ⴳ ⵓⵙⴰⵜⵉ ⵏ ⵜⴷⵔⴰⵡⵜ ⴳ ⵓⵕⵥⵥⵓⵎ ⵏ ⵜⵉⵣⵉ ⵜⴰⵎⴰⴹⵍⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵜⵜⵓⵙⵏⵎⴰⵍⴰⵏ ⴳ ⵜⵎⴰⵥⵓⵏⵜ ⵏ ⵙⵙⴰⵍⴼⴰⴷⵓⵔ, ⵙⴰⵏ ⵙⴰⵍⴼⴰⴷⵓⵔ, ⵜⵙⵙⵉⴷⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (GANHRI) ⵅⴼ ⵜⵉⵍⴰⵍⵜ ⵜⴰⵎⵣⵡⴰⵔⵜ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⴳ ⵉⵎⴹⴰⴽⴰⵕⵏ ⵉⴳⵔⴰⵖⵍⴰⵏⵏ ⵉⵣⴷⵉⵏ ⵙ ⵜⵎⵣⵡⴰⴳⵜ, ⵙⴳⵉⵙⵏ ⵍⵎⵖⵔⵉⴱ.

ⵜⵙⵎⴰⵢⵏⵓ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⴰⵙⵙⴽⵜⵉ ⴳ ⵓⵙⴰⵜⵉ ⴰⴷ, ⵙ ⵜⵉⵍⴰⵍⵜ ⵜⴰⵏⴰⵎⵎⴰⵙⵜ ⵏ ⵉⵡⴰⵏⴽⵏ ⵏ ⵉⴼⴼⵓⵙ, ⵏⵏⴰ ⵉⴳⴰⵏ ⵙⴳ ⵉⵎⵙⴽⴰⵔⵏ ⵉⴷⵙⵍⴰⵏⵏ ⴳ ⵜⵙⵉⵍⴰⵡⵜ ⵏ ⵜⵏⵜⵜⴰⵎⵜ ⵜⴰⵎⴰⴹⵍⴰⵏⵜ ⵏ ⵜⵎⵣⵡⴰⴳⵜ, ⵏⵏⴰ ⵉⵜⵜⵓⵙⵖⵣⵏⵏ ⴳ ⵎⵕⵕⴰⴽⵛ ⴳ ⵍⵎⵖⵔⵉⴱ. ⵓⵔ ⵜⴻⵜⵜⵓ ⵜⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⵙⴽⵜⵉ ⴳ ⵓⵙⴰⵜⵉ ⴰⴷ ⵙ ⵓⵎⵏⵓⵙ ⴰⵣⵔⴼⴰⵏ ⴰⴳⵔⴰⵖⵍⴰⵏ: ⴰⵔ ⴰⵙⵙ ⴰⴷ, ⵓⵔ ⵉⵙⵖⵣⵏ ⴽⵔⴰ ⵏ ⵓⵡⴰⵏⴽ ⵙⴳ ⵉⵡⴰⵏⴽⵏ ⵏ ⵉⵥⵥⵍⵎⴹ ⵅⴼ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵓⴼⵔⴰⴳ ⵏ ⵉⵎⵙⵡⵓⵔⵉⵢⵉⵏ ⵉⵎⵣⵡⴰⴳⵏ ⴷ ⵜⵡⴰⵛⵓⵏⵉⵏ ⵏⵏⵙⵏ…

ⵜⵙⴼⴰⵡ ⴱⵓⵄⵢⵢⴰⵛ ⵎⴰⵙ ⵜⵉⵎⵙⴰⵔⵉⵏ ⵏ ⵜⵎⵣⵡⴰⴳⵜ ⴷ ⵉⵣⵔⴼⴰⵏ ⵏ ⵉⵎⵣⵡⴰⴳⵏ/ⵜⵉⵎⵣⵡⴰⴳⵉⵏ ⴷ ⵜⵉⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⵜⵉⵖⵣⵓⵔⴰⵏⵉⵏ ⵉⵣⴷⵉⵏ ⵙ ⵡⴰⴷⴷⵓⵔ ⵏ ⵓⴼⴳⴰⵏ, ⵜⵙⴷⴷⵉⴷ ⵎⴰⵙ ⵓⵔ ⵉⵣⴷⵉ ⵡⴰⴷⴷⵓⵔ ⴰⴷ ⵙ ⵓⴽⵍⵓ ⵡⴰⵍⴰ ⵙ ⵜⴰⵖⴰⵍⵜ, ⵎⴰⵛⴰ ⵉⴳⴰ ⴰⵣⵔⴼ ⴰⴷⵙⵍⴰⵏ ⵉⵅⵚⵚⴰ ⴰⴷ ⵉⵜⵜⵓⵡⵇⵇⴰⵔ ⵉ ⴰⴽⴽⵯ ⵉⵡⴷⴰⵏ ⵙ ⵢⵉⵙⴽⵉⵍ.

ⵎⴽⴷⴰ ⵜⵙⴷⴷⵉⴷ ⵜⵣⵔⴼⴰⵏⵜ ⵜⴰⵎⵖⵔⵉⴱⵉⵜ ⵅⴼ ⵓⵙⵖⵓⵏ ⵏ ⵜⴷⵔⴰⵡⵜ, ⵙ ⴰⴽⴽⵯ ⵜⵍⵖⵉⵡⵉⵏ ⵏⵏⵙ, ⵉ ⴰⴽⴽⵯ ⵉⵙⵎⵉⵍⵏ, ⵙⴳⵉⵙⵏ ⵉⵎⵣⵡⴰⴳⵏ/ⵜⵉⵎⵣⵡⴰⴳⵉⵏ.

ⵜⵉⵣⵉ ⵏ ⵙⵍⴼⴰⴷⵓⵔ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⵓⵙⴰⵜⵉ ⵏ ⵉⵎⵏⴰⴹⵏ ⵉⵙⴷⵉⴷⴷⵉⵏ ⴰⵙⵙ ⴰ ⵉⵣⵔⴼⴰⵏ ⵏ ⵉⵎⵣⵡⴰⴳⵏ/ⵜⵉⵎⵣⵡⴰⴳⵉⵏ ⴳ ⵎⵏⵏⴰⵡ ⵏ ⵉⴳⵊⴷⵉⵜⵏ ⴷ ⵜⵙⴳⴳⵯⵉⵏ ⵜⵉⴳⵔⴰⵖⵍⴰⵏⵉⵏ, ⵜⵡⴰⵜⵜⵙ ⵙⴳ ⵉⵡⵜⵜⴰⵙⵏ ⵏⵏⵙ ⴰⴷ ⵜⵙⵙⴼⴰⵡ ⵜⵉⴷⵔⴰⵡⵉⵏ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⴳ ⵜⵎⵣⵡⴰⵔⵜ ⵏ ⵉⵎⴹⴰⴽⴰⵕⵏ ⵉⴳⵔⴰⵖⵍⴰⵏⵏ ⵉⵥⵍⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⵉⵍⴰⵡⵜ ⵏ ⵉⵔⵎⵎⵓⵙⵏ ⵏⵏⵙⵏ. ⴰⵡⵜⵜⴰⵙ ⵏⵏⴰ ⴱⴷⴷⴰ ⵅⴼ ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⴳ ⵎⵏⵏⴰⵡⵜ ⵏ ⵜⵎⵍⴷⵉⵡⵉⵏ ⵜⵉⵙⴳⴰⵡⴰⵏⵉⵏ ⴷ ⵜⴳⵔⴰⵖⵍⴰⵏⵉⵏ.