ⴹⴰⵕⴰⵜ ⴰⵄⴷⵔⵉⵇ ⵏⵏⵉ ⵢⴰⵖⵏ ⵜⴰⵎⵓⵔⵜ ⵏⵏⵖ, ⴰⵔ ⵉⵙⵎⴰⵢⵏⵓ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⴼⵛⴰⴷ ⵏⵏⵙ ⵉⵔⵖⴰⵏ ⵉ ⵜⵡⵊⵉⵡⵉⵏ ⵏ ⵓⵏⴳⵉⵙⵏ, ⵉⵏⵏⵓⵔⵣ ⵙⴳ ⵕⴱⴱⵉ ⴰⴷ ⵜⵏ ⵉⵙⴷⵍ ⵙ ⵜⵎⵍⵍⴰ ⵏⵏⵙ ⵉⵣⵣⴷⵖ ⵜⵏ ⴳ ⵜⵓⵔⵜⵉⵜⵉⵏ ⵏⵏⵙ, ⵉⴼⴽ ⴰⵙⵏ ⵉ ⴰⵢⵜ ⴷⴰⵔⵙⵏ ⵜⵉⵥⵥⵉⴹⵕⴰ ⴷ ⵜⴰⵜⵜⵓⵜ, ⵉⵙⵓⵊⵊⵉ ⵉⵎⵜⵜⵓⵔⵙⵏ ⴳ ⵎⴰⴷ ⵓⵔ ⵏⵏ ⵢⴰⴳⴳⵓⴳⵏ. ⴳ ⵓⵙⴰⵜⵉ ⴰⴷ, ⵉⴳⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⵙ ⴰⴷ, ⵙ ⵜⵏⵙⵙⵉⵅⴼⵜ ⵏⵏⵙ ⴷ ⵓⵏⴼⵍⵓⵙ ⵏⵏⵙ ⴰⵎⴰⵜⴰⵢ ⴷ ⵉⵎⵙⵖⴰⵏⵏ ⵏⵏⵙ, ⵜⵉⵖⵔⵉ ⵏ ⵜⵣⵡⵓⵔⵜ (ⵍⴼⴰⵜⵉⵃⴰ) ⵅⴼ ⵓⵏⴳⵉⵙⵏ ⵏ ⵓⵏⴷⵓⴷⵉ. ⴳ ⵓⵙⵎⵀⵍ ⵏ ⵜⵉⵏⴷⵉⵜⵉⵏ ⵏ ⵜⴱⴷⴰⴷⵜ ⵜⴰⵏⴰⵎⵓⵔⵜ ⴷ ⵜⴷⵔⴰⵡⵜ ⴳ ⵜⵣⵎⵎⴰⵔ ⵉⵙⵡⵓⵜⵜⵙⵏ ⴰⵣⵔⴰⵢ ⵏ ⵓⵄⴷⵔⵉⵇ ⴰⴷ, ⵉⵙⵏⵎⴰⵍⴰ ⵓⵙⵇⵇⵉⵎ ⴳ ⵓⵙⵖⵉⵎ ⵏⵏⵙ ⵙ ⵡⴰⵏⵏⴰⵍ ⵏ ⵜⵏⵎⵀⴰⵍⵜ ⵏ ⵡⴰⵎⵎⴰⵙ ⴰⵏⴰⵎⵓⵔ ⵏ ⵓⵙⵉⴽⴽ ⵏ ⵉⴷⴰⵎⵎⵏⴷ, ⴷ ⵙ ⵓⵣⴷⴰⵢ ⵏ ⵓⴷⵓⴽⵜⵓⵔ ⵎⵓⵃⵎⵎⴰⴷ ⴱⵏ ⵄⵊⵉⴱⴰ, ⴰⵎⵣⴷⴰⵢ ⵏ ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ, ⴷ ⵜⵡⵉⵙⵉ ⵏ ⵓⵏⵙⵎⴰⴳⴰⵍ ⴰⵎⴰⵏⴰⴼ, ⵎⴰⵙⵙ ⵃⴰⵎⵉⴷ ⴰⵎⵕⵡⴰⵏ, ⴰⵎⵣⵉⵣⵣⵍ ⵏ ⵜⵓⴽⴽⵉ ⵜⴰⵎⵅⴰⵙⵜ ⵏ ⵉⴷⴰⵎⵎⵏ, ⴷⵔⵓⵏ ⴳⵉⵙ ⵉⵎⵙⵜⴳⴳⴰⵔⵏ ⵏ ⵓⵙⵇⵇⵉⵎ ⴷ ⵉⵎⵙⵖⴰⵏⵏ ⵏⵏⵙ. ⴳ ⵓⵙⴰⵜⵉ ⴰⴷ, ⵉⵖⵜⵙ ⵓⵙⵇⵇⵉⵎ ⴰⴷ ⵉⴼⴽ 500 ⵏ ⵉⴼⴹⵏ ⵏ ⵉⴷ ⴷⵔⵀⵎ ⵉ ⵜⴼⵏⵉⵇⵜ ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵉⴷⵔⵉⵣⵏ ⵏⵏⵉ ⴷ ⵉⴼⵍ ⵓⵏⴷⵓⴷⵉ (ⵜⴰⴼⵏⵉⵇⵜ 126). ⵎⴽⴷⴰ ⵜⵙⵙⵓⵜⵔ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵏⵏⵉ ⵉⵖⵜⵙⵏ ⴰⴷ ⵜⴼⴽ ⵜⵉⵖⵕⴰⴹ ⵏ ⵢⴰⵏ ⵡⴰⵢⵢⵓⵔ ⵙⴳ ⵜⵖⵕⴰⴹ ⵏⵏⵙ ⵉ ⵜⴼⵏⵉⵇⵜ ⴰⴷ, ⵉⴳⵎⴰⵎⵏ ⴷ ⵉⵎⵙⵖⴰⵏⵏ ⵏ ⵓⵙⵇⵇⵉⵎ ⴰⴷ ⴷⵔⵓⵏ ⴳ ⵜⵎⵀⵍⵜ ⴰⴷ ⵜⴰⵏⴱⴷⴰⴷⵜ ⴷ ⵜⴷⵔⴰⵡⵜ ⴳ ⵜⴼⵏⵉⵇⵜ 126, ⴽⵓ ⵢⴰⵏ ⵙ ⵓⵢⵏⵏⴰ ⵎⵉ ⵉⵖⵉ. ⵔⴰⴷ ⵏⵉⵜ ⵉⵇⴰⵎⴰ ⵓⵙⵇⵇⵉⵎ ⵉⴹⴼⵕ ⵜⵉⵙⵏⵜⴰⵢⵉⵏ ⵜⵉⵎⵔⵙⴰⵍⵉⵏ ⴷ ⵜⴰⵔ ⵜⵉⵎⵔⵙⴰⵍⵉⵏ ⴳ ⵓⵙⵡⵓⴷⴷⵓ ⵏ ⵉⴷⵔⵉⵣⵏ ⵏ ⵓⵄⴷⵔⵉⵇ ⴰⴷ ⴰⴳⴰⵎⴰⵏ ⵙ ⵉⵜⵙⵏⵜ ⵜⵙⵏⵜⴰⵢⵉⵏ ⵜⵉⵎⴰⵏⴰⵡⵉⵏ ⴳ ⵎⴰⴷ ⴷ ⵉⴷⴷⴰⵏ.