ⵜⵙⴷⴷⵉⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⵎⴰⵙ ⴷ ⴰⵡⵜⵜⴰⵙ ⵉⴳⴰ ⵜ ⵜⴰⵡⵓⵔⵉ ⴰⴽⴷ ⵉⵄⵔⵔⵉⵎⵏ ⴷ ⵓⵙⴷⵓⵙ ⵏ ⵜⴷⵔⴰⵡⵜ ⵏⵏⵙⵏ ⴳ ⵢⵉⴳⵉ ⴰⵣⵔⴼⴰⵏ ⴷ ⵓⵖⵔⵉⵎ 

ⵙⵎⴷⵏⵜ ⵜⴰⴷⴳⴳⵯⴰⵜ ⵏ ⵡⴰⵙⵙ ⴰⴷ, ⴰⴽⵡⴰⵙ 7 ⵏⵓⵡⴰⵏⴱⵉⵔ 2024 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⵓⵙⴷⴷⵉ ⵏ ⵜⵙⵓⵡⴰⵔ ⵏ ⵓⵙⵎⵓⵜⵜⴳ "ⵙⴰⵡⵍⴰⵜ ⴰⵖ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ" ⵏⵏⵉ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵜⵎⴷⵔⴰⵡⵜ ⴰⴽⴷ ⵜⵎⵚⵕⵉⵜ ⵜⴰⵄⵔⵔⵉⵎⵜ ⵜⴰⴳⵔⴰⵖⵍⴰⵏⵜ ⴳ ⵕⵕⴱⴰⵟ , ⵙⴳ 26 ⵛⵓⵜⴰⵏⴱⵉⵔ ⴰⵔ 7 ⵏⵓⵡⴰⵏⴱⵉⵔ 2024 ⴳ ⵓⵙⵉⵏⴰⴳ ⵕⵕⴱⴰⵟ - ⵉⴷⵔⵉⵙ ⴱⵏⵣⴽⵔⵉ - ⵉⴷⵔⵉⵙ ⴱⵏⵣⴽⵔⵉ.

ⴳ ⵜⴳⵓⵔⵉ ⵏⵏⵙ ⵙ ⵜⵎⵍⴷⴰ ⴰⴷ, ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⵎⴰⵙ ⴷ ⴰⵡⵜⵜⴰⵙ ⵏ ⵓⵙⵇⵇⵉⵎ ⵙⴳ ⵜⵙⵏⵜⴰⵢⵜ ⴰⴷ, ⵏⵏⵉ ⵉⵔⴰ ⴰⴷ ⴱⴷⴷⴰ ⵜⵣⴷⵉ, ⵉⴳⴰ ⵜ ⵜⴰⵡⵓⵔⵉ ⴰⴽⴷ ⵉⵄⵔⵔⵉⵎⵏ ⵓⵔ ⴷ ⵅⴼ ⵉⵄⵔⵔⵉⵎⵏ, ⵅⴼ ⵉⵙⵏⵜⴰⵍ ⵉⵣⵔⴼⴰⵏⵏ ⵏⵏⵉ ⴳ ⵙⵡⵉⵏⴳⵉⵎⵏ ⴷ ⵓⵙⵙⴼⵍⴷ ⵙ ⵜⴰⵏⵏⴰⵢⵉⵏ ⵏⵏⵙⵏ ⴷ ⵜⵡⵏⴳⵉⵎⵉⵏ ⵏⵏⵙⵏ ⵉ ⵜⵙⵉⵍⴰⵡⵜ ⵏ ⵉⴼⵙⵙⴰⵢⵏ ⵉⵏⵉⵍⴰⵡⵏ ⴷ ⵓⵙⴷⵓⵙ ⵏ ⵜⴷⵔⴰⵡⵜ ⵏⵏⵙⵏ ⴳ ⵢⵉⴳⵉ ⴰⵣⵔⴼⴰⵏ ⴷ ⵓⵖⵔⵉⵎ ⴷ ⴳ ⵓⵙⴽⴽⵉⵏ ⴰⵎⴰⵜⴰⵢ.

ⵓⵔ ⵜⴻⵜⵜⵓ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⴷ ⵜⵙⵏⵉⵎⵎⵔ ⵜⵉⵎⴷⵔⴰⵡⵉⵏ ⴷ ⵉⵎⴷⵔⴰⵡⵏ ⵅⴼ ⵓⵙⵖⵓⵏ ⵏⵏⵙⵏ ⴷ ⵓⵎⵢⴰⵖ ⵏⵏⵙⵏ ⴳ ⵜⵉⵣⵉ ⵏ ⵓⵖⴰⵡⴰⵙ ⴰⵙⵎⴰⵜⵜⴰⴳ ⵏⵏⵉ ⴳ ⵙⵎⵏⵉⴷⵏ ⵜⴰⵏⵏⴰⵢⵉⵏ ⵏⵏⵙⵏ ⴷ ⵉⵙⵇⵙⵉⵜⵏ ⵉⴷⵔⴰⵏ ⵉⵎⵎⴰⵍⵏ  ⴰⵚⵚⴰⴱ ⴷ ⵉⴳⴰⵏⵏⵉⵜⵏ ⵏ ⵉⵄⵔⵔⵉⵎⵏ ⵉ ⵜⵙⵏⵜⴰⵢⵉⵏ ⵜⵓⵖⵔⵉⵎⵉⵏ ⵜⵉⵄⵔⵔⵉⵎⵉⵏ ⵜⵉⵎⴰⴳⴳⵓⵎⵉⵏ ⴷ ⵜⵉⵎⵙⵍⵍⵡⵉⵜⵉⵏ, ⵓⵔ ⵏⴻⵏⵏⵉ ⴰⴷ ⵓⵔ ⵙⵔⵙⵏⵜ ⵏⵙⵙⴼⵍⴷ, ⵏⵎⵢⴰⵖ ⴷⵉⴷⵙⵏⵜ, ⵎⴰⵛ ⴰⴷ ⴰⴽⴽⵯ ⵜⵏⵜ ⵏⴻⵏⵏⴰⵍ.

ⵜⵙⵎⴷ ⵜⵙⵎⵓⵏⵉ ⴰⴷ ⵏ ⵜⴳⵉⵔⴰ ⵙ ⵓⴱⵟⵟⵓ ⵏ ⵉⵙⵍⴽⵉⵏⵏ ⵏ ⵜⴷⵔⴰⵡⵜ ⵉ ⵎⴰⵕⵕⴰ ⵉⵎⴷⵔⴰⵡⵏ ⵏ ⵜⵙⵓⵜⵍⵉⵏ ⵏ ⵓⵙⵎⵓⵜⵜⴳ ⴰⴷ, ⵍⵍⵉ ⵉⵙⵡⴰⵜⵜⵙⵏ ⴰⵙⴷⵓⵙ ⵏ ⵜⵣⵎⵎⴰⵔ ⴷ ⵜⵓⵙⵙⵏⵉⵡⵉⵏ ⵏ ⵉⵄⵔⵔⵉⵎⵏ ⴷⵔⵓⵏⵉⵏ ⴳ ⵎⴰⴷ ⵉⵥⵍⵉⵏ ⵙ ⵉⵔⵎⵎⵓⵙⵏ ⵉⴷⵙⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵍⴰ ⴰⵙⴼⵔⴽ ⵏⵏⵙ ⵙ ⵉⵎⵙⵓⵔⴰⵙ ⴷ ⵜⵏⵥⴰⵕ ⵜⵉⵜⵔⴰⵔⵉⵏ ⵉⵣⴷⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⵎⴽⴷⴰ ⵙ ⵜⵜⵡⴰⵙⵙⴰⵏⵏ ⴳ ⵓⵎⴰⴹⴰⵍ.

ⵎⴽⴷⴰ ⵙⴽⵔⵏ ⵉⵎⴷⵔⴰⵡⵏ ⵢⴰⵏ ⵓⵔⵣⴰⴼ ⵙ ⵓⵙⴼⵙⵔ ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⴳ ⵓⵙⴳⴳⵯⴰⵙ ⵏ 2024 ⵙ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ 20 ⵏ ⵓⵙⵔⵙ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴳ ⵢⵉⵏⵏⴰⵢⵔ 2004, ⴷⴷⴰⵡ ⵏ ⵜⵎⴰⵜⴰⵔⵜ "ⵜⴰⵙⵉⵎⵔⴰⵡⵜ ⵏ ⵜⵉⴷⵜ ⴷ ⵓⵙⵓⵎⵓ ⴷ ⵓⵎⵙⴼⵔⵓ.. ⴰⴽⵜⵜⵓⵢ ⵏ ⵓⵙⵔⵙ ⴷ ⵓⵙⴰⴽⴰ", ⵍⵍⵉⵖ ⵙⵙⴼⵍⴷⵏ ⵉ ⵉⵙⴼⵙⵉⵜⵏ ⵅⴼ ⵓⵙⵔⵙ ⴰⴷ ⴰⴽⵙⵡⴰⵜ ⴳ ⵓⵎⵣⵔⵓⵢ ⵏ ⵍⵎⵖⵔⵉⴱ ⴰⵜⵔⴰⵔ.