ⵢⴰⵏ ⵓⵙⵎⵖⵔ ⴰⵅⴰⵜⴰⵔ ⵏⵏⴰ ⵙ ⵉⵜⵜⵓⴳⴰⵏ ⵉ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴹⴰⵕⴰⵜ ⵏ ⵜⴳⵉⵔⴰ ⵏ ⵜⵡⴰⵍⴰ ⵏⵏⵙ ⵜⴰⵎⵙⵔⵙⵍⵜ ⵅⴼ ⵉⵅⴼ ⵏ ⵓⵥⵟⵟⴰ ⴰⴼⵔⵉⵇⵉ ⵏ ⵉⵎⴰⵙⵙⵏ ⵉⵏⴰⵎⵓⵔⵏ ⵏ ⵡⴰⵔⴰⵢ ⵣⴳ ⵓⵙⵔⴼⵓⴼⵏ ⴳ ⵉⴼⵔⵉⵇⵢⴰ, ⴰⵙⵙ ⴰⴷ ⵏ ⵓⵙⵉⵎⵡⴰⵙ 26 ⵢⵓⵏⵢⵓ ⴰⴷ, ⴳ ⵜⵎⴰⵥⵓⵏⵜ ⵜⴰⵔⵡⴰⵏⴷⵉⵜ ⴽⵉⴳⴰⵍⵉ.

ⵢⵓⵛⴽⴰ ⴷ ⵓⵙⵎⵖⵔ ⴰⴷ ⴰⴽⴷ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⵙⴳⴳⵯⴰⵙⴰⵏ ⵡⵉⵙⵙ ⴽⴽⵓⵥ ⵏ ⵓⵥⵟⵟⴰ, ⵏⵏⴰ ⴳ ⵜⴼⴽⴰ ⵜⵙⵇⵇⵉⵎⵜ ⵏ ⵓⵙⵓⵜⵉ ⴷ ⵓⴳⵔⴰⵡ ⴰⵎⴰⵜⴰⵢ ⵏ ⵓⵥⵟⵟⴰ ⴰⴼⵔⵉⵇⵉ ⵏ ⵉⵎⴰⵙⵙⵏ ⵉⵏⴰⵎⵓⵔⵏ ⵏ ⵡⴰⵔⴰⵢ ⵣⴳ ⵓⵙⵔⴼⵓⴼⵏ, ⵎⴰⵙⵙⴰ ⴱⵓⵄⵢⵢⴰⵛ:

"ⵜⴰⵙⵍⴽⵉⵏⵜ ⵏ ⵜⵓⵙⵏⵜ ⴷ ⵓⵙⵎⵖⵔ" ⵅⴼ "ⵜⴰⵏⵏⴰⵢⵜ ⵏⵏⵙ ⵜⵓⵣⵍⵉⴳⵜ ⴷ ⵜⵎⵓⵔⴰⵢⵜ ⵏⵏⵙ ⵉⵥⵉⵍⵏ ⴷ ⵓⵙⵓⵖⵏ ⵏⵏⵙ ⵉⵕⵚⴰⵏ ⵙ ⵡⴰⵔⴰⵢ ⵣⴳ ⵓⵙⵔⴼⵓⴼⵏ ⴷ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⵥⴰⵡⵜ ⵜⴰⴼⵔⵉⵇⵉⵜ", ⴰⵎ ⵢⴰⵏ ⵓⴳⵎⴰⵎ ⴰⵎⵙⵔⵙⵍ ⴷ ⵢⴰⵜ ⵜⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵓⵥⵟⵟⴰ.

ⵉⴱⴷⵔ ⴷ ⵓⴹⵕⵉⵚ ⵏ ⵓⵙⵎⵖⵔ, ⵏⵏⴰ ⵙⵙⴳⵎⴹⵏ ⵇⴰⵃ ⵉⴳⵎⴰⵎⵏ ⵏ ⵓⵥⵟⵟⴰ ⴷ ⵉⴳⵏⵙⴰⵙⵏ ⵏ ⵉⴳⵔⴰⵡⵏ ⵏ ⵜⵎⵜⵜⴰ ⴷ ⵉⴳⵔⴰⵖⵍⴰⵏⵏ ⵉⵛⵔⵉⴽⵏ, ⵜⵉⵍⴰⵍⵜ ⵜⴰⴷⵙⵍⴰⵏⵜ ⵏⵏⴰ ⵜⵙⴽⵔ ⵎⴰⵙⵙⴰ ⴱⵓⵄⵢⵢⴰⵛ ⵣⵉ ⵜⴼⵔⴽⵉⵡⵉⵏ ⵏ ⵜⵉⵎⵣⵡⵓⵔⴰ ⵏ ⵜⵡⵏⴳⵉⵎⵜ ⵏ ⵜⵓⴳⵉ ⵏ ⵓⵥⵟⵟⴰ, ⴷⴰⵜ ⵏ ⵎⴰ ⵉⵜⵜⵓⵎⵓⵔⵙ ⵙ ⵓⵍⵖⵓ ⵏ ⵎⵕⵕⴰⴽⵛ ⴰⵙⴳⴳⵯⴰⵙ ⵏ 2023. ⵜⴻⵜⵜⵓⵙⴳⵎⴹ ⵜⵎⵢⴰⵇⵇⴰⵏⵜ ⴳ ⵓⵙⵖⵉⵎ ⵏ ⵜⵏⴼⵍⵓⵙⵜ ⵜⴰⵎⵖⵍⴰⵍⵜ ⵏ ⵓⵥⵟⵟⴰ ⴰⴽⴷ ⵜⵏⴱⴰⴹⵜ ⵜⴰⵎⵖⵔⵉⴱⵉⵜ ⴳ ⵕⵕⴱⴰⵟ, ⴰⵢⵏⵏⴰ:

"ⵉⵙⵙⵉⵡⵙⵏ ⴳ ⵓⵙⵏⴼⵍ ⵏ ⵓⵙⵏⵜⵉ ⴰⴷ ⵖⵔ ⴰⵥⵟⵟⴰ ⴰⵎⵏⵥⴰⵡ ⴰⵎⵣⵡⴰⵔⵓ ⵙⴳ ⵡⴰⵏⴰⵡ ⵏⵏⵙ ⴳ ⵓⵎⴰⴹⴰⵍ ⵉⵥⵍⵉⵏ ⵖⵔ ⴰⵔⴰⵢ ⵣⴳ ⵓⵙⵔⴼⵓⴼⵏ ⴷ ⴳⴰⵔ ⴰⵎⵄⴰⵍⴰ."

ⵉⵙⴷⴷⵉⴷ ⵓⵥⵟⵟⴰ ⵎⴰⵙ ⵜⵙⵙⵉⵅⴼ ⴱⵓⵄⵢⵢⴰⵛ, ⴳ ⵜⵡⴰⵍⴰ ⵏⵏⵙ ⵜⴰⵎⵙⵔⵙⵍⵜ, ⴰⵣⴰⵣⵓ ⵏ ⵜⵓⵚⴽⴰ ⵏ ⵜⴷⴰⴱⵓⵜ ⴰⴷ ⵜⴰⴼⵔⵉⵇⵉⵜ ⵜⴰⵎⴰⵢⵏⵓⵜ "ⵙ ⵜⵉⵏⵥⴻⵥⵜ ⴷ ⵜⴰⵣⴷⴳⵉ ⴷ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵜ". ⵜⵙⵙⵉⵡⵙ ⴰⴷ ⵜⴳ ⵣⵉ ⴳⵉⵙ ⵢⴰⵏ ⵓⵙⴰⵢⵔⴰⵔ ⵏ ⵜⵡⵓⵔⵉ ⵜⴰⵎⴳⵔⵓⵜ ⴳⵔ ⵉⵎⴰⵙⵙⵏ ⵉⵏⴰⵎⵓⵔⵏ ⵉⴼⵔⵉⵇⵉⵢⵏ ⵉ ⵡⴰⵔⴰⵢ ⵣⴳ ⵓⵙⵔⴼⵓⴼⵏ, ⴷ ⵢⴰⵏ ⵜⴷⴰⴱⵓⵜ ⵉ ⵢⴰⵏ ⵓⴳⵕⴹ ⴰⴼⵔⵉⵇⵉ ⵉⵎⵓⵏⵏ ⴳ ⵓⴳⵏⵙⵓ ⵏ ⵜⵎⴳⵍⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⵉⵔⴰⵏ ⴰⵙⴱⴷⴷⵉ ⵎⵏⵉⴷ ⵏ ⵓⵙⵔⴼⵓⴼⵏ, ⴰⵎ ⵓⵢⵏⵏⴰ ⵜⵙⵙⵕⵚⴰ ⵜⵉⵔⵙⴰⵍ ⵏ ⵓⵎⵢⴰⵡⴰⵙ ⴰⵎⵏⵥⴰⵡ ⵉⴱⴷⴷⴰⵏ ⵅⴼ ⵓⵙⵓⵖⵏ ⴰⵎⴳⵔⵓ ⵙ ⵓⵎⵏⵣⴰⵢ ⵏ "ⴰⵎⵢⴰ ⵏ ⵓⵎⵙⵓⵔⵓⴼ ⴰⴽⴷ ⵓⵙⵔⴼⵓⴼⵏ ⴳ ⵉⴼⵔⵉⵇⵢⴰ ⴷ ⵉⴼⵔⵉⵇⵢⴰ ⴱⵍⴰ ⴰⵙⵔⴼⵓⴼⵏ".

ⴰⵎ ⵓⵢⵏⵏⴰ ⵜⵙⵎⴰⵜⵔ ⵜⵙⵍⴽⵉⵏⵜ ⵏ ⵓⵙⵎⵖⵔ ⵎⴰⵙ ⴷ ⵜⵣⵔⵔⵉ ⵜⴰⵎⵢⵉⵎⴰⵏⵜ ⵏⵏⴰ ⵙ ⵉⵜⵜⵓⴼⴽⴰⵏ ⵉ ⴱⵓⵄⵢⵢⴰⵛ ⴳ ⵓⴳⵏⵙⵓ ⵏ ⵓⵏⴳⵔⴰⵡ ⴰⴼⵔⵉⵇⵉ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵡⵜⵜⴰ ⵏ ⵓⵥⵟⵟⴰ. ⴰⵔ ⵜⵙⴽⵜⴰⵢ ⵙ ⵡⴰⵏⵏⴰⵍ ⴰⴼⵔⵉⵇⵉ ⴰⵎⴳⵔⵓ ⵏⵏⴰ ⵜⵓⵎⵥ ⴳ ⵎⴰⵕⵚ 2025 ⴰⴼⴰⴷ ⴰⴷ ⵜⵙⵙⵉⵅⴼ ⵜⴰⴼⵔⴳⴰⵏⵜ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (GANHRI), ⴰⵢⴰ ⴰⵎ ⵓⵙⵎⴷⵢⴰ ⵏ ⵡⴰⵜⵉⴳ ⵏⵏⴰ ⵉⵜⵜⵓⴼⴽⴰⵏ ⵉ ⵜⵏⴰⵔⴰ ⵏⵏⵙ ⴳ ⵓⵙⵡⵉⵔ ⴰⴼⵔⵉⵇⵉ ⴷ ⵓⴳⵔⴰⵖⵍⴰⵏ.

ⴳ ⵜⴳⵉⵔⴰ ⵏ ⵜⵙⵍⴽⵉⵏⵜ ⵏ ⵜⵓⵙⵏⵜ, ⵉⵙⴷⴷⵉⴷ ⵓⵥⵟⵟⴰ ⵙ ⵡⴰⵢⴷⴰ ⵏⵏⴰ ⵜⵓⵊⵊⴰ ⴱⵓⵄⵢⵢⴰⵛ ⴹⴰⵕⴰⵜ ⵏ ⵓⵙⵎⴰⴷ ⵏ ⵜⵡⴰⵍⴰ ⵏⵏⵙ. ⴰⵔ ⵉⵜⵜⵉⵏⵉ ⵎⴰⵙ ⵜⴳⴰ ⵜⴰⵏⵏⴰⵢⵜ ⵏⵏⵙ "ⵜⴰⵏⵇⵇⵉⴹⵜ ⵓⴱⴷⴰⵄ ⵏ ⵓⵥⵟⵟⴰ", ⴷ ⵎⴰⵙ ⴷⴰ ⵜⵜⵖⵉⵎⴰ ⵜⵏⴰⵔⴰ ⵏⵏⵙ ⴰⵎ ⵓⵙⴳⵎ ⵏ ⵓⵙⵏⴼⵍⵓⵍ ⵉ ⵜⵡⵓⵔⵉ ⵏ ⵉⵎⴰⵙⵙⵏ ⵉⵏⴰⵎⵓⵔⵏ ⵉⴼⵔⵉⵇⵉⵢⵏ ⴳ ⵉⵎⴰⵍ, ⴰⵔ ⵉⵙⴷⴷⵉⴷ ⵅⴼ "ⵓⵙⵏⵉⵎⵎⵔ ⵏⵏⵙ ⴰⵏⵖⴱⵓ ⵉ ⵜⴷⵔⴰⵡⵉⵏ ⵏⵏⵙ ⵜⵉⵎⵖⵍⴰⵍⵉⵏ ⴳ ⵓⵙⴷⵓⵙ ⵏ ⵡⴰⴷⴷⵓⵔ ⴰⵏⴼⴳⴰⵏⵜ ⴷ ⵓⵕⵚⵚⵓ ⵏ ⵜⴷⵍⵙⴰ ⵏ ⵡⴰⵔⴰⵢ ⵣⴳ ⵓⵙⵔⴼⵓⴼⵏ ⴳ ⵜⵎⵏⵥⴰⵡⵜ ⵜⴰⴼⵔⵉⵇⵉⵜ."

ⵉⵅⵚⵚⴰ ⴰⴷ ⵏⵙⴽⵜⵉ ⵎⴰⵙ ⴷ ⵓⴳⴰⵔ ⵏ ⵓⵙⵏⵓⴱⴳ ⵏ ⵕⵕⴱⴰⵟ ⵉ ⵓⵙⵖⵉⵎ ⵏ ⵜⵏⴼⵍⵓⵙⵜ ⵜⴰⵎⵖⵍⴰⵍⵜ ⵏ ⵓⵥⵟⵟⴰ ⴰⴼⵔⵉⵇⵉ ⵏ ⵉⵎⴰⵙⵙⵏ ⵉⵏⴰⵎⵓⵔⵏ ⵏ ⵡⴰⵔⴰⵢ ⵏ ⵓⵙⵔⴼⵓⴼⵏ, ⵉⵖⵜﺴ ⵓⴳⵔⴰⵡ ⴰⵎⴰⵜⴰⵢ ⵉⵜⵜⵓⴳⴰⵏ ⴳ ⴽⵉⴳⴰⵍⵉ ⴰⴷ ⵉⵙⵎⵍ ⴰⴷ ⵉⴳ ⵍⵎⵖⵔⵉⴱ, ⴰⵎ ⵜⵎⵓⵔⵜ ⵏ ⵓⵙⵏⵓⴱⴳ ⵏ ⵜⵏⴼⵍⵓⵙⵜ ⵜⴰⵎⵖⵍⴰⵍⵜ, ⴷ ⴰⴷ ⵉⴳ ⴰⵡⴷ ⴰⴳⵎⴰⵎ ⴰⵎⵖⵍⴰⵍ ⴳ ⵜⵙⵇⵇⵉⵎⵜ ⵏ ⵓⵙⵓⵜⵉ ⵏ ⵓⵥⵟⵟⴰ ⵏ ⵉⵎⴰⵙⵙⵏ ⵉⵏⴰⵎⵓⵔⵏ ⵏ ⵡⴰⵔⴰⵢ ⵣⴳ ⵓⵙⵔⴼⵓⴼⵏ ⴳ ⵉⴼⵔⵉⵇⵢⴰ.