ⵉⵕⵥⵎ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵜⴷⴳⴳⵯⴰⵜ ⵏ ⵡⴰⵙⵙ ⵏ ⵓⴽⵡⴰⵙ 26 ⵛⵓⵜⴰⵏⴱⵉⵔ 2024 ⴳ ⵓⵙⵉⵏⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵕⵕⴱⴰⵟ ⵉⴷⵔⵉⵙ-ⴱⵏⵣⴽⵔⵉ, ⵢⴰⵏ ⵓⵙⴷⴷⵉ ⵏ ⵜⵙⵓⵡⴰⵔ ⵏ ⵓⵙⵎⵓⵜⵜⴳ ⵅⴼ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴷⵙⵍⴰⵏⵏ ⴷⴷⵓ ⵏ ⵜⵎⴰⵜⴰⵔⵜ "ⴰⴷ ⵏⵙⴰⵡⵍ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ".

ⵙⵡⴰⵜⵜⵙⵏⵜ ⵜⵙⵓⵡⴰⵔ ⴰⴷ, ⵍⵍⵉ ⵉⵜⵜⵓⵙⵏⵎⴰⵍⴰⵏ ⵙ ⵜⵎⴷⵔⴰⵡⵜ ⴷ "ⵜⵎⵚⵕⵉⵢⵜ ⵜⴰⵄⵔⵔⵉⵎⵜ ⵏ ⵕⵕⴱⴰⵟ" (JCI RABAT), ⴰⵙⴷⵓⵙ ⵏ ⵜⵣⵎⵎⴰⵔ ⴷ ⵜⵓⵙⵙⵏⵉⵡⵉⵏ ⵏ ⵉⵄⵔⵔⵉⵎⵏ ⴷⵔⵓⵏⵉⵏ ⴳ ⵎⴰⴷ ⵉⵥⵍⵉⵏ ⵙ ⵉⵔⵎⵎⵓⵙⵏ ⵉⴷⵙⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵍⴰ ⴰⵙⴼⵔⴽ ⵏⵏⵙ ⵙ ⵉⵎⵙⵓⵔⴰⵙ ⴷ ⵜⵏⵥⴰⵕ ⵜⵉⵜⵔⴰⵔⵉⵏ ⵉⵣⴷⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⵎⴽⴷⴰ ⵙ ⵜⵜⵡⴰⵙⵙⴰⵏⵏ ⴳ ⵓⵎⴰⴹⴰⵍ.

ⵢⵓⵡⵉ ⴷ ⵓⵙⵏⵜⵍ ⵏ ⵜⵙⴰⵡⵔⵜ ⵜⴰⵎⵣⵡⴰⵔⵓⵜ, ⵍⵍⵉ ⵉⵙⵙⵉⵅⴼ ⵎⴰⵙⵙ ⵄⴱⴷ ⵕⵕⴰⴼⵉⵄ ⵃⵉⵎⴹⵉ, ⴰⵏⵎⵀⴰⵍ ⵏ ⵓⴼⵔⴰⴳ ⴷ ⵜⴹⴼⵕⵉ ⴳ ⵓⵙⵇⵇⵉⵎ, ⴷ ⵎⴰⵙⵙ ⵎⵓⵄⴰⴷ ⵎⵓⵏⵜⴰⵚⵉⵕ, ⴰⵏⵙⵙⵉⵅⴼ ⵏ "ⵜⵎⵚⵕⵉⵢⵜ ⵜⴰⵄⵔⵔⵉⵎⵜ ⵜⴰⴳⵔⴰⵖⵍⴰⵏⵜ ⴳ ⵕⵕⴱⴰⵟ", ⵅⴼ ⵉⵔⵎⵎⵓⵙⵏ ⵉⴷⵙⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴼⵍⵙⴰⴼⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⴰⵎⵓⵏⵜ ⵜⵙⵓⵡⴰⵔ ⴰⴷ ⵏ ⵓⵙⵎⵓⵜⵜⴳ, ⵍⵍⵉ ⵔⴰⴷ ⵉⵜⵜⵓⵙⵏⵎⴰⵍⴰ ⴽⵓ ⴰⵙⵙ ⵏ ⵓⴽⵡⴰⵙ ⴰⵔ 7 ⵏⵓⵡⴰⵏⴱⵉⵔ 2024, ⴳ ⵓⵙⴰⵜⵉ ⵏ ⵢⴰⵏ ⵓⵙⵏⵜⵉ ⵉⵛⵛⴰⵔⵏ ⵉⵏⴳⵔ ⵓⵙⵇⵇⵉⵎ ⴷ ⵜⵎⵙⵎⵓⵏⵜ ⵏ "ⵜⵎⵚⵕⵉⵢⵜ ⵜⴰⵄⵔⵔⵉⵎⵜ ⵜⴰⴳⵔⴰⵖⵍⴰⵏⵜ ⴳ ⵕⵕⴱⴰⵟ", ⵙⵡⴰⵜⵜⵙⵏ ⵉⵔⵉⵎ ⵏ ⵉⵄⵔⵔⵉⵎⵏ ⴳ ⵢⵉⴳⵔ ⵏ ⵓⵎⵣⴰⵖ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵎⵓⵜⵜⴳ ⵏⵏⵙⵏ ⵙ ⵉⵎⴰⵙⵙⵏ ⵉⵏⴱⵣⴰⵣⵏ ⴰⴼⴰⴷ ⴰⴷ ⴳⵉⵏ ⵉⵎⵙⴽⴰⵔⵏ ⵉⵎⵙⵙⵓⵖⵏⵏ ⴳ ⵡⴰⵎⵓⵏ ⵓⵖⵔⵉⵎ.