ⵎⴰⵙⵙ ⵎⵓⵃⵎⵎⴷ ⵍⵎⵓⵚⵟⴰⴼⴰ ⵍⵄⵕⵉⵚⴰ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵎⵕⵕⴰⴽⵛ-ⴰⵙⴼⵉ, ⵉⵍⵓⵍ ⴳ ⵎⵕⵕⴰⴽⵛ ⴳ 1955, ⵢⵓⵎⵥ ⴷⴷⵓⴽⵜⵓⵔⴰ ⴳ ⵜⴼⵍⵙⴰⴼⵜ ⵙⴳ ⵜⵙⴷⴰⵡⵉⵜ ⵏ ⵙⵙⵓⵔⴱⵓⵏ ⴱⴰⵔⵉⵣ 1, ⵉⴳⴰ ⴰⵙⵍⵎⴰⴷ ⴰⵎⵙⴷⴰⵡ ⴰⵎⵙⵖⴰⵔⵓ ⴳ ⵜⵙⴷⴰⵡⵉⵜ ⵏ ⵍⵇⴰⴹⵉ ⵄⵢⵢⴰⴹ ⴳ ⵎⵕⵕⴰⴽⵛ, ⵜⴰⵖⵉⵡⴰⵏⵜ ⵏ ⵜⵙⴽⵍⵉⵡⵉⵏ, ⵜⴰⵣⵓⵏⵉ ⵏ ⵜⴼⵍⵙⴰⴼⵜ, ⵉⴳ ⴰⴳⵎⴰⵎ ⵏ ⵓⵙⴳⵔⴰⵡ ⵏ ⵓⵙⴼⵙⵉ ⴰⵙⵔⵜⴰⵏ ⴷ ⵓⴳⵎⴰⵎ ⴳ ⵜⵎⵔⵙⵍⵜ ⵏ ⵄⴱⴷ ⵕⵕⴰⵃⵉⵎ ⴱⵓⵄⴱⵉⴷ. ⵎⴰⵙⵙ ⵍⵄⵕⵉⵚⴰ ⴷ ⴰⵏⴳⵎⴰⵎ ⴳ ⵓⵙⴰⵔⵎ ⵏ ⴰⴳⵜⵥⵍⵉⵜⵉⵏ “ⵜⵓⵙⵙⵏⴰ, ⴰⵢⴷⴰ, ⵜⴰⵎⴰⵍⵍⴰⵢⵜ” ⴳ ⵜⵙⴷⴰⵡⵉⵜ ⵏ ⵍⵇⴰⴹⵉ ⵄⵢⵢⴰⴹ ⴷ ⵓⵎⴷⵔⵓ ⴳ ⴽⵉⴳⴰⵏ ⵏ ⵜⵙⵖⵓⵏⵉⵏ ⵜⵉⵎⴰⵙⵙⴰⵏⵉⵏ.

ⵎⴰⵙⵙⴰ ⴼⴰⵟⵉⵎⴰ ⵄⵕⵕⴰⵛ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⴷⵔⴰ- ⵜⴰⴼⵉⵍⴰⵍⵜ, ⵜⵍⵓⵍ ⴳ ⵜⴰⵣⴰ ⴳ 1963, ⵜⴰⵎⵙⵜⴰⵏⵜ ⵉⵜⵜⵓⵙⵢⴰⵀⵏ ⵖ ⴷⴰⵔ ⵓⵙⵇⵇⵉⵎ ⴰⵏⴰⴼⵍⵍⴰ, ⵜⵓⵎⵥ ⵜⵓⵔⴰⴳⵜ ⴳ ⵓⵙⵍⴳⵏ ⵓⵙⵍⵉⴳ ⴳ ⵜⵙⴷⴰⵡⵉⵜ ⵏ ⵎⵓⵃⵎⵎⴷ ⵡⵉⵙ ⵙⵎⵎⵓⵙ ⴳ ⵕⵕⴱⴰⵟ ⴳ 1992, ⴷ ⵓⵙⵍⴽⵉⵏ ⵏ ⵜⵙⵓⴳⵔⵜ ⵏ ⵜⵎⵙⴽⵔⵜ ⵏ ⵜⵣⵣⵓⵍⵜ ⵏ ⵜⵎⵙⵜⴰⵏⵜ. ⵎⴰⵙⵙⴰ ⵄⵕⵕⴰⵛ ⴷ ⵜⵏⵙⵙⵉⵅⴼⵜ ⵏ ⵓⵥⵟⵟⴰ ⵏ ⵜⵎⵙⵎⵓⵏⵉⵏ ⵜⵉⵏⴳⵎⵓⵜⵉⵏ ⴳ ⵜⵖⴰⵣⵓⵜⵉⵏ ⵏ ⵉⴼⴼⵓⵙ ⵏ ⵓⴳⵎⵎⵓⴹ ⴳ ⵍⵎⵖⵔⵉⴱ (RADOSE), ⵜⴳ ⵜⴰⵎⴰⵔⴰⵜ ⵜⴰⵎⴰⵜⴰⵢⵜ ⵏ ⵜⵎⵓⵏⵉ ⵏ ⵜⵡⵓⵔⵉ ⵜⴰⵡⵜⵎⴰⵏⵜ, ⴰⵢⵢⴰⵡ ⵏ ⵕⵕⴰⵛⵉⴷⵉⵢⴰ ⴷ ⵓⴳⵎⴰⵎ ⵖ ⵜⵎⵣⴷⴰⵢⵜ ⵜⴰⴷⵖⵔⴰⵏⵜ ⵏ ⵓⵖⴰⵡⴰⵙ ⵏ ⵓⵎⵓⴽⵏ ⵏ ⵓⵎⴰⵍⴰⴷ ⴰⵎⴳⵔⵓ ⴳ ⵕⵕⴰⵛⵉⴷⵉⵢⴰ, ⴷ ⵜⵎⵙⵜⴳⴳⴰⵔⵜ ⵖ ⵡⴰⵎⵎⴰⵙ ⵏ “ ⵏⵏⵊⴷⴰ” ⵉⵜⵜⵓⵙⵡⴰⵍⴰⵏ ⵉ ⵜⵡⵜⵎⵉⵏ ⴷ ⵡⴰⵣⵣⴰⵏⵏ ⴳ ⵜⵎⵏⴰⴹⵜ.

ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵜⴳⵎⵎⵉ ⵜⵓⵎⵍⵉⵍⵜ-ⵙⵟⵟⴰⵜ, ⵜⵓⵎⵥ ⵎⴰⵙⵙⴰ ⵙⵙⵄⴷⵉⵢⴰ ⵡⴹⴹⴰⵃ ⵜⵓⵔⴰⴳⵜ ⵖ ⵉⵣⵔⴼⴰⵏ, ⵜⴳ ⵜⴰⵎⵙⵜⴰⵏⵜ ⵖ ⵓⵏⴳⵎⴰⵎ ⵏ ⵜⴳⵎⵎⵉ ⵜⵓⵎⵍⵉⵍⵜ, ⵜⴽⴽⴰ ⵜⴳⴰ ⵜⴰⴳⵎⴰⵎⵜ ⴳ ⵓⵙⵇⵇⵉⵎ ⵏ ⵓⵏⴳⵎⴰⵎ ⵉⵏⴳⵔ 2000 ⴷ 2003, ⵜⴰⴳⵎⴰⵎⵜ ⴷ ⵜⴰⵎⵣⵡⴰⵔⵜ ⴳ ⵜⵎⴰⴷⴷⴰⵙⵜ ⵜⴰⵎⵖⵔⵉⴱⵉⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ 1992, ⴳ 1998 ⵜⴳⴰ ⵜⴰⴳⵎⴰⵎⵜ ⴳ ⵓⵏⴳⵎⴰⵎ ⴰⵎⵣⴷⴰⵢ ⵏ ⵜⵙⵏⴱⴹⴰⵢⵜ ⵏ ⵜⵡⵜⵎⵉⵏ ⴳ ⵜⵙⴱⴹⴰⵢⵜ ⵜⴰⵄⵕⴰⴱⵜ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵜⵡⵜⵎⵉⵏ. ⵜⵙⵙⵉⵅⴼ ⵜⴰⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵜⵉⵡⵜⵎⵉⵏ, ⵜⴳ ⵜⴰⴳⵎⴰⵎⵜ ⴳ ⵓⵙⵉⵔⴰ ⵏ ⵜⵎⴰⴷⴷⴰⵙⵜ ⵜⴰⵎⵖⵔⵉⴱⵉⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⵜⴳ ⵜⴰⴳⵎⴰⵎⵜ ⵜⴰⵎⵙⵔⵓⵙⵜ ⴳ ⵜⵓⵙⴳⵔⴰⵡ ⵏ ⵜⵎⵙⵜⴰⵏⵉⵏ ⵜⴰⵄⵕⴰⴱⵉⵏ ⵖ ⵍⴱⵃⵕⴰⵢⵏ, ⵜⴷⵔⵓ ⴳ ⴽⵉⴳⴰⵏ ⵏ ⵉⴷⵍⵉⵙⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ.

ⵎⴰⵙⵙ ⴰⵃⵎⴰⴷ ⵜⴰⵡⴼⵉⵇ ⵣⵣⴰⵢⵏⴰⴱⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⴱⵏⵉ ⵎⵍⵍⴰⵍ-ⵅⵏⵉⴼⵕⴰ, ⵢⵓⵎⵥ ⴷⴷⵓⴽⵜⵓⵔⴰ ⴳ ⵜⵊⵖⵔⴰⴼⵜ ⴷ ⵓⵙⵡⵓⴷⴷⵓ ⴰⴽⴰⵍⴰⵏ, ⴰⵏⵎⵀⴰⵍ ⴰⵎⵣⵡⴰⵔ ⵏ ⵜⵎⵀⵍⴰ ⵏ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ

ⵎⴰⵙⵙⴰ ⵃⵓⵔⵉⵢⴰ ⵜⵜⴰⵣⵉ ⵚⴰⴷⵉⵇ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵕⴰ, ⵜⴰⵎⵙⵜⴰⵏⵜ ⴷ ⵜⵙⵍⵎⴰⴷⵜ ⵜⴰⵎⵙⴷⴰⵡⵜ, ⵜⴰⵎⵓⵣⴰⵢⵜ ⴳ ⵜⵎⵙⴰⵔⵉⵏ ⵏ ⵡⴰⵎⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ.

ⵎⴰⵙⵙ ⵄⴱⴷ ⵕⵕⵃⵎⴰⵏ ⵍⵄⵎⵕⴰⵏⵉ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⴼⴰⵙ-ⵎⴽⵏⴰⵙ, ⴰⵙⵍⵎⴰⴷ ⴳ ⵜⵙⴷⴰⵡⵉⵜ ⵏ ⵙⵉⴷⵉ ⵎⵓⵃⵎⵎⴰⴷ ⴱⵏ ⵄⴱⴷ ⵍⵍⴰⵀ ⴷ ⵓⵎⴳⴳⴰⵢ ⴰⵎⵙⵎⵓⵏ.

ⵎⴰⵙⵙ ⵎⵓⵃⵎⵎⴰⴷ ⵍⵄⵎⴰⵕⵜⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵓⴳⵎⵎⵓⴹ, ⵉⵍⵓⵍ ⵎⴰⵙⵙ ⵎⵓⵃⵎⵎⴷ ⵍⵄⵎⴰⵕⵜⵉ ⴰⵙⴳⴳⵯⴰⵙ ⵏ 1957 ⴳ ⵡⵊⴷⴰ, ⵢⵓⵎⵥ ⴷⴷⵓⴽⵜⵓⵔⴰ ⵏ ⵓⵡⴰⵏⴽ ⴳ ⵓⵙⵍⴳⵏ ⴳ ⵜⵙⴷⴰⵡⵉⵜ ⵏ ⵎⵓⵃⵎⵎⴰⴷ ⵡⵉⵙ ⵙⵎⵎⵓⵙ ⴳ ⵕⵕⴱⴰⵟ, ⵉⴳⴰ ⴰⵙⵍⵎⴰⴷ ⵏ ⵓⵙⵍⵎⴷ ⴰⵏⴰⴼⵍⵍⴰ ⴳ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵓⵍⴳⵉⵏⵉⵏ ⴷ ⵜⴷⴰⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴳ ⵜⵙⴷⴰⵡⵉⵜ ⵏ ⵎⵓⵃⵎⵎⴷ ⴰⵎⵣⵡⴰⵔⵓ ⴳ ⵡⵊⴷⴰ. ⵉⴳ ⴰⵏⵎⵀⴰⵍ ⵏ ⵓⵙⴰⵔⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵍⴳⵏ ⴰⴳⵔⴰⵖⵍⴰⵏ ⴰⵏⴼⴳⴰⵏ, ⵉⴳ ⴰⴳⵎⴰⵎ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵎⴰⴷⴷⴰⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵓⵙⵍⴳⵏ ⴰⴷⵙⵜⴰⵔ.

ⵎⴰⵙⵙⴰ ⵙⴰⵍⵎⴰ ⵟⵟⵓⴷ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵟⴰⵏⵊⴰ-ⵜⵉⵟⵡⴰⵏ-ⵍⵃⵓⵙⵉⵎⴰ, ⵜⵍⵓⵍ ⴳ 1957, ⵜⵓⵎⵥ ⵜⵓⵔⴰⴳⵜ ⴳ ⵜⴼⵉⵣⵉⵇⵜ ⴳ 1981, ⴷ ⴷⴷⵓⴽⵜⵓⵔⴰ ⴳ ⵜⵎⴰⵙⵙⴰⵏⵉⵏ ⵏ ⵜⵎⵜⵜⴰ ⵙⴳ ⴼⵕⴰⵏⵙⴰ ⴳ 1989, ⵜⵙⵡⵓⵔⵉ ⵎⴰⵙⵙⴰ ⵟⵟⵓⴷ ⴷ ⵜⴰⵙⵍⵎⴰⴷⵜ ⵜⴰⵎⵔⵣⵓⵜ ⴳ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⴷ ⵜⵉⵜⵉⵇⵏⵉⵢⵉⵏ ⴳ ⵟⴰⵏⵊⴰ. ⵜⴳⴰ ⵜⵎⴰⵔⴰⵜ ⵜⴰⵎⴰⵜⴰⵢⵜ ⵏ ⵓⵙⴳⵔⴰⵡ ⵏ ⵜⵡⵏⴳⵉⵎⵜ ⴷ ⵜⵓⵙⵙⵏⴰ ⴷ ⵓⵙⵏⴼⵍⵓⵍ ⴳ ⵟⴰⵏⵊⴰ, ⴷ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⴰⴼⴰⵇ ⵏⵉⵙⴰⵉⵢⴰ “ⵉⵎⵏⵉⴷⵏ ⵉⵡⵜⵎⴰⵏⵏ”, ⵜⴳ ⴰⵡⴷ ⵜⴰⴳⵎⴰⵎⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵎⴰⴷⴷⴰⵙⵜ ⵜⴰⵎⵖⵔⵉⴱⵉⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⴳⵎⴰⵎⵜ ⵜⴰⵎⵙⵔⵓⵙⵜ ⵏ ⵜⴳⵔⵓⵎⵎⴰ ⵏ ⵟⴰⵏⵊⴰ ⵏ ⵜⴰⵢⵢⴰⵡⵜ ⵏ ⵜⵎⴰⴷⴷⴰⵙⵜ ⵏ ⵓⵎⵙⵓⵔⵓⴼ ⵜⴰⴳⵔⴰⵖⵍⴰⵏⵜ ⴳ ⵍⵎⵖⵔⵉⴱ.

ⵎⴰⵙⵙⴰ ⵏⴰⵊⵡⴰ ⴰⵛⵔⴳⵉ ⴷ ⵜⴳⵎⴰⵎⵜ ⵜⴰⴳⵏⵙⴰⵙⵜ ⵏ ⵜⵎⵔⵙⵍⵜ ⵏ ⵓⵎⴰⵣⵣⴰⵍ ⵏ ⵜⴳⵍⴷⵉⵜ.

ⵉⵍⵓⵍ ⵎⴰⵙⵙ ⵎⵓⵃⵎⵎⴷ ⵄⴰⵍⵉ ⴱⵏ ⵎⵅⵍⵓⴼ ⴳ 1959 ⴳ ⴼⴰⵙ. ⵉⴳⴰ ⴰⵎⴰⵔⴰ ⴷ ⵓⵎⵔⵣⵓ ⴰⵎⵖⵔⵉⴱⵉ, ⴰⵙⵍⵎⴰⴷ ⴰⵎⵥⵍⴰⵢ ⴳ ⵜⴼⵍⵙⴰⴼⵜ ⵜⴰⵎⵓⵙⵍⵎⵜ ⴷ ⵜⴼⵍⵙⴰⴼⵜ ⵏ ⵜⵎⵥⵍⴰ. ⵉⵖⵔⴰ ⵖ ⴽⵉⴳⴰⵏ ⵏ ⵜⵙⴷⴰⵡⵉⵢⵉⵏ : ⴱⴰⵔⵉⵙ -ⵉⵙⵜ ⴽⵔⵉⵜⴰⵢ, ⴰⵙⵉⵏⴰⴳ ⵏ ⵜⵎⴰⵙⵙⴰⵏⵉⵏ ⵜⵉⵙⵔⴰⵜⵏⵉⵏ ⴳ ⴱⴰⵔⵉⵙ ⴷ ⵜⵙⴷⴰⵡⵉⵜ ⵏ ⴱⵔⵓⴽⵙⵉⵍ ⵜⵓⴷⵔⵉⴼⵜ. ⵉⴼⴽⴰ ⴰⵙ ⵓⵎⴰⵡⵙⴰⵙ ⵏ ⵓⵙⵍⵎⴷ ⵜⵙⴰⴽⵣⵜ ⵏ ⵜⵓⴽⵍⴰⵍⵜ ⵜⴰⵏⴰⵎⵓⵔⵜ (ⴼⵕⴰⵏⵙⴰ) ⵖ ⵎⴰⵕⵚ 2014. ⵖⵓⵔⵙ ⴽⵉⴳⴰⵏ ⵏ ⵉⴷⵍⵉⵙⵏ ⵏ ⵜⴼⵍⵙⴰⴼⵜ.

ⵎⴰⵙⵙ ⵄⴱⴷ ⵍⴽⵔⵉⵎ ⴰⵍⴰⵄⵣⴰⵏⵉ, ⴰⵏⴱⴹⵓ ⴷ ⵓⴳⵎⴰⵎ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⵏⴱⴰⴹⵜ ⵜⴰⵏⵣⵔⴼⴰⵜ.

ⵎⴰⵙⵙⴰ ⵄⴰⵉⵛⴰ ⵏⵏⴰⵚⵉⵕⵉ, ⵜⴰⵏⴱⴹⵓⵜ ⴷ ⵜⴳⵎⴰⵎⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⵏⴱⴰⴹⵜ ⵜⴰⵏⵣⵔⴼⴰⵜ.