ⵉⵖⵔⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵜⵏⴱⴰⴹⵜ ⵃⵎⴰ ⴰⴷ ⵜⴳ ⵉⵙⵏⴼⵍⵏ ⵏ ⵓⵖⴰⵡⵍ ⵉⵜⵜⵏⴼⵔⵓⵏ ⵜⴰⵎⵢⴰⴳⴰⵏⵜ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⴳ ⵓⴼⵔⴰⴳ ⵙⴳ ⵜⴽⵕⴹⵉ ⵙ ⵇⴰⵃ ⵡⴰⵏⴰⵡⵏ ⵏⵏⵙ ⴷ ⵜⴽⵕⴹⵉ ⵜⴰⵡⵙⵢⴰⵏⵜ ⵙ ⵓⵥⵍⴰⵢ, ⴷ ⵃⵎⴰ ⴰⴷ ⵉⵖⵜⵙ ⵓⵏⵣⵣⴰⵔⴼⵓ ⴳ ⵓⵏⴳⵓⴳ ⴰⵙⵔⵜⴰⵏ ⵏⵏⵉ ⵙⵙⵏⵜ ⵜⵖⵜⴰⵙⵉⵏ ⵏⵏⵙ ⴳ ⵜⵎⵙⴰⵔⵉⵏ ⵜⵉⵏⴰⵎⵓⵏⵉⵏ ⵓⴷⴷⵏⵉⵏ. ⵉⴷⴷⴰ ⴷ ⵎⴰⵢⴰ ⵏⵏ ⴳ ⵓⵙⴰⵜⵉ ⵏ ⵜⵡⵓⵔⵉⵡⵉⵏ ⵏ ⵓⵏⵎⵓⵇⵇⴰⵔ ⴰⵎⵢⴰⵖ ⵏⵏⵉ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵙ ⵏ ⵓⵙⵉⵏⴰⵙ 11 ⵉⴱⵔⵉⵔ 2023, ⵅⴼ "ⵜⴽⵕⴹⵉ ⵜⴰⵡⵙⵢⴰⵏⵜ ⵎⴳⴰⵍ ⴰⵣⵣⴰⵏⵏ" ⵏⵏⵉ ⵉⵜⵜⵡⴰⵙⵙⴰⵏⵏ ⵙ ⵜⴷⵔⴰⵡⵜ ⵏ ⵉⵎⵔⵣⴰ ⴷ ⵉⴽⴰⴷⵉⵎⵉⵢⵏ ⴷ ⵉⴳⵏⵙⴰⵙ ⵏ ⵜⵎⴰⴷⴷⴰⵙⵉⵏ ⵏ ⵡⴰⵎⵓⵏ ⵓⵖⵔⵉⵎ.

ⵙ ⵉⴱⴷⴷⵉ ⵅⴼ ⵜⵢⴰⴼⵓⵜⵉⵏ ⵏ ⵜⴰⵏⴰⴹⵜ ⵏ ⵓⵙⵇⵇⵉⵎ ⵅⴼ "ⵜⴽⵕⴹⵉ ⴷ ⵡⴰⵔ ⴰⵙⵓⵎⵓ ⴰⵔ ⵉⵏⵇⵇⴰ ⵜⵉⵔⴰⵜ ⵜⴰⵏⴼⴳⴰⵏⵜ ⵏ ⵜⵎⵖⴰⵔⵜ", ⵜⵙⴷⴷⵉⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵎⴰⵙ "ⵉⴷⵔⵓⵙ ⵎⴰ ⵖ ⵜⵜⵓⴳⴳⴰ ⵜⵣⵔⴼⵜ ⴳ ⵜⵎⵙⴰⵔⵉⵏ ⵏ ⵜⴽⵕⴹⵉ ⵎⴳⴰⵍ ⵜⵡⵜⵎⵉⵏ ⴷ ⵜⵔⴱⴰⵜⵉⵏ" ⵙ ⵜⵎⵏⵜⵉⵍⵜ ⵏ ⵡⴰⵍⴰⵙ ⵏ ⵜⵓⵎⵙⵉⵙⵜ ⵏ ⵉⵎⵊⵕⵉⵜⵏ, ⵜⵉⵎⵙⵓⵜⴰⵍ ⵏ ⵓⵙⴼⵙⵉⵙ, ⴰⵙⵙⴰⵔ ⵏ ⵜⵏⵓⵔⵣⵉⵜ ⵙ ⵜⵎⵏⵜⵉⵍⵜ ⵏ ⵡⴰⴷⴷ ⵅⴼ ⵓⵏⴳⵉⵙⵏ... ⴷ ⵎⴰⵙ ⴳⴰⵏ ⵡⴰⴷⴷⴰⴷⵏ ⵏ ⵜⴰⴷⵓⵜⵉⵏ ⵀⵔⵛⵏⵉⵏ ⴷ ⵓⵎⵓⵜⵜⵍ ⴷ ⵡⴰⵔ ⴰⵙⵓⵎⵓ ⵎⵏⵉⴷ ⵏ ⵜⵉⵍⵍⴰⵙ ⵏ ⵉⵙⴱⴷⴰⴷⵏ ⵣⴷⵉⵏⵉⵏ ⵙ ⵓⴽⵓⵙ ⴷ ⵜⵓⴽⴽⵙⴰ ⵏ ⵍⵄⴰⵕⴰⴹⴰ ⴷ ⵜⵙⵏⵙⵉ ⵏ ⵓⵙⵍⴳⵏ ⵙ ⵜⵡⵉⵍⴰ ⵓⵔ ⵉⴳⵉⵏ ⵜⴰⵏⴱⵔⵉⴷⵜ ⴷ ⵓⴼⴼⵔⵜⵍ ⵏ ⵜⵓⴳⵜ ⵏ ⵉⵎⴳⴳⴰⵢⵏ ⵏ ⵓⴽⵓⵙ ⵙⴳ ⵜⵣⵔⴼⵜ, ⵎⴰⵢⴰ ⵏⵏ ⴰⴷ ⴰⵖ ⵉⵙⴰⵇⵙⴰⵏ ⴰⵙⵙ ⴰ ⵅⴼ ⵜⴼⵍⵙⴰⴼⵜ ⵏ ⵜⵎⵔⵔⵓⵜ ⴷ ⵓⵏⴰⴳⵔⴰⵡ ⵏ ⵓⴼⵔⴰⴳ ⵏⵏⵉ ⵉⴳⴰⵏ ⵜⴰⵎⵙⵜⴳⴳⴰⵔⵜ ⵉⵛⵛⴰⵕⵏ... ⴷ ⵉⴷⴷⵖ ⴳⴳⵓⴷⵉⵢⵏ ⵡⴰⴷⴷⴰⴷⵏ ⵏ ⵜⴽⵕⴹⵉ ⵜⴰⵡⵙⵢⴰⵏⵜ, ⵜⵙⵎⴰⵢⵏⵓ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵜⴰⵖⵓⵔⵉ ⵙ ⵓⵙⴳⴳⴷ ⵏ ⵓⵣⵓⵔⵜ ⵉⴱⴰⴹⵏ ⴳ ⵜⵙⵔⵜⵉⵜ ⵏ ⵜⵎⵔⵔⵓⵜ ⴷ ⵡⴰⵍⴰⵙ ⵏ ⵜⵙⵏⴰⵡⴰⵢⵜ ⵏ ⵓⴽⵓⵙ ⴷ ⵜⴰⴷⵓⵜ, ⵙ ⵓⵎⵙⴰⵙⴰ ⴰⴽⴷ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ, ⵎⴰⵙ ⴳⴰⵏ ⵜⵉⴽⵕⴹⵉ ⵜⴰⵡⵙⵢⴰⵏⵜ, ⵉⴳⴰⵏ ⴰⴱⴽⴽⵉⴹ ⵉⵙⵡⵓⵜⵜⵙⵏ ⵜⵉⵕⵥⵉ ⵏ ⵜⵏⴼⵔⵓⵜ ⵏ ⵜⴼⴳⴳⴰ ⵏ ⵜⵓⵏⴳⵉⵙⵜ ⵏⵏⵉ ⵙ ⵉⵅⵚⵚⴰ ⴰⴷ ⵅⵉⴼⵙ ⵜⵜⵓⴳⴳⴰ ⵜⵎⵔⵔⵓⵜ ⵢⵓⵙⵙⴰⵏ. ⵎⴽⵏⵏⴰ ⴰⴽⴽⵯ ⴳⴰⵏⵜ ⵜⵎⵙⵓⵜⴰⵍ, ⵓⵔ ⴷ ⵅⵙ ⵜⵉⵕⵥⵉ ⵏ ⵓⵏⴰⴳⵔⴰⵡ ⵏ ⵜⵡⵊⴰ ⵎⴽⴷⴰ ⵉⴳⴰ ⵡⴰⴷⴷⴰⴷ ⵖⵉⵍⴰⴷ.

ⵉ ⵓⵙⴽⵜⵉ, ⵙⵡⵓⵔⵉⵏ ⵉⵎⴷⵔⴰⵡⵏ ⵏ ⵓⵏⵎⵓⵇⵇⴰⵔ ⴰⴷ ⵅⴼ ⵜⵓⴳⵜ ⵏ ⵉⵙⴳⵓⵎⵏ ⵉⵥⵍⵉⵏ ⵙ : "ⵜⴰⵡⴰⵍⵉⵜ ⵏ ⵡⴰⵎⵓⵏ ⴰⵎⵖⵔⵉⴱⵉ ⵉ ⵜⴽⵕⴹⵉ ⵜⴰⵡⵙⵢⴰⵏⵜ ⵎⴳⴰⵍ ⴰⵣⵣⴰⵏⵏ" ; "ⴰⴷⵔⵉⵣ ⴰⵏⵉⵎⴰⵏ ⵏ ⵜⴽⵕⴹⵉ ⵜⴰⵡⵙⵢⴰⵏⵜ ⵅⴼ ⵡⴰⵣⵣⴰⵏⵏ" ; "ⴰⴼⵔⴰⴳ ⵓⵍⴳⵉⵏ ⴷ ⵜⵡⵓⵔⵉ ⵜⴰⵏⵣⵔⴰⴼⵜ" ; "ⴰⵎⵓⵏ ⵓⵖⵔⵉⵎ ⴷ ⵓⴼⵔⴰⴳ ⵏ ⵡⴰⵣⵣⴰⵏⵏ ⵙⴳ ⵜⴽⵕⴹⵉ ⵜⴰⵡⵙⵢⴰⵏⵜ" ; "ⵎⴰⵏ ⵜⵉⵍⴰⵍⵜ ⵉⵍⵍⴰⵏ ⴷⴰⵔ ⵡⴰⵣⵣⴰⵏ ⴳ ⵓⴳⵏⵙ ⵏ ⵓⵏⴰⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵔ?". ⴳ ⵓⵎⵏⵉⴷ ⵏ ⵜⵙⵉⵍⴰⵡⵜ ⵏ ⵜⵙⵓⵎⵔⵉⵏ ⵜⵓⵎⵀⵉⵍⵉⵏ ⵙⵡⵓⵜⵜⵙⵏⵉⵏ ⴰⵙⴷⵓⵙ ⵏ ⵓⵙⵎⵙⴰⵙⴰ ⵏ ⵓⵏⴰⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵔ ⴰⴽⴷ ⵓⵙⴰⵜⵉ ⴰⵏⴰⵡⴰⵢ ⴰⴳⵔⴰⵖⵍⴰⵏ ⴷ ⵉⵎⴰⵙⵙⵏ ⵏ ⵓⴼⵔⴰⴳ ⵏⵏⵉ ⴷ ⴷⴰⵔ ⴰⵣⴷⴰⵢ.