴷ ⵜⴷⵍⵙⴰⵏⵜ ⴷ ⵜⴷⵎⵙⴰⵏⵜ ⴷ ⵜⵡⵏⴹⴰⵏⵜ ⵉⵍⴰⵏ ⴰⵜⵉⴳ ⵎⵇⵇⵓⵔⵏ. ⵅⴼ ⵉⴳⴳⵉ ⵏ ⵎⴰⴷ ⵉⵥⵍⵉⵏ ⵙ ⵓⵃⵟⵟⵓ ⵏ ⵜⵎⴽⵜⵉⵜ, ⵔⴰⴷ ⴳⵉⵙ ⵢⵉⵍⵉ ⵢⴰⵏ ⵓⴱⴰⵔⴰⵣ ⵏ ⵡⴰⴷⴰⵙ ⴷ ⵢⴰⵜ ⵜⵎⵣⴳⵉⴷⴰ ⴷ ⵢⴰⵏ ⵓⵎⵙⴳⵏⴰⴼ ⵉⵚⴰⵃⴰⵏ ⵉ ⵉⵎⵣⴷⴰⵖⵏ, ⴷ ⵓⵍⴰ ⴽⵔⴰ ⵏ ⵜⵓⵚⴽⵉⵡⵉⵏ ⴳ ⵍⵍⴰⵏ 24 ⵏ ⵉⵙⵉⵔⴰⵜⵏ ⵉⵜⵜⵡⴰⵥⵍⴰⵢⵏ ⵙ ⵜⵎⵢⴰⵡⴰⵙⵉⵏ, ⵔⴰⴷ ⵚⴰⵃⴰⵏ ⵉ ⵜⵡⵜⵎⵉⵏ ⴷ ⵉⵄⵔⵔⵉⵎⵏ ⴰⴼⴰⴷ ⴰⴷ ⵙⴽⵔⵏ ⵉⵙⵖⵏⵓⵜⵏ ⴷ ⵉⵜⵜⵔⴰⵔⴰⵏ ⵉⴷⵔⵉⵎⵏ. ⵎⴽⴷⴰ ⵜⵜⵓⴳⴰⵏⵜ ⴳ ⵓⵙⴰⵢⵔⴰⵔ ⴰⴷ ⵜⵎⵀⴰⵍ ⵜⵉⵎⵇⵇⵔⴰⵏⵉⵏ ⵏ ⵜⴽⵔⵣⴰ ⴷ ⵓⵙⵔⵓⵙ ⵏ ⵜⵉⵍⴰⵍ ⵏ ⵜⵏⴼⵍⴰⵃⵜ ⴳ ⵢⴰⵏ ⵓⵎⵔⴷⵓⵍ ⵢⵓⵡⴹⵏ ⵜⵉⵎⵉⴹⵉⵡⵉⵏ ⵏ ⵍⴽⵯⵜⴰⵕⴰⵜ ⴳ ⵜⵡⵏⵏⴰⴹⵜ ⵏⵏⵙ, ⴷ ⵓⵍⴰ ⵉⴳⵉ ⵏ ⵜⴰⵎⵓⵏⵜ ⴰⴽⴷ ⵉⵎⵣⴷⴰⵖⵏ ⴳ ⵓⵣⵎⵣ ⵏ ⴽⴽⵓⵥ ⵏ ⵉⵙⴳⴳⵯⴰⵙⵏ.