ⵉⵙⵎⵏⵉⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵏⵉ ⵉⴳⵏⵙⴻⵙ ⵎⴰⵙⵙ ⵄⴱⴷ ⵕⵕⴰⴼⵉⵄ ⵃⵉⵎⴹⵉ, ⴰⵏⵎⵀⴰⵍ ⵏ ⵜⵎⵀⵍⴰ ⵏ ⵓⴼⵔⴰⴳ ⴷ ⵓⵎⴷⴰⵢ ⴳ ⵓⵙⵇⵇⵉⵎ, ⵢⴰⵜ ⵜⴽⵛⵛⵓⵎⵜ ⵜⴰⵎⵉⵡⴰⵏⵜ ⴰⵙⵙ ⵏ 27 ⵎⴰⵕⵚ 2023 ⵙ ⵜⵎⵍⴷⴰ ⵏ ⵓⵙⵏⵎⴰⵍⴰ ⵏ ⵜⵙⵓⵜⵍⵜ 52 ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵊⵓⵏⵉⴼ, ⴳ ⵓⵙⴰⵜⵉ ⵏ ⵓⵏⵎⵓⵇⵇⴰⵔ ⴰⴳⴷⵓⴷⴰⵏ ⵏⵏⵉ ⵉⵙⵎⵓⵏⵏ ⵉⵏⴳⵔ ⵜⵙⵇⵇⵉⵎⵜ ⵏ ⵜⵎⵜⵜⴰ ⵉⵎⵓⵏⵏ ⵉⵏⵜⴰⵢⵏ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵇⴰⵃ ⵉⵎⵙⵡⵓⵔⵉⵢⵏ ⵉⵎⵣⵡⴰⴳⵏ ⴷ ⵓⴳⴳⵉⴷⵏ ⵏ ⵜⵡⵊⵉⵡⵉⵏ ⵏⵏⵙⵏ ⵙⴳ ⵢⴰⵜ ⵜⵙⴳⴰ, ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⴰⴷⴷⴰⵙⵉⵏ ⵜⴰⵔⵓⵏⴱⵉⴹⵉⵏ ⵙⴳ ⵜⵙⴳⴰ ⵢⴰⴹⵏⵉⵏ.

ⴳ ⵓⵎⵏⴰⴹ ⴰⴷ, ⵉⵙⵙⵓⵜⵔ ⵓⵙⵇⵇⵉⵎ ⵙⴳ ⵜⵙⵇⵇⵉⵎⵜ ⵏ ⵜⵎⵜⵜⴰ ⵉⵎⵓⵏⵏ ⵉⵏⵜⴰⵢⵏ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵇⴰⵃ ⵉⵎⵙⵡⵓⵔⵉⵢⵏ ⴷ ⵓⴳⴳⵉⴷⵏ ⵏ ⵜⵡⵊⵉⵡⵉⵏ ⵏⵏⵙⵏ ⴰⴷ ⵜⵙⵙⴰⵎⵓ ⵉⵙⵖⵍⴰⴼ ⵏⵏⵙ, ⵏⵏⵉ ⵉⴼⵙⵉⵏ ⴳ ⵜⴰⵏⴰⴹⵜ ⵏⵏⵙ, ⴳ ⵜⴰⵏⵏⴰⵢⵉⵏ ⵜⵉⵎⴳⴳⵓⵔⴰ ⵏⵏⵉ ⵉⵜⵜⵓⵙⵡⴰⵍⴰⵏ ⵉ ⵍⵎⵖⵔⵉⴱ, ⵍⵓⵎⵎⵏ ⵉⵙⵖⵍⴰⴼ ⵏⵏⵉ ⵉⵣⴷⵉⵏ ⵙ:

- ⴰⵙⵎⴰⴷ ⵏ ⵜⵎⵙⴽⵔⵜ ⵜⴰⵎⵢⴰⵇⵇⴰⵏⵜ ⵏ ⵍⵎⵖⵔⵉⴱ, ⵎⴽⴷⴰ ⴷ ⵉⴷⴷⴰⵏ ⴳ ⵜⴰⵏⴰⴹⵉⵏ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ;

- ⴰⵙⴷⴷⵔⴼ ⵏ ⵜⵙⵖⵣⵏⵜ ⵅⴼ ⵓⵙⵍⴳⵏ ⵏ ⵜⵎⵣⵡⴰⴳⵜ ⴷ ⵜⵓⵔⴳⵙⴰ ⵙ ⵎⴰⴷ ⵉⵎⵙⴰⵙⴰⵏ ⴰⴽⴷ ⵓⴷⵓⵙⵜⵓⵔ ⴰⵎⵖⵔⵉⴱⵉ ⴷ ⵉⴹⵕⵉⵚⵏ ⵉⴳⵔⴰⵖⵍⴰⵏⵏ ⵉⵜⵜⵓⵙⵖⵣⵏⵏ; 

- ⴰⵙⴽⴰⵔ ⵙ ⵓⵎⵏⵉⴷ ⵏ ⵜⵎⵣⵡⴰⴳⵜ ⴳ ⵜⵎⵣⵣⴳⴰⵔⵜ ⵏ ⵡⴰⵏⴰⵡ ⴰⵏⴳⵎⵓ ⴰⵎⴰⵢⵏⵓ, ⵍⵓⵎⵎⵏ ⵉⵣⵔⴼⴰⵏ ⵏ ⵉⵎⵣⵡⴰⴳⵏ ⴳ ⵜⴷⵓⵙⵉ ⴷ ⵓⵙⵍⵎⴷ ⴷ ⵜⵏⴼⵔⵓⵜ ⴷ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵜⵡⵓⵔⵉ ⴷ ⵜⴷⵔⴰⵡⵜ ⵜⴰⵙⵔⵜⴰⵏⵜ;

- ⵉⴳⵉ ⵏ ⵜⵎⴳⴳⵉⵜⵉⵏ ⴷ ⵢⵓⵙⴰⵏ ⴳ ⵓⵙⵎⴽⵍ ⵏ ⵜⵏⵓⵔⵣⵉⵏ ⵣⴷⵉⵏⵉⵏ ⵙ ⵜⵎⵙⴰⵔⵉⵏ ⵏ ⵜⵎⵣⵡⴰⴳⵜ, ⵏⵏⵉ ⵉⵙⵡⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵜⵏⴱⴰⴹⵜ;

- ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵙ ⵓⵙⴽⴰⵔ ⵙ ⵜⴱⴷⴰⴷⵜ ⴷ ⵓⴱⵟⵟⵓ ⵏ ⵜⵎⵙⵜⴳⴳⴰⵔⵉⵏ, ⴳ ⵓⵙⴰⵜⵉ ⵏ ⵓⵏⴱⴰⴹ ⴰⵎⴰⴹⵍⴰⵏ ⵉⵙⴰⴷⵎⴰⵔⵏ ⵉ ⵉⵏⴰⵥⴰⵕⵏ ⵉⵜⵔⴰⵔⵏ ⵉⵣⴷⵉⵏ ⵙ ⵜⵎⵣⵡⴰⴳⵜ, ⴷ ⵓⴳⴳⴰⵔ.

ⵉⵙⵙⴽⵕⵥ ⵓⵙⵇⵇⵉⵎ ⵅⴼ ⵓⵏⵄⴰⵕ ⵏⵏⵙ ⵅⴼ ⵓⵙⵡⵓⴷⴷⵓ ⵏ ⵜⵎⵙⴰⵔⵜ ⵏ ⵜⵎⵣⵡⴰⴳⵜ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴱⴰⵀⵔⴰ ⵉⵕⵡⴰⵏ, ⵉⵙⵙⴽⵜⵉ ⴳ ⵓⵎⵏⴰⴹ ⴰⴷ ⵎⴰⵙ ⵉⵙⵙⵉⵅⴼ ⵜⴰⴳⵔⵓⵎⵎⴰ ⵏ ⵜⵡⵓⵔⵉ ⵉⵏⵜⴰⵢⵏ ⵙ ⵜⵎⵣⵡⴰⴳⵜ ⵉⴹⴼⵕⵏ ⵉ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵜⵉⴼⵔⵉⵇⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵏⵉ ⵉⴳⴰⵏ ⵜⴰⴷⴰⴱⵓⵜ ⵏ ⵓⵎⵔⴰⵔⴰ ⵏ ⵜⵎⵓⵣⴰⵢⵉⵏ ⴷ ⵜⵎⵙⴽⵔⵉⵏ ⵜⵉⵎⵓⴼⴰⵢⵉⵏ ⵉⵏⴳⵔ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵜⵉⴼⵔⵉⵇⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵡⵉⵣ ⵏⵏⵙ ⵅⴼ ⵓⵙⵖⵉⵡⵙ ⵏ ⵢⴰⵜ ⵜⵖⵉⵎⵉⵜ ⵜⴰⵙⴳⵓⵎⴰⵏⵜ ⵉⵥⵍⵉⵏ ⵙ ⵜⵎⵣⵡⴰⴳⵜ ⴳ ⵓⵙⴳⵔⴰⵡ ⴰⵎⵣⵡⴰⵔⵓ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵕⵕⴱⴰⵟ. 

ⵎⴽⴷⴰ ⵢⵓⵍⵍⵖ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⵣⵣⵉⴳⵣⵜ ⵉⵜⵜⵓⴳⴰⵏ ⴳ ⵢⵉⴳⵔ ⵏ ⵓⵙⴷⵓⵙ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵎⵣⵡⴰⴳⵏ ⴷ ⵓⴳⴳⵉⴷⵏ ⵏ ⵜⵡⵊⵉⵡⵉⵏ ⵏⵏⵙⵏ, ⵍⵓⵎⵎⵏ ⵙ ⵓⵙⵔⵓⵙ ⵏ ⵜⵙⵔⵜⵉⵜ ⵜⴰⴳⴷⵓⴷⴰⵏⵜ ⵉⵙⴽⵔⵏ ⵙ ⵉⵙⵖⵍⴰⴼ ⵏ ⵓⵙⵇⵇⵉⵎ, ⵜⵙⵙⵓⵔⴼ ⵙ ⵓⵙⵎⵙⴰⵙⴰ ⵏ ⵓⵙⵓⵔⵙ ⵏ ⵉⵎⵣⵡⴰⴳⵏ, ⴷ ⵓⵍⴰ ⴰⵙⵙⵓⴼⵖ ⵏ ⵓⵙⵍⴳⵏ ⵓⵟⵟⵓⵏ 27-14 ⵉⵣⴷⵉⵏ ⵙ ⵓⵙⴱⴷⴷⵉ ⵏ ⵜⵙⴱⴱⴰⴱⵜ ⴳ ⵉⵡⴷⴰⵏ, ⴷ ⵓⵙⵔⵓⵙ ⵏ ⵓⵙⴰⴹⴰⴼ ⴰⴼⵔⵉⵇⵉ ⵏ ⵜⵎⵣⵡⴰⴳⵜ.ⵉ ⵓⵙⵙⴽⵜⵉ, ⵉⴽⴽⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵙⵖⵍⴼ ⴳ ⵜⴰⵏⴰⴹⵜ ⵏⵏⵙ ⵜⴰⵙⴳⵯⵙⴰⵏⵜ ⵏ 2021 ⵙ ⵓⵙⴷⴷⵔⴼ ⵏ ⵜⵙⵖⵣⵏⵜ ⵏ ⵓⵙⵍⴳⵏ ⵓⵟⵟⵓⵏ 72.17 ⵉⵣⴷⵉⵏ ⵙ ⵡⴰⴷⴰⴼ ⴷ ⵜⵣⴷⵓⵖⵜ ⵏ ⵉⴱⵕⵕⴰⵏⵉⵢⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵣⵡⴰⴳⵜ ⴷ ⵓⵍⴰ ⴰⵡⵇⵇⵔ ⵏ ⵉⵎⵏⵣⴰⵢⵏ ⵢⴰⵎⵓⵏ ⴳ ⵓⵎⵛⴰⵛⴽⴰ ⴰⵎⴰⴹⵍⴰⵏ ⵅⴼ ⵜⵎⵣⵡⴰⴳⵜ ⵜⴰⵏⴼⵍⵙⵜ ⴷ ⵜⵙⵏⵎⴰⵍⴰⵢⵜ ⴷ ⵜⵍⵓⴳⴰⵏⵜ, ⴷ ⵓⴳⴳⴰⵔ.