ⴰⵔ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⴳⵎⵎⵉ ⵜⵓⵎⵍⵉⵍⵜ-ⵙⵟⵟⴰⵜ, ⵢⴰⵏ ⵜⴰⵙⴰⵡⵔⵜ ⵏ ⵓⵙⵡⵉⵏⴳⵎ ⴳ ⵜⴳⵎⵎⵉ ⵜⵓⵎⵍⵉⵍⵜ ⵅⴼ ⵜⵖⴰⵔⴰⵙⵉⵏ ⵏ ⵓⵙⵎⵀⵍ ⵏ ⵜⵙⵜⵔⴰⵜⵉⵊⵉⵜ ⵏ ⵓⴼⵔⴰⴳ ⵏ ⵡⴰⵣⵣⴰⵏⵏ ⴳ ⵓⵙⵓⵔⵙ ⵏ ⵓⵙⵓⴽ ⴳ ⵜⵎⴷⵉⵏⵜ ⵏ ⵜⴳⵎⵎⵉ ⵜⵓⵎⵍⵉⵍⵜ, ⵙ ⵜⵉⵍⵉⵜ ⵏ ⵉⵎⵙⴽⴰⵔⵏ ⵉⵎⵔⵙⴰⵍⵏ ⴷ ⵓⵖⵔⵉⵎⵏ, ⴰⵙⵙ ⵏ ⵓⴽⵡⴰⵙ 22 ⵏⵓⵡⴰⵏⴱⵉⵔ ⴰⴷ ⴳ ⵓⵙⵖⵉⵎ ⵏ ⵜⵙⵇⵇⵉⵎⵜ.
ⵜⴽⵛⵎ ⵜⵙⵎⵓⵏⵉ ⵢⴰⴷ ⴳ ⵓⵙⴰⵜⵉ ⵏ ⵜⵙⵓⵡⴰⵔ, ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⵓⵙⵖⵉⵎ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵓⵎⵢⴰⵖ ⴰⴽⴷ ⵜⴰⵏⴰⴹⵜ ⵜⴰⵙⴳⵓⵎⴰⵏⵜ ⵏⵏⴰ ⵜⵙⴽⵔ ⵜⵙⵇⵇⵉⵎⵜ ⵅⴼ ⵡⴰⵣⵣⴰⵏⵏ ⴳ ⵓⵙⵓⵔⵙ ⵏ ⵓⵙⵓⴽ, ⵙ ⵜⴷⵔⴰⵡⵜ ⵏ ⵎⵏⵏⴰⵡ ⵏ ⵉⵎⵙⴽⴰⵔⵏ ⴷ ⵉⵎⵙⵜⴳⴳⴰⵔⵏ ⵉⵏⵜⴰⵢⵏ ⵙ ⵜⵓⵎⴰⵏⵜ ⴰⴷ, ⵏⵏⴰ ⵉⵜⵜⵓⵙⵎⵏⵉⴷⵏ ⴰⵙⵙ ⵏ 26 ⴷⵓⵊⴰⵏⴱⵉⵔ 2023.
ⵜⵡⴰⵜⵜⵙ ⵜⵉⵏⴰⵡⵜ ⴰⴷ ⵏⵏⵉ ⵔⴰⴷ ⵜⵙⵙⵉⵅⴼ ⵎⴰⵙⵙⴰ ⵙⴰⵄⵉⴷⴰ ⵓⵃⴰⵃ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⴳⵎⵎⵉ ⵜⵓⵎⵍⵉⵍⵜ-ⵙⵙⵟⴰⵜ, ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵥⵉⴹⵕⴰ ⵏ ⵉⵎⵙⴽⴰⵔⵏ ⵉⵏⴰⵎⵓⵔⵏ ⴳ ⵢⵉⴳⵔ ⴰⴷ, ⴷ ⵔⴰⴷ ⵜⵙⴷⵓⵙ ⴰⵣⴷⴰⵢ ⵉⵕⵡⴰⵏ ⴳⵔ ⵉⵎⵙⴽⴰⵔⵏ ⵉⵎⵔⵙⴰⵍⵏ ⴷ ⵓⵖⵔⵉⵎⵏ, ⵃⵎⴰ ⴰⴷ ⵜⵉⵍⵉ ⵜⵎⵢⴰⴷⴰⵙⵜ ⵜⴰⵣⵔⴼⴰⵏⵜ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ, ⵙⵍⴰⵡⴰⵏ ⴰⴽⴽⵯ ⴰⵣⵣⴰⵏⵏ ⵉⵍⵍⴰⵏ ⴳ ⵓⵙⵓⵔⵙ ⵏ ⵓⵙⵓⴽ, ⴷ ⵓⵙⵡⵓⵔⵉ ⴷ ⵉⵏⴳⵎⴰⵎⵏ ⵉⵎⵓⵔⴰⵏⵏ ⵏ ⵜⵙⵔⵜⵉⵜ ⵜⴰⴳⴷⵓⴷⴰⵏⵜ ⵉⵎⵙⴰⵙⴰⵏ ⵏ ⵓⴼⵔⴰⴳ ⵏ ⵡⴰⵣⵣⴰⵏⵏ.
