ⵙ ⵜⵖⵓⵔⵉ ⵏ ⵜⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⵜⵎⵜⵜⴰ ⵉⵎⵓⵏⵏ, ⵉⴷⵔⵓ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵓⵙⵙⴰⵏ ⵏ 1 ⴷ2 ⵛⵓⵜⴰⵏⴱⵉⵔ 2022 ⴳ ⵊⵓⵏⵉⴼ, ⴳ ⵢⴰⵜ ⵜⵙⴰⵡⵔⵜ ⵏ ⵉⵎⵓⵣⴰⵢⵏ ⵅⴼ ⵢⵉⵡⵍ ⵓⵛⵛⵉⵍ ⵏ ⵡⴰⵣⵣⴰⵏⵏ, ⴳ ⵓⵙⵉⴷⴷ ⵏ ⵜⵡⵓⵔⵉ ⵏ ⵓⵙⵇⵇⵉⵎ ⴳ ⵓⵎⵏⵉⴷ ⴰⴷ. ⵜⴻⵜⵜⵓⴳⴰ ⵜⴰⵙⴰⵡⵔⵜ ⵏ ⵉⵎⵓⵣⴰⵢⵏ ⵙ ⵜⵓⵜⵜⵔⴰ ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵉⵎⵓⵏⵏ ⵙ ⵓⵎⵙⴰⵙⴰ ⴰⴽⴷ ⵜⵖⵜⴰⵙⵜ ⵏⵏⵙ 48/6. ⵙ ⵜⵎⵍⴷⴰ ⴰⴷ, ⵜⵙⵎⵏⵉⴷ ⵎⴰⵙⵙⴰ ⵎⴰⵍⵉⴽⴰ ⴱⵏ ⵕⵕⴰⴹⵉ, ⵜⴰⴳⵎⴰⵎⵜ ⵏ ⵓⵙⵇⵇⵉⵎ/ⵉⵎⵉⵙ ⴰⵏⴰⵎⵓⵔ ⵏ ⵓⵙⵎⴰⵎⵎⵉ ⵏ ⵡⴰⵣⵣⴰⵏⵏ ⵓⵏⴳⵉⵙⵏ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏⵏⵙⵏ, ⵜⴰⵡⵓⵔⵉ ⵏⵏⴰ ⵉⵜⵜⴳⴳⴰ ⵓⵙⵇⵇⵉⵎ ⵅⴼ ⵢⵉⵡⵍ ⵏ ⵓⵎⵥⵉⵢⵏ ⴷ ⵜⵙⵜⵔⴰⵜⵉⵊⵉⵜ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵢⵉⵡⵍ ⵏ ⵡⴰⵣⵣⴰⵏⵏ ⴳ ⵍⵎⵖⵔⵉⴱ ⵏⵏⴰ ⵉⴱⴷⴷⵏ ⵅⴼ ⵜⵓⵙⵙⵏⴰ ⵏ ⵜⵓⵎⴰⵏⵜ, ⴰⵙⴼⵔⴽ ⵙⵉⵔⵙ ⴷ ⵓⵏⵄⴰⵕ ⴼⵍⵍⴰⵙ. ⵍⵍⵉⵖ ⵜⵙⵎⵏⵉⴷ ⵉⴳⵉⵜⵏ ⵏ ⵓⵙⵇⵇⵉⵎ ⵅⴼ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵜⵓⵎⴰⵏⵜ ⴰⴷ ⴳ ⵍⵎⵖⵔⵉⴱ, ⵜⵙⵙⴽⵜⵉ ⵎⴰⵙⵙⴰ ⴱⵏ ⵕⵕⴰⴹⵉ ⵙ:

• ⵉⴳⵉ ⵏ ⵢⴰⵏ ⵓⵎⵣⵉⵣⵣⵍ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵜⵡⵜⵎⵉⵏ ⴷ ⵜⵔⴱⴰⵜⵉⵏ, ⵙⴳ 25 ⵏⵓⵡⴰⵏⴱⵉⵔ 2021 ⴰⵔ 25 ⵏⵓⵡⴰⵏⴱⵉⵔ 2022;
• ⵉⴳⵉ, ⵏⴳⵔ 2020-2021, ⵏ ⵢⴰⵏ ⵓⵏⵎⵎⴰⵍ ⵅⴼ ⵉⵣⵔⴼⴰⵏ ⵉⵡⵙⵢⴰⵏⵏ ⴷ ⵜⴷⵓⵙⵉ ⵏ ⵜⴰⵔⵡⴰ ⵏ ⵜⵡⵜⵎⵉⵏ, ⴳ ⵓⵙⴰⵜⵉ ⵏ ⵜⵎⴷⵔⴰⵡⵜ ⴰⴽⴷ ⵜⴼⵏⵉⵇⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵉⵎⵣⴷⴰⵖⵏ;
• ⴰⵙⵏⵎⴰⵍⴰ ⵏ ⵢⴰⵏ ⵓⵎⵣⵉⵣⵣⵍ ⵏ ⵓⵙⴼⵔⴽ ⴳ 2019 ⵢⵓⵙⵉⵏ ⵙ ⵡⴰⵙⵙⴰⵖ "ⵉⵡⵍ ⵏ ⵓⵎⵥⵉⵢⵏ, ⵜⵓⵙⵙⵔⴰ ⵏ ⵓⵥⵍⴰⵢ... ⴰⵙⵕⵚⵚⴰ ⵏ ⵓⵍⵓⴳⵏ";
• ⴰⴱⵟⵟⵓ ⵏ ⵓⵙⵇⵇⵉⵎ ⵜⵉⵎⵙⴽⵔⵉⵏ ⵜⵉⵎⵓⴼⴰⵢⵉⵏ ⴰⴽⴷ ⵉⵎⴷⵔⴰⵡⵏ ⵏⵏⵙ (ⵜⴰⴼⵏⵉⵇⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵡⴰⵣⵣⴰⵏⵏ "ⵢⵓⵏⵉⵙⵉⴼ", ⵜⴰⴼⵏⵉⵇⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵉⵎⵣⴷⴰⵖⵏ, ⵜⴰⵎⴰⴷⴷⴰⵙⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵜⵡⵜⵎⵉⵏ, ⴰⵙⴰⴹⴰⴼ ⴰⵏⴰⵎⵓⵔ ⵏ ⵜⴳⵎⵉ ⵜⴰⵏⴼⴳⴰⵏⵜ, ⵉⵎⴳⴳⴰⵢⵏ ⵏ ⵡⴰⵎⵓⵏ ⵓⵖⵔⵉⵎ, ⴷ ⵓⴳⴳⴰⵔ) ⴳ ⵓⵙⵉⴷⴷ ⵏ ⵓⵏⵖⴰⵍ ⵏ ⵓⵎⴹⴰⴽⴰⵕ ⵏ ⵓⵙⴳⵓⵎ ⴰⴷ ⴷ ⵓⵙⴱⵓⵖⵍⵓ ⵏ ⵉⵔⵣⵣⵓⵜⵏ ⵅⴼ ⵓⵙⵇⵙⵉ ⴰⴷ;
• ⵜⴰⴷⵔⴰⵡⵜ ⴳ ⵓⵎⵛⴰⵡⴰⵕ ⵡⵉⵙ ⵙⵉⵏ ⴳ ⵜⵎⵏⴰⴹⵜ ⵏ ⵓⴳⵎⵎⵓⴹ ⵏ ⵡⴰⵎⵎⴰⵙ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ (ⵎⵉⵏⴰ) ⵅⴼ ⵢⵉⵡⵍ ⵏ ⵜⵎⵥⵉ ⴳ ⵄⵎⵎⴰⵏ, ⴳ 2018, ⵏⵏⴰ ⵉⵙⵏⵎⴰⵍⴰ ⵓⵙⵉⵔⴰ ⴰⵏⵎⵏⴰⴹ ⵉⵙⵙⴰⵔⵏ ⵏ ⵜⴼⵏⵉⵇⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵉⵎⵣⴷⴰⵖⵏ ⴷ ⵜⴼⵏⵉⵇⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵜⵎⵥⵉ;

ⵉⵙⵉⵡⵍ ⵓⵙⵇⵇⵉⵎ ⴰⵡⴷ ⵙ ⵜⵎⵍⴷⴰ ⴰⴷ ⵅⴼ ⵉⵙⵖⵍⴰⴼ ⵏⵏⵙ ⵣⴷⵉⵏⵉⵏ ⵙ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵢⵉⵡⵍ ⵏ ⵡⴰⵣⵣⴰⵏⵏ ⵉⴱⴷⴷⵏ ⵙ ⵓⵥⵍⴰⵢ ⵅⴼ ⵉⵙⴰⵖⵓⵍⵏ ⵉⵖⵣⵓⵔⴰⵏⵏ (ⵜⴰⵎⵢⴰⵇⵇⴰⵏⵜ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏⵏ ⴷ ⵜⵎⵢⴰⵇⵇⴰⵏⵜ ⵏ ⵜⵓⴽⴽⵙⴰ ⵏ ⵇⴰⵃ ⵜⵡⵉⵍⴰⵜⵉⵏ ⵏ ⵓⵙⵏⵓⵃⵢⵓ ⵎⴳⴰⵍ ⵜⵡⵜⵎⵉⵏ. ⵙⴳ ⵉⵙⵖⵍⴰⴼⵏ ⴰⴷ ⵣⴷⵉⵏⵉⵏ ⵙ ⴽⵉⴳⴰⵏ ⵏ ⵢⵉⴳⵔⴰⵏ:

• ⴰⵙⴱⴷⴷⵉ ⵏ ⵥⵥⵍⴹ ⴷ ⵓⵍⵎⴰⴹ ⵏ ⵜⵡⵊⵉⵡⵉⵏ ⵥⵍⴹⵏⵉⵏ ⵏⵏⴰ ⵎⵉ ⴼⴼⵖⵏ ⵡⴰⵣⵣⴰⵏⵏ, ⵍⵓⵎⵎⵏ ⵜⵉⵔⴱⴰⵜⵉⵏ, ⵙⴳ ⵜⵉⵏⵎⵍ ⵉⴷⴷⵖ ⴷⵔⵓⵙⵏ ⵉⵎⴰⵙⵙⵏ ⴷ ⵏⵏⴰ ⵉⵜⵜⴰⵡⵍⵏ ⴱⴰⵀⵔⴰ ⴷⴰⵜ ⴰⵡⵜⴰⵢ ⵏ 18 ⵏ ⵓⵙⴳⴳⵯⴰⵙ;
• ⴰⴱⵓⵖⵍⵓ ⵏ ⵉⵙⵎⵓⵜⵜⴳⵏ ⴷ ⵉⵎⵓⵙⵙⵓⵜⵏ ⴷ ⵉⵜⵜⵔⴰⵔⴰⵏ ⵜⵉⵏⵓⴷⴰⴼ ⵉ ⵜⵔⴱⴰⵜⵉⵏ ⴼⴼⵖⵏⵉⵏ ⵙⴳ ⵜⵉⵏⵎⵍ ⵅⴼ ⵜⴷⵔⵙⵉ ⵏ ⵉⵎⴰⵙⵙⵏ ⴰⴼⴰⴷ ⴰⴷ ⵜⵜⵓⵙⵉⵎⴰⵏⵏⵜ ⴳ ⵓⵙⵡⵉⵔ ⴰⵥⵕⴼⴰⵏ;
• ⴰⵣⵣⵔⴰⵢ ⵅⴼ ⵉⴹⵕⵉⵚⵏ ⵓⵍⴳⵉⵏⵏ ⵉⵏⴰⵎⵓⵔⵏⵏ, ⵍⵓⵎⵎⵏ ⵉⵙⴱⴷⴰⴷⵏ ⵏ ⵓⵙⵍⴳⵏ ⵏ ⵜⵡⵊⴰ ⵉⵙⵏⵓⵃⵢⵓⵏ ⵎⴳⴰⵍ ⵜⵡⵜⵎⵉⵏ ⴷ ⵜⵔⴱⴰⵜⵉⵏ;
• ⴰⵙⵎⵓⵜⵜⴳ ⵏ ⵉⵎⵏⴱⴰⴹⵏ ⵉⵜⵜⴰⵡⵙⵏ ⵅⴼ ⵓⵏⴱⴹ ⵙ ⵡⴰⵏⵏⴰⵍ ⵅⴼ ⵏ ⵉⵙⴰⵖⵓⵍⵏ ⵉⵖⵣⵓⵔⴰⵏⵏ ⵍⵓⵎⵎⵏ ⵜⴰⵎⵢⴰⵇⵇⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵡⴰⵣⵣⴰⵏ ⴰⴼⴰⴷ ⴰⴷ ⵜⵜⵡⴰⴳⵉ ⴽⵔⴰⵢⴳⴰⵜ ⵜⵓⵜⵜⵔⴰ ⵏ ⵢⵉⵡⵍ ⵏ (ⵜ)ⵡⴰⵣⵣⴰⵏ(ⵜ) ⵏ ⴷⴷⴰⵡ 18 ⵏ ⵓⵙⴳⴳⵯⴰⵙ...

ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⴷ ⴰⵙⵓⵖⴷ ⵏ ⵜⵙⴰⵡⵔⵜ ⴰⴷ ⵏ ⵉⵎⵓⵣⴰⵢⵏ ⵏⵜⵜⴰⵏ ⴷ ⵓⵡⴰⴹ ⵏ ⵓⵔⵎⴰⵙ ⵏ ⵓⵔⵎⵎⵓⵙ ⵏ ⵢⵉⵡⵍ ⵓⵛⵛⵉⵍ, ⵜⵉⵎⵉⵜⴰⵔ ⵏⵏⵙ ⴳ ⵜⵓⴳⵜ ⵏ ⵜⵙⴳⴳⵯⵉⵏ ⵏ ⵓⵎⴰⴹⴰⵍ ⴷ ⵓⵙⵉⵡⵍ ⵅⴼ ⵜⵎⵙⵍⴰⵢⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵣⴷⵉⵏⵉⵏ ⵙ ⵓⵎⵏⴰⴹ ⵏ ⵢⵉⵡⵍ ⵓⵛⵛⵉⵍ, ⵙ ⵓⵎⵢⴰⵙⵙⴰ ⴰⴽⴷ ⵓⵣⵔⴼ ⵏ ⵢⵉⵡⵍ, ⵉⵣⵔⴼⴰⵏ ⴳ ⵢⵉⵡⵍ ⴷ ⵣⴷⴷⵓ. ⵎⴽⴷⴰ ⵜⵎⴹⴰⴽⴰⵕ ⵜⵙⴰⵡⵔⵜ ⵏ ⵉⵎⵓⵣⴰⵢⵏ ⵜⵉⵙⵜⵔⴰⵜⵉⵊⵉⵢⵉⵏ ⵏ ⵓⴳⴳⴰⵏⵏⵉ ⵏ ⵢⵉⵡⵍⵏ ⵓⵛⵛⵉⵍⵏ, ⴰⴼⵔⴰⴳ ⵏ ⵜⵡⵜⵎⵉⵏ ⴷ ⵜⵔⴱⴰⵜⵉⵏ ⵏⵜⴰⵢⵏⵉⵏ ⴷ ⵓⵙⵔⵓⵙ ⵏ ⵜⵎⴳⴳⵉⵜⵉⵏ ⵏ ⵜⵎⴰⵙⵙⴰⵢⵜ.