ⵉⵙⴼⵓⴳⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⴽⴷ ⵉⵏⵎⵣⴰⵖⵏ ⵅⴼ ⵉⵣⵔⴼⴰⵏ ⴷ ⵜⴷⵔⴼⵉⵏ ⴳ ⵓⵎⴰⴹⴰⵍ, ⴳ ⵡⵉⵙⵙ ⵜⴰⵎ ⴳ ⵎⴰⵕⵚ 2025, ⴰⵙⵙ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ, ⵏⵏⴰ ⵢⵓⵙⵉⵏ ⵙ ⵜⵎⴰⵜⴰⵔⵜ ⵏⵏⵙ ⴰⵙⴳⴳⵯⴰⵙ ⴰⴷ ــــ ⵉⵣⵔⴼⴰⵏ ⵏⵏⵙⵏⵜ, ⵉⵎⴰⵍ ⵏⵏⵖ, ⵖⵉⵍⴰⴷ - ⵉⵣⵔⴼⴰⵏ. ⵉⵙⴽⵉⵍ. ⴰⵙⵣⵎⵔ. ⵉ ⴰⴽⴽⵯ ⵜⵉⵎⵖⴰⵔⵉⵏ ⴷ ⵜⵔⴱⴰⵜⵉⵏ ــــ ⵜⴰⵎⴰⵜⴰⵔⵜ ⴳ ⵜⵍⵍⴰ ⵜⵖⵓⵔⵉ ⵙ ⵉⴳⵉ ⵏ ⵜⵎⴳⴳⵉⵜⵉⵏ ⵉⵥⴹⴰⵕⵏ ⴰⴷ ⵙⴷⵓⵙⵏⵜ ⵉⵙⴽⵉⵍ ⴳ ⵉⵣⵔⴼⴰⵏ ⴷ ⵉⵣⵎⴰⵣ ⵉ ⵇⴰⵃⵃ ⴷ ⵜⵏⴼⵔⵓⵜ ⵏ ⵓⵙⵣⵎⵔ ⵏ ⵜⵎⵖⴰⵔⵉⵏ ⴷ ⵜⵔⴱⴰⵜⵉⵏ, ⵉ ⵢⴰⵏ ⵢⵉⵎⴰⵍ ⵓⵔ ⴷⴰ ⵉⵜⵜⴰⴷⵊⴰⵏ ⵢⴰⵏ ⴳ ⴹⴰⵕⴰⵜ ⵏⵏⵙ.

ⵜⴰⵎⴰⵜⴰⵔⵜ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⵣⵎⵣⵣⵓ ⵏ ⵡⴰⵙⵙ ⴰⴳⵔⴰⵖⵍⴰⵏ, "ⵓⵔ ⵔⴰⴷ ⵉⵙⵎⴷ ⵓⵏⴰⵎⴽ ⵏⵏⵙ ⴷ ⵓⵡⵜⵜⴰⵙ ⵏⵏⵙ, ⵎⴰ ⵉⵣⴷⵉ ⵓⵣⵣⵉⴳⵣ ⵏ ⵜⵓⵎⴰⵏⵜ ⵏ ⵜⴽⵕⴹⵉ ⵙ ⴰⴽⴽⵯ ⵜⵡⵉⵍⴰⵜⵉⵏ ⵏⵏⵙ ⵎⴳⴰⵍ ⵜⵎⵖⴰⵔⵉⵏ ⴷ ⵜⵔⴱⴰⵜⵉⵏ". ⵜⵉⴽⵕⴹⵉ ⵉⴱⴷⴷⵏ ⵅⴼ ⵡⴰⵏⴰⵡ ⴰⵏⴰⵎⵓⵏ, ⵜⵔⵏⴰ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵉⴳⴰ "ⵙⴳ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⴱⴰⵀⵔⴰ ⵉⵜⵜⵡⴰⵙⵙⴰⵏⵏ ⴳ ⵓⵎⴰⴹⴰⵍ", ⵓⵔ ⵉⵣⴷⵉ ⵖⴰⵙ ⵅⴼ ⵙ ⵢⴰⵏ ⵓⵙⵎⵉⵍ ⴰⵏⴰⵎⵓⵏ ⵏⵖ ⴰⵙⵎⵉⵍ ⴰⴷⵎⵙⴰⵏ ⵉⵥⵍⵉⵏ... "ⴰⵔ ⵉⵙⴷⵉⴷⴷⵉⵢ ⵜⴰⴷⵓⵙⵉ ⵏ ⵜⵎⵖⴰⵔⵉⵏ ⴷ ⵜⵔⴱⴰⵜⵉⵏ, ⴰⴷⴷⵓⵔ ⵏⵏⵙⵏⵜ, ⵉⵙⵉⵜⴰⵎ ⵏⵏⵙⵏⵜ, ⵜⴰⵏⴼⵔⵓⵜ ⵏⵏⵙⵏⵜ ⴷ ⵜⵙⵉⵎⴰⵏⵜ ⵏⵏⵙⵏⵜ... ⴷⴰ ⵉⵜⵜⴰⵡⵙ ⵉⴼⵙⵜⵉ ⴷ ⵓⵍⵎⴰⴹ ⵏ ⵓⵙⵙⵉⵡⴹ ⴳ ⵜⵣⵣⵉⴳⵣⵜ ⵏⵏⵙ ⴷ ⵜⵙⵓⵍⵜ ⵏⵏⵙ, ⴰⵙⵡⵓⵜⵜⵛⵉ ⵏ ⵉⵖⴰⵍⵏ ⵉⵣⴳⵍⵏ ⴰⵔ ⵜⵜ ⵙⵙⵓⵛⵛⴹⵏⵜ ⵉⵜⵙⵏⵜ ⵜⵉⴽⴽⴰⵍ ⵏⵖ ⵜⵜ ⵏⴰⴽⵕⵏ ⴰⴽⴽⵯ, ⵉⴳ ⵖⵓⵔⵙⵏⵜ ⴰⴳⵣⵣⵓⵎ ⴰⴳⴰⵎⴰⵏ ⵙⴳ ⵉⵎⵢⴰⵙⵙⴰⵜⵏ ⵏⴳⵔ ⵜⵎⵖⴰⵔⵉⵏ ⴷ ⵉⵔⴳⴰⵣⵏ".

ⵙ ⵎⴰⵏⴰⵢⴰ, ⵜⵔⵏⴰ ⵜⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ, ⵙ ⵓⵣⵎⵣⵣⵓ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵎⵖⴰⵔⵜ, "ⴷⴰ ⵏⵜⵜⵎⵣⴰⵖ ⵙ ⵜⵡⵉⵍⴰ ⵉⵣⴷⵉⵏ ⵅⴼ ⵡⴰⴷⴷⵓⵔ ⵏ ⵜⵎⵖⴰⵔⵉⵏ ⴷ ⵜⵔⴱⴰⵜⵉⵏ, ⴰⵔ ⵏⵜⵜⵏⵄⴰⵕ ⵉ ⵓⴼⵔⴰⴳ ⵏ ⵉⵣⵔⴼⴰⵏ ⵏⵏⵙⵏⵜ… ⵅⴼ ⵓⵙⴱⴷⴷⵉ ⵏ ⵜⴽⵕⴹⵉ ⴰⴷ ⴷ ⵓⵎⵏⴰⵍⴰ ⵏⵏⵙ", ⵙ ⵓⵎⵙⴰⵙⴰ ⴰⴽⴷ ⵜⵙⵓⵖⵍⵜ ⵏⵏⵖ ⵜⴰⴷⵙⵜⴰⵔⵜ ⴷ ⵜⵎⵔⵉⵙⵉⵏ ⵏ ⵍⵎⵖⵔⵉⴱ ⵙ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵏⵏⴰ ⵜⵙⵖⵣⵏ ⵜⴳⵍⴷⵉⵜ.

ⵜⵉⴽⵕⴹⵉ ⵉⵏⵇⵇⴰⵏ ⵜⵉⵔⴰⵜ ⵜⴰⵏⴼⴳⴰⵏⵜ

ⵉⴼⵓⴽ ⴰⴷ ⵏⵙⵙⴽⵜⵉ ⴳ ⵓⵙⴰⵜⵉ ⴰⴷ, ⵎⴰⵙ ⴷ ⵉⵙⵙⵓⴼⵖ ⵓⵙⵇⵇⵉⵎ ⴰⵙⴳⴳⵯⴰⵙ ⵏ 2021, ⵙ ⵓⵣⵎⵣⵣⵓ ⵏ ⵓⵎⵣⵉⵣⵣⵍ ⴰⵏⵎⵜⵜⴰ ⴰⵙⴳⵯⵙⴰⵏ ⵎⴳⴰⵍ ⵏ ⵜⴽⵕⴹⵉ ⵏ ⵡⴰⵏⴰⵡ, ⴰⵎⵣⵉⵣⵣⵍ ⴰⵏⴰⵎⵓⵔ ⴷ ⵜⵏⵎⵏⴰⴹⵜ ⵉⵣⴷⵉⵏ ⴰⵙⴳⴳⵯⴰⵙ ⵉⵙⵎⴷⵏ ⴷⴷⴰⵡ ⵏ ⵜⵎⴰⵜⴰⵔⵜ "ⴰⴷ ⵓⵔ ⵏⴼⵉⵙⵙ ⵅⴼ ⵜⴽⵕⴹⵉ ⵎⴳⴰⵍ ⵜⵎⵖⴰⵔⵉⵏ ⴷ ⵜⵔⴱⴰⵜⵉⵏ" ⵙ ⵓⵡⵜⵜⴰⵙ ⵏ ⵓⵙⵙⵔⵇⴱ ⵏ ⵜⵓⵏⴳⵉⵙⵉⵏ ⵉⵏⵊⵎⵏ ⵅⴼ ⵓⵙⵙⵉⵡⴹ ⵏ ⵜⴽⵕⴹⵉ ⵙ ⴰⴽⴽⵯ ⵜⵡⵉⵍⴰⵜⵉⵏ ⵏⵏⵙ ⴷ ⵜⵏⴼⵔⵓⵜ ⵏ ⵡⴰⵔ ⴰⴼⴼⵔⵜⵍ ⵙⴳ ⵓⵙⵎⵔⵔⵜ. ⵉⵙⵢⴰⴼⴰ ⵓⵎⵣⵉⵣⵣⵍ ⵙ ⵓⵙⵙⵓⴼⵖ ⵏ ⵜⴰⵏⴰⴹⵜ "ⵜⵉⴽⵕⴹⵉ ⴷ ⵡⴰⵔ ⴰⵙⵓⵎⵓ ⴰⵔ ⵏⵇⵇⴰⵏ ⵜⵉⵔⴰⵜ ⵜⴰⵏⴼⴳⴰⵏⵜ ⵏ ⵜⵎⵖⴰⵔⵜ", ⵉⴱⴷⴷⵏ ⵅⴼ:

• ⵜⵉⵏⵥⴰⵕ ⵏ ⵜⵎⴳⴳⵉⵜⵉⵏ ⵜⵉⵎⵏⴰⵡⴰⵢⵉⵏ ⵉ ⵓⵙⵙⵉⵡⴹ ⵅⴼ ⵜⴽⵕⴹⵉ, ⴳⵉⵙⵏⵜ ⴰⵡⴷ ⵜⵉⵎⵓⴽⵔⵉⵙⵉⵏ ⵏ ⵜⵥⵍⴰⵢⵜ ⵜⴰⴷⵖⵔⴰⵏⵜ;
• ⴰⵙⵔⴱⵓ ⵏ ⵡⴰⴳⴳⵯⴰ ⵏ ⵜⵉⵍⴰⵡⵜ ⵉ ⵜⵎⵖⴰⵔⵉⵏ ⵜⵓⵏⵊⵉⵎⵉⵏ ⵙⴳ ⵜⴽⵕⴹⵉ ⴷ ⵓⵏⴳⵉⵙⵏ, ⵎⴰⵢⴰ ⴷ ⴰⵔ ⵉⵜⵜⴹⵉⵚ ⵅⴼ ⵓⵙⴰⴽⴰ ⵏ ⵓⵙⵙⵉⵡⴹ;
• ⴰⵎⵣⴰⵔⴰⵢ ⵏ ⵜⵙⵏⴱⴹⴰⵢⵉⵏ ⵍⵍⴰⵏⵉⵏ ⴳ ⵢⴰⵜ ⵜⵙⴽⵯⴼⵍ ⴷ ⵉⵜⵙⵏⵜ ⵜⵉⴽⴽⴰⵍ ⵏⴳⵔ ⵜⵙⵏⴱⴹⴰⵢⵉⵏ ⵙ ⵎⵉ ⵎⵣⴰⵔⴰⵢⵏⵜ ⵜⵙⴽⵯⴼⴰⵍ ⵏⵏⵙⵏⵜ, ⵅⴼ ⵜⵏⴰⵎⵉⵜ ⵏ ⵜⴳⵔⵓⵎⵎⴰ ⵏ ⵉⵎⵢⴰⴳⵏ ⵎⵎⵔⵡⴰⵙⵏⵉⵏ ⵉⴷⴷⵖ ⵓⵔ ⴼⴰⵡⵏ ⵉⵙⵏⵎⵍⵏ ⴷ ⵓⵔ ⵡⴰⵔ ⴰⵙⴱⴽⴽⴹ ⵏ ⴽⵔⴰ ⵏ ⵉⴳⵉⵜⵏ;
• ⵜⵉⵍⵉⵜ ⵏ ⵓⵙⵡⴰⵍⴰ ⵖⵔ ⵜⵓⴽⴽⵉ ⵏ ⵜⵖⴰⵔⴰ ⵜⴰⵏⵙⵓⵏⴰⵏⵜ ⵉ ⵜⵎⵙⴰⵔⵉⵏ ⵏ ⵜⴽⵕⴹⵉ ⵎⴳⴰⵍ ⵜⵉⵎⵖⴰⵔⵉⵏ ⵉⵥⴹⴰⵕⵏ ⴰⴷ ⴰⵎⵥⵏⵜ ⵜⴰⵖⴰⵔⴰ ⵜⴰⵏⴱⴽⴽⵉⴹⵜ;
• (...)

ⴳ ⵓⵎⵏⴰⴹ ⵉⵣⴷⵉⵏ, ⵉⵙⵎⴰⵢⵏⵓ ⵓⵙⵇⵇⵉⵎ ⴳ ⵜⵖⵓⵔⵉ ⵉⵣⵔⵉⵏ ⴰⵙⴷⴷⵉⴷ ⵏⵏⵙ ⵅⴼ ⵓⵙⵖⵓⵏ ⵏ ⵡⴰⵍⴰⵙ ⵏ ⵓⵙⵏⵎⵍ ⵏ ⵓⴱⴽⴽⵉⴹ ⵏ ⵜⵣⴱⵉ ⴳ ⵓⵙⵏⵜⵉ ⵏ ⵓⵙⵏⴼⵍ ⵏ ⵓⵙⵍⴳⵏ ⴰⵏⴱⴽⴰⴹ ⴰⴼⴰⴷ ⴰⴷ ⵢⴰⵎⵓ ⵜⵉⵣⴱⵉ ⵜⴰⵢⵓⴳⴰⵏⵜ ⴷ ⵓⵙⵎⵀⵍ ⵉⵏⵏⵖⵍⵏ ⵏ ⵉⵙⵡⵓⴷⴷⵓⵜⵏ ⵏ ⵓⴼⵔⴰⴳ ⵉⵜⵜⵓⵖⵜⴰⵙⵏ ⴳ ⵓⵙⵍⴳⵏ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵜⵎⵖⴰⵔⵉⵏ.

ⴰⵙⴰⵜⵉ : ⵉⵙⴼⴽⴰ ⴷ ⵓⵟⵟⵓⵏⵏ (ⵙⴳ ⵜⴰⵏⴰⴹⵜ ⵏ ⵜⵏⵙⵙⵉⵅⴼⵜ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⵉ 2023, ⵉⴼⴼⵖⵏ ⴳ ⵜⴳⵉⵔⴰ ⵏ ⵉⵎⴰⵍⴰⵙⵙ ⴰⴷ) 85 ⵏ ⵉⴼⴹⵏ ⴷ 909 ⵏ ⵜⵏⵓⵔⵣⵉⵏ ⵅⴼ ⵜⴽⵕⴹⵉ ⵎⴳⴰⵍ ⵜⵎⵖⴰⵔⵉⵏ ⴳ 51% ⵏ ⵡⴰⴷⴷⴰⴷⵏ, ⴰⵔⴳⴰⵣ ⵏⵜⵜⴰ ⴰⴷ ⵉⴳⴰⵏ ⵙ ⵉⵜⵜⵓⵙⵏⵏⴰⵔⴰⵣ ⵜⵉⵎⵙⴰⵔⵉⵏ ⵏ ⵜⴽⵕⴹⵉ ⵎⴳⴰⵍ ⵜⵎⵖⴰⵔⵉⵏ ⴳ ⵓⵍⵓⵢ ⵉⵣⴷⵉⵏ: ⵙ ⵜⴷⵔⵙⵉ ⵏ 20 ⵉⴼⴹⵏ ⵏ ⵜⵎⵙⴰⵔⵜ ⴳ 2019 ⴰⵔ ⵎⴰⴷ ⵢⴰⵥⴹⵏ ⵉ 30 ⵉⴼⴹⵏ ⵏ ⵜⵎⵙⴰⵔⵜ ⵉ 2023 (ⵓⵍⵓⵢ ⵙ 59% ⴷⴼⴼⵉⵔ ⵜⴰⴷⵔⵙⵉ ⵉⵎⵥⵥⵉⵢⵏ ⴳ 2020) 30 ⵏ ⵉⴼⴹⵏ ⴷ 410 ⵏ ⵜⵓⵏⴳⵉⵙⵜ ⴳ 2023 ⵓⵍⵓⵢ ⵏ ⵡⵓⵟⵟⵓⵏ ⵏ ⵓⵏⴳⵉⵙⵏ ⵏ ⵜⴽⵕⴹⵉ ⵎⴳⴰⵍ ⵜⴰⵣⵣⴰⵏⵉⵏ ⴷ ⵜⵔⴱⴰⵜⵉⵏ ⵙⴳ 4849 ⴰⵔ 5476 ⵏ ⵜⴰⵣⵣⴰⵏⵜ 3227 ⵏ ⵜⴰⵣⵣⴰⵏⵜ ⵜⴳⴰ ⵜⵓⵏⴳⵉⵙⵜ ⵏ ⵜⴰⴷⵓⵜⵉⵏ ⵜⵉⵡⵙⵢⴰⵏⵉⵏ

ⴰⵙⵢⵉⵡⵍ ⵏ ⵜⴰⵣⵣⴰⵏⵉⵏ: ⵢⴰⵏ ⵙⴳ ⵉⵎⵉⵣⵉⵜⵏ ⵉⵅⴰⵜⴰⵔⵏ ⵏ ⵜⵕⵥⵉ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ

ⵅⴼ ⵉⴳⴳⵉ ⵏ ⵎⴰⵢⴰ, ⵓⵔ ⴷⴰ ⵉⵙⵉⴼⵙⵓⵙ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵏⵄⴰⵕ ⵏⵏⵙ ⵎⴳⴰⵍ ⴰⵙⵢⵉⵡⵍ ⵏ ⵜⴰⵣⵣⴰⵏⵉⵏ, ⴰⵛⴽⵓ ⵉⴳⴰ ⵢⴰⵜ ⵜⵡⵉⵍⴰ ⵜⵉⵎⵉⵣⵉⵜ ⵙⴳ ⵜⵡⵉⵍⴰⵜⵉⵏ ⵏ ⵜⴽⵕⴹⵉ ⵜⴰⵡⵙⵢⴰⵏⵜ, ⴷ ⵜⵕⵥⵉ ⵜⴰⵙⴼⴼⵏⵥⴰⵢⵜ ⵉⵜⵜⵟⵟⴰⵚⵏ ⵉⵣⵔⴼⴰⵏ ⵏ ⵜⴰⵣⵣⴰⵏⵉⵏ, ⵉⵙⴷⵉⴷⴷⵉⵢⵏ ⴰⴷⴷⵓⵔ ⵏⵏⵙⵏⵜ ⴷ ⵜⵏⴼⵔⵓⵜ ⵏⵏⵙⵏⵜ ⵜⴰⴽⵎⴰⵎⵜ ⴷ ⵜⵎⵏⵍⵍⵉⵜ ⴷ ⵜⴳⵎⵉ ⵏⵏⵙⵏⵜ.

ⵙⴳ ⵜⵓⴳⵜ ⵏ ⵖⴰⵢⴰ, ⵙ ⵓⵎⴷⵢⴰ, ⴰⵎⵣⵉⵣⵣⵍ ⴰⵏⴰⵎⵓⵔ ⴷ ⵓⵏⵎⵏⴰⴹ, ⵉⵣⴷⵉⵏ ⴰⵙⴳⴳⵯⴰⵙ ⵉⵙⵎⴷⵏ, ⵏⵜⵜⴰⵜ ⵓⵍⴰ, ⴰⵙⴳⴳⵯⴰⵙ ⵏ 2019, ⵉ "ⵜⵓⵙⵙⵔⴰ ⵏ ⵓⵙⵍⵉⴷ... ⴰⵙⵉⵍⴰⵡ ⵏ ⵓⵍⵓⴳⵏ ⵓⵍⴳⵉⵏ", ⴳ ⵓⵙⵍⴳⵏ ⵏ ⵜⵡⵊⴰ, ⴷ ⵉⵙⵖⵍⴰⴼ ⵉⵜⵜⵡⴰⵍⴰⵙⵏ ⴳ ⵜⴰⵏⴰⴹⵉⵏ ⵏⵏⵙ ⵜⵉⵙⴳⵓⵎⴰⵏⵉⵏ ⴷ ⵜⴰⵏⴰⴹⵉⵏ ⵏⵏⵙ ⵜⵉⵙⴳⵯⵙⴰⵏⵉⵏ ⵙ ⵙⵎⵎⵓⵙⵜ 2023-2019.

بالإضافة إلى التصدي إلى هذا الشكل من أشكال العنف القائم على النوع الاجتماعي، يترافع المجلس في هذا السياق أيضا على إعمال المصلحة الفضلى الطفلات، على اعتبار أن تزويجهن ضرب من ضروب العنف وشكل من أشكال التمييز.

محاربة كل أشكال وضروب العنف القائم على النوع الاجتماعي أولوية وضرورة قصوى لتطور ممارسة النساء والفتيات لحقوقهن وتمتعهن بها، وللسعي المتواصل لتحقيق المساواة والتمكن من تمكين كافة النساء والفتيات.

يتبع...

ⵅⴼ ⵉⴳⴳⵉ ⵏ ⵓⵙⴱⵉⴷⴷ ⵏ ⵜⵡⵉⵍⴰ ⴰⴷ ⵙⴳ ⵜⵡⵉⵍⴰⵜⵉⵏ ⵏ ⵜⴽⵕⴹⵉ ⵉⴱⴷⴷⵏ ⵅⴼ ⵡⴰⵏⴰⵡ ⴰⵏⴰⵎⵓⵏ, ⴰⵔ ⵉⵜⵜⵏⵄⴰⵕ ⵓⵙⵇⵇⵉⵎ ⴳ ⵓⵎⵏⴰⴹ ⴰⴷ ⵓⵍⴰ ⵅⴼ ⵓⵙⵎⵀⵍ ⵏ ⵜⵏⴰⴼⵓⵜ ⵜⴰⵎⵓⴼⴰⵢⵜ ⵏ ⵜⴰⵣⵣⴰⵏⵉⵏ, ⵉⴷⴷⵖ ⵉⴳⴰ ⵓⵙⵢⵉⵡⵍ ⵏⵏⵙⵏⵜ ⵢⴰⵏ ⵡⴰⵏⴰⵡ ⵙⴳ ⵡⴰⵏⴰⵡⵏ ⵏ ⵜⴽⵕⴹⵉ ⴷ ⵜⵡⵉⵍⴰ ⵙⴳ ⵜⵡⵉⵍⴰⵜⵉⵏ ⵏ ⵜⵏⴰⵔⴰ.

ⴰⵙⴱⴷⴷⵉ ⵏ ⴰⴽⴽⵯ ⵜⵡⵉⵍⴰⵜⵉⵏ ⴷ ⵡⴰⵏⴰⵡⵏ ⵏ ⵜⴽⵕⴹⵉ ⵉⴱⴷⴷⵏ ⵅⴼ ⵡⴰⵏⴰⵡ ⴰⵏⴰⵎⵓⵏ ⴷ ⴰⵙⵉⵣⵡⵔ ⴷ ⵓⵙⵖⵓⵏ ⵢⴰⵜⵜⵓⵢⵏ ⵉ ⵜⵏⴼⵍⵉⵜ ⵏ ⵜⵎⵙⴽⵔⵜ ⵏ ⵜⵎⵖⴰⵔⵉⵏ ⴷ ⵜⵔⴱⴰⵜⵉⵏ ⵉ ⵉⵣⵔⴼⴰⵏ ⵏⵏⵙⵏⵜ ⴷ ⵓⴼⵊⵊⵉⵊ ⵏⵏⵙⵏⵜ ⵙⵔⵙⵏ, ⴷ ⵓⵙⵡⵓⵔⵉ ⵉⵣⴷⵉⵏ ⵉ ⵓⵍⴽⴰⵎ ⵙ ⵢⵉⵙⴽⵉⵍ ⴷ ⵜⵣⵎⵔⵜ ⵏ ⵓⵙⵣⵎⵔ ⵏ ⴰⴽⴽⵯ ⵜⵉⵎⵖⴰⵔⵉⵏ ⴷ ⵜⵔⴱⴰⵜⵉⵏ.

ⵔⴰⴷ ⵉⵜⵜⵓⴹⴼⴰⵕ...