ⵜⵙⵙⵏⵜⵉ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⵉⵙⵎⵉⴳⴰⵍ ⴷ ⵜⵎⵙⵜⴳⴳⴰⵔⵉⵏ ⵏ ⵜⵏⵙⵙⵉⵅⴼⵜ ⵏⵏⵙ ⵉ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵉⴼⴰⵡⵜ ⵏ ⵡⴰⵙⵙ ⵏ ⵓⴽⵡⴰⵙ 13 ⵎⴰⵕⵚ ⵉⵣⵔⵉⵏ.
ⴳ ⵉⴳⴳⵉ ⵏ ⵉⵏⵎⵓⵇⵇⴰⵔⵏ ⵉⵢⵓⴳⴰⵏⵏ ⴰⴽⴷ ⵎⵏⵏⴰⵡⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙⴳ ⵉⴼⵔⵉⵇⵢⴰ ⴷ ⵓⵕⵓⴱⴱⴰ ⴷ ⵜⵎⵉⵔⵉⴽⴰⵏⵉⵏ ⴷ ⴰⵙⵢⴰ ⵓⴳⴰⵔⵓ ⴰⵏⴳⵔⴰⵢ ⴷ ⵉⵏⵙⵙⵉⵅⴼⵏ ⵏ ⵉⵥⵟⵟⴰⵜⵏ ⵉⵙⴳⴰⵡⴰⵏⵏ, ⵜⵙⴽⵔ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⵢⴰⵏ ⵓⵏⵎⵓⵇⵇⴰⵔ ⴰⴽⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵏⵎⵜⵜⴰ, ⵎⴰⵙⵙ ⵢⵓⵔⴳ ⵍⵓⴱⵔ, ⴷ ⵉⵏⵎⵓⵇⵇⴰⵔⵏ ⴰⴽⴷ ⵉⵎⵙⵜⴳⴳⴰⵔⵏ ⵉⵎⴰⵜⵜⴰⵢⵏ ⴳ ⵜⵎⴰⵍⴰⵍⵜ ⵜⴰⵎⴰⵜⵜⴰⵢⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵉⵏⵙⵙⵉⵅⴼⵏ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵉⵏ ⵜⵓⵚⴽⵉⵡⵉⵏ ⴳ ⵜⵡⵓⵔⵉ ⵏ ⵜⴰⴹⴰ, ⴳ ⵜⴰⵎⵓ ⵜⵙⵇⵇⵉⵎⵜ ⵜⴰⵢⵢⴰⵡⵜ ⵏ ⵓⵙⵖⵣⵏ.
ⴳ ⵉⵏⵎⵓⵇⵇⴰⵔⵏ ⴷ ⵜⵡⵓⵔⵉⵡⵉⵏ ⵏⵏⵙ, ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ, ⵅⴼ ⵓⵎⵢⴰⴽⵓⴷ ⴳ ⵜⵡⵓⵔⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴷ ⵜⴰⴹⴰ ⵜⴰⵎⴰⴹⵍⴰⵏⵜ ⴷ ⵉⵎⴷⵔⴰⵡⵏ ⵉⵏⵎⵜⵜⴰⵏ ⵉ ⵓⴼⵔⴰⴳ ⴰⵎⵢⴰⴳⴰⵏ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵙⴳⴰⵡⴰⵏ ⴷ ⵓⵎⴰⴹⵍⴰⵏ.
ⵉⴳ ⵓⵙⵎⴰⴷ ⴰⴷ, ⵜⵏⵏⴰ ⵎⴰⵙⵙⴰ ⴱⵓⵄⵢⵢⴰⵛ, ⴰⵎⴰⵏⴰⵔ ⴷ ⵓⵏⴱⵣⴰⵣ ⴳ ⵜⵉⵣⵉ ⵏ ⵜⴰⵙⵙⴰⵙⵉⵏ ⴷ ⵉⵎⵏⵖⴰⵏ ⵉⵥⴹⴰⵕⵏ ⴰⴷ ⴹⵉⵚⵏ ⵅⴼ ⵓⵙⴰⴽⴰ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ ⴳ ⵓⵎⴰⴹⴰⵍ. "ⴰⵎⵢⴰⵡⴰⵙ ⴷ ⵜⴷⵔⴰⵡⵜ ⴷ ⵓⵙⵎⴰⴷ, ⴰⵙⵖⵓⵏ ⵉ ⵓⵙⴷⵓⵙ ⵏ ⵡⴰⵔⴰⵢ ⴷ ⵓⴼⵔⴰⴳ ⴷ ⵜⵏⴽⵔⴰ, ⴰⵙⵙⴰ ⵓⴳⴳⴰⵔ ⵏ ⴽⵔⴰ ⵏ ⵡⴰⴽⵓⴷ ⵢⴰⴹⵏ".
