![](/sites/default/files/2024-08/whatsapp_image_2024-08-22_at_11.20.45.jpeg)
ⵉⴷⵔⵓ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵙⵓⵜⵍⵜ ⵏ ⵓⵙⵎⵓⵜⵜⴳ ⵏⵏⴰ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⴳⴷⵓⴷⴰⵏⵜ ⵏ ⵟⵟⵓⴳⵓ ⴳ ⵜⵎⴰⵥⵓⵏⵜ ⵍⵓⵎⵉ, ⴳ ⵜⵉⵣⵉ ⵜⴰⵣⴳⵔⴰⵔⵜ ⴳⵔ 20 ⴷ 22 ⵖⵓⵛⵜ 2024, ⵏⵏⴰ ⵉⵔⴰⵏ ⴰⴷ ⵉⵙⴷⵓⵙ ⵜⵉⵣⵎⵎⴰⵔ ⵜⵓⵎⵀⵉⵍⵉⵏ ⴷ ⵜⵡⵙⵙⴰⵏⵉⵏ ⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏⵏⴰ ⵉⵜⵜⵡⴰⵙⵎⵎⴰⵏ ⵜⵉⴳⵉⵔⴰ ⴰⴷ, ⴷ ⵓⵍⴰ ⵉⵙⵓⵜⴰⵢ ⵏⵏⵉ ⴳⵉⵙ ⵉⵙⵡⵓⵔⵉ, ⴳ ⵓⵙⴰⵜⵉ ⵏ ⵜⵓⴳⴳⴰⵣ ⵏⵏⵙ ⵅⴼ ⵓⵙⴱⵓⵖⵍⵓ ⵏ ⵜⵡⵓⵔⵉ ⵏⵏⵙ ⵉⴷⴷⵖ ⵜⴳⴰ ⵜⵉⵎⵔⵙⴰⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⵜⵙⵙⵏ ⵜⵙⵓⵜⵍⵜ ⴰⴷ ⵏ ⵓⵙⵎⵓⵜⵜⴳ ⵜⵉⵖⵉⵎⵉⵜⵉⵏ ⵏ ⵓⵙⵏⵎⵍ ⵅⴼ ⵓⵏⴳⵔⴰⵡ ⴰⴳⵔⴰⵖⵍⴰⵏ ⴷ ⵓⵏⵎⵏⴰⴹ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵉⵍⴰⵍⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴳ ⵢⵉⴳⵔ ⴰⴷ. ⵉⵎⴽⵉⵏⵏⴰ ⵉⵙⴰⵡⵍ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵅⴼ ⵜⵉⵔⵎⵉⵜ ⵜⴰⵎⵖⵔⴰⴱⵉⵜ, ⵉⵙⵉⴷⴷ ⵅⴼ ⵜⵏⵥⴰⵕ ⵜⵉⵎⵇⵇⵔⴰⵏⵉⵏ ⴷ ⵜⵎⵙⴽⵔⵉⵏ ⵜⵉⵎⵓⴼⴰⵢⵉⵏ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ ⵜⵎⴰⵎⴽⵜ ⵏ ⵓⵙⵡⵓⴷⴷⵓ ⴷ ⵓⵙⵎⴽⵍ ⵏ ⵜⵏⵓⵔⵣⵉⵏ ⴷ ⵜⵉⵔⵎⵉⵜ ⵏⵏⵙ ⴳ ⵓⵎⵢⴰⵖ ⴰⵙⵖⵏⴰⵏ ⴰⴽⴷ ⵜⵙⵎⵉⴳⴰⵍ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ ⴷ ⴳⴰⵔ ⴰⵎⵓⴳⴳⵓ, ⴳ ⵜⵡⵓⵔⵉ ⵏ ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ. ⵎⴽⴷⴰ ⵉⵙⵎⵏⵉⴷ ⵉⵎⴰⵙⵙⵏ ⴷ ⵜⵉⵜⵉⵇⵏⵉⵢⵉⵏ ⵏ ⵓⵔⵣⴰⴼ ⵙ ⵉⴷⵖⴰⵔⵏ ⵏ ⵜⴼⴰⵜⵉⵜ ⵙⴳ ⵜⴷⵔⴼⵉ, ⴷ ⵜⵏⵥⴰⵕ ⵏⵏⵙ, ⵉⵙⵉⵡⵍ ⵅⴼ ⵜⴼⵔⴰⵙ ⵏ ⵓⵙⵎⴰⴷ ⴳ ⵜⵡⵓⵔⵉ ⵏ ⵜⵣⵓⵏⵉⵡⵉⵏ ⴷ ⵉⴼⵔⴷⵉⵙⵏ ⵏ ⵓⵙⵇⵇⵉⵎ/ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ.
![](/sites/default/files/inline-images/WhatsApp%20Image%202024-08-22%20at%2011.20.31.jpeg)
ⴳ ⵜⵙⴳⴰ ⵢⴰⴹⵏⵉⵏ, ⵢⴰⵎⵓ ⵓⵙⵏⵜⵍ ⵏ ⵜⵙⵖⵣⵏⵜ ⵏ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍⵉⵏ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵖⴰⵡⴰⵙ ⵏ ⵜⵙⵓⵜⵍⵜ ⴰⴷ ⵙ ⵜⵎⵢⴰⴷⴰⵙⵜ ⵏ ⵜⵎⴳⴳⵉⵜⵉⵏ ⵏ ⵜⵙⵖⵣⵏⵜ ⵏⵏⵉ ⵉⵜⵜⵓⴳⴰⵏ ⵉ ⵜⵎⵔⵙⴰⵍⵉⵏ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ.
ⵜⴳ ⵜⴷⵔⴰⵡⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵙⵓⵜⵍⵜ ⴰⴷ ⵏ ⵓⵙⵎⵓⵜⵜⴳ ⴰⵣⵎⵣⵣⵓ ⵏ ⵓⵎⵔⴰⵔⴰ ⵏ ⵜⵉⵔⵎⵉⵜⵉⵏ ⴷ ⵉⵏⴳⴳⵯⴰ ⵏⵏⵙ ⴳ ⵜⴳⴷⵓⴷⴰⵏⵜ ⵏ ⵟⵟⵓⴳⵓ ⴷ ⵜⵎⵔⵙⴰⵍⵉⵏ ⵜⵉⴼⵔⵉⵇⵉⵢⵏ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵢⴰ ⴰⴷ ⵉⵙⴷⵓⵙⵏ ⴰⵎⵢⴰⵡⴰⵙ ⴳⵔ ⵜⵎⵔⵙⴰⵍⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⵥⴰⵡⵜ, ⵢⴰⵡⵙ ⴳ ⵓⵙⴷⵓⵙ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵡⵉⵔ ⴰⵎⵏⵥⴰⵡ.
![](/sites/default/files/inline-images/WhatsApp%20Image%202024-08-22%20at%2011.20.59.jpeg)